Myanmar Monk Student Association

၁၉၀၀ ပြည့်နှစ်များဆီက ဂျွန်အဲလ်ဖလက် ၀က်တ်ကင်စ် ဆိုသူက လေဒီစ်ဟုမ်း ဂျာနယ်မှာ ၂၁ ရာစု လူသားတွေရဲ့ ဘ၀နဲ့သက်ဆိုင်တဲ့ ကြိုတင်ခန့်မှန်းချက်တွေကို အခန်းဆက် ရေးသားခဲ့ပါတယ်။
အဲဒီ မြောက်မြားလှတဲ့ ခန့်မှန်းချက်တွေထဲမှာ အနာဂတ် ကလေးတွေရဲ့ပညာရေးက ဘယ်လိုဖြစ်လာမှာလဲ ဆိုတာလည်း ပါဝင်ပါတယ်။
သူ့ရဲ့ခန့်မှန်းချက်တွေထဲမှာ "တက္ကသိုလ်ပညာရေးဟာ လူတိုင်းအတွက် အခမဲ့ ဖြစ်ပါလိမ့်မယ်တဲ့။ အမျိုးသား တက္ကသိုလ်ကြီးတွေ များစွာပေါ်ပေါက်လာပါလိမ့်မယ်။ ကလေးတွေဟာ အခြေခံအင်္ဂလိပ်သဒ္ဒါကို လွယ်ကူရှင်းလင်းစွာ သင်ကြားခွင့်ရလိမ့်မယ်။ အုပ်စုဖွဲ့ သင်ယူမှုတွေနဲ့ အချိန်ကုန်သက်သာမှုတွေ ရှိလာပါလိမ့်မယ်။
ဆင်းရဲတဲ့ကလေးတွေဟာ ကျောက်သင်ပုန်း ၊ အ၀တ်အစား ၊ စာအုပ်တွေကို အခမဲ့ ရရှိပါလိမ့်မယ်။ ထူးချွန်ပြီး အမှန်တကယ် မတတ်နိုင်တဲ့ ကလေးတွေအတွက် သူတို့ရဲ့ ကျောင်းလခတွေကိုလည်း အစိုးရက ပံ့ပိုးပေးပါလိမ့်မယ်။ ဆရာဝန်တွေကလည်း အစိုးရကျောင်းတွေက ပုံမှန်လာရောက်ပြီးတော့ ဆင်းရဲတဲ့ ကလေးတွေကို ကျန်းမာရေးဆိုင်ရာ စောင့်ရှောက်မှုတွေကိုလာရောက် စစ်ဆေးကာ လိုအပ်တာတွေကို ပံ့ပိုးပါလိမ့်မယ်။
အရမ်းဆင်းရဲတဲ့ ကလေးတွေအတွက် လိုအပ်ရင် ကျောင်းနဲ့ အိမ်ကို အခမဲ့ ကြိုပို့ပေးတဲ့အပြင် သင်ခန်းစာအတွင်း နေ့လည်စာကိုလည်း အခမဲ့ ရရှိပါလိမ့်မယ်။ အပန်းဖြေခရီးထွက်တဲ့ အချိန်တွေဆိုရင် ကလေးတွေကို ကမ္ဘာအနှံ့အလည် ပို့ပေးပါလိမ့်မယ် ။ ကျင့်ဝတ်နဲ့ အိမ်တွင်းမှုဆိုင်ရာ ပညာရပ်တွေကို အရေးကြီးတဲ့ သင်ခန်းစာတွေအဖြစ် ကျောင်းတွေမှာ သင်ကြားကြပါလိမ့်မယ်" ဆိုတဲ့ ခန့်မှန်းချက်တွေပါပဲ။
မြန်မာနိုင်ငံမှာတော့ စစ်အစိုးရဟာ နိုင်ငံတော်ဘတ်ဂျက်ရဲ့ ၁.၂ ရာခိုင်နှုန်းကိုသာ ပညာရေးအတွက် သုံးတယ်လို့ မကြာခင်က အစီရင်ခံစာတွေအရ သိရှိရပါတယ်။ ဒါဟာ မြန်မာနိုင်ငံရဲ့ ပညာရေးအခြေအနေကို အရှေ့တောင်အာရှမှာ ဖွံ့ဖြိုးမှုအနည်းဆုံး နိုင်ငံတစ်နိုင်ငံဖြစ်အောင် တွန်းပို့နေတာ ဖြစ်ပါတယ်။
ယူနီဆက်ဖ် ရဲ့ အစီရင်ခံစာတစ်ခုအရဆိုရင် မြန်မာနိုင်ငံရှိ ကလေး ၁၀ ယောက်မှာ ၃ ယောက်ဟာ ကျောင်းလုံးဝ တက်ခွင့်မရခဲ့ပါဘူး။ ကျောင်းနေအရွယ် ကလေးငယ်တွေရဲ့ ၄၀ ရာခိုင်နှုန်းဟာ မူလတန်း ပညာရေးကို တက်ရောက်ခွင့် မရကြပါဘူး။ ၂၆ ရာခိုင်နှုန်းသော မိဘတွေဟာ ကလေးတွေကို ကျောင်းထားဖို့အတွက် ငွေကြေး မတတ်နိုင်ကြပါဘူး။
နောက် ကျောင်းတက်ခွင့်ရတဲ့ ကလေးတွေရဲ့ ၆၀ ရာခိုင်နှုန်းဟာလည်း ပညာရေးကို ဆုံးခန်းမတိုင်ခဲ့ကြပါဘူး။ တက္ကသိုလ်ဝင်တန်း အောင်မြင်ပြီးရင်လည်း လွတ်လပ်စွာ ရွေးချယ်ခွင့် မရှိပါဘူး။ ကျောင်းသားတွေဟာ တက္ကသိုလ်ဝင်တန်းမှာ ရရှိခဲ့တဲ့ အမှတ်တွေအရ သူတို့ စိတ်ဝင်စားသည်ဖြစ်စေ မ၀င်စားသည်ဖြစ်စေ တက္ကသိုလ်မှာ အထူးပြုဘာသာရပ်ကို ယူကြရပါတယ်။
ပြည်တွင်းစစ်နဲ့ ပဋိပက္ခတွေကလည်း ပညာရေးကို နှောင့်နှေးအောင် ဖန်တီးနေပြန်ပါတယ်။ တိုင်းရင်းသား ဒေသတွေမှာ ကလေးတွေနဲ့ ဆရာတွေဟာ တိုက်ပွဲတွေရဲ့ လွတ်ရာကို ထွက်ပြေးကြရပါတယ်။ ကျောင်းဆရာတွေ ဆိုတာလည်း လခတွေ ပုံမှန် မရကြပါဘူး။
နောက် မြန်မာနိုင်ငံရဲ့ ပြသနာကြီးတစ်ခုက ဦးနှောက်ယိုစီးမှုပါပဲ။ အထူးသဖြင့် ပညာတတ်တွေဟာ နိုင်ငံရဲ့ နိုင်ငံရေးပြသနာကို အစိုးရရဲ့ ကိုင်တွယ်ပုံ ညံ့ဖျင်းလှတဲ့အတွက် ဝေဖန်ထောက်ပြရင်း တပ်မတော်ရဲ့ ဖိနှိပ်မှုကို ရှောင်ရှားနိုင်ဖို့ ပြည်ပကို ထွက်လာကြပြီး တတိယနိုင်ငံတွေမှာ ပြန်လည်အခြေချဖို့ ကြိုးစားလာကြပြန်ပါတယ်။
ဒါတွေဟာ လူသားဆိုင်ရာ အရင်းအနှီးအတွက် နစ်နာလှပါတယ်။ ဒီနစ်နာမှုတွေဟာ ကာလကြာရှည်လေ ပိုမိုဆိုးဝါးလာလေ ဖြစ်မှာပါ။ ဘာလို့လဲဆိုတော့ မျိုးဆက်အချင်းချင်းကြားမှာ ယိုစီးမှုတွေ ရှိလာလို့ပါပဲ။
အထက်က ပြောခဲ့တဲ့ ၀က်တ်ကင်စ်ရဲ့ ခန့်မှန်းချက်တွေဟာ မြန်မာနိုင်ငံအတွက်တော့ တက်တက်စင်အောင် လွဲနေပါတော့တယ်။ အမေရိကန်ပြည်ထောင်စုနဲ့ အခြားဖွံ့ဖြိုးပြီး နိုင်ငံများအတွက်တော့ ဒါတွေဟာ မှန်သင့်သလောက် မှန်ပါလိမ့်မယ်။
သို့သော် အမေရိကန် ပညာရှင်တစ်ဦးက "ကျွန်တော်တို့မှာ အခုဆိုရင် အမျိုးသားတက္ကသိုလ်တွေ ရှိနေပါပြီ။ ကျောင်းသားလေးတွေဟာလည်း အခုဆိုရင် လာတင် ဘာသာစကားကို မသင်မနေရဆိုပြီး မသင်ရတော့ပါဘူး။ ၀င်ငွေနည်းတဲ့ မိသားစုကလာတဲ့ ကလေးတွေအတွက် အချို့သော ခရိုင်တွေမှာ အခုဆိုရင် အခမဲ့ မနက်စာ နေ့လည်စာတွေအပြင် အကြိုအပို့ကိုလည်း ပံ့ပိုးနေပါပြီ"
"ဒါပေမဲ့ ၀က်တ်ကင်စ်ရဲ့ အခြားသော ခန့်မှန်းချက်တွေဟာ လုံးဝကို မှားယွင်းနေပါတယ်။ ဒီနေ့ရက်တွေမှာ ဘယ်သူမှ အိမ်ထောင်ထိန်းသိမ်းမှုနဲ့ ပတ်သက်ပြီးကျောင်းမှာ သင်ဖို့ ပြောကြားတာတွေ မရှိသေးပါဘူး။ ချို့တဲ့တဲ့ ကျောင်းသားလေးတွေဟာ မျက်စိနဲ့ သွားဘက်ဆိုင်ရာ အထောက်အပံ့တွေကို အပြည့်အ၀ မရသေးပါဘူး။ ဒါ့အပြင် ကျောင်းသားလေးတွေဟာလည်း နွေရာသီအားလပ်ရက်တွေမှာ ကမ္ဘာအနှံ့အပြားကို လည်ပတ်ခွင့် မရသေးပါဘူး။ တက္ကသိုလ်တွေ ရှိပေမယ့်လည်း ဒါတွေဟာအခမဲ့ မဟုတ်သေးပါဘူး" လို့ သူက ဆိုပါတယ်။
မြန်မာနိုင်ငံမှာရော ဘယ်အချိန်များမှ ကလေးတွေအားလုံး ကျောင်းတက်နိုင်မလဲ။ ဘယ်အချိန်မှများ ကလေးလေးတွေဟာ ငြိမ်းချမ်းစွာ အပူအပင်ကင်းစွာနဲ့ ပညာသင်ကြားနိုင်မှာလဲ။ ဘယ်အချိန်များကျမှ တက္ကသိုလ် ပညာရေးဟာ နိုင်ငံတကာမှာ ပြန်လည်ဝင်ဆန့်မှာလဲ။ ဒီမေးခွန်းတွေကို ဘယ်အချိန်မှာမှ အဖြေတွေ့ကြမှာလဲ...။
သုခသခင်
Ref : http://curriculumproject.org/education-in-burma
http://www.howtobearetronaut.com/2011/07/what-may-happen-in-the-next-hundred-years-c-1900/
http://www.good.is/post/what-will-education-be-like-in-100-years/