ထေရ၀ါဒဗုဒ္ဓဘာသာ၏ ရည်ရွယ်ချက်ပန်းတိုင်ကား မဂ်ဥာဏ် ၊ ဖိုလ်ဥာဏ်ကိုရကာ နိဗ္ဗာန်ကို မျက်မှောက်ပြုရေးပင် ဖြစ်ပါ၏ ။ လောက၌ ဘုရားပွင့်တော်မူခြင်းကလည်း ၄င်းရည်ရွယ်ချက်ကြောင့်ပင်ဖြစ်၏ ။ ထို့ကြောင့်လည်း စလင်းကန်လယ်ဆရာတော်ဘုရားကြီးက…… " အိုလူများတို့ ၊ ဘုရားသခင်နှင့် ကိုယ်တိုင်မတွေ့လိုက်ကြရ၍ဘာ ၀မ်းနည်းစရာရှိသလဲ ၊ ယခုအခါ ဓမ္မက္ခန္ဓာ ဘုရားတွေအများကြီး ရှိသေး၏ ။ကံ ၊ ပါရမီရှိလျှင် ရလိမ့်မည်ဟူ၍သာ အေးစက်စက်နေကြလျှင် အများကြီးနစ်နာကြလိမ့်မည် ။ စာမတက်လို့ ဘာမတက်လို့ လဲမလုပ်ကြပါနှင့် ၊ဆရာကောင်းနှင့်တွေ့လျှင် ရနိူင်ပါသည် ။ သို့အတွက် အိုလူများတို့ ၊ ယခုအခါ ကံ ပါရမီကိုမေးရန် မလိုပါ ။ ရှင်ဘုရင်သားဖြစ်ပြီးအိမ်ရှေ့မင်းသားသည် ရှင်ဘုရင်ဖြစ်ရန် ဗေဒင်မေးဖို့မလိုပါ ။မုတ်ဆိတ်ပျားစွဲသူသည် တခြားသွားပြီးပျားဖွတ်ရန်မလို ၊ရန်သူဝိုင်းထားခံရသူသည် ထွက်ပေါက်သိလျက်နဲ့ မထွက်သော် ၊ ကံပါရမီချဖွယ်မလို ၊ အညစ်အကြေးလူးသူသည် ရေစင်ရှိလျက်မဆေးသော်ရေ၌အပြစ်ဆိုဖွယ်ရာမလို ၊ မိမိကသာဖျင်းလို့ ၊ အ လို့ န လို့ ဖြစ်သည် ။ အသေနည်းသေးတယ်လို့သာ ဆိုဖွယ်ကောင်းတော့၏ ။ကြောက်ကြ ၊ လန့်ကြ ၊ ထိတ်ကြ ၊ အိုလူများတို့ ၊ သို့အတွက် တရားအားထုတ်ကြပါကုန်လော့ ။ " ..... ဟူ၍ မဂ်ဥာဏ် ဖိုလ်ဥာဏ်ရကြောင်းလမ်းဖြစ်သည့် ၀ိပဿနာတရားကို အားထုတ်ကြရန် အရေးတကြီး တိုက်တွန်းတော်မူခဲ့ပါသည် ။ မဂ်ဥာဏ် ၊ ဖိုလ်ဥာဏ်ရဖို့ အားထုတ်ခြင်းမှာ ရလာသော လူ့ဘ၀မှ အနှစ်သာရထုတ်ခြင်းတစ်ခုပင် ဖြစ်၏ ။ ထိုကဲ့သို့ အနှစ်သာရထုတ်ချင်လာဖို့ရန် ရှေးဦးစွာ လူ့ဘ၀တန်ဖိုး ၊ ဗုဒ္ဓဘာသာဖြစ်ရခြင်း၏ တန်ဖိုးတို့ကို သိရန်လိုအပ်ပါသည် ။ Tuesday, September 9, 2008 ( စိုးသူဟိန်း တင်ထားတဲ့ ဆရာတော် အရှင်ဇ၀နရဲ့ တရားတော်ကို ထပ်ဆင့်တင်ပါသည်..။ ) Goal of Theravada Buddhist (ထေရ၀ါဒ ဗုဒ္ဓဘာသာ၏ ရည်ရွယ်ချက် ) by Soe Thu Hein (စိုးသူဟိန်း )

ထေရ၀ါဒဗုဒ္ဓဘာသာ နှင့်သက်ဆိုင်သော ဓမ္မမှတ်စုများ

ညှီနံ့တထောင်းထောင်းနဲ့နိုးထ

မဋ္ဌကုဏ္ဍလီ သည် အိမ်ပြင် ညောင်စောင်း ထက်၌ လဲလျောင်း နေသည်။ စင်စစ် လဲလျောင်း နေသည် ဟူသည် မှာလည်း မည်ကာ မတ္တ မျှသာ ဖြစ်၏။ ကိုယ်ခန္ဓာ တစ်ခု ညောင်စောင်း ပေါ်တွင် ပုံကျ နေသည် ဟု ဆိုနိုင် ရုံမျှသာ ဖြစ်သည်။ ၀ါထိန် ခြောက်သွေ့ နေသော မျက်လုံးများ ရံဖန် ရံခါ လှုပ်ခတ် သွားသည် ကလွဲ၍ သူ၏ တစ်ကိုယ်လုံး သည် ငြိမ်သက် လျက် ရှိသည်။ မဋ္ဌကုဏ္ဍလီ သည် ခေါင်းကို ကြိုးစား လှုပ်ကြည့် သည်။ လှုပ်၍ မရ ။ ခြေလက် များကို လှုပ်ကြည့် ဖို့ ကြိုးစားသည်။ လှုပ်၍ မရ။ ဆီးဝမ်း များ ထွက်ကျ၍ အညစ်အကြေး အမျိုးမျိုး တို့ ကလည်း အိုင်ထွန်း နေသည်။ သုတ်သင် ၍ မရ။ ယင် တစ်သိုက် က ခန္ဓာကိုယ် အနှံ့ ဆင်းတက် ကျက်စား နေသည်။ ခြောက်ထုတ် ၍ မရ။

မှတ်ချက်။ အာစိဏ္ဍကံ၌ ဏကြီး နှစ်လုံးဆင့် ရှာ၍ မရသဖြင့် ဍရင်ကောက် ဆင့်ထား ရသည်။ သည်းခံ ကြပါ ခင်ဗျာ။

ကိုးကား
ယမက၀ဂ်-မဋ္ဌကုဏ္ဍလီ-ရေးသူ ဦးရွှေအောင်
ဝေဒနာ နုပဿနာတရားတော် -မဟာစည်ဆရာတော်

.....................

အလှတရား ဘလော့မှ

လောက ကို ခံစားချက် က လွှမ်းမိုး၍ လောကုတ္တရာ ကို ပညာက လွှမ်းမိုးသည်။ သတ္တ၀ါ တို့သည် ခံစားချက် သို့မဟုတ် ပညာက ပေးသော အတွေးအမြင် နှင့် ဘ၀ကို လျှောက်လှမ်း ရခြင်း ဖြစ်၏။ အတွေး နှင့် အမြင် သည်ကား ဘ၀၏ လမ်းပြ များတည်း။

ကိုးကား
ဓမ္မပဒ-ဦးရွှေအောင်
http://www.lknt4.blogspot.com/


.....................

အလှတရား ဘလော့မှ

တိဿ မထေရ် သည် မြတ်စွာ ဘုရားအား တိုင်ကြားနေ၏။ တိုင်ကြားသည် ဆိုသော် လည်း အမှန်မှာ မှားယွင်း သူက မိမိ ကိုယ်တိုင် ဖြစ်နေ၏။

ကိုးကား
တိဿမထေရ်(ယမက၀ဂ်) -ဦးရွှေအောင်
ပုရာဘေဒသုတ်တရားတော်-မဟာစည်ဆရာတော်


.....................

အလှတရား ဘလော့မှ

ဗုဒ္ဓ မပွင့်မီ လူ့ ယဉ်ကျေးမှု သမိုင်းတွင် ၀ါဒ နှစ်ရပ် ကသာ လွှမ်းမိုး ခြယ်လှယ် ထားသည် ကို တွေ့ရ သည်။

ကိုးကား
ဥာဏ် လမ်းပေါ်လျှောက် လူတစ်ယောက် အကြောင်း- ဦးဆန်းလွင်
ဥပေက္ခာ အ၀န်းအ၀ိုင်း- မြသန်းစံ

.....................

အလှတရား ဘလော့မှ

ရေကန် ကို မြင် သော အခါ ဓားပြ သည် ပစ္စည်းဝှက် ရမည့် နေရာကို မြင်သည်။ တံငါသည် ငါးဖမ်း ကောင်းမည့် နေရာကို မြင်သည်။ မုဆိုးသည် သားကောင် ရေသောက်ဆင်း မည့်နေရာ ကို မြင်သည်။ ဤအမြင်များ ကို လောက အမြင်များ ဟု ခေါ်သည်။ မိမိ စွဲလန်းရာ အတိုင်း မြင်လေ့ရှိ သဖြင့် ပပဉ္စ အမြင်များ ဟုလည်း ခေါ်သည်။

လောကသား တုိ့ အလိုအားဖြင့် ချမ်းသာသည် ခံစားအပ်သော အရာအဖြစ် မုချရှိ၏။ ချမ်းသာကို ခံစားတတ်သော ငါ၊သူတပါး၊ ယောကျာ်း၊မိန်းမ၊ ပုဂ္ဂိုလ်၊သတ္တ၀ါသည် ရှိ၏။ ထိုအမြင်ကို အခြေခံ၍ လောကသား တို့သည် ချမ်းသာကို တောင့်တကြ၏။ တောင့်တ သည့် ချမ်းသာ ကိုကိုယ်တိုင် ကိုယ်ကျ ခံစားနိုင်ရန်လည်း ရှာဖွေ ကြရသည်။

သူတော်ကောင်း ပုဂ္ဂိုလ် များသည် မိမိတို့ သိထား သော တရားကို ဟောပြော ရာ၌ ထင်ရှား ကျော်ကြား လိုခြင်း၊ ပစ္စည်း ဥစ္စာ ရရှိ လိုခြင်း၊ အခြွေအရံ ပေါများလိုခြင်း စသော အလိုဆိုးမျိုး နှင့် ဟောကြားခြင်း ပြုလေ့မရှိ။ တရားနာ သော ပုဂ္ဂိုလ်များ ချမ်းသာမှု ကို ရစေလို သော မေတ္တာ သက်သက် နှင့်သာ ဟောကြားလေ့ ရှိသည်။ တရားနာ သူများ ဆင်းရဲမှုမှ လွတ်စေလို သော ကရုဏာ သက်သက် နှင့်သာ ဟောကြားလေ့ ရှိသည်။ တရားနာသူ များ၏ ကုသိုလ် တရားများ ကို နှစ်လိုသော မုဒိတာ ဖြင့်သာ ဟောကြားလေ့ ရှိသည်။ တရားနာ သူများအပေါ် မငြိတွယ် မချည်နှောင် သော ဥပေက္ခာဖြင့် သာ ဟောကြားလေ့ ရှိသည်။ ဤကဲ့သို့သော အလိုဆိုး ကင်းတော်မူကြသော သူတော်ကောင်း များနှင့် ပေါင်းဖက် ရ၍လည်း အိုတတ်၊ နာတတ်၊ သေတတ် သော၊ တွေဝေ တတ်သော၊ မှားယွင်းစွာ ကျင့်တတ်သော သတ္တ၀ါများ သည် မအို မနာ မသေရာ မြတ်သော နိဗ္ဗာန် သို့ မျက်မှောက် ပြုနိုင်သည် အထိ ပညာဥာဏ် များ ရင့်ကျက် မြင့်တက် လာနိုင်ခြင်း ဖြစ်သည်။

ကိုးကား
ဓမ္မစကြာတရားတော်- မဟာစည်ဆရာတော်
ဘ၀အကျဉ်းသား-ဦးရွှေအောင်
.....................

အလှတရား ဘလော့မှ

လူတို့၏ မတူကွဲပြားခြားနားခြင်းတွင် အသွင်သဏ္ဍာန်ပိုင်းအရ ခြားနားခြင်းနှင့် အနှစ်သာရပိုင်းအရ ခြားနားခြင်းဟူ၍ နှစ်မျိုးရှိသည်။ အသွင်သဏ္ဍာန်ပိုင်းအရ ခြားနားခြင်း ဟူသည်မှာ လူမျိုး၊ ဘာသာ၊ အသားအရောင်၊ ငွေကြေး၊ ရာထူးဂုဏ်သိန်၊ အခြံအရံ၊ သြဇာအာဏာ စသည်တို့အရ ခြားနားခြင်းမျိုး ဖြစ်သည်။ အနှစ်သာရပိုင်းအရ ခြားနားခြင်းမှာမူ စိတ်နေစိတ်ထားနှင့် ကိုယ်ကျင့်တရားအရာတွင် ခြားနားခြင်း ဖြစ်သည်။

ကိုယ်ကျင့်တရားကို အနှစ်သာရပိုင်းဟူ၍ ဆိုရသော်လည်း မိမိ၏မကောင်းသော ကိုယ်ကျင့်တရားကို ကောင်းသယောင် ဟန်ဆောင် ဖုံးကွယ်တတ်သော၊ မိမိ၏ မရှိသော ဂုဏ်သိက္ခာကို အရှိလုပ်တတ်သော ပုဂ္ဂိုလ်မျိုးလည်း ရှိပါသည်။ ထိုပုဂ္ဂိုလ်တွင် ကိုယ်ကျင့်သိက္ခာနှင့် ပတ်သက်၍ လေးစားချီးကျူးအပ်ဖွယ် တစ်စုံတစ်ရာသည် မရှိသော်လည်း ထိုသူနှင့် စရိုက်၊ ညဉ်တူသော ပတ်ဝန်းကျင်တွင်မူ ထိုသူတို့ ဆောင်ရွက်ချက်အားလုံးကို "မှန်သည်"ဟူ၍ ထင်မြင်တတ်သည်။ ဤအဖြစ်မျိုးကို "ပါရိဘာသိကသစ္စာ" ဟူ၍ ခေါ်ဆိုရ၏။ သူ့အရပ်သူ့ဇာတ် "လက်ဝါးချင်းကိုက်"သော၊ သူ့လူနှင့်သူ"ဟုတ်"သောတရားမျိုး ဟု အနက်အဓိပ္ပါယ် ရနိုင်ကောင်းပါသည်။ ဤသည်မှာ ရှင်ဒေ၀ဒတ်ကို ၀ဇ္ဇီတိုင်းသားများက မှန်သည်ဟူ၍ ထင်မြင်တတ်သည့် အတိုင်းပင် ဖြစ်ပါ၏။

ရှင်ဒေ၀ဒတ်က ဤသို့ထုတ်ပြန် ကြေညာဖူးသည်။

(၁)ရဟန်းအားလုံး တောကျောင်း၌သာ နေကြရန်။
(၂)ရဟန်းအားလုံး ပင့်ဆွမ်းကို လက်မခံဘဲ ဆွမ်းခံ၍သာ ဘုဉ်းပေးရန်။
(၃)ပံသကူသင်္ကန်းကိုသာ သုံးကြရန်။
(၄)သစ်ပင်ရင်း၌သာ သီတင်းသုံးကြရန်။
(၅)သတ်သတ်လွတ်သာ ဘုဉ်းပေးကြရန်။

ဤထုတ်ပြန်ချက်များသည်ကား အသွင်သဏ္ဍာန်အရ ကြည့်လျှင် ကြည်ညိုဖွယ်ရာရှိသော်လည်း အနှစ်သာရပိုင်းအရကြည့်လျှင်မူ တန်ဘိုးမဲ့လေ၏။ အဘယ့်ကြောင့် တန်ဘိုးမဲ့ရသနည်း ဟူမူ ထုတ်ပြန်ကြေညာသူ၏ ကိုယ်ကျင့်တရား မကောင်းမွန်မှုကြောင့် တန်ဘိုးမဲ့ရလေသည်။ ဤကြေညာချက်သည်ကား မရိုးမသားကြံစည်မှု သက်သက်သာ ဖြစ်သည်။ မှန်၏။

ရှင်ဒေ၀ဒတ်၏ နောက်ခံသမိုင်းကို သိကြသူများက ရှင်ဒေ၀ဒတ်၏ နောက်ကွယ်က အကြံအစည်ကို ထွင်းဖောက်၍ မြင်ကြသည်။ မြင်ကြသဖြင့် ကရုဏာသက်ကြသည်။ ပုထုဇဉ်ပညာရှိများကမူ သရော်ပြုံးပြုံးကြသည်။ ရှင်ဒေ၀ဒတ်၏ အကြောင်းကိုလည်း မိမိတို့နီးစပ်ရာပုဂ္ဂိုလ်များအား ဤသို့အကျဉ်းချုပ်ပြောပြကြကုန်သည်။

ရှင်ဒေ၀ဒတ်သည် မြတ်စွာဘုရားကို အနားယူရန်လျှောက်ကြားပြီး သူ့ကို ဘုရား ရာထူးလွှဲအပ်ပေးရန် တောင်းဆိုခဲ့ဖူးသည်။ ဤတောင်းဆိုချက်ကို ကြည့်လျှင် ရှင်ဒေ၀ဒတ်သည် ပုထုဇဉ်စစ်စစ်ကြီးဖြစ်မှန်းသိသာ၏။ စင်စစ် သဗ္ဗညုတဥာဏ်သည် ပေးအပ်၍ရသော တရားမဟုတ်။ ပါရမီဖြည့်မှရသော တရားဖြစ်၏။ အရိယာပုဂ္ဂိုလ်သာဖြစ်လျှင် ဤကဲ့သို့ မအပ်သော အတွေးအကြံများကို တွေးမိမည် မဟုတ်။ မဂ်ဥာဏ်ရအောင် အားထုတ်ရသကဲ့သို့ သဗ္ဗညုတဥာဏ်ရရှိအောင် အားထုတ်ရမည်ဟူ၍သာ နားလည်နိုင်မည် ဖြစ်သည်။

ရှင်ဒေ၀ဒတ်သည် မြတ်စွာဘုရား၏ သဗ္ဗညုတဥာဏ်တော်ကို မယုံကြည်သူ၊ နားမလည်သူလည်း ဖြစ်ကောင်းဖြစ်နိုင်ပါသည်။ သူ၏ဈာန်အဘိဥာဉ်များကို မြတ်စွာဘုရားရှင်၏ သဗ္ဗညုတဥာဏ်နှင့် နှိုင်းယှဉ်ခဲ့သူ ဖြစ်ကောင်းဖြစ်မည်။ အတိုင်းအရှည်ကို မသိခြင်းကား မိုက်မဲသူတို့၏ ဗီဇ ဖြစ်ပါသည်။

ရှင်ဒေ၀ဒတ်သည် ဈာန်အဘိဥာဉ်များ ရခဲ့ဖူးသည် မှန်၏။ သို့ရာတွင် ထိုဈာန်အဘိဥာဉ်များသည် မြတ်စွာဘုရားကိုသတ်၍ ဘုရားရာထူးကို ယူမည်ဟူသော စိတ်ရိုင်းအကြံအစည် ၀င်သည်မှစ၍ ပျောက်ကွယ်ခဲ့ပါသည်။ ကိလေသာဆင်ရိုင်းများကို ဈာန်တရားက ခေတ္တမျှ ချွန်းအုပ်ထားနိုင်သဖြင့် ပညာမရှိသော ပုဂ္ဂိုလ်သည် မိမိသန္တန်တွင် အလုံးစုံသော ကိလေသာကင်းပြီဟု ထင်တတ်သည်။ အကြောင်းတိုက်ဆိုင်၍ ကိလေသာများ ပြန်လည်ပေါ်ပေါက်ထကြွလာမှ မိမိ၏အခြေအနေကို အမှန်အတိုင်း သိတတ်သည်။ နောက်မကျခင် သိရှိရမှကောင်းပါသည်။ နောက်ကျခြင်းသည် အ၀ီစိငရဲတွင် ကမ္ဘာပေါင်းများစွာ ခံနေရစေရန်အတွက် လုံလောက်သော "အမှားလုပ်ချိန်"ကို  ဖြည့်ဆည်းပေးတတ်ပါသည်။

ရှင်ဒေ၀ဒတ်သည် ဘုရားရာထူးကို ရယူရန်အတွက် မြတ်စွာဘုရားကို သတ်ရန်ကြံစည်အားထုတ်သည်။ ဤကြံစည်အားထုတ်မှု သည်ပင်လျှင် ရှင်ဒေ၀ဒတ်၏ ယုတ်မာမှုကို ဖော်ပြနေခြင်းဖြစ်၏။ ရှင်ဒေ၀ဒတ်သည် ဥာဏ်ကြီးသူဖြစ်သည်။ ဈာန်အဘိဥာဉ်ရှင် ဖြစ်သည်။ အမျိုးဇာတ်ကောင်းသူ ဖြစ်၏။ အခြံအရံပေါသူ ဖြစ်သည်။ သြဇာရှိသူဖြစ်သည်။ သို့ရာတွင် ဤအရာများသည်ကား အသွင်သဏ္ဍာန်များတည်း။ တကယ့်အနှစ်သာရအပိုင်းမဟုတ်။ တကယ့်အနှစ်သာရပိုင်းသည် အခြံအရံ၊ ဗဟုသုတ ဥာဏ်ပညာနှင့် ကြောင်းကျိုး ညီညွတ်သည်ဟု ထင်ရသော ဟန်ဆောင်ပန်ဆောင် စကားလုံးများမဟုတ်။ သီလဟု ခေါ်ရသော ကိုယ်ကျင့်တရား သာလျှင် ဖြစ်သည်။

ဤကြံစည်မှုကို ကြံစည်သည်ဟု ကြားသိရသည်နှင့်ပင် ရှင်ဒေ၀ဒတ်သည် အနှစ်ကင်းမဲ့သူ ဖြစ်ကြောင်း ပညာရှိများက သိကြသည်။ အမြစ်အခြေမရှိတော့သော အကိုင်းအဖျားသက်သက်နှင့် ကိုယ်သာဖြစ်ကြောင်း သိကြသည်။ ပညာရှိများအတွက် ကိုယ်ကျင့်တရားမရှိတော့သော ရှင်ဒေ၀ဒတ်သည် ကြည်ညိုဖွယ်ရာလျဉ်းမရှိတော့ပေ။

ရှင်ဒေ၀ဒတ်၏ ဘုရားရာထူးလွှဲအပ်ရန် တောင်းဆိုသံကို မြတ်စွာဘုရားက သုံးကြိမ်တိုင်တိုင် တားမြစ်သည်။ တားမြစ်၍ မရသဖြင့် မြတ်စွာဘုရားက "ဒေ၀ဒတ်...ငါသည် ရှင်သာရိပုတ္တရာနှင့် ရှင်မောဂ္ဂလ္လန် တို့ကိုသော်မှ သံဃာအား လွှဲအပ်မည်မဟုတ်။ တံတွေးနှင့်တူသော ပစ္စည်းများကို သုံးစွဲနေသူ သင့်အား အဘယ်ကြောင့် လွှဲအပ်ရမည်နည်း"ဟု သံဝေဂရဖွယ် မိန့်ကြားသည်။

မှန်၏။ မိမိနှင့်မထိုက်တန်သော ပစ္စည်းများကို ကိုယ်ကျင့်တရားအား အပွန်းပဲ့ခံ၍ သုံးစွဲနေခြင်းကား တံတွေးနှင့်တူသော ပစ္စည်းများကို သုံးစွဲနေခြင်းပေတည်း။ တနည်းအားဖြင့် ကိုယ်ကျင့်တရားကို အပွန်းပဲ့ခံ၍ရလာသော ပစ္စည်းများသည်ကား တံတွေးမစင်ကဲ့သို့ ရွံရှာစက်ဆုပ်ဖွယ်ရာ ဖြစ်ပေသည်။

ရှင်ဒေ၀ဒတ်ကား သံဝေဂရလောက်အောင် ပညာမရှိ။ တလွဲမာနသာရှိသည်။ တလွဲမာနကြောင့် ဆုံးမခံရခြင်းကို ၀မ်းမသာတတ်။ ၀မ်းမသာတတ်သဖြင့် ပရိတ်သတ်အလယ်မှ ထွက်သွားသည်။ မြတ်စွာဘုရားက ရှင်ဒေ၀ဒတ်နှင့် ပတ်သက်၍ "ပကာသနိယကံ" ကို ပြုစေ၏။ ပကာသနိယကံ၏သဘောကား ရှင်ဒေ၀ဒတ်ကို သာသနာမှ ကြဉ်လိုက်ခြင်းဖြစ်ပါသည်။ ရှင်ဒေ၀ဒတ်သည် သာသနာနှင့် မပတ်သက်ဟူ၍ သဘောရသည်။ ထို့ကြောင့် ရှင်ဒေ၀ဒတ်အနေနှင့် အားကိုးရာသည် မရှိတော့ပေ။ အခြံအရံကို အငတ်မွတ်ဆုံးသူဖြစ်ပါမှ အခြံအရံ ပရိသတ်သည်လည်း မရှိတော့ပေ။ လာဘ်လာဘကို အမြတ်နိုးဆုံးသူဖြစ်နေပါမှ လာဘ်လာဘသည်လည်း မရှိတော့ပေ။

ရှင်ဒေ၀ဒတ်သည် မာယာ ၊သာဋ္ဌေယျ အတတ်၌ အလွန်ကျွမ်းကျင်ဟန်တူ၏။ ကောက်ကျစ်သော အရာတွင်လည်း ထိုခေတ်က အတော်ဆုံးဖြစ်ဟန်တူ၏။ ပရိသတ်စုဆောင်းရန်အတွက် စဉ်းစားပုံကို ကြည့်ပါ။ လူတို့သည် ရုပ်ကိုအကြောင်းပြု၍ ကြည်ညိုသူ သုံးပုံနှစ်ပုံရှိ၏။ ကျော်စောသံကို အကြောင်းပြု၍ ကြည်ညိုသူက ငါးပုံလေးပုံရှိ၏။ ခေါင်းပါးသော အကျင့်ကို ကြည်ညိုသူက ဆယ်ပုံတွင် ကိုးပုံရှိ၏။ ထို့ကြောင့် ခေါင်းပါးသော အကျင့်ကို အကြောင်းပြု၍ ဆွဲဆောင်စည်းရုံးရလျှင် ငါ့နောက်လိုက်များ ဖြစ်လာကြမည်ဟူ၍ စဉ်းစားသည် ဆို၏။ ထို့ကြောင့် ခေါင်းပါးသောအကျင့်နှင့် ပတ်သက်သော အထက်ကဖော်ပြခဲ့သည့် ကြေညာချက်ကို ထုတ်ပြန်ခဲ့ပါတော့၏။

အနှစ်သာရပိုင်းကို သိသူများကမူ ပြုံး၍ကရုဏာသက်ကြသည်။ ပုထုဇဉ်အချို့ကမူ တွေဝေကုန်ကြသည်။ ဟုတ်နိုးဟုတ်နိုးထင်ကြသည်။ ပုထုဇဉ်တို့သည် လေယူရာတိမ်းသောဝါးပင်များနှင့် တူသည်။ မိမိကိုယ်တိုင်သိသော တရားဟူ၍ ဘာတစ်ခုမျှ မယ်မယ်ရရ မရှိသေးသဖြင့် သူတစ်ပါးက မုန်းစရာပြောလျှင် မုန်း၍၊ ချစ်အောင်ပြောလျှင် ချစ်ကြသည်။ ယုံအောင်ပြောလျှင် ယုံကြည်ကြ၍ မြှောက်ပြောလျှင် ကျေနပ်ကြသည်။ အကျင့်ကောင်းလျက် အပြောမတတ်သူကို မကြည်ညိုတတ်ဘဲ အပြောကောင်းလျက် အကျင့်မတတ်သော ပုဂ္ဂိုလ်များနောက်သာ တကောက်ကောက် လိုက်သွားချင်တတ်သည်။

အပြောကောင်းသော ပုဂ္ဂိုလ်များက အလုပ်လည်းမှန်သယောင် ဟန်ဆောင် လိမ်ညာသည်လည်း ရှိတတ်ပါသည်။ အန္ဓပုထုဇဉ်များအတွက် ထိုအလိမ်အညာများကို ရှောင်ရှားရန်မှာ မလွယ်ကူပါ။ အရိယာပုဂ္ဂိုလ်များနှင့် ၀ိပဿနာ ပညာဥာဏ် အားကောင်းသော ပုဂ္ဂိုလ်များကမူ ကိုယ်တိုင်သိသောပညာ၏ အစွမ်းကြောင့် အလိမ်အညာကို အလိမ်အညာဟူ၍ သိကြပေသည်။ သိကြသည့်အလျောက် ရှင်ဒေ၀ဒတ် ၏ အလိမ်အညာတရားများကို ထုတ်ဖော် ပြောသင့်သည့်အလျောက် ရှင်းလင်း ပြောကြားရပေသည်။ ထိုသို့ ရှင်းပြထားကြသဖြင့် ပရိသတ်အများစုက ရှင်ဒေ၀ဒတ်၏ စကားကို မယုံကြည်ကြ။ ရှင်ဒေ၀ဒတ်၏ နောက်လိုက်လည်း မဖြစ်ကြ။ ရှင်ဒေ၀ဒတ် မှားသလိုလည်း အများစုက မမှားကြ။

သို့ရာတွင် ၀ဇ္ဇီတိုင်းသားရဟန်းများကမူ ရှင်ဒေ၀ဒတ်၏ တရားအဆန်းကို ယုံကြည်မိကြသည်။ ရှင်ဒေ၀ဒတ်ကို သစ္စာရှင်ဟု ထင်မှတ်မိခဲ့ကြသည်။ အတိတ်သမိုင်းနှင့် ကိုယ်ကျင့်တရားကို ထည့်သွင်းစဉ်းစားခြင်း မပြုတော့ဘဲ ရှင်ဒေ၀ဒတ်၏တရားများကို သစ္စာတရားများ အဖြစ်လက်ခံမိခဲ့တော့၏။ ဤ သစ္စာတရားမျိုးသည်ကား အထက်တွင်ဖော်ပြခဲ့သော စရိုက်တူညဉ်တူချင်း ချီးမွမ်းသော အယောင်ဆောင် သစ္စာတရားသာ ဖြစ်လေသည်။

အဓမ္မသည် ဓမ္မကို ရေရှည်၌ အံမတုနိုင်။ သစ္စာတရားကို အမှန်တကယ်ရှာဖွေနေသူကို အ၀ိဇ္ဇာတရားသည် ကြာရှည် ဖုံးပိတ်ထားလို့မရ။ ပါရမီပြည့်စုံသောအခါ ဖွင့်လှစ်ပြရသည်သာဖြစ်သည်။ ၀ဇ္ဇီတိုင်းသား ရဟန်းတို့သည် ရှင်ဒေ၀ဒတ် အနားယူနေခိုက် ရှင်သာရိပုတ္တရာနှင့် ရှင်မောဂ္ဂလ္လန်တို့၏ တရားများကို နာယူကြရသည်။ တရားကိုနာယူသဖြင့် သောတာပန်တည်ကြသည်။ သောတာပန်၏ ဂုဏ်သတ္တိတစ်ခုတွင် ရတနာသုံးပါးကို မမှိတ်မသုံယုံကြည်ခြင်း ဟူ၍ ပါဝင်သည်။ သောတာပန်သည် အသိနှင့်ပတ်သက်၍၊ အကျင့်နှင့်ပတ်သက်၍ ယုံမှားသံသယမရှိတော့။ အသိအကျင့်အရာမှာ ဘယ်သူမှားသနည်း ဘယ်သူမှန်သနည်းဟူ၍ ငြင်းခုန်စရာမလိုတော့။

ကိုယ်ပိုင်ဥာဏ်ဖြင့် အမှန်တရားကို သိခဲ့သော ၀ဇ္ဇီတိုင်းသားရဟန်းများအတွက် မသိခင်က ကြည်ညိုခဲ့သော ရှင်ဒေ၀ဒတ်သည် ကြည်ညိုဖွယ်မရှိတော့။ မသိခင်က အထင်ကြီးခဲ့သော ခေါင်းပါးသောအကျင့် ကြေညာချက် သည် အထင်ကြီးဖွယ်မရှိတော့။ ရှင်ဒေ၀ဒတ်၏ ကျော်စောမှု၊ ဥာဏ်ကြီးမှုနှင့် အမျိုးမြတ်မှုတို့သည် အခွံ၊အကာသာလျှင်ဖြစ်ကြောင်း သိမြင်ကြသည်။ အနှစ်သာရသည်ကား သောတာပန်စသော အရိယာပုဂ္ဂိုလ်တို့ပိုင်ဆိုင်သော သီလဂုဏ်သာလျှင် ဖြစ်ကြောင်း သိမြင်ကြသည်။

ဤသို့အမှန်အတိုင်းသိကြသဖြင့် ၀ဇ္ဇီတိုင်းသား ရဟန်းများသည် မြတ်စွာဘုရားထံ ပြန်ကြွသွားကြသည်။ ရှင်ဒေ၀ဒတ်၏ နိဂုံးကား သွေးပွက်ပွက်အံခြင်းနှင့် အ၀ီစိငရဲဖြစ်လေ၏။ ရှင်ဒေ၀ဒတ်နှင့်ပတ်သက်၍ မြတ်စွာဘုရားက ဤသို့ဟောကြားတော်မူသည်။


ဤဒေသနာ၏အဆုံးတွင် သောတာပန်ဖြစ်သူများ ဖြစ်ကြ၍ ကံကံ၏အကျိုးကို ယုံကြည်ကြသူများက ယုံကြည်ကြလေသည်။ ရှင်ဒေ၀ဒတ်သည်ကား အ၀ီစိငရဲမကျခင် သူ၏အမှားကို သိမြင်ခဲ့ဖော်ရသေးသည်။ သရဏဂုံတည်ရုံမက အလွန်လေးမြတ်စွာ ရှိခိုးခဲ့သေးသည်။ ဤကားကုသိုလ်တည်း။ ကုသိုလ်သည် ကုသိုလ်၏အကျိုးကိုသာ ပေးမြဲဖြစ်သဖြင့် ရှင်ဒေ၀ဒတ်သည် ပစ္စေကဗုဒ္ဓါအဖြစ်ဖြင့် ကမ္ဘာတစ်သိန်းအထက်တွင် ကျွတ်တမ်းဝင်ရမည်ဖြစ်သည်။ ကျွန်ုပ်တို့သည် သူတစ်ပါး၏ အကုသိုလ်အမှုကံနှင့် အကုသိုလ်အကျိုးပေးများကို ကြည့်၍ သံဝေဂယူ ထိတ်လန့်ရသလို ကုသိုလ်အမှုကံအတွက် သာဓုခေါ်ဆို ၀မ်းမြောက်ရမည် ဖြစ်ပါသည်။

အသွင်သဏ္ဍာန်နှင့် အနှစ်သာရကို ခွဲခြား၍မသိကြလျှင် ရုပ်ဝတ္ထုပစ္စည်းများသည် အထင်ကြီးဖွယ်ရာ ဖြစ်သည်။ ထိုပစ္စည်းများကို ပိုင်ဆိုင်နေကြသော ပုဂ္ဂိုလ်များသည်လည်း အထင်ကြီးဖွယ်ရာ ဖြစ်လေသည်။

ကိုယ်ကျင့်တရားတည်းဟူသော စံနှုန်းနှင့်တိုင်းတာမှသာ ကြည်ညိုဖွယ်ရာ ပုဂ္ဂိုလ်အစစ်အမှန်ကို သိမြင်ရာသည်။ တန်ဘိုးထားအပ်သော စကားအစစ်အမှန်၊ တရားအစစ်အမှန်ကို သိမြင်ရာသည်။

ဆင်းရဲဒုက္ခ၏ အကြောင်းကား စင်စစ် အကုသိုလ်ကံပင် ဖြစ်ပါသည်။ အကုသိုလ်ကံအမှုကို ပြု၍ ယခုဘ၀နှင့်တမလွန်ဘ၀တွင် ဆင်းရဲပူပန်မှုကို ကြုံရသည်ကို ရှင်ဒေ၀ဒတ်က သာဓက ပြသွားခဲ့ခြင်း ဖြစ်ပေသည်။ ကျွန်ုပ်တို့၏ ဘ၀ရည်မှန်းချက်များစွာအနက် ဖြစ်သင့်သော ရည်မှန်းချက်တစ်ချက် သည်ကား အကုသိုလ်အမှုများကို တတ်နိုင်သမျှ ရှောင်၍ ကုသိုလ်အမှုများကိုကား "နည်းနည်းအမည်ခံ များများလုပ်ကြရန်"သာ ဖြစ်ပါတော့သည်။

စကားအသုံးအနှုန်းများနှင့် အတွေးအခေါ်များအတွက် ဆရာကြီးဦးရွှေအောင်ကို ကြည်ညိုရန် ဖြစ်ပါသည်။

 ..................

အလှတရား ဘလော့မှ

 

ပုထုဇဉ် တို့၏ စိတ်သည် ကုသိုလ် တစ်လှည့် အကုသိုလ် တစ်လှည့် ဖြစ်လေ့ ရှိသည်။ ဆင်ခြင်ဥာဏ် ကို ရှေ့သွားပြု၍ မထိန်းသိမ်း နိုင်လျင် အကုသိုလ် စိတ်များက လွှမ်းမိုး သွားနိုင်သည်။ "ပညာ ယ န ဘဝေ ဋ္ဌာနံ- ပုထုဇဉ် တို့၏ ဘ၀၌ ပညာသည် ပြဋ္ဌာန်းခြင်း" မရှိဟု အဆို ရှိသည့် အတိုင်း ပုထုဇဉ်တို့ ၏ စိတ်သန္တန်၌ ခံစားချက် က ပညာထက် ပိုအရေးပါ၏။

ကိုးကား
ဓမ္မပဒ-ဦးရွှေအောင်
 ..................

အလှတရား ဘလော့မှ

သံယောဇဉ် ဟူသည် ချစ်သော သူများ ကြား၌သာ ရှိသည်မဟုတ် မုန်းသော သူများ ကြား၌လည်း ရှိသည်။ မုန်းခြင်း သံယောဇဉ် သည်လည်း ဖွဲ့စည်း ချည်နှောင် တတ်သော သဘော ရှိသည်သာ ဖြစ်၏။

(တော်တော်ကြာကြာက ရေးခဲ့သော ဆောင်းပါး ဖြစ်ပါသည်။ ထိုစဉ်က ဆရာကြီးဦးရွှေအောင်၏ အတွေးအခေါ်များကို အတိုချုံးကာ ပြန်လည် တင်ပြမည်ဟူသော ရည်ရွယ်ချက်နှင့် ကြိုးစားခဲ့တုန်းက ဖြစ်ခဲ့သည်။) 

အလှတရား ဘလော့မှ