MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊

Listening ပိုင်းတွင် သတိပြုရမည့်အချက်များ
 - ရံဖန်ရံခါ ယခင်စာမေးပွဲများမှ စည်းမျဉ်းစည်းကမ်းများနှင့် မတူသောကြောင့် စာမေးပွဲစည်းမျဉ်းစည်းကမ်းများကို သေချာစွာ ဂရုစိုက်၍ ဖတ်ရှုပါ။
- Speaker မှပြောနေသော အချက်အလက်များကို သေချာစွာ အာရုံစိုက်၍ ကြိုးစားနားထောင်ပါ။
- Score များများရရှိနိုင်ရန် အပိုင်း ၁နှင့် ၂ မှ မေးခွန်းအားလုံးကို ဖြေဆိုပါ။ လွယ်ကူသောအပိုင်းများတွင် အမှားမပါအောင် ဂရုစိုက်ပါ။
- တစ်ခါတစ်ရံတွင် သေးငယ်သည်ဟုထင်ရသော အမှားများကအမှတ်ကိုလျှော့စေနိုင်ပါသည်။ စာလုံးပေါင်းသတ်ပုံအား သေချာစွာ ဂရုစိုက်၍ စစ်ပါ။
- Speaker မှ ပြောဆိုနေသော အချက်အလက်မှာ ခက်ခဲနေခြင်း သို့မဟုတ် မြန်နေပါက မကြောက်ပါနှင့်။ စိတ်အေးအေးထား၍ သေချာအာရုံစိုက်၍ နားထောင်ပါ။
- ဖတ်ခြင်း၊ ရေးခြင်း နှင့် နားထောင်ခြင်းတို့ကို တစ်ပြိုင်နက် ပြုလုပ်ပါ။ ဤသို့ပြုလုပ်ရန် ခက်ခဲသော်လည်းကြိုးစားလုပ်ဆောင်ပါ။
- Listening အတွက် နောက်ဆုံးသတိပြု ရမည့်အချက်မှာ မေးခွန်းအားလုံးဖြေဆိုပါ။ ကွက်လပ်မထားခဲ့ပါနှင့်။

Reading အပိုင်းတွင် သတိပြုရမည့်အချက်များ

- မေးခွန်းတစ်ခုစီအတွက် အဖြေကို စဉ်စားရာ၌ အချိန်လွန်စွာမကြာသင့်ပါ။ မသေချာသောအဖြေကို မဖြေပဲထားခဲ့ပါ။ အခြားအဖြေအားလုံးကိုဖြေဆိုပြီးနောက် အချိန်ရပါက ကျန်ခဲ့သောအဖြေများကို ပြန်လည်ဖြေဆိုပါ။
- စာပိုဒ်၌ပေးထားသော အကြောင်းအရာကို မသိလျှင်စိတ်မပူပါနှင့်။ အဖြေအားလုံးစာပိုဒ်ထဲတွင်ပါပြီးဖြစ်သောကြောင့် သင့်တွင် Specialist Knowledge ရှိရန်မလိုပါ။
- အဓိကသတိထားရမည်အချက်မှာ အဖြေတွင်ရေးရန် အချိန်ပိုရမည်မဟုတ်ပါ။ စာဖြေသူအများစုမှာ Listening ပိုင်း၌ အချိန်ရသလို Reading ပိုင်း၌ပါ အချိန်ရမည်ဟုထင်ကြသည်။ သို့သော်မရပါ။
 - စာမေးပွဲမဖြေဆိုသေးခင်ကာလ၌ အင်္ဂလိပ်ဘာသာဖြင့်ရေးသားထားသော သတင်းစာ၊ မဂ္ဂဇင်း သို့မဟုတ် ဂျာနယ်များဖတ်ရှုခြင်းမှာ စာမေးပွဲအတွက် အထောက်အကူဖြစ်စေနိုင်ပါသည်။
- စာပိုဒ်များအား ဖွဲ့စည်းထားသောပုံစံကို သေချာလေ့လာပါ။
- ပေးထားသော အကြောင်းအရာအားစဖတ်ရာ၌ စာပိုဒ်၏ဆိုလိုချက်ကို ကြိုးစားခန့်မှန်းပါ။
- မိမိမသိသော စကားလုံးအား အချိန်ကုန်ခံ၍ မစဉ်းစားပါနှင့်။
- စာပိုဒ်တွင်အဖြေပါရှိပါက ထိုအဖြေအားကူးယူရာတွင် သေချာဂရုစိုက်၍ကူးယူပါ။
- စာလုံးပေါင်းသတ်ပုံအား သေချာစစ်ပါ။
- အဖြေတစ်ခုသာလိုအပ်လျှင် တစ်ခုသာဖြေဆိုပါ။ မလိုအပ်ပဲရှည်လျားစွာဖြေဆိုခြင်းကိုရှောင်ပါ။
- နောက်ဆုံးသတိထားရမည့်အချက်မှာသဒ္ဒါအသုံးပြုရာ၌ ဧကဝုဒ်၊ ဗဟုဝုဒ် (Plural/ Singular Noun) များကိုအထူးဂရုပြုပါ။

Writing ပိုင်းတွင် သတိပြုရမည့်အချက်များ

- (အဓိကစာကလုံး) Key Word များအားဝိုင်းပါ။
- စာပိုဒ်များအားမြင်သာအောင်ခွဲခြားပါ။
- တူညီသော အချက်အလက်များကို မတူညီသောစကားလုံးများဖြင့် ထပ်ခါတလဲလဲဖြေဆိုခြင်းကို ရှောင်ကျဉ်ပါ။
- မေးထားသော အကြောင်းအရာမှ သွေဖီမသွားစေရန်ဂရုပြုပါ။
- Writing ဖြေဆိုမည့်အချိန်အား သေချာစွာ ဂရုပြုပါ။ Task Two တွင် အမှတ်ပိုရနိုင်သဖြင့် ဖြေဆိုရာတွင် အချိန်ပေး၍ဖြေဆိုပါ။ မလောပါနှင့်။
- စာပိုဒ်တစ်ခုစီတွင် ထင်မြင်ယူဆချက် စိတ်ကူးတခုအကြောင်းကိုသာ ဆွေနွေးခြင်းဖြင့် အမှတ်များများရနိုင်ပါသည်။
- IELTS Exam Format နှင့် မကိုက်ညီသော ရင်းရင်းနှီးနှီးပြောဆိုရာ၌သုံးသော Informal Words ကိုအသုံးပြုခြင်းမှ ရှောင်ကျဉ်ပါ။
- စာမေးပွဲအတွက် ပြင်ဆင်ရာ၌ မ်ိမိလက်ရေးနှင့် ရေးပါက စကားလုံး ၁၅ဝအား စာရွက်မည်မျှကုန်နိုင်မည်ဆိုတာကို ခန့်မှန်းချေသိအောင်လုပ်ထားပါ။ စာမေးပွဲခန်းတွင် စကားလုံးရေတွက်ရန်အချိန်မလုံလောက်ပါ။
- Writing ပိုင်းအတွက်ပြင်ဆင်ရာ၌ မိမိရေးထားသော Essay များကိုအချိန်တိုအတွင်း ပြန်လည်ဖတ်ရှု ၍ ပြင်ဆင်နိုင်ရန် စာကိုလျှင်မြန်စွာဖတ်ရှုနိုင်သည့်အရည်အချင်း (Skimming and Scanning Skill) ရှိရန်ပြင်ဆင်ထားပါ။
- မေးထားသောမေးခွန်းများအား အလွတ်ကျက်ထားသော စံပြအဖြေများဖြင့် ဖြေဆိုခြင်းအားရှောင်ကျဉ်ပါ။ Essay များကိုအလွတ်ကျက်၍ချရေးပါက မေးထားသော အဓိကအကြောင်းအရာနှင့်လွဲတတ်၍ အမှားများတတ်ပါသည်။

Speaking ပိုင်းတွင်ဂရုစိုက်ရမည့်အချက်များ

- Speaking Test တွင် သဒ္ဒါအသုံးအနှုန်းကျွမ်းကျင်မှုကိုသာမက စကားပြောဆိုဟန်၊ အသံနေအသံထားစသော အချက်များကိုပါ အမှတ်ပေးပါသည်။
- စာမေးပွဲစစ်ဆေးသူ ဆရာ၊ဆရာမများသည် ကြိုတင်ကျက်မှတ်ပြောဆိုခြင်း သို့မဟုတ် အလွတ်ပြောဆိုနေခြင်းအား ခွဲခြားသိနိုင်ရန်လေ့ကျင့်ထားသူများဖြစ်သဖြင့် အဖြေများအား ကြိုတင်အလွတ်ကျက်ခြင်းမှ ရှောင်ကျဉ်ပါ။
- မိမိပြောနေသောကြောင်းရာအားချဲ့နိုင်သမျှချဲ့ ၍ဖြေဆိုပါ။
- မိမိပြောရမည့် အကြောင်းရာအား ဆွေးနွေးရာ၌ စာမေးပွဲစစ်ဆေးသူ ဆရာ၊ဆရာမများထက် ပို၍ပြောဆိုပါ။ မေးသောအချက်ထက် ပို၍ချဲ့ထွင်ပြောဆိုပါ။
- စာမေးပွဲစစ်ဆေးသူ ဆရာ၊ဆရာမ ပြောသောအချက်အားနားမလည်ပါက ပြန်မေးပါ။
- IELTS စာမေးပွဲသည် ဗဟုသုတကို ဆန်းစစ်သောစာမေးပွဲမဟုတ်သဖြင့် စံသတ်မှတ်ထားသောအဖြေတစ်ခုဟူ၍ မရှိပါ။ အကြောင်းအရာတစ်ခုအားဆွေးနွေးရာ၌ မိမိ၏ကိုယ်ပိုင်ထင်မြင်ချက်ကိုထည့်သွင်းဖြေဆိုခြင်းဖြင့် အမှတ်ကောင်းရနိုင်ပါသည်။
- Speaking Test ဖြေဆိုရာတွင် ချောမွေ့စေရန် မိမိအိမ်တွင်အသံသွင်း၍ ပြန်နားထောင်ခြင်းဖြင့်လေ့ကျင့်ပါ။

ပို့စ်တင်သူ ။.............။ လခြမ်းမြီ on Friday 18 February 2011
ခေါင်းစဉ်အလိုက်ပို့စ်များ

0 ( မှတ်ချက်ရေးချင်ရင် )

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု