Myanmar Monk Student Association

Written by မောင်မျိုး (စက်မှု)

ပြည်ပတွင်ပညာသင်ကြားနေသော မြန်မာကျောင်းသားအများစုဆီကနေ ကြားလေ့ရှိတဲ့အသံတစ်ခု ရှိပါတယ်။ အဲဒါကတော့ ဦးနှောက်ဖောက်စားတယ်ဆိုတာပါပဲ။ ကိုယ့်ကိုဆရာက တစ်ခုခုလုပ်ခိုင်း သည်ဖြစ်စေ၊ ကိုယ်လုပ်ထားတာကို ဆရာကသဘောမတွေ့ဘဲ ဟိုဟာထပ်လုပ်၊ ဒီဟာထပ်လုပ် အစရှိသည်ခိုင်းသည့်အခါတွင်ဖြစ်စေ ကျွန်တော်တို့မြန်မာကျောင်းသား၊ သူတွေဟာ ဒီနိုင်ငံဟာတော် တော်ဆိုးတဲ့နိုင်ငံ ဖြစ်တယ်။ နိုင်ငံခြားကျောင်းသားတွေဆီက ဦးနှောက်ဖောက်စားပြီး သူတို့ကောင်း ကျိုးရှာနေကြတယ် အစရှိသဖြင့် ဒေါနှင့်မောနှင့်ပြောဆိုကြလေသည်။ မိမိလုပ်သလောက်နှင့်သာ သက်သောင့်သက်သာ ဘွဲ့ရချင်ကြသည့်သဘောဖြစ်၏။ ထို့ကြောင့် မိမိ၏အားထုတ်မှုကို လေ့လာ ဆန်းစစ်ရမည့်အစား သူတစ်ပါးကိုသာ အလွယ်တကူ ပြစ်တင်ဝေဖန်လေတော့သည်။
တကယ်တမ်းတော့ ပညာသင်ကြားခြင်းဆိုသည်ကိုက ဉာဏအားဖြင့် အသက်မွေးဝမ်းကျောင်းနိုင်ရန် ကြိုတင်ပြင်ဆင်ခြင်းဖြစ်၏။ ထို့ကြောင့် တက္ကသိုလ်ဆိုသောနေရာသည် သင်၏ဉာဏစွမ်းအား ဖွံ့ဖြိုး တိုးတက်စေဖို့အတွက် အစွမ်းကုန်ပြုစုပျိုးထောင်ပေးရန် တာဝန်အပြည့်ရှိ၏။ တာဝန်သိတတ်သော ဆရာတစ်ယောက်သည် မိမိ၏တပည့်အား ရှေ့တစ်လှမ်းတိုးရန်ခိုင်းဖို့ ဝန်မလေးသင့်သလို သင်ယူလို စိတ်ရှိသော ကျောင်းသားတစ်ယောက်သည်လည်း ဆရာ၏စေခိုင်းချက်အား အပြုံးမပျက်ဆောင်ရွက် သင့်လေသည်။
ကိုယ်က လုပ်ချင်စိတ်မရှိသည်ကို ဖုံးကွယ်ကာ သူတစ်ပါးအား လွယ်လွယ်အပြစ်တင်ဖို့တတ်သော စိတ်သည် ကျောင်းသား၊ ကျောင်းသူများတွင်ရှိသင့်သော စိတ်ထားမဟုတ်ပေ။ အခြေအနေအမှန်ကို အမှန်အတိုင်း နားလည်လက်ခံနိုင်စွမ်းရှိခြင်းသည် လူတစ်ဦးတစ်ယောက်အတွက် အထူးအရေးပါ သော အရည်အချင်းတစ်ရပ်ဖြစ်ပေသည်။ လူဆိုသည်မှာ ကိုယ့်ကိုယ်ကိုယ်ကြံဖန်လိမ်တတ်သော သ ဘောရှိ၏။ ကိုယ်မရလိုက်တဲ့အရာတစ်ခုကို ငါမလိုချင်လို့ပါ။ ကိုယ်မလုပ်နိုင်၊ မလုပ်ချင်သည်ကို ဖုံး ကွယ်ကာ ဦးနှောက်ဖောက်စားတယ်ဟု ပြောလေ့ရှိ၏။ ဦးနှောက်ဖောက်စားတယ်ဟု ပြောလေ့ရှိ၏။ ဦးနှောက်ဖောက်စားတယ်ဟု ပြောလိုက်ခြင်းဖြင့် မိမိ၏အပြစ်ကို ဖုံးကွယ်ပြီးဖြစ်သလို မသိမသာကိုယ် ကပဲ လူတော်ကြီးလိုလို ဘာလိုလိုဖြစ်သွားကာ ကျေကျေနပ်နပ်ကြီးပင်အများရှေ့တွင် ထိုကဲ့သို့ကျယ် လောင်စွာ ပြောဆိုတတ်လေသည်။ တကယ်တမ်းတွင်တော့ မိမိမလုပ်နိုင်၊ မလုပ်ချင်သည်ကို ပြောပြ နေခြင်းပင်ဖြစ်၏။
တက္ကသိုလ်များ၏ သဘောသဘာဝ၊ ကျောင်းသားတာဝန်ဝတ္တရား၊ မိမိရောက်ရှိနေသော တက္ကသိုလ်၏ အဆင့်အတန်းစသည်တို့ကို နားလည်အောင်ကြိုးစားသင့်၏။ ပြီးမှသာ ကိုယ်ကလွန်သည်။ သူကလွန် သည်ကို ဆုံးဖြတ်သင့်၏။ တက္ကသိုလ်တစ်ခု ရပ်တည်ရန် လွယ်ကူသည်မဟုတ်၊ မိမိတက္ကသိုလ်၏ ဂုဏ်သိက္ခာအဆင့်အတန်းတိုးတက်ရန် အဖက်ဖက်မှ တာဝန်ရှိသူများက နေရှိသရွေ့ကြိုးစားနေကြရ ၏။ ပြည်တွင်းတက္ကသိုလ်များနှင့်ယှဉ်ကာ မိမိတက္ကသိုလ်ရပ်တည်ရေးအတွက် ကြိုးစားရသကဲ့သို့ နိုင်ငံ တကာတက္ကသိုလ်များနှင့် ရင်ပေါင်တန်းနိုင်ရေးအတွက်လည်း နေ့ရှိသရွေ့ ကြိုးစားနေကြရ၏။ ကမ္ဘာ နှင့်ရင်ပေါင်တန်းရန် ကြိုးစားနေသောနေရာတွင် သင်ကမ္ဘာကျော်စိတ်ကူးများ မဟုတ်နိုင်ဘဲနှင့် ကိုယ့် ဦးနှောက်ဖောက်စားတယ်ဟု ပြောနေသည်မှာ ရှက်စဖွယ်ဖြစ်၏။
ထိုသို့ပြောဆိုခြင်းမှာ အဓိကအကြောင်းအရင်းနှစ်ခုကြောင့် ဖြစ်ရ၏။ ပထမတစ်ခုမှာ အခြေနေမှန်ကို သုံးသပ်နိုင်သော ပညာဉာဏ်မရှိခြင်းဖြစ်ပြီး အသိမ်မွေ့ဆုံးနှင့် ကျွန်တော်တို့အကျူးလွန်ဆုံးနောက် တစ်ခုမှာ မိမိကိုယ်ကိုလိမ်လည်ခြင်းဖြစ်သည်။ ကျွန်တော်တို့ဟာ တတ်ယောင်ကားဘဝနှင့်သာ ကျေ နပ်နေတတ်သည့် သဘာဝရှိ၏။ ကျွန်တော်တို့ဟာ ငယ်ရွယ်စဉ်ကျောင်းသား၊ ကျောင်းသူဘဝမှာ လေ့လာဆည်းပူးသင့်သည်ကို မလေ့လာ၊ စာလည်းဖတ်လေ့မရှိ၊ စာကောင်းပေမွန် ဖတ်လေ့ရှိသော သူအားလည်းကြောင်တောင်တောင်ဟူ၍ပင် ပြောဆိုတတ်ကြသေး၏။ ဒီလိုနဲ့နောက်တော့ ကိုယ့်ကိုယ် ကိုယ်မသုံးသပ်တော့ဘဲ သူတစ်ပါးအား အလွယ်တကူ လက်ညှိုးထိုးတတ်သောသူများသာ များလာ လေတော့သည်။
မိမိကကြိုးစားအားထုတ်လေ့မရှိသဖြင့် အပြင်းအထန် ပြိုင်ဆိုင်ကြိုးစားဖို့ လိုအပ်လာသောအခါ အ လွယ်တကူလက်ခံနိုင်စွမ်းမရှိတော့ဘဲ ကမောက်ကမဖြစ်ကုန်ကြလေတော့သည်။ ဤနေရာတွင်သာ အလွယ်တကူလက်မခံနိုင်ဖြစ်ကြသော်လည်း အသုံးမကျသောအများတကာလို လျှပ်ပေါ်လော်လီ သောအဝတ်များ ဝတ်ခြင်း၊ ဂျပန်ရေချိုးဟုခေါ်သောအများနှင့် ကိုယ်လုံးတီးရေချိုးခြင်း၊ အရက် သောက်ခြင်း စသည်တို့တွင်မူ မြန်မာတို့အလွန်လျင်မြန် လွယ်ကူစွာလက်ခံကျင့်သုံးနိုင်သည်ကို တွေ့ ရလေသည်။ ထိုသို့မကျင့်သုံးဘဲ မိမိယဉ်ကျေးမှု၊ အမျိုးဘာသာ သာသနာကိုထိန်းသိမ်းသော သူတို့ အားလူ့ခွစာတွေ၊ ရောမရောက်ရင် ရောမလိုကျင့်ရမယ်ဆိုတာတောင် မသိတဲ့သူတွေစသည်ဖြင့် ပြော တတ်ကြလေသည်။ ထိုသို့အတုခိုးကာ သူလိုငါလိုဝတ်စားနေထိုင်သည်ကို အပြစ်မပြောလိုပါ။ သို့သော် ကောင်းသောအရာများကိုတော့ လက်သင့်ခံဖို့၊ လက်ခံနိုင်စွမ်းရှိဖို့ အနည်းဆုံးတော့ ကြိုးစားကြည့်သင့် ၏။
မဟုတ်တရုတ် အကျိုးမရှိတာတွေကိုတော့ ကျွန်တော်တို့ဟာ အလွယ်တကူလက်ခံတတ်ကြပြီး ယူရ မည့် အဓိကအရာဖြစ်သော ပညာဉာဏ်တိုးတက်အောင်တော့ ကြိုးစားယူချင်စိတ်မရှိကြပေ။ ဗိုလ်ချုပ် ၏စကားနှင့် ပြောရမည်ဆိုလျှင် တလွဲဆံပင်ကောင်းတွေသာများ၏။ သို့ဆိုလျှင်အနာဂတ်တွင် ကျွန် တော်တို့နိုင်ငံသည် ဗိုလ်ချုပ်ပြောသော ဖာနိုင်ငံအဖြစ်သို့ ရောက်ရှိသွားပေမည်။ ထို့ကြောင့် အနာဂတ် တိုင်းပြည်၏ မောင်းနှင်အားများဖြစ်ကြသော ကျောင်းသား၊ ကျောင်းသူများအနေဖြင့် တလွဲဆံပင် ကောင်းမနေကြဘဲ အရာရာကိုမှန်ကန်စွာဆင်ခြင်သုံးသပ်ကာ ပညာဉာဏ်တိုးတက်ဖို့ ကြိုးစားသင့်ပေ သည်။
မိမိကိုယ်ကိုမှန်ကန်စွာ သုံးသပ်ခြင်းကသာ မိမိအားပို၍တောက်ပသော အနာဂတ်ဆီသို့ ခေါ်ဆောင် သွားပေမည်။ မိမိကိုယ်ကို မလိမ့်တစ်ပတ်လုပ်ခြင်းဖြင့် တိုးတက်သင့်သလောက် မတိုးတက်ဘဲသာရှိရ မည်။ တခြားဘာမှကောင်းကျိုးပေးမည်မဟုတ်။ ယခုလိုဖြည့်ဆည်းစရာမြားမြောင်လှသော ခေတ်ကြီး တွင် ယဉ်ကျေးမှုပေါင်းစုံကို မှန်ကန်သောအမြင်ဖြင့် နားလည်လက်ခံနိုင်သကဲ့သို့ သင်တို့၏သင်ယူလို သော ဦးနှောက်တံခါးများကိုလည်း ပညာဉာဏ်ရေစစ်ခံကာ ကျယ်ကျယ်သာ ဖွင့်ထားကြပါလို့ တိုက် တွန်းလိုက်ပါရစေ။    ။
The Yangon Time Daily

ရန်ကုန်၊ ဇွန် ၁၈

အစိုးရသစ်လက်ထက် ဘုန်းတော်ကြီးသင် ပညာရေး ကျောင်းများအတွက် ပထမဆုံး ပံ့ပိုးမှုအဖြစ် ယခုနှစ် ပညာသင်နှစ်တွင် အဆိုပါ ကျောင်းဆရာ၊ ဆရာမများအတွက် ငွေကျပ် ၃ ဒသမ ၉ ဘီလီယံကို စတင် ထောက်ပံ့ပေး ရန်ရှိကြောင်း ရန်ကုန်တိုင်းဒေသကြီး ဘုန်းတော်ကြီးသင် ပညာရေးကျောင်း မှ သိရသည်။
ထောက်ပံ့ငွေများဖြင့် ကျောင်းသား ၄၀ ဦးလျှင် ဆရာတစ်ဦးနှုန်း ပံ့ပိုးသွား မည်ဖြစ်ပြီး ဆရာ၊ ဆရာမ ဦးရေ ပိုလျှံနေသော ဘုန်းတော်ကြီးသင် ကျောင်း များအတွက်မူ ထောက်ပံ့ကြေး အပို ရရှိမည်မဟုတ်ကြောင်း အဆိုပါကျောင်း တာဝန်ခံ ဆရာတော်က မိန့်ကြားသည်။
ပထမဆုံးအကြိမ် ထောက်ပံ့မှုအစီအစဉ်တွင် မူလတန်းအဆင့် ဆရာ တစ်ဦးကို သုံးသောင်း ရှစ်ထောင်ကျပ်၊ အလယ်တန်းအဆင့် ဆရာ တစ်ဦးကို လေးသောင်း ငါးထောင်ကျပ်နှင့် အထက်တန်းအဆင့် ဆရာ တစ်ဦးကို ငါးသောင်းကျပ် သတ်မှတ်ထားကြောင်း မန္တလေးနှင့် ရန်ကုန်တိုင်းဒေသကြီး ဘုန်းတော်ကြီးသင် ပညာရေးကျောင်း အသိုင်းအဝိုင်းက သိရသည်။
"အရင်နှစ်တွေက စာရင်းအရဆို တစ်နိုင်ငံလုံးမှာ ဘက ကျောင်းဆရာတွေ ငါးထောင်ကျော်ရှိတာ။ အခုဆို ပိုများလာမှာပေါ့" ဟု ရန်ကုန်တိုင်းဒေသကြီး ဘုန်းတော်ကြီးသင်ကျောင်း စီမံကိန်း ဆရာတော်တစ်ပါးက ဖြည့်စွက် မိန့်ကြားသည်။
နိုင်ငံတစ်ဝန်း ဘုန်းတော်ကြီးသင် ပညာရေးကျောင်းများရှိ ဆရာ ၊ ဆရာမ စာရင်းကို ဇွန်လ ၂၇ ရက်နေ့ နောက်ဆုံးထားကာ ပညာရေးဝန်ကြီး ဌာနထံ တင်သွင်းရမည်ဖြစ်ကြောင်း ရန်ကုန်တိုင်းဒေသကြီး ဘုန်းတော်ကြီးသင် ပညာရေးကျောင်းထံမှ သိရသည်။
ယခုနှစ် ထောက်ပံ့မှုမှာ လုံလောက်နိုင်သော်လည်း နောက်နှစ်များတွင်ပါ ဆက်လက် ထောက်ပံ့ပေးလျှင် အဆင်ပြေမည်
ဖြစ်ကြောင်း ရန်ကုန်တိုင်းဒေသကြီး ဘုန်းတော်ကြီးသင် ပညာရေးကျောင်း ၏ ဥက္ကဋ္ဌ ကျောင်းဖြစ်သည့် တောတိုက် ဘုန်းတော်ကြီးသင် ပညာရေးကျောင်း၏ စီမံ တာဝန်ခံ ဆရာတော်က မိန့်ကြားသည်။
http://www.facebook.com/thevoiceweekly?ref=ts&;fref=ts