MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊

၂၀၁၀ ရွေးကောက်ပွဲမှာ အနိုင်ရခဲ့တဲ့ တိုင်းရင်းသားပါတီ ၅ ပါတီရဲ့ ၂ ရက်ကြာ အစည်းအဝေးဟာ ဒီကနေ့ ပြီးဆုံးသွားခဲ့ပြီး နိုင်ငံရေး အပြောင်းအလဲတွေ ဖော်ဆောင်နိုင်ဖို့နဲ့ ဒေသတွင်း ဖွံ့ဖြိုးရေး လုပ်ငန်းတွေ ဆောင်ရွက်ဖို့အတွက် အချက် ၅ ချက် တင်ပြ တောင်းဆိုကြောင်း ဆုံးဖြတ်ခဲ့ကြပါတယ်။ ဒီအကြံပြု တောင်းဆိုချက်တွေဟာ မြန်မာပြည်ရဲ့ ပကတိ လိုအပ်ချက်တွေနဲ့လည်း ကိုက်ညီနေတာကြောင့် အစိုးရဘက်က အကောင်အထည် ဖော်မယ်လို့လည်း မျှော်လင့်ထားပါတယ်။ ဒီအကြောင်း အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

၂၀၁၀ ခုနှစ် ရွေးကောက်ပွဲမှာ အနိုင်ရခဲ့တဲ့ ဖလုံ-စဝေါ် ဒီမိုကရက်တစ်ပါတီ၊ ချင်းအမျိုးသားပါတီ၊ မွန် ဒေသလုံးဆိုင်ရာ ဒီမိုကရေစီ ပါတီ၊ ရခိုင်တိုင်းရင်းသားများ တိုးတက်ရေး ပါတီနဲ့ ရှမ်းတိုင်းရင်းသားများ ဒီမိုကရက်တစ် ပါတီတို့ ပါဝင်တဲ့ ၅ ပါတီ အစည်းအဝေးဟာ ဒီလ ၂၆ ရက်နေ့က စတင်ခဲ့ပြီး ဒီကနေ့ ၂၇ ရက်နေ့ ညနေပိုင်းမှာ ပြီးဆုံးသွားတာ ဖြစ်ပါတယ်။

ဒီအစည်းအဝေးအတွင်းမှာ လွှတ်တော်ကျင်းပစဉ်က ဆွေးနွေး တင်ပြခဲ့ကြတဲ့ အချက်တွေကို ပြန်လှန် သုံးသပ်ခဲ့ကြပြီး ၂၇ ရက်နေ့ ညနေပိုင်းမှာတော့ အစိုးရသစ်နဲ့ နိုင်ငံတကာ အသိုင်းအ၀ိုင်းကို အချက် ၅ ချက် တင်ပြ တောင်းဆိုခဲ့တယ်လို့ မွန်ဒေသလုံးဆိုင်ရာ ဒီမိုကရေစီ ပါတီရဲ့ ဥက္ကဋ္ဌ ဦးနိုင်ငွေသိမ်းက အခုလို ပြောပါတယ်။

“အဲဒီ ၅ ချက်က သမ္မတရဲ့ မိန့်ခွန်းကို ကြိုဆိုတယ်။ ဒါနဲ့ပတ်သက်ပြီးတော့ ဖြစ်အောင်လို့ လုပ်ပေးပါ ဆိုပြီးတော့ တောင်းဆိုထားတဲ့ သဘောရှိတယ်။ နံပါတ် ၂ က တိုင်းရင်းသားတွေ နေထိုင်တဲ့ နေရာမှာ ဖွံ့ဖြိုးမှုကတော့ တိုင်းဒေသကြီးမှာ နေတဲ့သူထက်ကို ခြားနားတာပေါ့။ အဲဒါကြောင့် တည်ငြိမ်အေးချမ်းမှု ရမယ်ဆိုရင်တော့ တိုးတက်လာမယ်ပေါ့။ ဒါကြောင့် တည်ငြိမ်အေးချမ်းမှုရအောင် တက်လာတဲ့ အစိုးရသစ်က ဖန်တီးပေးပါဆိုတဲ့ တချက်။

“နောက်တချက်က အမျိုးသား စည်းလုံးညီညွတ်ရေးနဲ့ ပတ်သက်ပြီး အထွေထွေ လွတ်ငြိမ်းချမ်းသာခွင့်ပေ့ါဗျာ။ ဒီအမိန့်ကို ထုတ်ပြန်ပေးပါ ဆိုပြီးတော့ ဒီလိုမျိုး တောင်းဆိုထားတဲ့ သဘောပါ။ နောက်တခါ နယ်စပ်ဒေသမှာ ဖွံ့ဖြိုးတိုးတက်ဖို့က နယ်စပ်ဒေသမှာရှိတဲ့ ပုဂ္ဂိုလ်ကို တာဝန်ပေးမယ်ဆို ဆောင်ရွက်ရတာ ပိုပြီးတော့ လွယ်ကူမယ်ဆိုတဲ့ အနေအထား။ နောက် တိုင်းရင်းသား ဒေသတွေမှာ နိမ့်ကျနေတဲ့ ပညာရေး၊ ကျန်းမာရေး၊ အခြားကဏ္ဍတွေ အတွက်ကတော့ လူသားချင်း စာနာတဲ့ အကူအညီကို ပိုမိုပေးဖို့ ဆိုပြီးတော့ နိုင်ငံတကာ မိသားစုကို မေတ္တာရပ်ခံပြီး တောင်းဆိုထားတယ်ပေါ့ဗျာ။”

ရခိုင်တိုင်းရင်းသားများ တိုးတက်ရေး ပါတီက အထွေထွေ အတွင်းရေးမှူး ဦးလှစောကတော့ မြန်မာနိုင်ငံမှာ တကယ်လိုအပ်နေတဲ့ အရာတွေကို အကျေအလည် ညှိနှိုင်းတိုင်ပင်ပြီး တောင်းဆိုထားတာ ဖြစ်တယ်လို့ ပြောပါတယ်။

“ကျနော်တို့ တောင်းဆိုတာတွေက ဗမာပြည်မှာ တကယ်ဖြစ်သင့်တဲ့ ဟာတွေပဲဗျ။ ဥပမာ General Amnesty ကို ကျနော်တို့ တောင်းဆိုတယ်။ ဒါကလည်း ဗမာပြည်မှာ တကယ် အမျိုးသား ချစ်ကြည်ရေးကို ရှေ့ရှုပြီးတော့ General Amnesty ကို အမြန်ဆုံး ဖော်ထုတ်ပေးဖို့ပဲ။ ထုတ်လည်း ထုတ်ပေးမယ်လို့ ကျနော်တို့ မျှော်လင့်ပါတယ်။

“နောက်တခုကလည်း ပြည်တွင်း ငြိမ်းချမ်းရေးကို မတည်ဆောက်နိုင်ဘဲနဲ့ ကျနော်တို့ တိုင်းရင်းသားတွေရဲ့ ဖွံ့ဖြိုးတိုးတက်မှုဆိုတာ ဘယ်လိုမှ မဖြစ်နိုင်ပါဘူး။ အဲတော့ ပြည်တွင်းငြိမ်းချမ်းရေး တည်ဆောက်ဖို့အတွက် တပ်မတော်ဘက်ကရော၊ တိုင်းရင်းသား အင်အားစုတွေ ဘက်ကရော လောလောဆယ်မှာ အပစ်အခတ် ရပ်စဲမယ် ဆိုရင်တော့ ပြည်သူတရပ်လုံးကတော့ တော်တော် ၀မ်းမြောက်ဝမ်းသာ ဖြစ်ကြမှာပဲ။ အဲဒါလည်း ဘာမှ မလိုက်လျောနိုင်စရာ မရှိပါဘူး။ ပြည်သူတရပ်လုံးကလည်း မျှော်လင့်တဲ့ကိစ္စ၊ တကယ့်ကို ဖြစ်နိုင်တဲ့၊ လက်တွေ့ကျတဲ့၊ ပြည်သူတရပ်လုံးလည်း မျှော်လင့်တဲ့၊ နိုင်ငံတကာမှာလည်း အင်မတန် မင်္ဂလာရမယ့် ကိစ္စပေါ့ဗျာ၊ ကျနော်တို့က တင်ပြတာပဲ ဖြစ်ပါတယ်ဗျာ။”

ဒီတောင်းဆိုချက်တွေ အပေါ်မှာတော့ အစိုးရက အကောင်အထည် ဖော်ပေးလိမ့်မယ်လို့ မျှော်လင့်ထားတယ်လို့ ဆိုပါတယ်။

တိုင်းရင်းသား မဟာမိတ် ၅ ပါတီဟာ လက်ရှိဖြစ်ပေါ်နေတဲ့ နိုင်ငံရေး အခြေအနေတွေကို လေ့လာဆန်းစစ်ပြီး အလားတူ အကြံပြုတာနဲ့ ဝေဖန်တာတွေကို ဆက်လက် ဆောင်ရွက်သွားမှာ ဖြစ်တယ်လို့ ဦးလှစောက ဆက်ပြောပါတယ်။

ကရင်၊ ချင်း၊ မွန်၊ ရခိုင်နဲ့ ရှမ်း စတဲ့ တိုင်းရင်းသားပါတီ ၅ ပါတီဟာ အရင်ကလည်း ဒု-သမ္မတ တနေရာကို တိုင်းရင်းသားခေါင်းဆောင် တဦးဦးကို ခန့်ထားဖို့ တောင်းဆိုခဲ့ရာမှာ သူတို့ တောင်းဆိုတဲ့အတိုင်း အောင်မြင်မှု ရခဲ့ဖူးပါတယ်။

http://www.voanews.com/burmese/news/ethnic-parties-120786509.html

ဆက်ဖတ်ရန်
ပို့စ်တင်သူ ။.............။ လခြမ်းမြီ on Wednesday, 27 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ထိုင်းနိုင်ငံက ကမ္ဘောဒီးယားနဲ့ အပစ်အခတ်ရပ်စဲရေး ဆွေးနွေးမယ့် အစီအစဉ်ကို ဖျက်သိမ်းလိုက်ပါတယ်။ ဒါဟာ ဆယ်စုနှစ်နဲ့ချီပြီး အငြင်းပွားနေခဲ့ကြတဲ့ နယ်စပ်အရေးအခင်းမှာ တိုက်ခိုက်မှုတွေ အဆိုးဆုံးထိ ရောက်မလာခင် တိုက်ပွဲတွေ စောစောစီးစီး အဆုံးသတ်စေမယ့် မျှော်လင့်ချက်ကို ပျက်ပြယ်သွားစေခဲ့တာ ဖြစ်ပါတယ်။ ဒီအကြောင်းနဲ့ ပတ်သက်လို့ ဗွီအိုအေ သတင်းထောက် ဒန်နီယယ် ရှာ့ဖ် (Daniel Schearf) ဘန်ကောက်ကနေ သတင်းပေးပို့ထားတာကို မခွာညိုက တင်ပြပေးထားပါတယ်။

သောကြာနေ့ကတည်းက စဖြစ်လာခဲ့တဲ့ တိုက်ပွဲတွေမှာ အရပ်သား တယောက်နဲ့ စစ်သား ၁၃ ယောက် သေဆုံးခဲ့ရပါတယ်။ အခုလို ဆွေးနွေးပွဲ အထမမြောက်တာနဲ့ ရင်ဆိုင်တိုက်ပွဲတွေ ဖြစ်နေတာနဲ့ ပတ်သက်လို့ နှစ်နိုင်ငံလုံးက တဘက်ကို တဘက် အပြစ်ပုံချနေကြပါတယ်။

ထိုင်း ကာကွယ်ရေးဝန်ကြီး ပရာဝစ် ဝေါင်ဆူဝန် (Prawit Wongsuwan) က ကမ္ဘောဒီးယား ကာကွယ်ရေးဝန်ကြီး တီဘန်း (Tea Banh) နဲ့ မြို့တော် ဖနွမ်းပင်မှာ တွေ့ဆုံပြီး နှစ်ဘက်စစ်တပ်ကြားမှာ တပတ်ကြာ ဖြစ်ပွားနေတဲ့ တိုက်ပွဲတွေ အဆုံးသတ်ရေး မနေ့ ဗုဒ္ဓဟူးနေ့မှာ ဆွေးနွေးကြဖို့ စီစဉ်ထားခဲ့တာပါ။

ဒါပေမဲ့ မနက်အစောပိုင်းမှာ နှစ်ဘက်စလုံးက လက်နက်ကြီးတွေနဲ့ ပစ်ခတ် တိုက်ခိုက်နေခဲ့ကြပြီး ထိုင်းအာဏာပိုင်တွေဘက်က တွေ့ဆုံဆွေးနွေးရေးကို ဖျက်သိမ်းခဲ့တာပါ။ ထိုင်းနိုင်ငံကို အနိုင်တိုက်လိုက်နိုင်ပြီလို့ ကမ္ဘောဒီးယားသတင်းမှာ ဖော်ပြလိုက်ပြီးတဲ့နောက် တွေ့ဆုံဆွေးနွေးဖို့ ဖျက်သိမ်းလိုက်တာဖြစ်ကြောင်း ထိုင်း စစ်ဘက်ဆိုင်ရာ ပြောခွင့်ရသူ တဦးကို ကိုးကားပြီး ထိုင်းသတင်းတွေမှာ ရေးသား ဖော်ပြခဲ့ကြပါတယ်။

တရုတ်နိုင်ငံမှာ ကာကွယ်ရေးဝန်ကြီး ပရာဝစ်က အချေအတင် အစည်းအဝေးတွေ ရှိခဲ့ကြောင်းနဲ့ ဆွေးနွေးပွဲ ကျင်းပနိုင်မယ့် အခြေအနေကောင်းတွေ ဖြစ်မလာတဲ့အပေါ် ထိုင်းဝန်ကြီးချုပ် အဘီဆစ် ၀ိတ်ချာချီဝ (Abhisit Vejjajiva) က ကမ္ဘောဒီးယားကို အပြစ်တင်ပါတယ်။

“ကမ္ဘောဒီးယားက ဆွေးနွေးချင်တယ်လို့ ပြောတယ်။ ဒါပေမဲ့ တိုက်ခိုက်နေတာတွေကိုတော့ မရပ်ဘူး။ ဒီတော့ တွေ့ဆုံ ဆွေးနွေးဖို့ အခက်အခဲ ရှိပါတယ်။” လို့ သူက ပြောသွားပါတယ်။

ဆက်ပြီး ထိုင်း ကာကွယ်ရေးဝန်ကြီးဟာ တွေ့ဆုံဆွေးနွေးဖို့အတွက် တရုတ်ပြည်ကို သွားခဲ့ပြီး အခု အဲဒီကို ရောက်နေပါပြီ။ ထိုင်းနိုင်ငံဘက်ကလည်း တွေ့ဆုံဆွေးနွေးရေး ဖြစ်မြောက်စေချင်ပါတယ်။ ဒါပေမဲ့ ကမ္ဘောဒီးယား နိုင်ငံဘက်က စပြီး တိုက်ခိုက်မှုတွေ ရပ်ရပါမယ်လို့ သူက ပြောသွားခဲ့ပါတယ်။

ဗုဒ္ဓဟူးနေ့က မစ္စတာ အဘီဆစ်ဟာ နယ်စပ်ဒေသ၊ ဆူရင်ပြည်နယ်က ဒဏ်ရာရသူတွေကို ကြည့်ရှုဖို့ သွားရောက်ခဲ့စဉ် သတင်းထောက်တွေကို အခုလို မှတ်ချက်ပေး ပြောကြားခဲ့တာပါ။ နောက်ဆုံးတိုက်ပွဲအတွင်းမှာ ထိုင်းဘက်က အရပ်သားတယောက် ပထမဆုံး သေဆုံးခဲ့ရကြောင်း ထိုင်းအာဏာပိုင်တွေက ပြောပါတယ်။

ဗုဒ္ဓဟူးနေ့က ကမ္ဘောဒီးယား ၀န်ကြီးချုပ် ဟွန်ဆဲန် (Hun Sen) က ငြိမ်းချမ်းရေး ဆွေးနွေးပွဲတွေ ပြန်စဖို့ တိုက်တွန်းခဲ့ပါတယ်။ နှစ်ဘက်လုံးက ရာထောင်ချီတဲ့ အရပ်သားတွေ အိုးပစ်အိမ်ပစ် ထွက်ပြေးနေကြရတဲ့ စစ်ပွဲတွေ ဆက်ဖြစ်မယ်ဆိုရင် အဲဒီ စစ်ပွဲတွေအတွက် ထိုင်းတပ်ဖွဲ့တွေမှာ တာဝန်ရှိတယ်လို့ ကမ္ဘောဒီးယားဘက်က ပြောပါတယ်။

ထိုင်းစစ်သားတွေက ကမ္ဘောဒီးယားဘက်ကို ဆက်ပြီး တိုက်နေတဲ့အတွက် နယ်စပ်ဒေသ အခြေအနေက တင်းမာနေဆဲ ဖြစ်တယ်လို့ ကမ္ဘောဒီးယား နိုင်ငံခြားရေးဝန်ကြီး ကွိုင် ကောင် (Koy Kuong) က ပြောပါတယ်။ အင်ဒိုနီးရှား လေ့လာ စောင့်ကြည့်ရေးအဖွဲ့ နယ်စပ်ဒေသကို ၀င်ရောက်လာဖို့ သဘောတူညီချက်အပေါ် ထိုင်းနိုင်ငံ အနေနဲ့ အလေးထားသင့်ကြောင်းကိုလည်း နိုင်ငံခြားရေးဝန်ကြီးက ပြောပါတယ်။

“နယ်စပ်ဒေသတလျှောက် အင်ဒိုနီးရှားဘက်က စောင့်ကြည့်ရေး အဖွဲ့ကို ခွင့်ပြုဖို့ ငြင်းပယ်ခဲ့တာက ထိုင်းနိုင်ငံပါ။ သူတို့က အမြဲတမ်း ပယ်ချနေခဲ့တာပါပဲ။ နောက်ပြီး သူတို့က စတိုက်တယ်။ ပြီးရင် ကျနော်တို့ဘက်က စတိုက်တယ်လို့ ပြန်ပြီး စွပ်စွဲတယ်။”

နယ်စပ်ဒေသမှာ အခြေအနေ ပြန်ပြီး အေးဆေး တည်ငြိမ်သွားအောင် ကူညီဖို့ စောင့်ကြည့် လေ့လာသူတွေ စေလွှတ်ရေး သဘောတူညီချက်ကို အင်ဒိုနီးရှားနိုင်ငံက ဆောင်ရွက်ခဲ့တာပါ။ ဒါပေမဲ့ ထိုင်းစစ်တပ်က ငြင်းပယ်လိုက်တဲ့အတွက် စေ့စပ်ညှိနှိုင်းရေး ရပ်တန့်သွားခဲ့ရပါတယ်။

ပဋိပက္ခတွေ အဆုံးသတ်ရေး ထိုင်းနိုင်ငံဘက်က နှစ်ဘက်ဆိုင်ပြီး ဖြေရှင်းမှ ရမယ်လို့ ပြောနေချိန်မှာပဲ ကမ္ဘောဒီးယား နိုင်ငံဘက်ကတော့ နိုင်ငံတကာရဲ့ ကြားဝင် ညှိနှိုင်းပေးမှုကို လိုလားနေတာပါ။ သူပိုင်၊ ငါပိုင် အငြင်းပွားနေတဲ့ ဘုရားကျောင်းနားက နယ်စပ်တလျှောက်မှာ နှစ်နိုင်ငံ တပ်ဖွဲ့တွေဟာ ပြီးခဲ့တဲ့ သောကြာနေ့က စပြီး အပြန်အလှန် ပစ်ခတ်နေခဲ့ကြတာပါ။

ပြီးခဲ့တဲ့ ဖေဖော်ဝါရီလထဲကလည်း သုံးလေးရက်ကြာအောင် နှစ်ဘက် စစ်တပ်တွေ အပြန်အလှန် ပစ်ခတ်ခဲ့ကြလို့ နှစ်ဘက်လုံးမှာ လူပေါင်းများစွာ သေခဲ့ကြရပြီးပါပြီ။ ဘယ်ဘက်က စပစ်သလဲဆိုတာ ရှင်းရှင်းလင်းလင်း မသိရပေမဲ့ နှစ်ဘက်လုံးကတော့ တဘက်ကိုတဘက် အပြစ်ပုံချနေကြပါတယ်။

ထိုင်းနဲ့ ကမ္ဘောဒီးယား နှစ်နိုင်ငံကြား နယ်စပ်ဒေသရဲ့ နယ်နိမိတ်ကို အတိအကျ သတ်မှတ်ပြဋ္ဌာန်း ထားနိုင်တာမျိုး မရှိသေးပါဘူး။ နှစ်ဘက်လုံးက ဘုရားကျောင်းတ၀ိုက် နယ်မြေကို တရားဝင် ပိုင်ဆိုင်တာ သူတို့ဖြစ်တယ်လို့ အခိုင်အမာ ပြောဆိုနေကြပါတယ်။

ပြည်သူတွေကို အမျိုးသားရေးစိတ်ဓာတ် မြှင့်တင်ရေးမှာ နှစ်နိုင်ငံလုံးက နိုင်ငံရေးသမားတွေဟာ ဒီနယ်စပ်ဒေသ အငြင်းပွားမှုကို အသုံးချနေကြတာဖြစ်တယ် ဆိုတဲ့ စွပ်စွဲချက်တွေလည်း ရှိနေပါတယ်။

http://www.voanews.com/burmese/news/thai-cambodia-indonesia-120826384.html

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ခင်ဦးသာ
ရွေးကောက်ပွဲ ၀င်ရောက်ယှဉ်ပြိုင် ခဲ့ကြသော တိုင်းရင်းသားပါတီ ၅ ခုသည် လက်နက်ကိုင်အဖွဲ့များနှင့် ငြိမ်းချမ်းရေးရယူခြင်း၊ အထွေထွေ လွတ်ငြိမ်းချမ်းသာခွင့် အမိန့်ထုတ်ပေးခြင်း၊ သမ္မတသစ် မိန့်ခွန်းကြိုဆိုခြင်း စသည်ဖြင့် အချက် ၅ ချက်ပါသော
ကြေညာချက်တစောင်ကို ရန်ကုန်မြို့၌ပြုလုပ်သော ယနေ့ အစည်းအဝေးမှ ထုတ်ပြန်လိုက်သည်။

sndp-open

မူဆယ်မြို့တွင် ကျားဖြူပါတီ အလံနှင့် ဆိုင်းဘုတ်တင်သည့် အခမ်းအနား (ဓာတ်ပုံ – Shanland)
သမ္မတသစ်ဦးသိန်းစိန်၏ မိန့်ခွန်းကို ကြိုဆိုသည့်အပြင် လက်တွေ့ အကောင်အထည်ဖော် ဆောင်ရွက်မည်ဟု ယုံကြည်၍ ယခုကဲ့သို့ ကြေညာချက် ထုတ်ပြန်ခြင်း ဖြစ်ကြောင်း မွန်ဒေသလုံးဆိုင်ရာ ဒီမိုကရေစီပါတီ၏ ဥက္ကဋ္ဌ ဦးနိုင်ငွေသိန်းက ပြောသည်။

“ပြောရုံ သက်သက်မဟုတ်ဘဲ လက်တွေ့မှာ ထိရောက်အောင်လုပ်ပေးဖို့၊ နယ်စပ်ဒေသတွေကို အားသွန်ခွန်စိုက်လုပ်ပေးဖို့၊ တိုင်းနဲ့ပြည်နယ် တန်းတူဖြစ်ဖို့ ဆိုတာတွေကို ကြေညာချက်ထဲမှာ ရေးထားတယ်”ဟု ဦးနိုင်ငွေသိန်းက ဆိုသည်။

ဖွံ့ဖြိုးမှု နောက်ကျနေသော နယ်စပ်ဒေသများ၏ ပညာရေး၊ ကျန်းမာရေး စသည့်လူမှု အထောက်အကူပြု ကိစ္စများ၌ နိုင်ငံ တကာ အကူအညီမှုများ ပိုမိုရရှိရေး လုပ်ဆောင်ပေးနိုင်ရန်အတွက်လည်း ကြေညာချက်၌ ပါရှိသည်။

တိုင်းရင်းသားဒေသများ၌ လက်နက်ကိုင်တိုက်ပွဲများ၊ ပဋိပက္ခများ၊ ပြည်တွင်းစစ်မီးများသည် လက်ရှိအချိန်ထိ တောက်လောင် နေဆဲဖြစ်၍ ငြိမ်းချမ်းရေးဆွေးနွေးပွဲသည် အလွန်ပင်အရေးကြီးကြောင်း၊ အပြောသက်သက်မဟုတ်ဘဲ လက်တွေ့ လုပ်ဆောင် ရန် အရေးကြီးကြောင်း ရခိုင် တိုင်းရင်းသားများ တိုးတက်ရေးပါတီ(RNDP)၏ အတွင်းရေးမှူး ဦးလှစိုးက ပြောသည်။

အစည်းအဝေး၌ လွှတ်တော်တွင်တင်ပြခဲ့သော အားလုံးနီးပါး ပယ်ချခံခဲ့ရသည့် အဆိုပြုချက်များ ပြန်လည်ဆွေးနွေးနိုင်ရန်နှင့် တိုင်းရင်းသား ဒေသများ၌ သက်ဆိုင်ရာ စာပေ၊ ယာဉ်ကျေးမှု၊ ကိုယ်ပိုင်ပြဌာန်းခွင့်၊ တန်းတူအခွင့်အရေး စသည့်အရေးများကို လည်း ဆွေးနွေးခဲ့ကြကြောင်း သိရသည်။

“လွှတ်တော်မှာ တင်သွင်းတာတွေအားလုံးက လိုအပ်တာတွေချည်းပါ၊ ဒါတွေကို ဘာကြောင့်ပယ်ချခံရတယ်ဆိုတာတော့ ကျနော်တို့လည်း နားမလည်ဘူး”ဟု ရှမ်း တိုင်းရင်းသားများ ဒီမိုကရက်တစ်ပါတီ(SNDP)ခေါ် ကျားဖြူပါတီ ၏ လွှတ်တော် ကိုယ်စား လှယ် တဦးက ပြောသည်။

သမ္မတသစ်ဦးသိန်းစိန်က နိုင်ငံအတွင်းရှိ ရေခြားမြေခြားဖြစ်နေသည့်ဒေသများကိုတဆက်တစပ်တည်းဖြစ်ရန် လမ်းတံတားများတည်ဆောက်၍ တိုင်းရင်းသားဒေသများအားလုံး ဖွံ့ဖြိုးတိုးတက်ရေးလုပ်ဆောင်သွားမည်ဟု နယ်စပ်ဒေသနှင့် တိုင်းရင်းသား လူမျိုး များ၏ ဖွံ့ဖြိုးတိုးတက်ရေး အစည်းအဝေး(၁/၂၀၁၁) ၌ ပြောဆိုထားသည်။

ရခိုင် တိုင်းရင်းသားများတိုးတက်ရေးပါတီ(RNDP)၏ ဥက္ကဋ္ဌ ဒေါက်တာအေးမောင်က“တိုင်းရင်းသားဒေသတွေအားလုံးကို ဖွံ့ဖြိုးစေချင်တဲ့ စေတနာရှိရင် အဲဒီစေတနာကို အသိအမှတ်ပြုပါတယ်။ ဒါပေမယ့် ငြိမ်းချမ်းရေးဆွေးနွေးပွဲ ဆိုတာအရင် လုပ်ရမှာပါ၊ တည်ငြိမ်မှု၊ ငြိမ်းချမ်းမှုတွေရှိမှ ဖွံ့ဖြိုးရေးတွေ လုပ်နိုင်မှာပေါ့”ဟု ဧရာဝတီကို ပြောသည်။

“ငြိမ်းချမ်းရေးဆွေးနွေးပွဲတွေ လုပ်မယ်ဆိုရင်လည်းပဲ ကြိုတင်သတ်မှတ်ချက်တွေ မထားဘဲ အားသာချက်၊ အားနည်းချက်တွေကို နားလည်ပေးပြီး ညီရင်းအစ်ကိုလို သဘောထားမယ်၊ ငြိမ်းချမ်းရေး ယူသူတွေရဲ့လုံခြုံရေးတွေကအစ အကာအကွယ်ပေးပြီး တော့ငြိမ်းချမ်းရေး ဆွေးနွေးပွဲတွေအရင် လုပ်ဖို့လိုအပ်ပါတယ်”ဟု ဒေါက်တာ အေးမောင်က ဆိုသည်။

ရေခြားမြေခြား တသီးတခြားစိတ်ဓာတ်များပပျောက်ပြီး ပြည်ထောင်စုစိတ်ဓာတ်ပေါ်ပေါက်လာစေရန် လမ်းပန်းဆက် သွယ်ရေး အရေးကြီးကြောင်း၊ တိုင်းရင်းသားနယ်စပ်ဒေသများအားလုံး တည်ငြိမ်အေးချမ်းဖွံ့ဖြိုးတိုး တက်စေလိုသည့် အစိုးရ၏ စေတနာ ကို နားလည်ယုံကြည်လက်ခံလာစေရေးအတွက် လက်တွေ့လုပ်ပြလိုကြောင်း ဦးသိန်းစိန်ကပြော ဆိုခဲ့သည်။

အုပ်ချုပ်ရေးနှင့်တရားစီရင်ရေး ပီပြင်ရန်အတွက် ပြည်ထောင်စုအစိုးရ၏ အာဏာစက်သည် နယ်စပ်အစွန်အဖျားထိ ရောက်ရှိရန်အရေးကြီးကြောင်းလည်း ၎င်းက ဆက်လက်ပြောဆိုသည်။

တိုင်းရင်းသား ခေါင်းဆောင်များသည် အထွေထွေလွတ်ငြိမ်းချမ်းသာခွင့်ကိစ္စများကိုလည်း အလေးထားဆွေးနွေးခဲ့ကြပြီး တခြားသော နိုင်ငံရေးပါတီများ၊ အဖွဲ့အစည်းများက ထိုကိစ္စကို ဆက်တိုက်တောင်းဆိုနေကြသော်လည်း အစိုးရသစ်အနေဖြင့် တစုံတရာ ပြန်လည်တုံ့ပြန်မှု မရှိသေးပေ။

“အစိုးရက လွှတ်မပေးသေးပေမယ့် ကျနော်တို့တွေက တောင်းဆိုနေရမှာပါ၊ တောင်းဆိုနေရတာက အားလုံးပါဝင်နိုင်တဲ့ နိုင်ငံ ရေး အခင်းအကျင်းသစ်တခု ပေါ်ပေါက်လာစေချင်လို့ပါ၊ နိုင်ငံရေးပါတီတွေ၊ အာဆီယံ၊ တရုတ်၊ အမေရိကန် စတဲ့နိုင်ငံတွေ၊ အဖွဲ့အစည်းတွေကပါ မကြာခဏတောင်းဆိုနေမယ်ဆိုရင် အစိုးရအနေနဲ့ စဉ်းစားလာနိုင်တယ်”ဟု ဒေါက်တာအေးမောင်က ပြော သည်။

နိုင်ငံရေး အတိုက်အခံ ခေါင်းဆောင်များ၊ အင်အားစုများ၊ ၈၈ မျိုးဆက် ကျောင်းသားခေါင်းဆောင်များကိုလွှတ်ပေးပါက အစိုးရ သစ် ၏ အာဏာအား ထိခိုက်၊ လှုပ်ခတ်သွားနိုင်၍ နိုင်ငံရေးအကျဉ်းသားများ လွှတ်ပေးရေးကိစ္စသည် ကာလ တခုကြာဦးမည် ဟု နိုင်ငံရေး အကဲခတ် တချို့က ပြောဆိုကြသည်။

“ဥပမာ မင်းကိုနိုင်၊ ဌေးကြွယ်၊ ကိုကိုကြီး စတဲ့ ၈၈ ခေါင်းဆောင်တွေလွတ်လာရင် ဒေါ်စုနဲ့ပေါင်းပြီးတော့ နိုင်ငံရေးအင်အားစုကြီး တခုပေါ်လာနိုင်တယ်၊ နိုင်ငံရေးလှုပ်ရှားမှုတွေ ပေါ်လာမယ်၊ ဒီလူတွေအားကောင်းလာရင် အစိုးရအတွက် ခြိမ်းခြောက်မှုလို မျိုး ဖြစ်လာနိုင်တယ်”ဟု နိုင်ငံရေး အကဲခတ် တဦးက ပြောသည်။

အစိုးရသစ်သည် ၎င်းတို့၏ အာဏာကို အောက်ခြေအဆင့်မှစ၍ ဆက်လက်ချုပ်ကိုင်ထားလိုသည့် သဘောရှိကြောင်း၊ သို့ဖြစ်၍ အောက်ခြေအဆင့် ရယက၊ မယက စသည့်အဖွဲ့၌ ယခင်လူများကိုသာ ပြန်လည်ခန့်ထားကြောင်း ၎င်းက ဆက်ပြောသည်။

ယနေ့ တွေ့ဆုံဆွေးနွေးခဲ့ကြသည့် တိုင်းရင်းသားပါတီ ၅ ခုမှာ ရခိုင် တိုင်းရင်းသားများ တိုးတက်ရေးပါတီ၊ မွန်ဒေသလုံး ဆိုင်ရာ ဒီမိုကရေစီ ပါတီ၊ ရှမ်း တိုင်းရင်းသားများ ဒီမိုကရက်တစ် ပါတီ၊ ချင်း အမျိုးသားပါတီ၊ ကရင်ပါတီ ( ဖလုံ-စဝေါ်)တို့ဖြစ်သည်။

http://www.irrawaddy.org/bur/index.php/news/6273-2011-04-27-12-53-09

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

Blogspot အသုံးပြုသူတိုင်း မိမိဘလော့ဂ်ရဲ့ ထိပ်ဆုံးမှာ ဘလော့ဂ်တွေကို ရှာဖွေလို့ရတဲ့ Search Box တစ်ခုနဲ့ အတူ မိမိရဲ့ Gmail Address ကိုပါအမြဲဖော်ပြနေတဲ့ Navigation Bar တစ်ခုကို သတိပြုမိကြမှာပါ။ တစ်ချို့ ကအဲဒီဘားကို ကြိုက်တာရှိသလို တစ်ချို့ကလည်း မကြိုက်တာတွေရှိကြပါတယ်။ အဲဒီ navbar ကလည်း တစ်ချို့သော Blogger Template တွေမှာ ပါသလို တစ်ချို့သော Template တွေမှာ မပါပါဘူး။ သေချာတာက တော့ Blogger.com ရဲ့ မူရင်း Template အားလုံးလိုလိုမှာ ပါပါတယ်။နောက် များသောအားဖြင့် ဘလော့ဂ္ဂါတွေ တော်တော်များများကလည်း အဲဒီ Navigation Bar ကို မိမိနည်း ၊ မိမိဟန်နဲ့ ဖျောက်ပြီးအသုံးပြုနေကြတာ အစဉ် အလာတစ်ခုလိုဖြစ်နေပါပြီ။

ဒီနေရာမှာ အရေးကြီးတဲ့ မေးခွန်းတစ်ခုကတော့ အဲဒီလို Navigation Bar ဖျောက်သုံးခြင်းဟာ Google ရဲ့ Terms of Service တွေ ၊ Privacy Polcy တွေနဲ့ညီ မညီဆိုတာပါပဲ။ဒါနဲ့ပတ်သက်ပြီး လေ့လာကြည့်မိတဲ့ အချိန်မှာ Blogger ရဲ့ TOS စာမျက်နှာ မှာမည်သည့် ရည်ညွှန်းချက်မှ မတွေ့မိသလို Blogger Support Group ရဲ့ ဆွေးနွေးခန်း မှာ ဆိုရင်လည်း Navigation Bar နဲ့ ပတ်သက်တဲ့ မေးခွန်းတိုင်းကို အမြဲတစေ ငြင်းပယ်လေ့ ရှိတာကိုတွေ့ရပါတယ်။

ဒီပြဿနာကို ရှင်းရှင်းလင်းလင်း သိဖို့အတွက် အိန္ဒိယ နိုင်ငံ ဘန်ဂလိုမြို့မှာ ပြုလုပ်ခဲ့တဲ့ Google ရဲ့ Road Show ပြပွဲအတွင်း Blogger များမှ navbar Polcy နဲ့ပတ်သက်တဲ့ အကြောင်းအရာများကို ရှင်းလင်းပြောကြားပေးဖို့ Google ရဲ့တာဝန် ရှိသူများကို မေးမြန်းခဲ့ကြပါတယ်။ အဲဒီပြပွဲအတွင်းမှာပဲ Google အမှုဆောင်အဖွဲ့( Google's Bangalore office) မှ အရေးပေါ်အစည်း အဝေးခေါ်ခဲ့ပြီး navbar ဖျောက်ခြင်းဟာ တရားဝင်(Legal) ဖြစ်ပါကြောင်း သေချာတဲ့ ဆုံးဖြတ်ချက်နှင့် ရှင်းရှင်းလင်းလင်းကြေညာခဲ့ပါတယ်။

ကောင်းပါပြီ။ အဲဒီတော့ ကျွန်တော်တို့ဒီ nvabar လေးကိုဖျောက်သုံးခြင်းဟာ တရားဝင်ဖြစ်ကြောင်း သေချာသွားပါပြီ။ ဘယ်လိုဖျောက်မလဲ။ နည်းလမ်းတွေကတော့ အမျိုးမျိုးရှိပြီး၊ အမျိုးမျိုးသုံးကြပါတယ်။ ဘလောဂ္ဂါအများစု သုံးလေ့သုံးထရှိတဲ့ နည်းလမ်းကတော့ မိမိရဲ့ Blog Template အတွင်း ဆိုတဲ့ကုဒ် မတိုင်ခင်မှာ အောက်ပါကုဒ် လေးထည့်သွင်း လိုက်ကြခြင်းပါပဲ။

#navbar-iframe {display:block}
ဒါပေမယ့် အဲဒီ နည်းလမ်းအရ သုံးတဲ့ navbar ကို ဖျောက်ရာမှာ တိကျသေချာမှု သိပ်မရှိလှပါဘူး။ တစ်ခါတစ်လေ လုပ်တဲ့ နေ့ကတော့ အကောင်းဖြစ်ပေမယ့် နောက်(၂) ရက်လောက်အကြာမှာ navbar ကပြန်ပေါ်လာတတ် တာမျိုးတွေရှိပါတယ်။

နောက် .. ဒီနည်းနဲ့လည်း navbar ကိုဖျောက်နိုင်ပါသေးတယ်။ မိမိဘလေ့ာဂ်ရဲ့ Edit Html စာမျက်နှာကိုသွား ပါ။ body { ဆိုတဲ့ ကုဒ် ကိုတွေ့အောင်ရှာပါ။ ပြီးတဲ့နောက် ၎င်းကုဒ်မတိုင်ခင် အောက်ပါကုဒ် များကို ပြထားသည့် အတိုင်း ထည့်ပါ။
.Navbar {
display:none;
visibility:hidden
}
body {

အထက်ပါနည်းလေးကတော့ မဆိုးလှပါဘူး။အသုံးပြုသူတွေကို လုံလောက်တဲ့ ကျေနပ်မှုရစေမှာပါ။

အကောင်းဆုံးနဲ့ လက်ရှိကျွန်တော်သုံးနေတဲ့ နည်းကတော့ အောက်ပါ နည်းလမ်း ပါပဲ။

၁) သင့် ဘလော့ဂ္ဂါ အကောင့်ထ် ကိုဝင်ပါ။ Setting ကိုဆက်ဝင်ပြီး ၊ Template tab မှတဆင့် Edit HTML ကိုဆက်သွားပါ။ အဲဒီကိုရောက်ပြီဆိုတာနဲ့ အောက်ပါ ကုဒ် ကိုတွေ့အောင်ရှာပါ။

၂)ကုဒ်ကိုတွေ့ပြီဆိုပါက ၎င်း၏နောက်မှ ကုဒ်များကို အောက်ပါအတိုင်း ဆက်ထည့်ပေးပါ။




ဒါဆိုရင် မပေါ်စေချင်တဲ့ navbar လုံးဝ ကိုပေါ်လာတော့မှာ မဟုတ်ပါဘူး။ navbar မပေါ်စေချင်သူများ မိမိဘလော့ဂ်မှာ လက်တွေ့စမ်းသပ်ကြည့်နိုင်ပါတယ်။

http://chitoophoto.blogspot.com/2007/11/navbar.html

ဆက်ဖတ်ရန်
ပို့စ်တင်သူ ။.............။ လခြမ်းမြီ on Tuesday, 26 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ကန္တာရ၀တီတိုင်း(မ်)
ကရင်နီပြည်၊ ဖရူဆိုမြို့နယ် လောကျေခူ (လောကယေခူ) ကျေးရွာတွင် ယခုလ ၁၃ ရက်နေ့က လေမုန်တိုင်း ကျရောက်၍ ရွာတ၀က်ကျော် ပျက်စီးဆုံးရှုံးပြီးရွာသားအချို့ဒါဏ်ရာရရှိခဲ့ကြသည်ဟု ဆိုသည်။
လေမုန်တိုင်း တိုက်ခတ်ခံရသော ဖရူဆိုမြို့နယ်မှ လောကယေခူကျေးရွာ (ဓါတ်ပုံ-ကယားလီဖု)

လေမုန်တိုင်း တိုက်ခတ်ခံရသော ဖရူဆိုမြို့နယ်မှ လောကယေခူကျေးရွာ (ဓါတ်ပုံ-ကယားလီဖု)

ပြီးခဲ့သည့် ၁၃ ရက်နေ့ ညနေ သုံးနာရီ အချိန်တွင် ကျရောက်ခဲ့သည့် လေမုန်တိုင်းသည် အိမ်ခြေ ၅၂ လုံးအနက် ၃၀ အား ပျက်စီးစေခဲ့ပြီး စပါးကျီ ၁၁ လုံးပါ ပြိုလဲပျက်စီးစေခဲ့သည်ဟု ဒေသခံများက ပြောသည်။

“တခါမှ မကြုံဖူးတဲ့ မုန်တိုင်းဘဲ။ ရွာသားအချို့ ဒါဏ်ရာရတယ်။ အသေအပျောက်တော့ မရှိဘူး” ဟု လောကယေခူရွာသားတဦးက ပြောသည်။

မုန်တိုင်းကြောင့် အိုးအိမ်မဲ့ ဖြစ်နေရသော ရွာသားများအား ကက်သလစ် ဂရုဏာ အဖွဲ့မှ လောလောဆယ် ပြုစုစောင့်ရှောက်နေရကြောင်း သိရသည်။

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

နေပြည်တော် ပျဉ်းမနား၌ ဧပြီ ၂၆ ရက် ယနေ့တွင် မိဘမဲ့ကလေးများ ရန်ပုံငွေပွဲအဖြစ် ကျင်းပမည့် နာမည်ကြီး အဆိုတော်များနှင့် IC တေးဂီတ၀ိုင်း၏ စင်တင်ဖျော်ဖြေပွဲကို အာဏာပိုင်များက ခွင့်ပြုချက်မပေးသောကြောင့် ပွဲပျက်သွားခဲ့သည်။
IC_Lay_Phyu_Thin_Gyan


ပြီးခဲ့သည့် သင်္ကြန် အတက်နေ့က မန္တလေးတွင် ဖျော်ဖြေနေသော အဆိုတော် လေးဖြူ နှင့် IC အဖွဲ့(ဓာတ်ပုံ - Eleven Media Group)

အစိုးရနှင့် နီးစပ်သည့် စီးပွားရေးလုပ်ငန်းရှင် တဦးဖြစ်သူ ဦးတေဇ ၏ ပုဂံဖျော်ဖြေရေးအဖွဲ့မှ စီစဉ်ကာ ပျဉ်းမနားမြို့ရှိ စမ တောင်မှ မိဘမဲ့ကလေးများ ရန်ပုံငွေပွဲအဖြစ် ကျင်းပမည့် IC ရှိုးပွဲကို အာဏာပိုင်များက လုံခြုံရေး အကြောင်းပြချက်ဖြင့် ပွဲမိန့် မပေးသောကြောင့် ပွဲပျက်ခဲ့ရခြင်းဖြစ်သည်ဟု ဒေသခံများက ပြောသည်။

အမည်မဖော်လိုသူပျဉ်းမနားမြို့နယ် အထွေထွေအုပ်ချုပ်ရေး ဦးစီးဌာန တာဝန်ရှိသူတဦးက“အစက ပွဲမိန့်ကို မြန်မာနိုင်ငံ ရဲတပ်ဖွဲ့ကကော ပြည်ထဲရေးဝန်ကြီးဌာနကပါ ပေးတယ်။ နောက် သတင်းတပ်ဖွဲ့နဲ့ တပ်မတော် စစ်ဘက်ရေးရာလုံခြုံရေးအဖွဲ့(စရဖ) က လုံခြုံရေးကြောင့် ပွဲမိန့်မပေးသင့်တဲ့အကြောင်း ကန့်ကွက်ရာက ပွဲပျက်သွားတယ်လို့ သိရပါတယ်”ဟု ပြောပြသည်။

“ကျနော်တို့ဆို လက်မှတ်ဝယ်ပြီး ကြည့်ဖို့ အားခဲထားတာ။ ၂၅ ရက်နေ့ ညနေမှ အကြောင်းအမျိုးမျိုးကြောင့် ပွဲပျက်သွားတယ် ဆို တာ ကြော်ငြာလိုက်ကပ်မှ ပွဲ မဖြစ်တော့ဘူးဆိုတာ သိရတယ်”ဟု ပျဉ်းမနားမြို့ခံလူငယ်တဦးကလည်း ပြောသည်။

ယင်း ရှိုးပွဲ လက်မှတ်ခများကို ကျပ် ၂၀၀၀၀၊ ၁၅၀၀၀ နှင့် ၇၀၀၀ သတ်မှတ်ထားပြီး လေးဖြူ၊ အငဲ၊ မျိုးကြီး၊ ၀ိုင်ဝိုင်း၊ လင်းလင်းနှင့် ချမ်းချမ်းတို့ ဖျော်ဖြေသွားမည်ဟု ကြော်ငြာတွင် ပါရှိသည်။

ထိုသို့ ပွဲပျက်သွားသည့်အတွက် ကြိုတင်လက်မှတ် ၀ယ်ယူထားသူများကို လက်မှတ်ဖိုးငွေများ ပြန်လည်ထုတ်ပေးမည်ဖြစ်ကြောင်း သိရသည်။

http://www.irrawaddy.org/bur/index.php/news/6253---ic--

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ရခိုင်ပြည်နယ်မှ လျှပ်စစ်မီး ရရှိသော မြို့များတွင် ပုံမှန် ဈေးနုန်းထက် မီတာခများ အလွန်အကျွန် ဈေးကြီးနေသဖြင့် ပြည်သူ အများစုမှာ လျှပ်စစ်မီး မသုံးစွဲရဲလောက်အောင် ဖြစ်နေကြောင်း သတင်း ရရှိသည်။

ထိုသို့ မီတာခများ ဈေးနုန်းကြီးမြင့်နေချိန်တွင် မြေပုံမြို့တွင် ယူနစ်များကို အပိုကောက်ခံနေကြောင်း ဒေသခံ ပြည်သူ တစ်ဦးက ပြောသည်။

“ မီတာခက မြေပုံမှာ တယူနစ်ကို ၅၀၀ ကျပ် ကောက်ပါတယ်။ လစဉ် မယူမနေရ (၅) ယူနစ် ယူရပါတယ်။ အဲဒီအထဲက တစ်ခါ တလကို ၂ ယူနစ် အလိုလို ပေးနေရပါတယ်။ တလ ၂ ယူနစ်ဖိုး ပေးရတာက ဆီဖိုး မလောက်လို့ ဆိုပြီး သူတို့က အကြောင်း ပြတောင်းယူတာ ဖြစ်ပါတယ်” ဟု ပြောသည်။

မြေပုံမြို့တွင် လျှပ်စစ်မီးကို အာဏာပိုင်များနှင့် မြို့ခံမျာ ဖွဲ့စည်းထားသော မီးလင်းရေး ကော်မီတီမှ မီးပေးဝေနေခြင်း ဖြစ်ပြီး တစ်နေ့ သုံးနာရီသာ ရရှိသည်ဟု သူက ပြောသည်။

“ မီးက ညနေ ၇ နာရီကနေပြီး ၁၀ နာရီထိ ပေးပါတယ်။ တစ်နေ့ သုံးနာရီ မီးရဖို့ အတွက် တစ်လ တစ်လကို ကျပ် တစ်သောင်းကနေ နှစ်သောင်းခွဲထိ ကုန်ကျနေတယ်။ အခုလူတွေက မီးတွေကို မသုံးစွဲရဲတဲ့ အထိ ဖြစ်လာတယ်။ အာဏာပိုင်တွေနဲ့ ချမ်းသာတဲ့ သူတွေက ခုလို လုပ်နေပေမယ့် သာမန် မြို့သူ မြို့သားတွေက ဘာမှ မပြောရဲဘဲ အံကြိတ်ခံနေကြရပါတယ်” ဟု သူက ပြောသည်။

ယခုကဲ့သို့ လျှပ်စစ်မီတာခများကို အလွန်အကျွန်ကောက်ခံ သဖြင့် ဒုက္ခရောက်နေကြသည်မှာ မြေပုံမြို့ တစ်ခုတွင် မဟုတ်ဘဲ ရခိုင်မှ တခြားမြို့များ အားလုံးတွင် ဖြစ်သည်။

ဗမာပြည်မဘက်မှ ဒေသများတွင် လျှပ်စစ်မီး တယူနစ် ၂၈ ကျပ်ပေးရသော်လည်း ရခိုင်ပြည်နယ်တွင် ဗမာပြည်ထက် အဆပေါင်း ၂၀ ခန့် ပိုမို ပေးဆောင်နေကြရခြင်း ဖြစ်ကြောင်း သိရသည်။

ထိုကဲ့သို့ ပေးဆောင်နေရမူ အပေါ် ရခိုင်တိုင်းရင်းသားများ တိုးတက်ရေး ပါတီ ဥက္ကဌ ဒေါက်တာ အေးမာင်က သူ့အမြင်ကို ယခုကဲ့သို့ ပြောသည်။

“ ကျွန်တော်အမြင်ကို ပြောရရင် ဒါတွေကို နိုင်ငံတော် အစိုးရက ကျခံသင့်တယ်လို့ မြင်ပါတယ်။ ဥပမာ ပြောရင် မီးရထား ၀န်ကြီးဌာနတို့ ရေကြောင်း သယ်ယူပို့ဆောင်ရေး လုပ်ငန်းတို့ အနေနဲ့ ပြည်သူတွေ အတွက် အရှုံးခံပြီး လုပ်ပေးနေတာပါဘဲ။ မြန်မာလေကြောင်း ကော်ပိုရေးရှင်းဆိုရင်လည်း ဒီအတိုင်းပါဘဲ။ ပုဂ္ဂလိက လေကြောင်းလိုင်းတွေက စစ်တွေနဲ့ ရန်ကုန် ကျပ် ၈၀၀၀၀ ယူတယ်။ မြန်မာ လေကြောင်းလိုင်းက ကျပ် ၅၀၀၀၀ ဘဲ ယူတယ်။ နိုင်ငံတော်က ခုလို ၀င်ပြီး ကျခံသင့်တယ်လို့ မြင်ပါတယ်။”

ဗမာပြည်မဘက်ခြမ်းတွင် လျှပ်စစ်မီးကို ခေတ်မှီ နည်းပညာများကို အသုံးပြုပြီး ရေအားလျှပ်စစ်နှင့် ဓါတ်ငွေ့မှ ထုတ်ယူ ပေးဝေနေသော်လည်း ရခိုင်ပြည်နယ်တွင် ဒီဇယ်သုံး စက်အို စက်ဟောင်းများကို ယခုအချိန်ထိ အသုံးပြုကာ မီးပေးဝေနေခြင်း ဖြစ်သည်။

“ အခု ရခိုင်ပြည်နယ်မှာ သုံးနေတဲ့ စက်အို စက်ဟောင်းတွေက ဒီဇယ် အရမ်းစားတယ်။ ပီးရင် ကြံ့ခိုင်မူလည်း အရမ်းအားနည်းတယ်။ ဒီလို ဖြစ်နေတာကို အမှတ် (၂) လျှပ်စစ် ၀န်ကြီးဌာန အနေနဲ့ အမြန်ဆုံး စီစစ်ဖို့ လိုတယ်။ ခုလို ဒီဇယ်ခကို အကြောင်းပြပြီး မီတာခကို ၄၀၀ - ၅၀၀ ယူနေတာဟာ ပြည်သူတွေဆီက အတင်း ဓါးပြတိုက်တာနဲ့ တူနေတဲ့ အတွက် အမြန်ဆုံး ဒီပြဿနာကို ဖြေရှင်းပေးဖို့ မေတ္တာရပ်ခံလိုပါတယ်။ ဒီပြဿနာ အပေါ်မှာလည်း ကျွန်တော်တို့ ပါတီ အနေနဲ့ ရတဲ့ နေရာမှာ အခွင့်အရေးရရင် ရသလို တင်ပြသွားမှာ ဖြစ်ပါတယ်။ လွှတ်တော် ၂ ရပ်မှာရော၊ ပြည်နယ် လွှတ်တော်မှာရော တင်ပြသွားမယ့် အစီအစဉ်တွေ ရှိပါတယ်” ဟု ဒေါက်တာ အေးမောင်က ပြောသည်။

ရခိုင်ပြည်နယ်မှာ မြန်မာနိုင်ငံ လွတ်လပ်ရေး ရပြီးချိန်မှ စတင်ပြီး ပြည်တွင်းစစ်မီး အနည်းဆုံး တောက်လောင်ရာ ပြည်နယ် တစ်ခုဖြစ်သော်လည်း အုပ်ချုပ်သူ အာဏာပိုင်များ၏ မျက်ကွယ်ပြုမူကြောင့် ဖွံ့ဖြိုးမူ အနည်းဆုံး ပြည်နယ် တစ်ခု ဖြစ်သည်။ ရခိုင်ပြည်နယ်တွင် လျှပ်စစ်မီး ထုတ်လုပ်နိုင်သော ရေတံခွန်များ၊ မြစ်ချောင်းများ ပေါများသော်လည်း မည်သည့် အစိုးရမှ အဆိုပါ စီမံကိန်းများကို အကောင်အထည် ဖေါ် ဆောင်ရွက် တည်ဆောက်ခြင်း မရှိခဲ့သဖြင့် လျှပ်စစ်မီးရရှိရေးကို ဒီဇယ်သုံးစက်များဖြင့် အသုံးပြုနေရခြင်း ဖြစ်သည်။

၎င်းပြင် ယခုအခါ လျှပ်စစ်ဓါတ်အား ထုတ်လုပ်နိုင်သော သဘာဝ ဓါတ်ငွေ့များ ရခိုင်ပြည်နယ်တွင် အလျှံအပယ် ထွက်ရှိနေသော်လည်း ရခိုင်ပြည်သူများအတွက် တစုံတရာ အသုံးပြုခြင်း မရှိဘဲ ဗမာ အုပ်ချုပ်သူများက တရုတ်ပြည်သို့ ရောင်းစားထားကြောင်း သိရသည်။

: ----------------------------------- ----------------------------------- ----------------------------------- :

(နိရဉ္စရာ သတင်းများကို မည်သူ မဆို လွတ်လပ်စွာ ကူးယူ အသုံးပြုနိုင်ပါသည်။ သို့သော် သတင်းရင်းမြစ်နေရာတွင် နိရဉ္စရာ နာမည်ကို ဖေါ်ပြပေးစေလိုပါသည်။)

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

Mountain View မှာ ရှိတဲ့Googleplex (Google ရဲ့ ရုံးချုပ်ကို စိတ်ပြေလက်ပြောက် လမ်းလျှောက်ကြမယ်ဆိုပါစို့..

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

မောက္ခပြည်တွင်းသတင်း
၂၀၁၀-၂၀၁၁ ပညာသင်နှစ်က ပုဂ္ဂလိကကျောင်းအဖြစ် ဖွင့်ခွင့်ရခဲ့သော ပုဂ္ဂလိကကျောင်းများမှာ အစိုးရကျောင်း ဖွင့်ရက်များအတိုင်း ဇွန်လအတွင်း ကျောင်းပြန်ဖွင့်မည်ဟု သိရှိရသည်။

“ပုဂ္ဂလိကကျောင်းတွေရဲ့ အခန်းကဏ္ဍက ယှဉ်ပြိုင်မှုများလာတာနဲ့အမျှ တာဝန်ယူမှုပိုင်းတွေမှာလည်း အရေးပါလာပါတယ်” ဟု ပုဂ္ဂလိက ကျောင်းတစ်ကျောင်း၏ ပညာရေးတာဝန်ခံ ကျောင်းအုပ်ဆရာကြီး တစ်ဦးက မောက္ခကို ပြောပြခဲ့သည်။


မြန်မာပြည်တွင်ရှိသော ပုဂ္ဂလိကကျောင်းများသည် အစိုးရ သင်ရိုးညွှန်းတမ်းများအတိုင်း သင်ကြားကြရမည့်အပြင် ကျောင်းဖွင့် ချိန်နှင့် စာမေးပွဲစစ်ဆေးမှုများမှာလည်း အစိုးရကျောင်းများ နည်းတူပင် ဆောင်ရွက်ကြသည်။ အချို့ပုဂ္ဂလိက ကျောင်းများ၌ နွေရာသီတွင် အင်္ဂလိပ်စာ၊ ကွန်ပျူတာ၊ အင်္ဂလိပ်စာ သဒ္ဒါများကိုလည်း သင်ကြားပေးမှုများ ရှိသည်။

"ပုဂ္ဂလိကကျောင်းဆိုတာ ဟိုးအရင်က ရှိခဲ့သလိုမျိုး ဆင်းရဲ၊ ချမ်းသာမရွေး တက်နိုင်ရမယ်။ နောင်လာမယ့်နှစ်တွေမှာလည်း ပုဂ္ဂလိကကျောင်းတွေမှာ ပညာဒါနအဖြစ် ပြုလုပ်ပေးသွားဖို့ စီစဉ်နေပါတယ်" ဟု ထိုပုဂ္ဂလိကကျောင်းတာဝန်ခံ ကျောင်းအုပ် ဆရာကြီးက ပြောကြားခဲ့သည်။

မိဘများကလည်း ပုဂ္ဂလိကကျောင်းများအပေါ် စိတ်ဝင်စားမှုပိုလာခဲ့ကြပြီး ပိုမိုကောင်းမွန်သည့် ပညာရေးစနစ်တစ်ခု ဖြစ်လာဖို့ အားလုံးက မျှော်လင့်နေကြသည်ဟု ဆိုသည်။

သို့သော် ပုဂ္ဂလိကကျောင်းများဘက်မှလည်း နည်းစနစ်ကျနပြီး ပိုမိုကောင်းမွန်သည့် ပညာရေးအဖြစ် ရှိလာစေရန် ပုဂ္ဂလိက ကျောင်းဥပဒေ အမြန်ဆုံးပေါ်ထွက်လာဖို့ လိုအပ်ကြောင်း ပညာရေး တက္ကသိုလ်မှ အငြိမ်းစား ဒုတိယပါမောက္ခချုပ်တစ်ဦး ကလည်း

"၁၉၇၅ ခုနှစ် ကိုယ်ပိုင်ဘာသာရပ်သင် သင်တန်းကျောင်း ဥပဒေဟာ ကျွန်တော် လေ့လာမိသလောက် International Schools တွေအပြင် ဘော်ဒါနဲ့ နေ့တက် အထူးသင်တန်းကျောင်းတွေ အနေနဲ့ပါ အခုအချိန်မှာ ကိုက်ညီမှု မရှိတော့ပါဘူး။ ဥပမာ သင်တန်းကြေး တစ်လ ၁၀ ကျပ်၊ သင်တန်းကျောင်း တစ်ခုမှာ သုံးဘာသာထက် ပိုမသင်ရဘူး ဆိုတာတွေဟာ လက်ရှိ အခြေအနေတွေနဲ့ လုံးဝ ကွာဟနေပါသေးတယ်။ ဒါကြောင့် ပုဂ္ဂလိကကျောင်းနဲ့ သက်ဆိုင်တဲ့ဥပဒေ ပြဋ္ဌာန်း ထွက်ရှိလာဖို့ ကျွန်တော်တို့ မျှော်လင့်ပါတယ်" ဟု မောက္ခကို ပြောကြားခဲ့သည်။



၂၀၁၁-၂၀၁၂ ပညာသင်နှစ်အတွက် ပုဂ္ဂလိကကျောင်းများသည် အစိုးရကျောင်းဖွင့်ရက်များအတိုင်း ဇွန်လ၌ စတင် ဖွင့်လှစ်မည်ဖြစ်ရာ ပုဂ္ဂလိကကျောင်းများအား ယမန်နှစ်များက ညွှန်ကြားချက်အတိုင်း ငါးတန်းမှ ကိုးတန်းအထိ လက်ခံ သင်ကြားရမည်ဟု သိရသည်။

မောက္ခပြည်တွင်းသတင်း

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ခင်ဦးသာ

သမ္မတသစ် ဦးသိန်းစိန်သည် ၎င်း၏ ပထမဆုံး ပြည်ပခရီးစဉ်အဖြစ် ဘင်္ဂလားဒေ့ရှ် နိုင်ငံသို့ သွားရောက် လည်ပတ်မှုဖြင့် စတင်မည်ဖြစ်ကြောင်း ဘင်္ဂလားဒေ့ရ်ှနိုင်ငံထုတ် Dhaka Daily Star သတင်းစာ၌ ဧပြီ ၂၂ ရက် နေ့က ရေးသားထားသည်။
mm-new-gov-thein-sein2



သမ္မတသစ် ဦးသိန်းစိန် (ဓာတ်ပုံ - AP)
ဦးသိန်းစိန်သည် ဘင်္ဂလားဒေ့ရ်ှနိုင်ငံသို့ မကြာမီ သွားရောက်လည်ပတ်မည်ဟု ဘင်္ဂလားဒေ့ရ်ှနိုင်ငံဆိုင်ရာ မြန်မာသံအမတ်ကြီး ဦးမင်းလွင်အား ကိုးကား၍ သတင်းစာက ရေးသားထားခြင်းဖြစ်ပြီး မည်သည့်ရက်တွင် လာရောက်မည်ဆိုသည်ကို မသိရ သေးပေ။

ဦးသိန်းစိန်ဦးဆောင်သော မြန်မာအစိုးရသစ်၏ လေတပ်ကာကွယ်ရေး ဦးစီးချုပ် ဒုတိယဗိုလ်ချုပ်ကြီး မြတ်ဟိန်းသည် ဧပြီလ ၂၄ ရက်နေ့တွင် ဘင်္ဂလားဒေ့ရ်ှနိုင်ငံသို့ ရောက်ရှိနေရာ ၎င်းသည် သမ္မတသစ် ဦးသိန်းစိန်မသွားမီ အကြိုခရီးစဉ်အဖြစ် လာရောက်ခြင်း ဖြစ်နိုင်ကြောင်း နိုင်ငံရေး အကဲခတ်တချို့က ဆိုသည်။

သမ္မတသစ် ဦးသိန်းစိန်သည် အင်ဒိုနီးရှားနိုင်ငံ၌ မေလ ၇ ရက်၊ ၈ ရက်နေ့များတွင် ကျင်းပမည့် အာဆီယံထိပ်သီး အစည်း အဝေး (The 18th Asean Summit) သို့လည်း တက်ရောက်မည့် အစီအစဉ်ရှိသည်။

မြန်မာ့လေတပ် ဦးစီးချုပ် ဒုတိယဗိုလ်ချုပ်ကြီး မြတ်ဟိန်းသည် ဘင်္ဂလားဒေ့ရ်ှနိုင်ငံ၏ လေတပ်ဦးစီးချုပ် SM Ziaur Rahman နှင့် မနေ့ကတွေ့ဆုံ၍ နှစ်နိုင်ငံ စစ်ရေးဆိုင်ရာကိစ္စရပ်များ ဆွေးနွေးခဲ့ကြောင်း Dhaka အခြေစိုက် မီဒီယာများက ရေးသား ထားကြသည်။

“စစ်တပ်ကိုယ်စားလှယ် အနေနဲ့လာတာဆိုတော့ အဓိက ဆွေးနွေးတာက စစ်ရေးကိစ္စပဲ ဖြစ်မှာပါ။ စီးပွားရေးကိစ္စ၊ နိုင်ငံရေး ကိစ္စတွေကတော့ သူက အစိုးရအဖွဲ့ မဟုတ်တဲ့အတွက် ဆွေးနွေးမယ့် အနေအထားမတွေ့ရဘူး” ဟု ဘင်္ဂလားဒေ့ရ်ှနိုင်ငံ အခြေစိုက် နိရိဉ္စရာ သတင်းဌာန၏ အယ်ဒီတာ ဦးခိုင်မြတ်ကျော်က ဧရာဝတီကို ပြောသည်။

မြန်မာလေတပ်ဦးစီးချုပ်သည် ဘင်္ဂလားဒေ့ရ်ှလေတပ် ဦးစီးချုပ်နှင့် နှစ်နိုင်ငံစစ်ရေး ပူးပေါင်းဆောင်ရွက်ရန်ကိစ္စ၊ ဘင်္ဂလားဒေ့ရှ်-မြန်မာ အငြင်းပွားနေသည့် ရေပိုင်နက်ပြဿနာ၊ နယ်စပ်အကြမ်းဖက်မှု တိုက်ဖျက်ရေး စသည်တို့ကို ဆွေးနွေးမည်ဟု သိရသည်။

ဒုတိယဗိုလ်ချုပ်ကြီး မြတ်ဟိန်းသည် ဘင်္ဂလားဒေ့ရ်ှနိုင်ငံ သမ္မတ၊ ၀န်ကြီးချုပ်၊ ကြည်းတပ်ဦးစီးချုပ်၊ ရေတပ်-ဒုဦးစီးချုပ် တို့နှင့်ယနေ့ တွေ့ဆုံမည် ဖြစ်ပြီး ၎င်း၏ ခရီးစဉ်သည် ၆ ရက်ကြာမြင့်မည်ဖြစ်သည်။

ဘင်္ဂလားဒေ့ရှ်-မြန်မာ နယ်စပ်ဒေသ၌ နယ်နိမိတ်အငြင်းပွားမှုများ မကြာခဏဖြစ်ပွားလေ့ရှိ၍ နှစ်နိုင်ငံစလုံး၏ စစ်အင်အားတိုးချဲ့ရေး ကိစ္စများကို နယ်စပ်ဒေသများ၌ အပြန်အလှန်လုပ်ဆောင်နေကြပြီး မောင်းတောနယ်စပ် ဘင်္ဂလားဒေ့ရ်ှနိုင်ငံဘက် အခြမ်း၌ လေတပ်စစ်စခန်းသစ် တခုကို ဧပြီ ၃ ရက်နေ့၌ ဖွင့်လှစ်ခဲ့သည်။

ထိုအခမ်းအနားသို့ ဘင်္ဂလားဒေ့ရ်ှနိုင်ငံဝန်ကြီးချုပ် ရှိတ်ဟာဆီနာ ကိုယ်တိုင် တက်ရောက်ဖွင့် လှစ်ပေးခဲ့ပြီး “တိုင်းပြည်ရဲ့ လေပြင်ကိုသာမက ရေပြင်ကိုပါ ကာကွယ်ဖို့ လေတပ်ကို ကမ္ဘာ့အဆင့်မီ ဖွဲ့စည်းသွားမယ်” ဟု ပြောကြားခဲ့ကြောင်း ဘင်္ဂလားဒေ့ရ်ှနိုင်ငံထုတ် သတင်းစာများတွင် ရေးသားထားသည်။

ပိုင်နက် အငြင်းပွားနေသော နှစ်နိုင်ငံပြဿနာကို ကမ္ဘာ့ကုလသမဂ္ဂက ဖြေရှင်းပေးရန် နှစ်နိုင်ငံစလုံးက တင်ပြထားခြင်းအား ယခုနှစ်အတွင်း အပြီးသတ် ဆုံးဖြတ်ပေးသွားရန် ရှိသည်ဟု သိရသည်။

နှစ်နိုင်ငံအကြား တည်ရှိသော ရေပြင်တွင် သဘာဝဓာတ်ငွေ့သိုက် အများအပြား တွေ့ရှိပြီး နောက်ပိုင်းတွင် ထိုရေပြင်အား သူပိုင်ကိုယ်ပိုင် အငြင်းပွားခဲ့သည့်အပြင် ၂၀၀၈ ခုနှစ်အတွင်း ရေတပ် စစ်သင်္ဘောများ စေလွှတ်၍ စစ်ရေး တင်းမာမှုများ ရှိခဲ့သည်။

ဘူးသီးတောင်၊ မောင်းတောဒေသ၌ အခြေစိုက်ထားသော မြန်မာစစ်တပ်သည် နှစ်နိုင်ငံအကြား ရေပြင်၌ တည်ရှိပြီး ဘင်္ဂလားဒေ့ရှ် နိုင်ငံပိုင် အုန်းကျွန်းအမည်ရှိ ကျွန်း၏ အချက် အလက်၊ သမိုင်း အထောက်အထားများ ရရှိနိုင်ရန် သက်ကြီး ရခိုင်ပုဂ္ဂိုလ်များထံ မေးမြန်းမှုများ ပြုလုပ်နေကြောင်း သိရသည်။

နအဖ စစ်အစိုးရ၏ ဒုတိယ အကြီးအကဲ ဒုတိယဗိုလ်ချုပ်မှူးကြီး မောင်အေးသည် ၂၀၀၈ ခုနှစ်၊ အောက်တိုဘာလတွင် ဘင်္ဂလားဒေ့ရှ် နိုင်ငံသို့ သွားရောက်ကာ နှစ်နိုင်ငံ အရေးကိစ္စများကိုဆွေးနွေး ဖြေရှင်းခဲ့ပြီးနောက်ပိုင်း ဒုတိယဗိုလ်ချုပ်ကြီး မြတ်ဟိန်းသည် စစ်တပ်၏ ထိပ်တန်းခေါင်းဆောင် တဦးအဖြစ် သွားရောက်ခြင်းဖြစ်သည်။

နှစ်နိုင်ငံနယ်စပ်ဒေသ၌ ရေပိုင်နက်ပြဿနာ၊ စစ်ရေးပြဿနာ၊ အကြမ်းဖက်မှု၊ နယ်စပ်ဖြတ်ကျော် ၀င်ရောက်လာမှု စသည့် အရေးများ ဖြစ်ပွားနေပြီး ဘင်္ဂလားဒေ့ရ်ှနိုင်ငံ၊ စစ်တကောင်းတောင်တန်းဒေသ၌ မကြာမီရက်ပိုင်းက ဘာသာရေးအဓိ ကရုဏ်း ဖြစ်ပွားခဲ့ရာ ဒေသခံ ရခိုင်၊ သက်၊ မရမာ စသည့် ဗုဒ္ဓဘာသာဝင် ၃၀ ခန့် သေဆုံးခဲ့သည်။

http://www.bur.irrawaddy.org/index.php/news/6251-2011-04-26-03-39-27

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ဧရာဝတီ

နိုင်ငံတကာ အသိုင်းအဝိုင်း အတွက် ကိုင်တွယ်ဖြေရှင်းရန် ခက်ခဲနေသည့် မြန်မာ့ဒီမိုကရေစီ အရေးနှင့် နိုင်ငံတွင်း လူ့အခွင့်အရေး ချိုးဖောက်မှုများကို မြန်မာ့အိမ်နီးချင်းနိုင်ငံများက စိတ်ဝင်စားမှုမရှိဟု အမေရိကန်နိုင်ငံက ပြောဆိုလိုက်သည်။
landmine-victim

မြေမြှုပ်မိုင်းကြောင့် ခြေထောက်အတု တပ်ထားရသော ဒုက္ခသည်တဦးကို ထိုင်း-မြန်မာ နယ်စပ် မယ်လဒုက္ခသည်စခန်းတွင် ၂၀၁၀ နိုဝင်ဘာလက တွေ့ရစဉ် (ဓာတ်ပုံ - Getty Images)
အိန္ဒိယ၊ ထိုင်း၊ တရုတ် စသည့် မြန်မာ့အိမ်နီးချင်းနိုင်ငံတို့သည် အဆိုပါ ဒီမိုကရေစီအရေးနှင့် လူ့အခွင့်အရေး ချိုးဖောက်မှုများထက် စီးပွားရေးအကျိုးအမြတ်ကိုသာ မျှော်လင့်နေကြကြောင်း အမေရိကန်နိုင်ငံ၏ အာရှပစိဖိတ်ဆိုင်ရာ လက်ထောက် နိုင်ငံခြားရေးဝန်ကြီး မစ္စတာ ဂျိုးယွန် (Joe Yun) က ယမန်နေ့တွင် ပြောသည်။

“လက်ရှိအခြေအနေမှာ ထိုင်းနိုင်ငံအစိုးရက မြန်မာဒုက္ခသည်တွေကို ပြန်ပို့ဖို့ လိုလားနေတယ်။ တချိန်တည်းမှာပဲ မြန်မာနိုင်ငံမှာ ရင်းနှီးမြုပ်နှံမှုတွေကို တိုးချဲ့ဖို့လည်း ကြိုးစားနေတယ်။ တရုတ်နဲ့ အိန္ဒိယနိုင်ငံတွေကလည်း မြန်မာနိုင်ငံမှာ နေရာ ပိုပြီးရဖို့ အပြိုင်အဆိုင်ကြိုးစားနေကြတယ်”ဟု အမေရိကန်အစိုးရ၏ အကြီးတန်းအရာရှိများက ယမန်နေ့ အစည်းအဝေးအပြီးတွင် ပြောဆိုသည်။

အမေရိကန် နိုင်ငံခြားရေးဝန်ကြီးဌာနတွင် ယမန်နေ့၌ Burma Soldier အမည်ရှိ ရုပ်ရှင်ဇာတ်လမ်းကို ပြသပြီးနောက် ဌာနတွင်းအစည်းအဝေး ပြုလုပ်ခဲ့ခြင်းဖြစ်သည်။ အဆိုပါ ဇာတ်လမ်းအကြောင်းကို အမေရိကန်နိုင်ငံရောက် မြန်မာစစ်သားဟောင်း ဦးမျိုးမြင့်က ရှင်းလင်းပြောဆိုပြီး ထိုင်း-မြန်မာနယ်စပ်တွင် ရှိနေသည့် ဒုက္ခသည်များမှာ ထိုင်းအစိုးရ ပြန်ပို့မည့်အရေးကို တွေးပူနေကြကြောင်းလည်း ပြောသည်။

တရုတ်နှင့် အိန္ဒိယနိုင်ငံတို့သည် သမိုင်းကြောင်းတွင်လည်း ပြိုင်ဆိုင်မှုများရှိခဲ့ပြီး မြန်မာနိုင်ငံသည် ၎င်းတို့နှစ်နိုင်ငံ ယှဉ်ပြိုင်ရာ ကစားကွင်းဖြစ်ကြောင်း၊ ထို့ကြောင့် မဟာဗျူဟာကျကျ တွေးခေါ်မှုများလိုအပ်ပြီး နောက်မှသာ တခြားကိစ္စများဖြစ်သည့် လူ့အခွင့်အရေးကိစ္စများကို ဆက်လက် အကောင်အထည်ဖော်ကြရမည်ဟုလည်း မစ္စတာ ဂျိုးယွန်က ဆိုသည်။

လူဦးရေ၊ ဒုက္ခသည်များနှင့် ရွှေ့ပြောင်းနေထိုင်မှုဆိုင်ရာ အမေရိကန် လက်ထောက်အတွင်းရေးမှူးဖြစ်သူ မစ္စတာ အဲရစ် ရှဝါ့ဇ် (Eric Schwartz) က ထိုင်းနိုင်ငံအနေဖြင့် ဒုက္ခသည်များကို ပြန်ပို့ခဲ့ပါက အမေရိကန်နိုင်ငံက သဘောတူမည်မဟုတ်ကြောင်း၊ ၂၀၁၀ ခုနှစ် မြန်မာ့ရွေးကောက်ပွဲအပြီးတွင် နိုင်ငံအတွင်း၌ နိုင်ငံရေးအရ တိုးတက်မှုများရှိလာသည်ဟု ထိုင်းနိုင်ငံက ယုံကြည်နေသော်လည်း အမေရိကန်အစိုးရက ထိုအချက်ကို ယုံကြည်မှုမရှိကြောင်း ပြောသည်။

အိန္ဒိယနိုင်ငံနှင့် တရုတ်နိုင်ငံတို့ သတိထားရမည်မှာ မြန်မာအစိုးရသည် ဖိနှိပ်မှုများစွာဖြင့် တိုင်းပြည်ကို အုပ်ချုပ်နေကြောင်း၊ တိုင်းပြည်တွင်း မငြိမ်သက်မှုများကိုပါ သတိပြုရမည်ဖြစ်ကြောင်း မစ္စတာ ရှဝါ့ဇ်က ဆက်လက်ပြောသည်။

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ကျောင်းသားများ၏ အင်္ဂလိပ်စာ တက်မြောက်မှု ဆာဗေးပြု ရလဒ်များအရ အန္ဒိယနှင့် တရုတ် ကျောင်းသားများမှာ အဆင့်တူကြောင်း တွေ့ရှိရသည်။ မလေးရှား ကျောင်းသားများ မှာ အာရှတိုက်တွင်း၌ ပထမနေရာတွင် ရှိပြီး တကမ္ဘာလုံး အဆင့်တွင် နံပါတ် ၉ နေရာတွင် ရှိနေသည်။


ထိပ်တန်းအဆင့် ရောက်နေသည့်အတွက် ဂုဏ်ယူကြောင်းကို မလေးရှား ၀န်ကြီးချုပ် နာဂျစ်ရာဇက်က ပြောဆိုလိုက်သည်။ တရုတ်ကို အိန္ဒိယနှင့် တန်းတူ တွေ့ရသဖြင့် အံ့အားသင့်မိကြောင်း the New Straits Times သတင်းစာက ရေးသားထားသည်။

“အင်္ဂလိပ်စကား ပြောဆိုတဲ့ အိန္ဒိယလိုနိုင်ငံက နောက်ရောက်နေရတာ အံ့သြစရာပါပဲ။ ဗြိတိသျှ ကိုလိုနီစနစ်အောက်က တိုင်းပြည်ဖြစ်ခဲ့ဖူးပြီး လူဦးရေ အများစုကြီးက အင်္ဂလိပ်စကားပြောဆိုတဲ့နိုင်ငံအတွက် အံ့သြစရာပါ။ တရုတ်နဲ့ အဆင့်တူဖြစ်နေပြီ။” အယ်ဒီတာ့အာဘော်တွင် ဖော်ပြထားသည်။

မလေးရှားဝန်ကြီးချုပ်က သိပ္ပံနှင့် သင်္ချာ ဘာသာရပ်တို့ကို မိခင်ဘာသာစကားအပြင် အင်္ဂလိပ်စာနှင့်လည်း သင်ကြားသွားမည်ဟု အစိုးရ၏ အစီအစဉ်ကို ထုတ်ဖော်ပြောပြခဲ့သည်။

ဘာဟာစာမလေးရှားစကားမှာ ကျောင်းတွင် အသုံးပြုမှု ကျဆင်းလျက်ရှိနေသည်။

အင်္ဂလိပ်စကားကို နိုင်ငံခြားဘာသာစကားတစ်ခုအနေဖြင့်သာ သင်ကြားသည့် စကန်ဒီနေးဗီးယားတိုင်းပြည်များ (နော်ဝေ၊ ဆွီဒင်၊ ဒိန်းမတ်၊ နယ်သာလန်) တို့တွင် ပုံမှန်အခြေအနေရှိသည်။

“တကမ္ဘာလုံး၏ စီးပွားရေးနှင့် ကုန်သွယ်မှုမှာ အင်္ဂလိပ်စာတတ်မှ ဖြစ်မယ်ဆိုတာကို ဥရောပမြောက်ပိုင်းနိုင်ငံတွေက နားလည်းပြီး စိတ်အားထက်သက်မှု ရှိနေသလိုမျိုး မလေးရှားလူမျိုး တိုင်းဟာလည်း ကြိုက်သည်ဖြစ်စေ၊ မကြိုက်သည်ဖြစ်စေ မျက်မှောက်ကမ္ဘာကြီးမှာ ယှဉ်ပြိုင်နိုင်ဖို့အတွက် အင်္ဂလိပ်စာကို တိုးမြှင့်လေ့လာကြရပါလိမ့်မယ်” NST သတင်းစာကဆို၏။

မြန်မာကျောင်းသားများအနေဖြင့် သူငယ်တန်းမှစတင်ပြီး ၁၀ တန်းရောက်သည်အထိ အင်္ဂလိပ်စာကို လေ့လာကြရသည်။ ရေးသား၊ ပြောဆိုမှု စွမ်းရည် ၄ မျိုး ဆက်ဆံရေးပိုင်းနှင့် အသုံးချတတ်မှုပိုင်းတွင် ပြီးခဲ့သည့် အနှစ် ၂၀ နှင့် နှိုင်းယှဉ်သော် တိုးတက်မှု အနည်းငယ် ရှိနေကြောင်းကို မွန်ပြည်နယ်မှ အင်္ဂလိပ်စာ သင်တန်းကျောင်း ဖွင့်လှစ်ထားသည့် ဆရာတစ်ဦးက မောက္ခသို့ ပြောပြခဲ့သည်။

“တကယ်တမ်းမှာတော့ ကျွန်တော်တို့ ကလေးတွေ မညံ့ကြပါဘူးဗျာ။ သူတို့မှာ စိတ်အားထက်သန်မှုလည်း ရှိကြပါတယ်။ ကျောင်းအားလပ်ရက်တွေဆို ကျနော်တို့ သင်တန်းတွေ လူပြည့်နေတာကိုပဲ ကြည့်ပါ။ မြို့တွေအပြင် နယ်ဖက်တွေမှာလည်း အင်္ဂလိပ်စာ သင်တန်းတွေ တိုးပွားလာနေတာပါ။” သင်တန်းဆရာ ဦလှအောင်က ရှင်းပြခဲ့သည်။

“ဒါပေမဲ့ ကျောင်းက ပြင်ဆင်ပေးဖို့ ပိုလိုအပ်ပါသေးတယ်။ ၁၀ နှစ်လောက် သင်ကြားပြီးတဲ့ အခါမှာတော့ စွမ်းရည် ၄ မျိုးစလုံးကို intermediate အဆင့်လောက် ၀င်သင့်ပါတယ်။ အနာအကြားနဲ့ ပြောဆို၊ ရေးသားရမယ့် ဆက်ဆံရေး စွမ်းရည်တွေ ဖွံ့ဖြိုးလာအောင် အများကြီး အကူအညီပေးသင့်ပါတယ်။ အဓိက ပြဿနာ ကတော့ ကျောင်းဆရာများရဲ့ စွမ်းရည်၊ သင်ကြားနည်း ပြဿနာနဲ့ သင်ထောက်ကူ ရှားပါးနေဆဲပါ။”

အင်္ဂလိပ်ဘာသာဖြင့်သာ လေ့လာကြရသည့် နိုင်ငံခြား တက္ကသိုလ်များတွင် တက်ရောက်ကြရသည့်အခါ မြန်မာကျောင်းသား အများစုကြီးမှာ အခက်အခဲ ရှိနေဆဲဖြစ်ကြောင်းကို သိရပါသည်။ နိုင်ငံခြားပညာတော်သင် ကျောင်းသူတစ်ဦးဖြစ်သူ မဟန်နီစိုးက ယခုလို ရှင်းပြခဲ့သည်။

“သမီးက အခု တတိယနှစ် လူမှုစီးပွားရေးနဲ့ စီမံ မေဂျာနဲ့ ထိုင်းတက္ကသိုလ်မှာ တတ်ရောက်နေတာပါ။ အင်္ဂလိပ်စာ အခက်အခဲရှိပါတယ်။ အင်္ဂလိပ်စာအတွက် Toefl ဖြေခဲ့ပါတယ်။ IELTS လည်း တက်ခဲ့ဖူးတယ်။ ဒါပေမဲ့ အမှတ်ရဖို့ အဓိက တက်ခဲ့တာလေ။ အထက်တန်း ကျောင်းမှာကတည်းက အဆင့်တခုရောက်အောင် လေ့လာခွင့် ရခဲ့ရင် ပိုကောင်းမယ်။ နောက်ပြီးတော့ ဘာသာရပ်တွေကို သင်ကြားတဲ့အခါမှာ မြန်မာ ဆရာဆရာမတွေက အင်္ဂလိပ်လို မပြောကြဘူး”

မောက္ခ ပညာရေးသတင်း

Source: NST နှင့် အင်တာဗျူး

ဆက်ဖတ်ရန်
ပို့စ်တင်သူ ။.............။ လခြမ်းမြီ on Friday, 22 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


အခမဲ့ အွန်လိုင်း သင်တန်း ၁၀ မျိုးကို နာမည်ကျော် ယေးလ် တက္ကသိုလ်ကြီးက ဖွင့်လှစ်လိုက်သည်။ မြန်မာအပါအ၀င် တကမ္ဘာလုံးမှ အင်တာနက်ကွန်ယက် ဆက်သွယ်ထားရှိသည့် နေရာတိုင်းတွင် ဤသင်တန်းများကို တက်ရောက် လေ့လာ နိုင်ကြမည် ဖြစ်သည်။

အမေရိကန်ပြီးလျှင် ဤသင်တန်းများသို့ တရုတ်၊ ယူကေ၊ ကနေဒါ၊ တောင်ကိုးရီးယား၊ ဂျာမဏီ၊ ဘရားဇီး၊ အိန္ဒိယနှင့် သြစေတြးလျတို့မှ ကျောင်းသားများ ၀င်ရောက် လေ့လာလျက်ရှိကြသည်။

အခမဲ့ သင်တန်း ၁၀ မျိုးမှာ ဘဏ္ဍာငွေကြေး သီအိုရီမှသည် ဒွန်ကီအုတ်အထိ၊ သဘာဝပတ်ဝန်းကျင် နိုင်ငံရေးမှသည် ဥပဒေနှင့် ကောင်းကင်ဘုံသစ် အထိ မျိုးစုံစွာ ပါဝင်ကြောင်း ကွန်နတ်တီကတ်အခြေစိုက် တက္ကသိုလ်က ကြေညာလိုက်သည်။

ယေးလ်ကောလိပ်ကျောင်းသားများကို သင်ကြား ပို့ချခဲ့သည့် ဗီဒီယိုမှတ်တမ်း တစ်ခွေလုံးစီကို သင်တန်းတိုင်းတွင် ကြည့်ရှု လေ့လာနိုင်ကြမည်ဖြစ်သည်။ ထင်ရှားသော ယေးလ်ပါမောက္ခများ၏ သင်ကြားချက်များလည်း ဖြစ်သည်။ ဤသင်တန်းများကို http://oyc.yale.edu ဆိုဒ်တွင် ၀င်ရောက် လေ့လာနိုင်ကြသည်။

အရည်အသွေး ကောင်းမွန်စွာ ရိုက်ကူးထားသည့် ပညာရေး ဗီဒီယိုများ၊ အသံဖိုင်များဖြင့် သင်တန်းများကို အွန်လိုင်း တက်ရောက် လေ့လာနိုင်ပါမည်။ အမှန်တကယ် ယေးလ် စာသင်ခန်းများထဲ ၀င်ရောက် သွားသည့်အတိုင်း ခံစား လေ့လာနိုင်မည်ဟုလည်း ဆို၏။

သင်တန်းတိုင်းအတွက် အညွှန်းများကို ထားရှိပြီး ပုံနှိပ်ရန် ဖိုင်များ၊ သင်ရိုးမာတိကာများ၊ စာဖတ်ရန် ကဏ္ဍများ၊ ပြဿနာ ပုစ္ဆာများနှင့် အခြားသော သင်ထောက်ကူများကို ရှာဖွေနိုင်မည်ဖြစ်သည်။

မိမိအားလပ်သည့်အချိန်တွင် ကြည့်ရှုလေ့လာရန်အတွက် စိတ်ဝင်စားသည့် ပညာရပ်ဆိုင်ရာ ဗီဒီယိုဖိုင်၊ အသံဖိုင်တို့ကိုလည်း မိမိ၏ကွန်ပျူတာထဲတွင် ဒေါင်းလုပ်ယူ၊ သိမ်းဆည်းထားနိုင်ပါသည်။

အိုင်ဖုန်းနှင့် အိုင်ပက်တို့အတွက်လည်း သီးသန့်ကဏ္ဍ ထားရှိပြီး ခရီးထွက်ရင်း လမ်းပေါ်တွင်လည်း အင်တာနက်မှတဆင့် သင်ယူလေ့လာနိုင်သေးသည်။

သင်တန်း တက်ရောက်ခွင့်အတွက် မှတ်ပုံတင်ရန် မလိုအပ်ဟု သိရသည်။ တက္ကသိုလ်က ရမှတ်နှင့် အောင်လက်မှတ် ထုတ်ပေးမည် မဟုတ်သလို ပါမောက္ခများနှင့်လည်း ဆက်သွယ် ပြောဆိုခွင့်တော့ မရှိပါ။

ဒီဇင်ဘာ ၂၀၀၇ ခုနှစ်က စတင်ခဲ့ရာတွင် ယနေ့အချိန်အထိ အွန်လိုင်း ကျောင်းသား ၃ သန်းကျော် လေ့လာခဲ့ကြသည်။ ၂၀၀၉ ဧပြီလမှစပြီး ယနေ့အထိ ဖတ်ရှုသည့် စာမျက်နှာပေါင်း ၂၆ သန်း ကျော်ရှိသည်။

ယေးလ် ယူကျူ့ YouTubeနှင့် အဲပဲလ် အိုင်ကျွန်း iTunes ချန်နယ်များမှလည်း ၀င်ရောက်လေ့လာနိုင်ကြသည်။

လိပ်စာများမှာ

http://oyc.yale.edu

http://www.youtube.com/yalecourses

http://itunes.yale.edu

လူ ၁၅ သန်းကျော်ခန့် ဤယေးလ်ချန်နယ်များမှတဆင့် ပညာဆည်းပူးနေကြောင်း သိရသည်။

“တကမ္ဘာလုံးက ပြည်သူတွေဟာ ယေးလ်အွန်လိုင်းသင်တန်းကို အခမဲ့ ၀င်ရောက်လေ့လာနိုင်ကြတဲ့အတွက် ကျွန်တော်တို့ အင်မတန် ၀မ်းသာပီတိဖြစ်ရပါတယ်။” တက္ကသိုလ် ဥက္ကဌဖြစ်သူ ရစ်ချဒ်စီလဲဗင်က ဆိုသည်။

“ဒီနေ့ ထုတ်လွှင့်မယ့် သင်တန်းအသစ်တွေမှာတော့ နောက်ဆုံးနည်းပညာကို အပြည့်အ၀ အသုံးချထားပါတယ်။ တက္ကသိုလ်ရဲ့ အထင်ကရဌာနကြီးတွေရဲ့ သင်ကြားမှုတွေကို လေ့လာချင်ကြတဲ့သူတွေဆီ ရောက်နိုင်ဖို့ပါ။”

Source: Yale University

မောက္ခနိုင်ငံတကာ ပညာရေးသတင်း

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

Friday, 22 April 2011 00:14 မောက္ခ နိုင်ငံတကာသတင်း


ထိုင်းနိုင်ငံတွင်တော့ အသက် ၆၀ နှင့် ၇၀ ကျော် အနောက်မှ လူဖြူအဖိုးကြီးများ ထိုင်းအမျိုးသမီးများနဲ့ တွဲသွားခြင်းက ဖက်ရှင် တစ်ခု လို ဖြစ်သည်။ ဒါပေမဲ့ ကမ္ဘောဒီယား ကတော့ ဒါမျိုးကို လက်မခံချင် ဟု ဆိုရမည်။

ကမ္ဘောဒီးယား နိုင်ငံခြားရေးဝန်ကြီးဌာနက ပြီးခဲ့တဲ့လက ကြေငြာချက်တစ်ခု ထုတ်သည်။ နိုင်ငံရပ်ခြားမှ အသက် ၅၀ ကျော်သူများနှင့် တစ်လ၀င်ငွေ ဒေါ်လာ ၂၅၅၀ အောက် ရှိသူများ ကမ္ဘောဒီယား အမျိုးသမီးများကို လက်ထပ်ခွင့်မရှိတဲ့အကြောင်း။ သို့သော် အသက် ၅၀ ကျော် နိုင်ငံခြားသားများ ကမ္ဘောဒီးယား အမျိုးသမီးများကို ယူခွင့်မရှိဟု တရားဝင်တားမြစ်ပေမဲ့၊ နိုင်ငံခြားသူ အမျိုးသမီးများ အနေဖြင့် အသက် ဘယ်လောက်ရှိရှိ၊ ကမ္ဘောဒီယား အမျိုးသားများကိုတော့ ယူနိုင်ကြောင်းလည်း ဖော်ပြထားသည်။

နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ Koy Kuong က “ကျနော်တို့ ကမ္ဘောဒီယားသူတွေကို သင့်တင့်လိုက်ဖက်တဲ့ စုံတွဲမျိုးတွေနဲ့သာ ကြည့်ချင်ပါတယ်။ စုံတွဲတွေမှာ အဖိုးနဲ့ မြေးမ ပုံစံမျိုးတွေ မဖြစ်စေချင်ပါဘူး။ အခုအမိန့်ကို ပြင်ပတွေက ဘယ်လောက် ဝေဖန်ဖန် လက်ခံမှာ မဟုတ်ဘူး” ဟု ဖနွမ်းပင် ပို့စ် အင်္ဂလိပ်သတင်းစာကို ပြောကြားခဲ့သည်။ ပါလီမန်မှ တရားဝင် ပြဌာန်းနိုင်ဖို့လည်း လုပ်ဆောင်သွားမည်ဟု ဆိုသည်။

လူ့အခွင့်ရေး အဖွဲ့များကတော့ ကမ္ဘောဒီယား အမျိုးသမီးများ အကျိုးအတွက်နှင့် ပိုမိုကောင်းမွန်တဲ့ လူ့အဖွဲအစည်းဖြစ်အောင် အစိုးရရဲ့ ဆောင်ရွက်မှုမှာ ပုံစံမကျကြောင်း ဝေဖန်နေကြသည်။ Cambodian Center for Human Rights အဖွဲ့ ဥက္ကဌ ဦးဗီရခ် က “အစိုးရအနေနဲ့ အမျိုးသမီးတွေကို အကာအကွယ်ပေးချင်တယ်ဆိုရင် လိင်ကျွန်ဖြစ်နေသူတွေ၊ လိင်ကုန်ကူးခံနေရသူတွေ၊ ပြည့်တန်ဆာရုံတွေ အပေါ်မှာ လုပ်စားနေတဲ့ အကျင့်ပျက် ၀န်ထမ်း အရာရှိတွေကို အရင် ရှင်းသင့်ပါတယ်၊ အမျိုးသမီးတွေကို ကာကွယ်ဖို့ ဥပဒေကို ကြောင်းကျိုးရှိရှိ ထိထိရောက်ရောက် ဆောင်ရွက်သင့်တယ်” ဟု ဆိုသည်။

ပြီးခဲ့တဲ့နှစ် Amnesty International အစီရင်ခံစာအရ ကမ္ဘောဒီယား ရဲများမှာ မုဒိမ်းပြုကျင့်သူ၊ ကလေးငယ်များကို ရှာဖွေဖမ်းစား အဓမ္မပြုကျင့်သူ နိုင်ငံခြားသားများထံကနေ လာဘ်ယူမှု အများအပြားရှိနေကြောင်း ဖော်ပြထားသည်။

ကမ္ဘောဒီယား အစိုးရက ပြီးခဲ့တဲ့ နှစ်များအတွင်း နိုင်ငံခြား ရင်းနှီးမြှုပ်နှံမှု တိုးမြင့်ဖို့ ကြိုးစားခဲ့သော်လည်း၊ ပြင်ပသံရုံးများနှင့် NGO များရဲ့ ၀င်ရောက်စွက်ဖက်မှု၊ ထောက်ပြမှုများကို လုံးဝ လက်ခံမည် မဟုတ်ဟု ပြောဆိုထားသည်။

မောက္ခ နိုင်ငံတကာသတင်း

Source: AFP & The Economist & The Phnom Penh Post

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


ကျနော် ဒီမှာ ပုံနဲ့တကွ တင်ပေးထားပါတယ် ...ဘယ်လို့ ပြောင်းမလဲဆိုတာကိုတော စမ်းကြည့်လိုက်ပါ လွယ်လွယ်လေးနော်
ကိုယ်ပြောင်းချင်တဲ့ အရာတွေကို အကုန်းလုံး Format Factory တစ်ခုတည်းနဲ့ ပြောင်းလို့ ရတယ်။
ဒေါင်းရန်

ဆက်ဖတ်ရန်
ပို့စ်တင်သူ ။.............။ လခြမ်းမြီ on Saturday, 9 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


ကျနော်တော ကြိုက်တယ်ဗျာ။ ဘာလို့လဲဆိုတော နိူင်ငံတာကာ ဗွီဒီယိုကားတွေကို တစ်နေရာတည်းမှာ ကြည့်လို့ရတယ်အတွက် အရမ်းကြိုက်တယ်။

ဒေါင်းရန်

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

စည်သူ

သမ္မတသစ် ဦးသိန်းစိန်က မကြာမီကာလတွင် ပထမဆုံးအကြိမ် သတင်းစာ ရှင်းလင်းပွဲတရပ် ပြုလုပ်မည် ဖြစ်ကြောင်း ပြန်ကြားရေး ၀န်ကြီးဌာန အသိုင်းအ၀ိုင်းက ပြောသည်။

MM-President-Thein-Sein-Delivers-a-Speech

မတ်လ ၃၁ ရက်နေ့က နေပြည်တော်၌ မိန့်ခွန်းပြောနေသော သမ္မတ ဦးသိန်းစိန် (ဓာတ်ပုံ - AP)
“မကြာခင်လုပ်မယ်လို့ ပြောတယ်။ ဘယ်နေ့ဆိုတာတော့ အတိအကျမသိသေးဘူး”ဟု ပြန်ကြားရေး ၀န်ကြီးဌာနမှ ညွှန်ကြားရေးမှူးတဦးက ဆိုသည်။

အဆိုပါ သတင်းစာရှင်းလင်းပွဲကို နေပြည်တော်ရှိ သမ္မတ အိမ်တော်တွင် ပြုလုပ်သွားမည်ဖြစ်ပြီး ပြည်တွင်း ပြည်ပ သတင်း သမား များကိုလည်း ဖိတ်ကြားသွားမည်ဟု ၎င်းက ပြောပြသည်။

ယင်းသတင်းစာရှင်းလင်းပွဲသို့ သမ္မတ အပါအ၀င် တက်ရောက်မည့်သူများကိုမူ မသိရှိရသေးကြောင်းလည်း ပြန်ကြားရေး ၀န်ကြီး ဌာနမှ ညွှန်ကြားရေးမှူး က ပြောသည်။

မြန်မာ့နိုင်ငံရေး လေ့လာသူ တဦးက“အရင် ဗိုလ်ချုပ်ကြီး ခင်ညွှန့် လက်ထက်ကတော့ သူအပါအ၀င် မဟာဗျူဟာ လေ့လာရေး ဌာန က သတင်းစာရှင်းလင်းပွဲကို ဦးဆောင်တယ်။ နောက် ပြန်ကြားရေးဝန်ကြီးနဲ့ ရဲချုပ်က ဦးဆောင်တယ်။ အခုလို နိုင်ငံတော် သမ္မတ က သတင်းစာရှင်းလင်းပွဲလုပ်မယ် ဆိုတော့ မီဒီယာသမားတွေ အတွက်ကော ပြည်သူတွေအတွက်ပါ ကောင်းမယ်လို့ထင် ပါတယ်”ဟု ဆိုသည်။

ပြည်တွင်း ဂျာနယ် အယ်ဒီတာ တဦးကမူ အစိုးရသစ်၏ ပွင့်လင်းမြင်သာမှုကို စောင့်ကြည့်ရမည်ဖြစ်ကြောင်း ပြောသည်။

“နိုင်ငံတော် သမ္မတ ကိုယ်တိုင် ဒီလိုသတင်းစာရှင်းလင်းပွဲ လုပ်မယ်ဆိုတာ ကောင်းပါတယ်။ သမ္မတကိုယ်တိုင် ကျမ်းသစ္စာကျိန် တဲ့နေ့ က မီဒီယာကို စတုတ္ထမဏ္ဍိုင်ဖြစ်တယ်လို့ ပြောသွားခဲ့သေးတာပဲ။ အစိုးရအသစ် ရဲ့ ပွင့်လင်းမြင်သာမှုကို စောင့်ကြည့်ရပါမယ်”ဟု ၎င်းက ဆိုသည်။

၎င်းက ဆက်လက်ပြီး“သတင်းစာရှင်းလင်းပွဲက အရင်ကလိုမဟုတ်ဘဲ တကယ်ပွင့်လင်းတဲ့ရှင်းလင်းပွဲဖြစ်ရင် အကောင်းဆုံးပေါ့။ သတင်းစာရှင်းလင်းပွဲ တခုလုပ်တာနဲ့တော့ ဒီမိုကရေစီအစိုးရဖြစ်ပြီလို့ မပြောနိုင်သေးပါဘူး”ဟုလည်း ပြောဆိုသည်။

ပြီးခဲ့သည့် မတ်လ ၃၀ ရက် သမ္မသစ် ကျမ်းသစ္စာကျိန်ဆိုပွဲတွင် စတုတ္ထမဏ္ဍိုင်ဖြစ်သည့် စာနယ်ဇင်းများ၏ အခန်းကဏ္ဍကို အလေးထားရန် လိုအပ်ကြောင်း၊ စာနယ်ဇင်းများမှတဆင့် ပြည်သူများသိသင့်သည့် အချက်များကို အသိပေးရန် လိုသကဲ့သို့ စာနယ်ဇင်းများကလည်း အပြုသဘောဆောင်သည့် အကြံပြုချက်များကို အလေးထားရန်လိုအပ်ကြောင်း သမ္မတသစ် ဦးသိန်းစိန် က ပြောကြားခဲ့သည်။

“စာနယ်ဇင်းဆိုတာ တိုင်းပြည်အတွက် ကောင်းမွန်မှန်ကန်တဲ့ အရာတွေကို လမ်းပြနိုင်ရမယ်။ အဲဒီလို လမ်းပြဖို့ဆိုတာ စာနယ်ဇင်း လွတ်လပ်ခွင့်မရှိဘဲ မဖြစ်နိုင်ဘူး။ အစိုးရသစ်လက်ထက်မှာ တကယ်စာပေလွတ်လပ်ခွင့်ရမယ်ဆို ကောင်းတာပေါ့”ဟု ၀ါရင့် သတင်းစာဆရာ တဦးက ပြောသည်။

မကြာသေးမီကလည်း စာပေအမျိုးအစား ၆ မျိုးကို လွတ်လပ်စွာထုတ်ဝေနိုင်ခွင့်အား အစိုးရသစ်က ခွင့်ပြုလျှင် ထုတ်ဝေနိုင်တော့ မည်ဖြစ်ကြောင်း စာပေစိစစ်နှင့် မှတ်ပုံတင်ဌာန ဒု ညွှန်ကြားရေးမှူးချုပ် ဦးတင့်ဆွေက ပြည်တွင်းဂျာနယ်များကို ပြောကြားခဲ့သည်။

http://www.irrawaddy.org/bur/index.php/news/6158-2011-04-08-08-41-26

ဆက်ဖတ်ရန်
ပို့စ်တင်သူ ။.............။ လခြမ်းမြီ on Friday, 8 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


၂၀၁၁ ခုနှစ် သန်းခေါင်စာရင်းကောက်ခံမှုအရ အိန္ဒိယလူဦးရေမှာ ၁.၂၁ ဘီလီယံ (သန်း တစ်ထောင့် နှစ်ရာ့တစ်ဆယ် သန်း) ရှိကြောင်း မကြာခင်က အန္ဒိယအစိုးရမှ ထုတ်ပြန်ခဲ့သည်။

ပြီးခဲ့တဲ့ ဆယ်နှစ်အတွင်း သန်း ၁၈၁ သန်း ပိုများလာခဲ့သည်ဟု ဆိုသည်။

စာရင်းသစ်အရ အမျိုးသား ၆၂၃.၇ သန်းရှိပြီး၊ အမျိုးသမီး ၅၈၆.၅ သန်း ရှိသည်ဟု ဖော်ပြထားသည်။

မွေးကင်းစမှ အသက် ၆ နှစ်အတွင်းရှိ ယောက်ျားလေး ၁၀၀၀ တွင် မိန်းကလေး ၉၁၄ ယောက် ရှိသည်။ တစ်နည်းအားဖြင့် အသက် ၆ နှစ်အတွင်းရှိ ယောက်ျားလေး ၈၂.၉ သန်းရှိပြီး၊ မိန်းကလေး ၇၅.၈ သန်း ရှိသည်။

၂၀၀၁ ခုနှစ်တွင် အသက် ၆ နှစ်အတွင်း ယောက်ျားလေး ၁၀၀၀ ရှိတိုင်း မိန်းကလေး ၉၃၀ ရှိရာမှ ယခု ၉၁၄ ယောက်သို့ ကျဆင်းသွားခဲ့သည်။ ထိုအချိုးအစားမှာ တစ်တိုင်းပြည်လုံး လူဦးရေ အရေအတွက် အရဆိုလျှင် အလွန်များပြားနေသည်။ အိန္ဒိယရဲ့ သားယောက်ျားလေး မျက်နှာသာပေးတဲ့ ယဉ်ကျေးမှု အစဉ်အလာကြောင့် သမီးမိန်းကလေး အရေအတွက် ကျဆင်းသွားရခြင်း ဖြစ်သည်ဟု ဆိုသည်။

ပုံမှန်အားဖြင့် အိန္ဒိယ မိသားစုများတွင် ကလေးမွေးဖွားမှုအပေါ် ထိန်းချုပ်မှု မရှိသော်လည်း၊ ယခု ချမ်းသာသူများနှင့် လူလတ်တန်းစားများတွင် X-ray ရိုက်ခြင်းလို နည်းပညာများ အကူအညီဖြင့် သမီး မိန်းကလေး စွန့်ပစ်မှုများ ပိုလုပ်လာကြသည်။

အိန္ဒိယ ပြည်နယ် ၃၅ ခုအနက် ၂၈ ခုတွင် ဆယ်နှစ်အတွင်း သမီးမိန်းကလေး အရေအတွက် သိသိသာသာ ပိုကျဆင်းသွားခဲ့သည်။ မြောက်ဘက် ဟာယနပြည်နယ်တွင် ယောက်ျားလေး ၁၀၀၀ တွင် မိန်းကလေး ၈၃၀ သာရှိပြီး၊ အရှေ့ဘက် မက်ဂါလယာ ပြည်နယ်မှာ ၉၇၃ ယောက် ရှိသည်။

ပြီးခဲ့တဲ့နှစ် တရုတ် လူဦးရေစာရင်း ကောက်ခံမှုအရ ၂၀၂၀ ခုနှစ်တွင် တရုတ် လူငယ် ယောက်ျားလေး ၅ ယောက်မှာ မိန်းကလေး ၁ ယောက်သာ ရှိမည်ဟု တရုတ်လူမှု့သိပ္ပံ ဌာနကလည်း ဖော်ပြ သည်။

မောက္ခ နိုင်ငံတကာသတင်း Source: Census of India 2011

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

သန်းထိုက်ဦး
ထိုင်းနိုင်ငံ စမွတ်စခွန် ခရိုင် အဟာချိုင်ဒေသတွင် တနင်္လာနေ့က ယာဉ်တိုက်မှု ဖြစ်ပွား၍ သေဆုံးသူနှင့် ဒဏ်ရာရရှိသူများကို မြန်မာသံရုံးမှ တာဝန်ရှိသူများက လိုအပ်သည့် အကူအညီများကို ဆောင်ရွက်ပေးလျက်ရှိကြောင်း ယနေ့ထုတ် အစိုးရ သတင်း စာတွင် ဖော်ပြထားသည်။

Image0207


မဟာချိုင်တွင် မြန်မာအလုပ်သမားများ စီးလာသည့် ကြိုပို့ကား အတိုက်ခံရပြီးနောက် တွေ့ရစဉ်
မြန်မာ သံရုံးမှ တာဝန်ရှိသူများက ဆေးရုံတက် လူနာများအား သွားရောက်တွေ့ဆုံပြီး ထိခိုက် ဒဏ်ရာရသူများ၏ ဆေးကုသ စရိတ်များကို စက်ရုံမှ လုံးဝ ပျောက်ကင်းသည် အထိ တာဝန်ယူပေးရေး၊ ဆေးကုသနေချိန်တွင်လည်း နေ့စဉ်ရရှိနေသည့် လုပ် အားခများကို မဖြတ်တောက်ဘဲ အပြည့်အ၀ပေးရေး၊ သေဆုံးသူများ အတွက် နစ်နာကြေးကို ကျန်ရှိသည့် ဆွေမျိုးသားချင်း
များရရှိရန် ထိုင်းနိုင်ငံမှ တာဝန်ရှိသူများနှင့် ညှိနှိုင်းဆောင်ရွက်လျက်ရှိကြောင်း မြန်မာ့အလင်းသတင်းစာက ဆိုသည်။

အဆိုပါ သေဆုံး ဒဏ်ရာရရှိသူများသည် မဟာချိုင်ဒေသရှိ ဂါလန် ပုဇွန်စက်ရုံတွင် အလုပ်လုပ်ကိုင်နေသော မြန်မာ အလုပ် သမားများ ဖြစ်သည်။ ယင်း ပုဇွန်စက်ရုံတွင် မြန်မာအလုပ်သမား ၇၀၀ ကျော် ရှိကြောင်း သိရသည်။

မြန်မာ သံရုံးမှ တာဝန်ရှိသူများသည် အခင်းဖြစ်ပွားသည့်နေ့တွင် မဟာချိုင်ဒေသသို့ သွားရောက်ခဲ့ပြီး ယင်း ကုမ္ပဏီမှ တာဝန် ခံများနှင့် တွေ့ဆုံခဲ့ကြောင်း၊ ဧပြီလ ၅ ရက်နေ့တွင် သေဆုံးသူများကို ကောင်းမွန်စွာ သင်္ဂြိုဟ်ပေးခဲ့ကြောင်း သတင်းစာတွင် ပါရှိသည်။

ထိခိုက် ဒဏ်ရာရရှိသူများက ယင်းဒေသရှိ မဟာချိုင်၊ စမွတ်စခွန်၊ Srivichai 5 စသည့် ဆေးရုံများတွင် ဆေးကုသမှု ခံယူခဲ့ပြီး အတွင်းလူနာ ၇ ဦးအနက် တစ်ဦးမှာ စိုးရိမ်ရကြောင်း ဒဏ်ရာပြင်းထန်မှု မရှိသည့်လူနာများကို ဧပြီလ ၆ ရက်နေ့၌ ဆေးရုံမှ ဆင်း ခွင့်ပြုခဲ့ကြောင်း အစိုးရ သတင်းစာတွင် ရေသားထားသည်။

မြန်မာအလုပ်သမားများသည် စက်ရုံသို့ အလုပ်ဆင်းရန် ကြိုပို့ယာဉ်မှ လာရောက် ကြိုဆိုတင်ဆောင်စဉ် နောက်မှ ၁၀ ဘီး ကား တစီး လမ်းချော်ပြီး ၀င်ရောက်တိုက်မိခဲ့သောကြောင့် အမျိုးသမီး ၆ ဦးနှင့် အမျိုးသားတစ်ဦး သေဆုံးကာ ၆၁ ဦး ထိခိုက် ဒဏ်ရာရရှိခဲ့ခြင်း ဖြစ်သည်။

အစိုးရ သတင်းစာတွင် မြန်မာ အလုပ်သမား ၇ ဦး သေဆုံးသွားကြောင်း ဖော်ပြခဲ့သော်လည်း ထိုင်းနိုင်ငံ အခြေစိုက် အလုပ် သမားအရေး ဆောင်ရွက်ပေးနေသော အဖွဲ့အစည်းတချို့က ၁၆ ဦး သေဆုံးသွားကြောင်း ဆိုသည်။

ထိုင်းနိုင်ငံ အလုပ်သမား ကာကွယ်စောင့်ရှောက်ရေး အဖွဲ့များကလည်း အလုပ်သမားများ၏ လုံခြုံရေးနှင့် ယခုဖြစ်ဖွားခဲ့သည့် ဖြစ်ရပ်နှင့် ပတ်သက်၍ စုံစမ်းစစ်ဆေးပေးရန် ထိုင်းအစိုးရထံသို့ ယခုရက်ပိုင်း တောင်းဆိုခဲ့ကြသည်။

“ထိုင်းအစိုးရနှင့် သက်ဆိုင်ရာ ခရိုင် အုပ်ချုပ်ရေးအဖွဲ့များ အနေဖြင့် ဘတ်(စ်)ကားများ လုံခြုံရေး ဥပဒေကို လေးစားလိုက်နာ အောင် ဆောင်ရွက်ပေးဖို့ လိုအပ်ပါတယ်၊ အထူးသဖြင့် သတ်မှတ်ချက်ထက် ကျော်လွန်ပြီးတော့ ခရီးသည်များကို တင်ဆောင် နေတာတွေကို ထိထိရောက်ရောက် တားမြစ်ဖို့လိုတယ်”ဟု ထိုင်းအလုပ်သမား ကာကွယ် စောင့်ရှောင့်ရေး အဖွဲ့များ၏ ထုတ် ပြန်ချက်တွင် ရေးသားထားသည်။

ထိုင်းနိုင်ငံ ဥပဒေအရ သယ်ယူပို့ဆောင်ရေး ယာဉ်များတွင် မောင်းသူအနေဖြင့် သတ်မှတ်ခုံ အရေအတွက်ထက်ကျော်လွန်၍ ခရီးသည်တင်ဆောင်ခြင်းကို တားမြစ်ထားသည်။

မတော်တဆ ယာဉ်တိုက်မှု ဖြစ်ပွားခဲ့သော ယာဉ်သည် ခုံ ၂၄ ခုရှိ သော်လည်း ခရီးသည် ၇၀ ကျော် တင်ဆောင်ထားပြီး ယာဉ် မရပ်နားရသည့် နေရာတွင် ရပ်တန့်၍ ခရီးသည်များကို ထပ်မံ တင်ဆောင်နေကြောင်းလည်း အလုပ်သမား ကာကွယ် စောင့် ရှောင့်ရေး အဖွဲ့များက ထုတ်ပြန်သည့် ကြေညာချက်တွင် ရေးသားထားသည်။

ပြီးခဲ့သည့် ၂၀၁၀ ပြည့်နှစ် အောက်တိုဘာလတွင်လည်း ထိုင်းနိုင်ငံတောင်ပိုင်း ရနောင်းမြို့မှ ဘန်ကောက်မြို့သို့လာသော မြန် မာ နိုင်ငံသား ၄၀ ခန့် တင်ဆောင်လာသည့် ကားတစီး မဟာချိုင်မြို့အနီးရှိ မဲ့ကလောင် မြို့နယ်တွင် တိမ်းမှောက်မှု ဖြစ်ပွားရာ ၁၀ ဦးခန့် ဒဏ်ရာပြင်းထန်စွာ ရရှိခဲ့ကြောင်း သိရသည်။

ထိုင်းနိုင်ငံအတွင်း အလုပ်လုပ်နေကြသော ရွှေ့ ပြောင်းမြန်မာ အလုပ်သမားများ ၂ သန်းခွဲမှ ၄ သန်းဝန်းကျင် ရှိကြောင်း အလုပ်သမား အဖွဲ့ အစည်းများက ခန့်မှန်းထားကြသည်။

http://www.irrawaddy.org/bur/index.php/news/6159-2011-04-08-09-33-17

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ဂူဂဲလ်နဲ့ တရုတ် ပြဿနာ (ဒုတိယအကျော့)


ပြီးခဲ့တဲ့အပတ်မှာ ဂူဂဲလ်နဲ့ ပေကျင်းအစိုးရ ထိပ်တိုက် ထပ်တိုး ပြန်ပါတယ်။ တရုတ်အစိုးရ ဆင်စာအဖွဲ့က ဂူဂဲလ်ရဲ့ အီးမေးလ် တွေကို ၀င်ရောက် နှောင့်ယှက်နေတယ်ဆိုပြီး အွန်လိုင်းကုမ္ပဏီကြီးက စွတ်စွဲပါတယ်။


ဂူဂဲလ်ရဲ့ ကြေငြာချက်မှာ တရုတ် အွန်လိုင်းသုံးသူများ Gmail ထဲ မ၀င်နိုင်အောင် တရုတ် အစိုးရက ရည်ရွယ်ချက်ရှိရှိ စနစ်တကျ ပိတ်ဆို့ထားတယ်လို့ ဖော်ပြထားပါတယ်။ တရုတ် နိုင်ငံခြားရေး ၀န်ကြီး ဌာနကတော့ ဂူဂဲလ် ရဲ့ ကြေငြာချက်ဟာ ‘လက်ခံနိုင်ဖွယ် မရှိတဲ့ စွတ်စွဲများ’ ဖြစ်တယ်လို့ တုံ့ပြန် ပြောဆိုခဲ့ပါတယ်။

တရုတ်အစိုးရက အာရပ်တော်လှန်ရေးမျိုးတွေ တရုတ်ပြည်တွင်းမှာ ဖြစ်လာမှာ စိုးရိမ်တဲ့အတွက် အွန်လိုင်း ဆင်စာဖြတ်မှုကို ယခု ရက်ပိုင်းတွေအတွင်း တင်းတင်းရင်းရင်း လုပ်ဆောင်လာနေပါတယ်။ ယခုနှစ် အစောပိုင်းမှာ ဂူဂဲလ် ကုမ္ပဏီက တရုတ်အစိုးရရဲ့ ဆင်စာဖြတ်မှုကို လက်မခံနိုင်တဲ့အတွက် ၄င်းရဲ့ တရုတ် ဘာသာစကားနဲ့ search engine ဆိုဒ်ကို ဟောင်ကောင်ကို ပြောင်းရွှေ့ခဲ့ပါတယ်။



အိုင်ဗရီကို့စ် မှ ပြည်တွင်းစစ်

ယခုအပတ်ထဲမှာပဲ အိုင်ဘီရီကို့စ် နိုင်ငံဟာ ပြည်တွင်းစစ်ကို ပြန်လှည့်သွားခဲ့ပါတယ်။ လူ ၁ သန်းကျော် မြို့တော် အဘီဂျန်မှ အိမ်နီးချင်း လိုက်ဘေးရီးယား နိုင်ငံကို ထွက်ပြေးခဲ့ကြပါတယ်။ လူငယ် ထောင်ပေါင်းများစွာ လက်နက်ကိုင်စွဲခဲ့ကြပြီး ပစ်ခတ်မှုများကြောင့် လူ ၅၀၀ ကျော် သေဆုံးသွားခဲ့ရပါတယ်။

တာဝန်ယူဆဲ သမ္မတ လောရန့် ဂါဘဂ်ဘို နဲ့ နိုင်ငံတကာ အသိအမှတ်ပြု သမ္မတ အလာဆန် ၀တ်တရာ တို့နှစ်ဦးအကြား လိပ်ခဲတည်းလည်း နိုင်ငံရေး ပဋိပက္ခတွေကနေ ပြည်တွင်းစစ် ထပ်မံပေါ်ထွက်လာခြင်း ဖြစ်ပါတယ်။

နိုင်ငံတကာ ညွန့်ပေါင်းတပ်များ လစ်ဗျားကို ၀င်ရောက်ပြီးနောက်၊ အရပ်သားများ မသေဆုံးအောင် နောက်ထပ် ၀င်ရောက် အကာအကွယ်ပေးရမယ့် နိုင်ငံကတော့ အိုင်ဗရီကို့စ် ဖြစ်နိုင်ခြေ များလာပါတယ်။ ကုလသမဂ္ဂ တပ်တွေ အိုင်ဗရီကို့စ် မှာ ဆက်တပ်စွဲထားဖို့ကိုလည်း အာဖရိကသမဂ္ဂ က လုံခြုံရေးကောင်စီကို တရားဝင် အကူအညီ တောင်းထားပါတယ်။

ပြင်သစ်က လစ်ဗျား အရေးမှာ တက်ကြွသလို၊ အိုင်ဗရီကို့စ် အရေးမှာလည်း ရှေ့က ဦးဆောင်ချင်နေပါတယ်။ မြို့တော် အဘီဂျန်မှာ ပြည်တွင်းစစ် မဖြစ်ရေး ၀င်တားဖို့ အဆိုပြုချက်ကို သောကြာနေ့က လုံခြုံရေးကောင်စီမှာ ပြင်သစ်က အရင်ဆုံး တင်ခဲ့ပါတယ်။

အာဖရိကရဲ့ ပထ၀ီ နိုင်ငံရေး အရေးပါမှု၊ ဆိုးရွားတဲ့ ပြည်တွင်းစစ်တွေ သမိုင်းတွေ ရှိခဲ့မှုကြောင့် အိုင်ဗရီကို့စ် ကို နိုင်ငံတကာ ၀င်ရောက် ဖြေရှင်းရမယ့် အခြေအနေ ဖြစ်လာပါတယ်။



ပြုတ်ကျသွားတဲ့ ကနေဒါ အစိုးရ


အီဂျစ် သမ္မတ ဟို့စ်နီ မူဘာရခ် ပြုတ်ကျသွားသလို ပြဇာတ်ဆန်ဆန် မဟုတ်ဘဲ၊ မတ်လ ၂၅ ရက်နေ့က တိုးတိုးတိတ်တိတ်နဲ့ ကနေဒါ ပါလီမန်မှာ ၀န်ကြီးချုပ် စတီဖင် ဟတ်ပါ ရဲ့ အစိုးရတဖွဲ့လုံး အယုံအကြည်မရှိ မဲနဲ့ ပြုတ်ကျသွားခဲ့ပါတယ်။

ကနေဒါ အဓိက အတိုက်အခံ ပါတီကြီး သုံးခု ပူးပေါင်းပြီး ၂၀၀၆ ခုနှစ်ကတည်းက အာဏာရထားတဲ့ ၀န်ကြီးချုပ် ဟတ်ပါ ကို ၀ိုင်းတိုက်ခိုက်ခဲ့တာ ဖြစ်ပါတယ်။ အဓိက အချက်ကတော့ အစိုးရအဖွဲ့ရဲ့ ဘတ်ဂျက် အသုံးစရိတ်များမှာ သံသယဖြစ်ဖွယ်တွေ ရှိလို့ ဖြစ်ပါတယ်။ မေလအစောပိုင်းမှာ ရွေးကောက်ပွဲ ပြန်ကျင်းပမှာ ဖြစ်ပြီး စတင်ဖင် ဟတ်ပါ ၀င်ပြိုင်မှာ ဖြစ်ပါတယ်။ ကနေဒါက လစ်ဗျားကို တိုက်ခိုက်ရေးမှာ ဦးဆောင်နိုင်ငံအဖြစ် ပါခဲ့ပေမဲ့ ကနေဒါကို ဘယ်သူ ဦးဆောင်မလဲဆိုတာတော့ မေးခွန်းထုတ်စရာ ဖြစ်နေပါတယ်။


ယူကရိန်း သမ္မတဟောင်း လူသတ်မှုနဲ့ တရားစွဲခံရ

ယခုအပတ်ထဲမှာပဲ ယူကရိန်း သမ္မတ လီယိုနဒ် ကုချမာ ကို ၂၀၀၀ ခုနှစ်က ဂျာနယ်လစ် ဂျော်ဂျီ ဂွန်ဂါဒဇ် ကို သတ်ခဲ့တဲ့အမှုနဲ့ ယူကရိန်း တရားရုံးတစ်ခုမှာ စုံစမ်း စစ်ဆေးနေပါတယ်။ အသက် ၃၁ နှစ်ရှိ သတင်းထောက်ကို ရက်ရက်စက်စက် သတ်ဖြတ်ဖို့ သမ္မတရဲ့ အမိန့်ပေးခဲ့မှုက ယူကရိန်း တစ်နိုင်ငံလုံးကို ရှော့ဖြစ်သွားစေပါတယ်။

နောက် သမ္မတကိုယ်တိုင်က သေဆုံးသူ သတင်းထောက်ကို အပေးအယူလုပ် ခြိမ်းခြောက်စကားတွေ ပြောခဲ့တဲ့ အသံဖိုင်ကိုလည်း သက်သေအထောက်အထားအဖြစ် ရုံးတင်နိုင်ခဲ့ပါတယ်။ ဒီဖြစ်ကြောင့် ၂၀၀၃ ခုနှစ်မှာ လိမ္မော်ရောင် တော်လှန်ရေး ဖြစ်ပေါ်လာပြီး သမ္မတ ကုချမာ နဲ့ အဖွဲ့ကို အာဏာကနေ ပြုတ်ကျအောင် တွန်းအား ပေးနိုင်ခဲ့ကြပါတယ်။

ပြည်ထဲရေး ၀န်ကြီးဌာန ၀န်ထမ်းတစ်ယောက်ကလည်း သတင်းထောက် ဂွန်ဂါဒဇ် ရဲ့ ခေါင်းကို ပုဆိန်နဲ့ ခုတ်ဖြတ်ဖို့ သမ္မတ ကိုယ်တိုင်က အမိန့်ပေးခဲ့ကြောင်း သက်သေထွက်ဆိုပါတယ်။ ယခု ယူကရိန်း တရားရုံးမှာ သမ္မတဟောင်းကို စွတ်စွဲတဲ့ အဆင့် ကျော်လွန်သွားပြီး၊ အရေးယူဖို့ လုပ်ဆောင်နေကြပါပြီ။



ဆိုမာလီယာ ကို ကျူးကျော်တဲ့ ကင်ညာ

ကင်ညာ စစ်တပ်တွေက နယ်စပ်ကို ဖြတ်ပြီး အိမ်နီးချင်း ဆိုမာလီယာ နိုင်ငံထဲ ယခုရက်ပိုင်းအတွင်း ၀င်ရောက်ခဲ့ပါတယ်။ ဆိုမာလီယာရှိ အစ္စလမ် စစ်သွေးကြွ အယ်လ် ရှာဘာအက် အဖွဲ့ကို တိုက်ခိုက်နှိမ်နင်းဖို့ ဖြစ်ပါတယ်။

ပြီးခဲ့တဲ့ ငါးနှစ်လောက်ကတည်းက သူပုန်တွေ နှိမ်နင်းဖို့ ဆိုမာလီယာ အစိုးရရဲ့ တောင်းဆိုမှုကြောင့် ကင်ညာ စစ်တပ်က တိုက်ရိုက်ဝင်ရောက် အကူအညီ ပေးနေခဲ့ပါတယ်။ ဆိုမာလီယာမှာ အယ်လ် ရှာဘာအက် သူပုန်တွေ အသာစီးရသွားခဲ့ရင် အယ်လ် ကိုင်ဒါ အကြမ်းဖက်တွေအတွက် အာဖဂနစ္စတန်လို နေရာသစ်မျိုး ထပ်ရရှိသွားမှာ ဖြစ်ပါတယ်။

အယ်လ် ရှာဘာအက် သူပုန်တွေက ဆိုမာလီယာ နိုင်ငံတွင်းတင် မကတော့ဘဲ ပြည်ပအထိ အကြမ်းဖက် လုပ်ငန်းတွေ ထွက်လုပ်လာပါတယ်။ ပြီးခဲ့တဲ့နှစ် ဇူလိုင်လမှာ ယူဂန်ဒါနိုင်ငံရှိ စားသောက်ဆိုင်တွေကို ဗုံးခွဲခဲ့တာကြောင့် လူအများအပြား သေဆုံးခဲ့ပါတယ်။

ဒါပေမဲ့ အခု ကင်ညာစစ်တပ်ရဲ့ ဆိုမာလီယာထဲ ၀င်ရောက်ပြီး သူပုန်နှိမ်နင်းမှုက အစ္စလာမ် စစ်သွေးကြွတွေပဲ လျှော့ကျသွားမလား၊ အခြားနိုင်ငံတွင်း ၀င်ရောက်စွက်ဖက်မှုကြောင့် ပြဿနာတွေ ပိုရှုပ်ထွေးလာမလား ဆိုတာ အဖြေ မသဲကွဲသေးပါဘူး။



မက္ကစီကိုရှိ အမေရိကန် သံအမတ်ကို ပြန်ခေါ်



မက္ကစီကိုရှိ အမေရိကန် သံအမတ် ကားလို့စ် ပါစ်ကောရဲလ် မှာ ၀ီကီလိခ်စ် ရဲ့ ထိုးနှက်ချက် လတ်လတ်ဆတ်ဆတ် ခံရသူ ဖြစ်လာပါတယ်။ မက္ကစီကို အစိုးရရဲ့ မူးယစ်ဆေးဝါး စစ်ဆင်မှုနဲ့ အတွင်းသတင်း ပေါင်းစုံကို အိမ်ဖြူတော် အမြဲပို့နေတဲ့အကြောင်း ၀ီကီလိခ်စ် က ထပ်မံဖွင့်ချလိုက်တာကြောင့် အမေရိကန် အစိုးရ အရှက်တကွဲ ဖြစ်သွားတာမို့ သူ့ကို ၀ါရှင်တန် ပြန်ခေါ်လိုက်ရပါတယ်။

အမေရိကန် သံအမန် ပါစ်ကောရဲလ် ဟာ မက္ကစီကို စစ်တပ်အပေါ် ခပ်ကြောင်ကြောင် ဝေဖန်စကားတွေ ပြောတတ်သောကြောင့် သူ့နေရာ အခြားတယောက် အစားထိုးပေးဖို့ မက္ကစီကို သမ္မတ ဖလစ်ပီ ကာလ်ဒရွန် က အကြိမ်ကြိမ် တောင်းဆိုခဲ့ပေမဲ့၊ အမေရိကန် အစိုးရက အပြောင်းအလဲ မလုပ်ခဲ့တာကိုလည်း ၀ီကီလီခ်စ် က ဖွင့်ချထားပါတယ်။ မက္ကစီကို အစိုးရရရဲ့ အတွင်းသတင်း ပေါင်းစုံကို စပိုင်လုပ် အိမ်ဖြူတော်ကို သတင်း ပို့ပေးနေတဲ့ ပါစ်ကော်ရဲလ် ကို မက္ကစီကို အစိုးရ ငြိုငြင်နေတာ ကြာပါပြီ။ ယခု ၀ီကီလိခ်စ် က ဖွင့်ချပြီးနောက် အမေရိကန် အစိုးရက ၀ါရှင်တန်ကို ပြန်ခေါ်ခဲ့ရပါတယ်။



အဂတိလိုက်စားမှုတွေကြားက မစ္စတာ ဆင်း



အိန္ဒိယမှာ တယ်လီဖုန်းနဲ့ သတင်းဆက်သွယ်ရေး ၀န်ကြီးဟောင်းရဲ့ အဂတိလိုက်စားမှု သတင်းအပုတ်နံ့တွေ လှိုင်နေချိန်မှာပဲ၊ အိန္ဒိယ အာဏာရ ကွန်ဂရက်ပါတီရဲ့ အတွင်းသတင်းတွေကို ရက်ပိုင်းအတွင်း ၀ီကီလိခ်က ထပ်မံ ဖွင့်ချလိုက်ပါတယ်။ ၂၀၀၈ ခုနှစ် ပါလီမန်မှာ အစိုးရကို အယုံအကြည်မရှိ အရေးကြီးတဲ့ မဲခွဲ ဆုံးဖြတ်မှုမှာ ကွန်ဂရက်ပါတီ အမတ်တွေက မဲတွေ အကြီးအကျယ် ၀ယ်ခဲ့တဲ့ အထောက် အထားတွေကို ၀ီကီလိခ်စ် က ထပ်ဖွင့်ချတာ ဖြစ်ပါတယ်။

နောက် အိန္ဒိယနဲ့ အမေရိကန် အစိုးရ အကြား မသင်္ကာဖွယ် လက်နက်ရောင်းဝယ်မှုတွေ ရှိခဲ့တဲ့ အကြောင်း ၀ီကီလိခ်စ် က ဖွင့်ချပါတယ်။ ၀န်ကြီးချုပ် မန်မိုဟန်ဆင်းက ၀ီကီလိခ်စ် က ဖွင့်ချတဲ့ လျှို့ဝှက်ချက်တွေဟာ မှန်ကန်မှု မရှိဘူးလို့ ငြင်းဆိုပါတယ်။ ၀ီကီလိခ်စ် တည်ထောင်သူ ဂျူလီယန် အာဆန်း ကတော့ မစ္စတာဆင်း ဟာ ‘လူထုကို ရည်ရွယ်ချက်ရှိရှိ လိမ်လည်လှည့်ဖျားခဲ့သူ’ လို့ စွတ်စွဲပြောဆိုခဲ့ပါတယ်။


ပြုတ်ကျသွားတဲ့ ပေါ်တူဂီ အစိုးရ



အိုက်စလန်၊ ဟန်ဂေရီ၊ အိုင်ယာလန် ၀န်ကြီးချုပ်များလိုပဲ ဂလိုဘယ်စီးပွားရေး အကျပ်အတည်းက ဖြစ်လာတဲ့ အစိုးရ ဘတ်ဂျက်ပြဿနာကြောင့် မတ်လ ၂၃ ရက်နေ့မှာ ပေါ်တူဂီ ၀န်ကြီးချုပ် ဂျိူးဇက် ဆော့ခရက်စ် လည်း ရာထူးက နှုတ်ထွက်ပေးခဲ့ရပါတယ်။

ပေါ်တူဂီမှာ အစိုးရ ကြွေးမြီများပြီး ငွေကြေးနဲ့ စတော့ တန်ဖိုးတွေ ကျဆင်းနေတာကြောင့် ဂရိ နဲ့ အိုင်ယာလန် တို့လိုပဲ အီးယူက ၀င်ကယ်တင်ပေးရမယ့် အခြေအနေမျိုး ဆိုက်လာပါတယ်။ ယခုအပတ် အီးယူ ထိပ်သီး ညီလာခံမှာ ပေါ်တူဂီ ကိစ္စက ထိပ်ဆုံးပြဿနာ ဖြစ်လာပါတယ်။ ဆော့ခရက်စ် ရဲ့ လက်ဝဲ ယိမ်း ဆိုရှယ်လစ် ပါတီက အိမ်စောင့်အစိုးရအဖြစ်နဲ့ လာမယ့် ဇွန်လ ရွေးကောက်ပွဲအထိ ဆက်ရှိနေပါမယ်။



ရွေးကောက်ပွဲ ရလဒ် စောင့်နေတဲ့ ဟေတီများ



မတ်လ ၂၀ ရက်နေ့ ဟေတီနိုင်ငံ ရွေးကောက်ပွဲက အဆင်ချောမွေ့တယ်လို့ပဲ ဆိုရပါမယ်။ နိုဝင်ဘာလထဲမှာ ပထမအကျော့ မဲပေးတုန်းက အကြမ်းဖက်မှုတွေနဲ့ ၀ရုန်းသုန်းကားဖြစ်ပြီး ပွဲပျက်ခဲ့ရပါတယ်။

ဒါပေမဲ့ ပြီးခဲ့တဲ့ တနင်္ဂနွေနေ့က ရွေးကောက်ပွဲမှာတော့ ပါမောက္ခ၊ ပေါ့အဆိုတော်နဲ့၊ သမ္မတဟောင်းရဲ့ လေဒီ တို့ နိုင်ငံတကာ စောင့်ကြည့်မှုအောက်မှာ အေးချမ်းစွာ အပြိုင်နွှဲခဲ့ကြပါတယ်။ ပထမအကျော့ထက် တင်းမာမှုတွေ လျော့တယ် ဆိုပေမယ့် ရွေးကောက်ပွဲ ရက်အတွင်း သမ္မတဟောင်း အရစ္စတီဒီး ရဲ့ ပြည်တော်ပြန်ခရီးကြောင့် ခပ်လှုပ်လှုပ်တွေ ဖြစ်ခဲ့ပါသေးတယ်။

အာဏာသိမ်းခံရပြီး တောင်အာဖရိကမှာ ထွက်ပြေးတိမ်းရှောင်နေရတဲ့ သမ္မတ အရစ္စတီဒီးကို အမေရိကန် အစိုးရက ရွေးကောက်ပွဲရက်အတွင်း မပြန်ဖို့ နားချပေမဲ့၊ ဆိုင်းမဆင့်ဗုံမဆင့် ပြည်တော်ပြန်ခဲ့ပါတယ်။ သူ့ ပြန်ရောက်မှုကြောင့် ရွေးကောက်ပွဲမှာ တစုံတရာ ပြဿနာ မရှိသော်လည်း၊ မဲအကြိုပွဲမှာ ပေါ့ပ် အဆိုကျော် ကိုယ်စားလှယ်လောင်း သေနတ်နဲ့ အပစ်ခဲ့ရပေမဲ့ ကံသီပြီး လွတ်မြောက်ခဲ့ပါတယ်။

မောက္ခ နိုင်ငံတကာသတင်း

Source: FP

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

သဲသဲ | သောကြာနေ့၊ ဧပြီလ ၀၈ ရက် ၂၀၁၁ ခုနှစ် ၁၉ နာရီ ၀၁ မိနစ်
အီးမေးလ်ပို့ရန် ပရင့်ထုတ်ရန် PDF ဖိုင်ရယူရန်

နယူးဒေလီ (မဇ္ဈိမ) ။ ။ ရခိုင်ပြည်နယ် အစိုးရအဖွဲ့တွင် ဝန်ကြီး ၃ ဦး ရရှိသော်လည်း လုပ်ပိုင်ခွင့် အပြည့်အဝ မရှိလျှင် လူထုကို ပေးခဲ့သည့် ကတိကဝတ်များအား ဖော်ဆောင်ရန် မလွယ်ကူသဖြင့် ဗဟိုအစိုးရ ချုပ်ကိုင်မှု လျော့နည်းစေလိုကြောင်း ရခိုင်တိုင်းရင်းသားများ တိုးတက်ရေးပါတီ RNDP က ပြောဆိုလိုက်သည်။

“အစိုးရအဖွဲ့မှာ ပါတယ်ဆိုပေမယ့် ဘယ်လောက်လုပ်ပိုင်ခွင့် ပေးမယ်ဆိုတာ မသိသေးဘူး။ ရွေးကောက်ပွဲတုန်းက လူထုကို ပေးထားတဲ့ ကတိတွေကို ဖော်ဆောင်နိုင်ဖို့က ဒီအပေါ်မှာ မူတည်တယ်။ ပြည်နယ်အစိုးရ ရှိပေမယ့် ဗဟိုက အရာရှိတွေပဲ ချုပ်ကိုင်ထားရင် ဘာမှ ထူးလာမှာ မဟုတ်ဘူး” ဟု RNDP အတွင်းရေးမှူး ဦးလှစောက မဇ္ဈိမကို ပြောသည်။

ရခိုင်ပြည်နယ် ဝန်ကြီးချုပ် ဦးလှမောင်တင် (ဗိုလ်မှူးကြီးဟောင်း) က ဖေဖော်ဝါရီ ၁၄ ရက်နေ့တွင် တင်သွင်းခဲ့သည့် အစိုးရအဖွဲ့ ဝန်ကြီး ၉ နေရာ၌ RNDP က ၃ ဦး ပါဝင်ပြီး၊ ကျန်ဝန်ကြီးများမှာ ကြံ့ခိုင်ရေးပါတီမှ ၅ ဦးနှင့် တပ်မတော်သား ကိုယ်စားလှယ် တဦး ဖြစ်သည်။

RNDP ဝန်ကြီး ၃ ဦးမှာ မြောက်ဦးမြို့နယ် မဲဆန္ဒနယ် အမှတ် ၂ မှ ဦးကျော်သိန်း (သားငါး၊ သတ္ထု၊ စွမ်းအင်)၊ စစ်တွေမြို့နယ် မဲဆန္ဒနယ် အမှတ် ၁ မှ ဦးသာလူချေ (စက်မှု၊ အလုပ်သမား၊ အားကစား) နှင့် ပုဏ္ဏားကျွန်းမြို့နယ် မဲဆန္ဒနယ် အမှတ် ၂ မှ ဦးအောင်သန်းတင် (ယဉ်ကျေးမှု၊ လူမှုကယ်ဆယ်ရေး) တို့ ဖြစ်သည်။

ဈေးနှုန်းသင့်တင့်စွာဖြင့် လျှပ်စစ်မီး ပုံမှန်ရရှိရေးမှာ ရခိုင်ပြည်နယ် အစိုးရအတွက် အကြီးမားဆုံး စိန်ခေါ်မှု ဖြစ်ဖွယ်ရှိကြောင်း RNDP သုံးသပ်သည်။

“ရခိုင်မှာက ပင်မဓာတ်အားလိုင်းက လျှပ်စစ်မရတော့ လောင်စာဆီသုံး တာဘိုင်က ယူရတယ်။ တယူနစ်ကို ၂၅ ကျပ် ကျရမှာကို ၅ဝဝ ပေးသုံးနေရတယ်။ ရေအားလျှပ်စစ်ဆိုတာမျိုး ချက်ချင်း ဆောက်လို့လည်း မရဘူး။ ဖွဲမီးသုံးရင် ပတ်ဝန်းကျင်နဲ့ လေထုညစ်ညမ်းမှုက ဖြစ်မယ်။ ဂက်စ်ကနေ လျှပ်စစ်မရတော့ ဒါကို ပြည်နယ်အစိုးရက ဘယ်လို ဖြေရှင်းမလဲဆိုတာ ခက်နေတယ်” ဟု ဦးလှစောက ပြောသည်။

အဓိက ပြည်နယ် စီးပွားရေးဖြစ်သော လယ်ယာစိုက်ပျိုးရေးနှင့် သားငါးထုတ်လုပ်မှုတွင် ပြည်နယ်အစိုးရကို လုပ်ပိုင်ခွင့် အပြည့်အဝ ပေးသင့်သည်ဟုလည်း သူက ဆိုသည်။

ဆန်သယ်ခွင့် ကန့်သတ်ချက်များ ရှိခဲ့သည့် လယ်ယာကဏ္ဍတွင်မူ အစိုးရသစ် ပေါ်ထွက်လာပြီးနောက် လွတ်လပ်စွာ စိုက်ပျိုးသယ်ယူ ရောင်းချခွင့်သို့ ပြောင်းလဲနိုင်ခဲ့ပြီး၊ အုပ်ချုပ်ရေးပိုင်း အကျင့်ပျက် ခြစားမှုများ ထောက်ပြနိုင်ခွင့် ရှိလာခြင်းကို ပြည်နယ် အကျိုးအမြတ်အဖြစ် RNDP က ရှုမြင်သည်။

ရခိုင်ဒေသတွင် စီးပွာရေးသမားများက အာဏာပိုင်များနှင့် ပူးပေါင်းကာ ပင်လယ်၌ ငါးဖမ်းကွက်များကို တရားမဝင် လေလံတင် ရောင်းချမှုကို လာဘ်စားမှုများထဲမှ တခုအဖြစ် RNDP က ထောက်ပြသည်။

ထိုသို့ လေလံတင်ရောင်းချမှုများ၌ ပြန်လည်ပြင်ဆင်ရမည့် စည်းမျဉ်းဥပဒေများ ရှိနေသဖြင့် ဧပြီလ ၆ ရက်နေ့တွင်မူ ငါးဖမ်းကွက် လေလံတခုကို ပြည်နယ်အစိုးရက ဆိုင်းငံ့နိုင်ခဲ့သည်။

မတ်လ ၃ဝ ရက်နေ့တွင် အာဏာလွှဲယူခဲ့သည့် ဦးသိန်းစိန် အစိုးရသစ် လက်ထက်၌ ပြည်နယ်အစိုးရများအနက် ရခိုင်တွင်သာ တိုင်းရင်းသားပါတီ တခုတည်းမှ ဝန်ကြီး ၃ ဦးအထိ အများဆုံး ပါဝင်ခြင်း ဖြစ်သည်။

တိုင်းဒေသကြီး (သို့မဟုတ်) ပြည်နယ်အစိုးရအဖွဲ့ကို ဝန်ကြီးချုပ်၊ ဝန်ကြီးများ၊ ဥပဒေချုပ်များဖြင့် ဖွဲ့စည်းထားပြီး၊ အုပ်ချုပ်မှုဆိုင်ရာ အငြင်းပွားမှုများကို ပြည်ထောင်စုအစိုးရက ဝင်ရောက်ညှိနှိုင်း ဖြေရှင်းနိုင်ခွင့်ရှိကာ ဆုံးဖြတ်ခွင့်လည်း ရှိကြောင်း ပြည်နယ်လွှတ်တော် ဥပဒေတွင် ပြဋ္ဌာန်းထားသည်။

ဝန်ကြီးများ စာရင်း

၁။ ဗိုလ်မှူးကြီး ထိန်လင်း (တပ်မတော်သား ကိုယ်စားလှယ်) လုံခြုံရေးနှင့် နယ်စပ်ရေးရာ
၂။ ဦးကျော်ခင် (ကြံ့ဖွံ့) လယ်ယာ၊ သစ်တောနှင့်ဆည်မြောင်း
၃။ ဦးလှဟန် (ကြံ့ဖွံ့) သာသနာရေးနှင့် လူဝင်မှုကြီးကြပ်ရေး
၎။ ဒေါက်တာ အောင်ကျော်မင်း (ကြံ့ဖွံ့) ကျန်းမာရေးနှင့် ပညာရေး
၅။ ဦးမြအောင် (ကြံ့ဖွံ့) စီးပွားရေး
၆။ ဦးစိုးအေး (ကြံ့ဖွံ့) ပို့ဆောင်ဆက်သွယ်ရေး
၇။ ဦးအောင်သန်းတင် (RNDP) ယဉ်ကျေးမှုနှင့် လူမှုကယ်ဆယ်ရေး
၈။ ဦးကျော်သိန်း (RNDP) သားငါး၊ သတ္ထုနှင့် စွမ်းအင်
၉။ ဦးသာလူချေ (RNDP) စက်မှု၊ အလုပ်သမား၊ အားကစား

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

စာအုပ်များကို ဖတ်ရှုလေ့လာရန် အချိန်ပေးသည့် ဆယ်ကျော်သက်များမှာ တေးဂီတကို နားထောင်သည့် သူများထက် စိတ်ကျ ဝေဒနာ ခံစားရခြင်းမှ ပို၍ ကာကွယ်ပေးနိုင်ကြောင်း သုတေသနအရ သိရပါသည်။


အပြုအမူကို ဖြစ်ပျက်နေသည့် အချိန်တွင် စမ်းသပ်သည့် ecological momentary assessment “လက်တွေ့ဘ၀” နည်းစနစ်ကို ဦးဆုံး သုံးပြီး လေ့လာခြင်းဖြစ်သည်။

တေးဂီတနှင့် စိတ်ကျဝေဒနာ ဆက်စပ်နေမှုကို နားလည်ရန် ဤနည်းလမ်းက ကူညီသည်ဟု ဆို၏။

စိတ်ကျဝေဒနာ အကြီးအကျယ် ခံစားနေရသည့် လူငယ် ၄၆ ဦး အပါအ၀င် ဆယ်ကျော်သက် ၁၀၆ ဦးကို Pittsburg ဆေးတက္ကသိုလ်က လေ့လာခဲ့ခြင်းဖြစ်သည်။

၂ လတာ အတွင်း စနေ၊ တနင်္ဂနွေ နေ့ရက်များအတွင်း သုတေသီများက ပါဝင် စစ်ဆေးခံသူများကို အကြိမ် ၆၀ အထိ ခေါ်ပြီး မီဒီယာ ၆ မျိုးတွင် မည်သည်တို့ကို အသုံးပြုနေကြကြောင်း စုံစမ်း မေးမြန်းကြသည်။ မီဒီယာများမှာ - တီဗွီ၊ ရုပ်ရှင်၊ ဂီတ၊ ဗီဒီယိုဂိမ်း၊ အင်တာနက်၊ မဂ္ဂဇင်း သို့မဟုတ် သတင်းစာ၊ စာအုပ် တို့ဖြစ်ကြသည်။

ဂီတကို အများဆုံး နားထောင်သော လူငယ်များမှာ အနည်းဆုံး နားထောင်သော သူများထက် ၈ ဒသမ ၃ ဆ ပိုပြီး စိတ်ကျဝေဒနာကို ခံစားရကြောင်း တွေ့ရှိရသည်။

သို့ရာတွင် စာအနည်းဆုံး ဖတ်သူနှင့် နှိုင်းယှဉ်သောအခါ စာအများဆုံး ဖတ်သူများမှာမူ ၁၀ ပုံ တစ်ပုံသာ စိတ်ကျ ဝေဒနာကို ခံစား ရနိုင်လေသည်။

“စိတ်ကျဝေဒနာ သက်သာဖို့အတွက် စာဖတ်ခြင်းနဲ့ ဆက်နွယ်နေတယ်ဆိုတဲ့ အချက်က အရေးကြီးလှပါတယ်။ ဘာဖြစ်လို့လဲဆိုတော့ ဒီကနေ့ခေတ် လူငယ်တွေဟာ စာဖတ်တာ သိပ်ကို နည်းနေလို့ပါ။ အခြားသော လူမှုမီဒီယာတွေကိုတော့ ပိုလို့ သုံးလာကြတယ်လေ။” ဆေးပညာ လက်ထောက် ပါမောက္ခ ပရင်မက်က ဆိုသည်။

မောက္ခ နိုင်ငံတကာ ပညာရေးသတင်း

Source: IANS

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

အာရ်ကန် ကိုကို
ဧပြီလ ၁ ရက်၊ ၂ဝ၁၁ ခုနှစ်

မိုင် ၄၄ဝ ကျော်ရှည်လျားသော ရခိုင်ကမ်းရိုးတန်း သဘာဝမြစ် ချောင်းအင်းအိုင်များအတွင်း မျိုးသုဉ်းပျောက်ကွယ်မည့် အန္တရာယ် ရင်ဆိုင်နေရသော သဘာဝပေါက် ငါးမန်းများ အများအပြား ရှိလာကြောင်း ဒေသခံ ရေလုပ်သားများ၏ ပြောပြချက်အရ သိရသည်။

ရေလုပ်သားများ၏ အဆိုအရ ပင်လယ်ပြင်မြစ်ချောင်းအင်းအိုင်များအတွင်း ကျွန်းပတ်ပိုက်များ၌ မကြာခဏ ဆိုသလို ငါးမန်းများ ငြိတွယ်ပြီး ပိုက်များအား ကိုက်ဖြတ်ဖျက်စီးခြင်း ခံရကြောင်း၊ အလွန်ခိုင်ခံ့သော လက်သန်းလုံးခန့်အရွယ် ကျွန်းပတ်ပိုက် နိုင်လွန်ကြိုးများကို ဧရာမ ငါးမန်းများ ငြိတွယ်ကိုက်ဖြတ်ရာ၌ ပိုက်နှင့်ဆက်စပ်ချည် နှောင်ထားသော ငါးဖမ်းရေယာဉ်များပါ အရှိန်အဟုန်ဖြင့် လှုပ်ရှားမှုများ ရှိကြောင်းလည်း သိရသည်။

”လွန်ခဲ့တဲ့ ၂ဝဝ၉ ခုနှစ် မိုးတွင်းရာသီကစပြီး ရခိုင်ကမ်းရိုးတန်း ပင်လယ်ပြင် မြစ်ချောင်းအင်းအိုင်တွေမှာ ကျွန်းပတ်ပိုက်တွေက မကြာခဏဆိုသလို ငမန်းငြိတွယ်ပြီး ကိုက်ဖြတ်ဖျက်ဆီးခံရတာ တွေများလာတယ်။ ဘာဖြစ်လို့ အဲဒီမာကျောတဲ့ ကျွန်းပတ်ပိုက် ပျက်စီးရသလဲ ဆိုတော့ ကျွန်တော်က ရေလုပ်သားတွေ အများပြောလို့မယုံရဲဘူး။ ပြီးခဲ့တဲ့ ၂ဝ၁ဝ မိုးနှောင်းရာသီ အောက်တိုဘာလလယ်လောက်မှာ ဗဒုံမာရေလက်ကြား ငါးဖမ်းစဉ်မှာပဲ ကျွန်တော်တို့ ကျွန်းပိုက်ကချလို့အပြီး နာရီဝက်ခန့် အကြာမှာပဲ ပိုက်က ဘုတ်ကို အမြန်ဆွဲသွားတယ်။ ကျွန်တော်တို့အားလုံး ကြက်သီးမွှေး ညင်းထပြီး ဝေလငါးလို့ထင်ပြီး ရေလုပ်ငန်းသုံး ပစ္စည်းတွေကို အသင့်ကိုင်ထား ကြတာ။ မိနစ်၊ စက္ကန့်ပိုင်း အတွင်းမှာပဲ ဘုတ်နဲ့မလှမ်းမကမ်း ပိုက်လယ် ပိုင်းလောက်ကို ပိုက်နဲ့ လိမ်ခေါက်ပြီး ၁၅ စက္ကန့်လောက် မြှုပ်တစ်ခါ ပေါ်တစ်လှည့် ရုန်းရွန့်ပြီး လင်းပိုင်လိုလို အကောင်မွဲကြီး တစ်ကောင်မြင် လိုက်တယ်။ ကျောနဲ့အမြီး ထောင်ယပ်တာကို အသေအချာ မြင်လိုက်ရတော့ တက်မ ကိုင်(မာစီ)က ဧရာမငါးမန်းကြီးလို့ အလန့်တကြား အော်ပြောတော့ အားလုံး မေတ္တာပို့ ဘုရားတနေကြတာ”ဟု စစ်တွေမြို့ ကျွေးတဲပိုက်ဆိုက်မှ ဝါရင့် ရေလုပ်ငန်းရှင် ဦးမောင်စိန်ထွန်းက ယင်း၏ကိုယ်တွေ့ အမြင်အားပြော ကြားသည်။

ရခိုင်ကမ်းရိုးတန်း ဒေသ၌ လွန်ခဲ့သော ဆယ်စုနှစ် တစ်ခု၊ နှစ်ခု မတိုင်မီက သဘာဝမှ ပေါက်ပွားကြီးပြင်းသော ငါးမန်းများသည် ရေအနက် ပိုမိုကျယ်သော ဗဒုံမာ ရေလက်ကြား ငါးဖမ်းဇုန်၊ ဘင်္ဂလားပင်လယ်အော်ဝ အငူမော် ငါးဖမ်းဇုန်နှင့် ကျောက်ဖြူ မြို့နယ် နောင်တော်ကြီး၊ နောင် တော်ငယ် ငါးဖမ်းဇုန်များအတွင်း အများဆုံးရှိခဲ့ကြောင်း သိရသည်။

http://arakanreview.net/?p=2964

ဆက်ဖတ်ရန်
ပို့စ်တင်သူ ။.............။ လခြမ်းမြီ on Wednesday, 6 April 2011
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ဘစောတင် Tuesday, 05 April 2011 19:41
E-mail Print
ထိုင်းတောင်ပိုင်းတွင် မိုးသည်းထန်စွာ ရွာသွန်းမှုကြောင့် မြန်မာ အလုပ်သမား တသောင်း ခန့် အခက်အခဲများနှင့် ရင်ဆိုင်နေရကြောင်း အလုပ်သမား အကူအညီပေးရေး အဖွဲ့များက ပြောသည်။

flood-thai-2011

စူရဌာနီ၌ ရေလွှမ်းနေသည်ကို ဧပြီ ၄ ရက်နေ့က ဝေဟင်မှ မြင်တွေ့ရစဉ် (ဓာတ်ပုံ - Getty Images)
စက်ရုံ၊ အလုပ်ရုံများ ရေလွှမ်းမိုးမှုကြောင့် အလုပ်သမားများအနေဖြင့် နီးစပ်ရာ ဆွေမျိုး၊ သူငယ်ချင်းများ နေထိုင်ရာ စက်ရုံ အလုပ်ရုံများနှင့် ဘုန်းကြီးကျောင်းများတွင် သွားရောက်ခိုလှုံနေရကြောင်း မြန်မာ ရွှေ့ပြောင်း အလုပ်သမားများ ၏ ပညာရေးနှင့် ဖွံ့ဖြိုးတိုးတက်ရေးများ အဓိက ဆောင်ရွက်ပေးနေသော(GHRED) အဖွဲ့ ဒါရိုက်တာ ဦးထူးချစ်က ဆို သည်။

“တချို့စက်ရုံတွေက ဒုက္ခရောက်နေတဲ့ အလုပ်သမားတွေကို လက်ခံပေမယ့် တချို့ကမလက်ခံဘူး၊ အလုပ်သမား တွေက ကျနော်တို့ အဖွဲ့ကိုလာဆက်သွယ်တယ်။ သူတို့ အဓိက လိုအပ်နေတာကတော့ ဆန်ပါ၊ ဒီကနေ့ ထမင်း ၂ ရက် လောက် မစားရတဲ့ အလုပ်သမားတွေလည်း တွေ့တယ်”ဟု ဦးထူးချစ်က ပြောသည်။

ရေဘေးဒုက္ခသည်များအတွက် ဆန်နှင့် အခြေခံ စားသောက်ကုန်များ၊ သောက်ရေသန့် စသည်တို့ကို GHRE အဖွဲ့ မှ လှူဒါန်း ပေးခဲ့သည်ဟု သိရသည်။

ထိုင်းတောင်ပိုင်းရှိ စူရဌာနီ၊ ဘဘီ၊ နခွန်ဆီထာမရ၊ ပါတလန်၊ ချုံဖော်၊ တရန်၊ ဖန်င၊ စေတန်၊ ဆုန်ခလာနှင့် နာရာ သီ ၀တ် စသော ခရိုင် ၁၀ ခုတွင် မတ်လ၂၃ ရက်နေမှ စတင်၍ ရေလွှမ်းမိုးမှုကြောင့် ဒေသခံ ၄၇ ဦး အသက် ဆုံးရှုံးခဲ့ပြီး မိသားစုပေါင်း ၅၇၉ ၀၀၀ အခက်အခဲဒုက္ခကြုံနေရကြောင်း ထိုင်းသတင်းများက ဆိုသည်။

စူရဌာနီ Asian Sea Food ကုမ္ပဏီတွင် အလုပ်လုပ်နေသည့် ကိုမောင်ဇော်က“စက်ရုံက ပေးထားတဲ့ အခန်းတွေက ရေမြုပ်ကုန်လို့ နေလို့မရတော့ဘူး၊ အခုတော့ သူငယ်ချင်း အိမ်တွေမှာပဲနေပြီး ရှိတာတွေကို အတူစားနေရတယ်”ဟု ပြော သည်။

စူရဌာနီသည် ပင်လယ်သို့ ရေများ စီးဆင်းသည့် လမ်းကြောင်းပေါ်တွင် တည်ရှိသဖြင့် ဒေသခံကိုများ သတိထားရန် အာဏာပိုင်များ က နှိုးဆော်ထားသည်။

“ရေကြီးတော့ အလုပ်မလုပ်နိုင်ဘူး၊ ရှိတာလေးနဲပဲ ချွေတာ စားနေကြရတယ်၊ အလုပ်မလုပ်ရတဲ့ ရက်အတွက် လုပ် အားခပြန်ပေးမယ်လို့ပြောတာ ကြားပေမယ့် မသေချာဘူး”ဟု မြန်မာအလုပ်သမား တဦးဖြစ်သည့် ဦးမြင့်သန်းကလည်း ပြောသည်။

ထိုင်းတောင်ပိုင်း၌ မြန်မာရွှေ့ပြောင်းအလုပ်သမားများအနေဖြင့် တရက်လျှင် ထိုင်းဘတ် ၁၇၂ ဘတ်ရရှိကြပြီး အချိန်ပို လုပ်ပါက တနာရီလျှင် ၃၂ ဘတ်ရကြောင်းလည်း သိရသည်။

ထိုင်းနိုင်ငံတောင်ပိုင်းရှိ မိကျောင်းမွေးမြူရေး ကန်များမှ မိကျောင်းများလည်း ရေလွှမ်းမိုးမှုကြောင့် လွတ်မြောက်ကုန် သဖြင့် ဒေသခံများကို အပြင်ထွက်ပါက သတိရှိကြရန် အာဏာပိုင်များက နှိုးဆော်ထားသည်။

ထိုင်းနိုင်ငံအတွင်း အလုပ်လုပ်ကိုင်နေသော မြန်မာအလုပ်သမား ၂ သန်းခွဲမှ ၄ သန်းအထိ ရှိနိုင်ကြောင်း အလုပ်သမား အရေးဆောင်ရွက်သူများက ခန့်မှန်းထားသည်။

http://www.bur.irrawaddy.org/index.php/news/6139-2011-04-05-12-43-22

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

မြန်မာနိုင်ငံသည် ကမ္ဘာ့ရာသီဥတု ပြောင်းလဲခြင်း၏ဒဏ်ကို တနှစ်ထက်တနှစ် ဆိုးဝါးစွာ တွေ့ကြုံနေရပြီး မုန်တိုင်းနှင့် ငလျင်ခြိမ်းခြောက်မှု အန္တရာယ် မြင့်မားစွာ ရင်ဆိုင်နေရကာ နိုင်ငံ၏ စိုက်ပျိုးရေး၊ စီးပွားရေးနှင့် လူမှုရေးကို အကြီးအကျယ် ဆိုးကျိုးများဖြစ်ပေါ်စေနိုင်ကြောင်း မြန်မာပညာရှင်များက ပြောသည်။

Myanmar-and-Natural-Disaster

ယခုနှစ် မတ်လ ၂၄ ရက်နေ့ ရှမ်းပြည်အရှေ့ပိုင်းငလျင်ကြောင့် တာလေမြို့ရှိ နေအိမ်အပျက်အစီးကြားမှ ဒေသခံတဦး (ဓာတ်ပုံ - Getty Images)

မိုးလေ၀သနှင့် ဇလဗေဒပညာရှင် ဒေါက်တာ ထွန်းလွင်က မြန်မာနိုင်ငံအနေနှင့် ၁၉၇၈ ခုနှစ်မှစတင်ပြီး အထူးသဖြင့် ရာသီဥတု ပြောင်းလဲမှု ၃ မျိုးကို အကြီးအကျယ်ခံစားနေရကြောင်း၊ ပထမ ပြောင်းလဲမှုမှာ ၁၉၇၈ ခုနှစ်မှ စတင်ပြီး မုတ်သုံဝင်ထွက်မှု ပြောင်းလဲလာခြင်း၊ ဒုတိယ ပြောင်းလဲမှုမှာ ၂၀၀၆ ခုနှစ်မှ စတင်ပြီး မိုးတိမ်တောင်များ ဖြစ်ထွန်းလာခြင်း၊ တတိယပြောင်းလဲမှုမှာ အယ်လ်နီညိုနှင့် လာနီညာရာသီဥတုများ နှစ်စဉ်ကြုံ တွေ့လာရခြင်းတို့ဖြစ်ကြောင်း ရှင်းပြသည်။

ဒေါက်တာ ထွန်းလွင်က “မြန်မာနိုင်ငံအနေနဲ့ တနှစ်ထက်တနှစ် ပိုပြီးပူလာတယ်။ မိုးရေချိန်တွေ လျော့လာတယ်။ အဆိုးဆုံးကတော့ ၂၀၀၆ ခုနှစ်ကစပြီး မုန်တိုင်းတွေ နှစ်စဉ်ဝင်နေတယ်။ ရာသီဥတုပြောင်းလဲမှုဒဏ်ကို တော်တော်ခံနေရတယ်” ဟု ပြောသည်။

၁၉၇၈ ခုနှစ် ရှေ့ပိုင်းကာလက မိုးရာသီစုစုပေါင်း ၁၇၄ ရက်ရှိခဲ့သော်လည်း ၁၉၇၈ နောက်ပိုင်းကာလမှ ယခုအချိန်အထိ မိုးရာသီစုစုပေါင်း ၁၀၇ ရက်သာရှိတော့ပြီး မိုးရာသီကာလ တိုတောင်းလာကြောင်း၊ မုတ်သုံမိုး အ၀င်နောက်ကျခြင်း၊ အထွက်စောခြင်းများရှိလာကြောင်း၊ မိုးကြို၊ မိုးနှောင်းကာလများတွင် မုန်တိုင်းများ ဆက်တိုက်ဝင်လာကြောင်း သိရသည်။

“မုတ်သုံအ၀င် မမှန်တဲ့အတွက် မိုးရွာသွန်းမှုက စိုက်ပျိုးရေးအထောက်အကူပြုတဲ့ မိုးမဟုတ်တော့ဘူး။ ရွာရမယ့်အချိန်မှာ မရွာဘူး။ မရွာရမယ့်အချိန်မှာ ရွာတယ်။ ရွာပြန်တော့လည်း သည်းသည်းမည်းမည်းရွာတာ။ နေရာကွက်ပြီး ရွာတော့ သီးနှံတွေပျက်တာ၊ ရေတွေကြီးတာတွေ ဖြစ်တယ်” ဟု ဒေါက်တာ ထွန်းလွင်က ပြောသည်။

၁၉၇၈ ခုနှစ်မတိုင်မီက တနှစ်လျှင် ပျမ်းမျှ မုန်တိုင်း ၁၀ ခု ၀င်လေ့ရှိပြီး မုန်တိုင်းအားလုံးမှာ မိုးရာသီကာလ ဖြစ်သော ဇူလိုင်၊ သြဂုတ်၊ စက်တင်ဘာများတွင် ဖြစ်ပေါ်ကာ အားလုံးသည် အင်အား ပြင်းထန်လေ့မရှိကြောင်း၊ ၁၉၇၈ နောက်ပိုင်းကာလတွင်မူ တနှစ်လျှင် မုန်တိုင်း ၆ ခု ပျှမ်းမျှ ၀င်လေ့ရှိပြီး မုန်တိုင်းအားလုံးမှာ အလွန်အင်အား ပြင်းထန်သော မုန်တိုင်းများဖြစ်လာကြောင်း သိရသည်။

၂၀၀၆ ခုနှစ်မှစတင်ပြီး မိုးတိမ်တောင်များ ပိုမိုဖြစ်ထွန်းလာပြီး လေဆင်နှာမောင်းများ တိုက်ခတ်ခြင်း၊ မိုးကြိုးပစ်ခြင်းများ ဖြစ်ပေါ်လာခြင်းသည်လည်း မြန်မာ့ရာသီဥတု ပြောင်းလဲမှုအတွက် ထူးခြားမှုများဖြစ်သည်ဟု ဒေါက်တာ ထွန်းလွင်က ပြောသည်။

၎င်းက “၁၉၅၇ ခုနှစ်က ရန်ကုန်မှာ လေဆင်နှာမောင်း တိုက်ခဲ့ဖူးတယ်။ အဲဒီအတည်းက လေဆင်နှာမောင်း မတိုက်ခဲ့တာ ၂၀၀၆ ခုနှစ်အထိ နှစ်ပေါင်း ၅၀ တိတိကြာတယ်” ဟု ဆိုသည်။

၂၀၀၆ ခုနှစ်တွင် လေဆင်နှာမောင်း ၁၆ ကြိမ်၊ မိုးကြိုးပစ်၍ သေဆုံးသူ ၁၀၀ ကျော်၊ ၂၀၀၇ ခုနှစ်တွင် လေဆင်နှာမောင်း ၁၁ ကြိမ်၊ မိုးကြိုးပစ်၍ သေဆုံးသူ ၆၀ ကျော်၊ ၂၀၀၈ ခုနှစ်တွင် လေဆင်နှာမောင်း ၈ ကြိမ်၊ မိုးကြိုးပစ်၍ သေဆုံးသူ ၈၀ ကျော်၊ ၂၀၀၉ ခုနှစ်တွင် လေဆင်နှာမောင်း ၁၆ ကြိမ်၊ မိုကြိုးပစ်၍ သေဆုံးသူ ၁၀၀ ကျော်၊ ၂၀၁၀ ခုနှစ်တွင် လေဆင်နှာမောင်း ၁၈ ကြိမ်၊ မိုးကြိုးပစ်၍ သေဆုံးသူ ၄၀ ကျော်၊ ယခု ၂၀၁၁ ခုနှစ် မတ်လအထိ လေဆင်နှာမောင်း ၂ ကြိမ်၊ မိုးကြိုးပစ်၍ သေဆုံးသူ ၃ ဦးကြောင်း သိရသည်။

၁၉၆၈ ခုနှစ်တွင် စစ်တွေမြို့သို့ ၀င်ရောက်ခဲ့သော မုန်တိုင်းကြီးကြောင့် လူပေါင်း ၁၀၃၁ ယောက် သေဆုံးခဲ့ပြီး မြန်မာနိုင်ငံတွင် ယခင်က လူအသေအပျောက်အများဆုံး မုန်တိုင်းဖြစ်ခဲ့ကြောင်း၊ သို့သော် ၂၀၀၈ ခုနှစ်တွင် နာဂစ်ဆိုင်ကလုန်းမုန်တိုင်းကြီး ဧရာဝတီတိုင်းသို့ ၀င်ရောက်တိုက်ခတ်ခဲ့သောအခါတွင်မူ လူပေါင်း ၁ သိန်း ၄ သောင်းနီးပါး သေဆုံးခဲ့ပြီး ကမ္ဘာပေါ်တွင် နံပတ် (၈) အဆင့် လူအသေအပျောက်အများဆုံးသော မုန်တိုင်းစာရင်းဝင်သွားမှုကလည်း မြန်မာ့ရာသီဥတု ဆိုးရွားလာမှုကို ပေါ်လွင်စေကြောင်း ဒေါက်တာထွန်းလွင်က ပြောသည်။

၁၉၇၈ ခုနှစ်မတိုင်မီကာလများက အယလ်နီညို၊ လာနီညာရာသီဥတုကို ၇ နှစ် (သို့မဟုတ်) ၅ နှစ်လျှင် ၁ ကြိမ်သာ ခံစားရသော်လည်း ယခုအခါတွင်မူ နှစ်စဉ်ဆက်တိုက် (သို့မဟုတ်) ၂ နှစ် ၁ ကြိမ် ခံစားလာရကြောင်း၊ ယမန်နှစ်က အယ်လ်နီညို ရာသီဥတုကြောင့် အလွန်ပူပြင်းပြီး မြင်းမူမြို့တွင် အပူချိန် ၄၇.၂ ဒီဂရီစင်တီဂရိတ် ရောက်ရှိပြီး မြန်မာနိုင်ငံ၏ အမြင့်ဆုံးသော အပူချိန်စံချိန်သစ် တင်ခဲ့ကြောင်းသိရှိရသည်။

မြန်မာနိုင်ငံတွင် တွေ့ကြုံလာရသော အစွန်းရောက် ရာသီဥတုပြောင်းလဲမှုများကြောင့် ဧရာဝတီမြစ်ဝကျွန်းပေါ်ဒေသည် စိုက်ပျိုးသီးနှံဖြစ်ထွန်းမှု အနည်းဆုံးသောဒေသတခု ဖြစ်လာကြောင်း ပြည်တွင်းမှ ပညာရှင်များက ဆိုသည်။

ထို့အပြင် စစ်ကိုင်းပြတ်ရွေ့ကြီးပေါ်တွင် တည်ရှိသော မြို့တော်ကြီးများသည် ငလျင်အန္တရာယ် အထူးဂရုစိုက်ရန် လိုအပ်ကြောင်း သိရသည်။

မြန်မာနိုင်ငံ မြေငလျင်ကော်မတီမှ ပညာရှင်တဦးက စစ်ကိုင်းပြတ်ရွေ့တလျှောက်တွင် မြေနုချပ် ၂ ခုရွေ့နေပြီး အနောက်ဘက်ခြမ်းတွင် မြန်မာမြေနုချပ်၊ အရှေ့ဘက်ခြမ်းတွင် ဥရောပအာရှမြေနုချပ်တို့ ပြတ်ရွေ့ကြောင်းတလျှောက် ရွေ့လျားနေကြပြီး တိုင်းတာချက်များအရ ၁ နှစ်လျှင် ၁၈ မီလီမီတာ ရွေ့လျားနေကြောင်း၊ စစ်ကိုင်းပြတ်ရွေ့ တလျှောက်တွင် တည်ရှိသော မြို့တော်များဖြစ်သည့် မန္တလေး၊ နေပြည်တော်၊ စစ်ကိုင်း၊ ပဲခူး၊ ပုဂံ၊ တောင်တွင်းကြီး၊ ပဲခူးအပါအ၀င် လူနေထူထပ်သော မြို့ကြီးများစွာ ငလျင်အန္တရာယ် ကြုံတွေ့နိုင်ကြောင်း ပြောသည်။

“လူဦးရေထူထပ်တဲ့ မန္တလေးနားက စစ်ကိုင်းပြတ်ရွေ့က ဖြတ်သွားတယ်။ မန္တလေးက အောက်ခံမြေသား ပျော့တယ်။ နုန်းတင်မြေနုဖြစ်တယ်။ နောက်ပြီး မန္တလေးက တိုက်တွေက စံချိန်စံညွှန်း မရှိဘူး။ ဖောင်ဒေးရှင်းဘ သေသေချာချာမလုပ်ဘဲ အပေါ်အမြင်ပိုင်းလှအောင် ဆောက်ကြတာများတယ်။ ငလျင် အန္တရာယ်အစိုးရိမ်ရဆုံးနေရာတွေပဲ။ နေပြည်တော်ကလည်း ငလျင်ကြောပေါ်မှာရှိတယ်” ဟု ဘူမိဗေဒပညာရှင်တဦးက ရှင်းပြသည်။

မြန်မာနိုင်ငံတွင် ငလျင်လှုပ်ခတ်နိုင်သော ငလျင်ကြောများစွာရှိပြီး ရခိုင်ပြတ်ရွေ့၊ စစ်ကိုင်းပြတ်ရွေ့၊ ရှမ်းပြည်နယ် မေမြို့အနီးရှိ ကျောက်ကြမ်းပြတ်ရွေ့၊ ပဲခူးရိုးမအနောက်ဘက်ခြမ်းပြတ်ရွေ့၊ သံတွဲ၊ ဗန်းမော်နှင့် အနောက်မြောက်ဘက်ရှိ အမည်မပေးရသေးသော ပြတ်ရွေ့များစွာရှိကြောင်း၊ ရှမ်းပြည်နယ် တရုတ်-မြန်မာ နယ်စပ်အနီးသည် ငလျင်အလှုပ်ဆုံးသော နေရာတခုဖြစ်ပြီး ရွှေလီပြတ်ရွေ့တည်ရှိကြောင်း၊ မြန်မာနိုင်ငံတွင် အပြင်းဆုံး လှုပ်ခတ်ခဲ့သော ငလျင်မှာ ၁၉၁၂ ခုနှစ်က မေမြို့အနီး ကျောက်ကြမ်းပြတ်ရွေ့ လှုပ်ရှားမှုကြောင့် ဖြစ်ပေါ်သော အင်းအား ၈ ရစ်ခ်ျတာစကေးအဆင့်ရှိ ငလျင်ကြီးဖြစ်ကြောင်း၊ စစ်ကိုင်းပြတ်ရွေ့တလျှောက်တွင်မူ လှုပ်ခတ်ခဲ့သော ငလျင်များတွင် ၇.၅ အဆင့်ရှိ ငလျင်ကသာ အပြင်းထန်ဆုံးဖြစ်ကြောင်း ထိုပညာရှင်က ပြောသည်။

၎င်းက ဆက်လက်၍ “၁၉၃၀ ခုနှစ် ပဲခူးငလျင်ကြီး ပြီးကတည်းက ငလျင်ကြီးတွေ မလှုပ်တော့တာ ခုဆိုရင် နှစ်ပေါင်း ၈၀ ကြာပြီးဆိုတော့ ငလျင်အန္တရာယ်ကတော့ သတိပြုရမယ့်အဆင့် ရောက်နေတယ်။ ငလျင်က မုန်တိုင်းလိုမျိုး ကြိုပြီးတော့လည်း မသိနိုင်တော့ သတိထားတာက မမှားဘူး” ဟု ပြောသည်။

ယခုနှစ် မတ်လ ၂၄ ရက်က ရှမ်းပြည်အရှေ့ပိုင်းတွင် ရစ်ခ်ျစတာ စကေး ၇ ရှိ လှုပ်ခတ်သည့် ငလျင်ဒဏ်ကြောင့် တာချီလိတ်မြို့၊ တာလေမြို့၊ နားယောင်းရွာ၊ မိုင်းလင်းရွာနှင့် မိုင်းကိုးကျေးရွာအုပ်စု၊ ကျကူနီရွာတို့တွင် လူ ၃၀၀ ကျော်သေဆုံးပြီး အိမ်ခြေ၊ ရုံးနှင့် သာသနိက အဆောက်အအုံများစွာ ပျက်စီးခဲ့သည်။

သဘာဝပတ်ဝန်းကျင် ထိန်းသိမ်းရေးအပေါ် အစိုးရက အလေးထား အာရုံစိုက်ခြင်း မရှိသည့်အတွက် နောင်အနာဂတ် မျိုးဆက်များသည် ရာသီဥတုပြောင်းလဲမှုကြောင့် ဖြစ်ပေါ်သော ဆိုးကျိုးများကို ခါးစည်းခံစားရမည်ဖြစ်ကြောင်း၊ စိုက်ပျိုးရေးနိုင်ငံဖြစ်သော မြန်မာနိုင်ငံတွင် စားနပ်ရိက္ခာ ပြတ်လပ်ခြင်းစသည့် ကပ်ဘေးများ ကြုံတွေ့နိုင်ဖွယ်ရှိကြောင်း ပြည်တွင်းသဘာဝပတ်ဝန်းကျင် ထိန်းသိမ်းရေးပညာရှင်များက သုံးသပ်ကြသည်။

http://www.bur.irrawaddy.org/index.php/news/6132-2011-04-05-07-42-54

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

ခင်ပွန်းသည်ဖြစ်သူက အောင်မြင်တဲ့ စီးပွားရေးလုပ်ငန်းရှင်၊ အားကစားလိုက်စားပြီး ဂေါက်သီးရိုက်ကာ အပေါင်းအသင်း ဝင်ဆံ့သူ၊ ဧည့်ခံပွဲများ၊ ညစာစားပွဲများမှာ တက်ကြွပျော်ရွှင်နေတတ်သူ။ ဇနီးသည်ကတော့ အေးဆေး စကားနည်းပြီး ပွဲလမ်းသဘင်နဲ့ လူတွေနဲ့ တွေ့ဆုံ စကားပြောရမှာကို ရှောင်ရှားသူ။ အဲဒီလိုဖြစ်နေတဲ့ စုံတွဲကို သူတို့ နှစ်ယောက် ဘယ်လိုမှလည်း မလိုက်ဖက်ဘဲနဲ့ ဘယ်လိုများ လက်ထပ်ပြီး အိမ်ထောင်သာယာနေပါသလဲလို့ ထင်မြင်တတ်ကြပါတယ်။ တစ်ခါတစ်ရံ ကျွန်မတို့ ပတ်ဝန်းကျင်မှာ အဲဒီလိုမျိုး ဘယ်လိုမှ လိုက်ဖက်မှုမရှိဘူးလို့ မြင်ရတဲ့ စုံတွဲများကို တွေ့ရတတ်ပါတယ်။ ဘယ်လို မြှားနတ်မောင်မျိုးကများ သူတို့နှစ်ယောက်ကို ဖူးစာဆုံပေးလိုက်ပါလိမ့်လို့လည်း တွေးကောင်း တွေးမိတတ်ကြပြန်ပါတယ်။ ဒီလိုမျိုး ဆန့်ကျင်ဘက်လို့ ယူဆရတဲ့လူနှစ်ယောက်ဟာ အိမ်ထောင်သာယာနေတာဟာ အချစ်မြေပုံကြောင့်ပါလို့ Johns Hopkins University မှ ပါမောက္ခ John Money ကရှင်းလင်းပြောကြားခဲ့ပါတယ်။

လူသားတွေရဲ့ ဦးနှောက်ထဲမှာ ရှိတဲ့ ကြိုက်နှစ်သက်ခြင်း၊ မနှစ်သက်ခြင်းတို့ဟာ ငယ်စဉ်ကလေးဘဝကတည်းက ရှိလာပြီးသားဖြစ်ပါတယ်။ ဆံပင်အရောင်၊ မျက်လုံးအရောင်၊ အသံ၊ ကိုယ်သင်းရနံ့၊ ကိုယ်ခန္ဓာဖွဲ့စည်းပုံ၊ ကိုယ်နေဟန်ထား စတာတွေအပြင် သနားကြင်နာတတ်ခြင်း၊ ဖော်ရွေခင်မင်တတ်ခြင်း၊ စကားများများပြောတတ်ခြင်း၊ တိတ်ဆိတ်အေးဆေးခြင်း စတဲ့ အမူအကျင့်စတာတွေကိုပါ ကြိုက်နှစ်သက်ခြင်း ၊ မနှစ်သက်ခြင်းဆိုတာ လူတစ်ဦးတစ်ယောက်နဲ့ ဖူးစာမဆုံမိခင်ကတည်းက ဦးနှောက်ထဲမှာ ရှိနေနှင့်ပြီးသားပါ။ မိမိစိတ်မှာ ဒီလူကို ချစ်တယ်ဆိုတာက ဦးနှောက်ထဲမှာ ရှိနေနှင့်ပြီးသား အချစ်မြေပုံနဲ့ ဒီလူနဲ့က တိုက်ဆိုင်တူညီနေလို့ပါပဲ။ ငယ်စဉ်ကလေးဘဝကတည်းက ဦးနှောက်ထဲမှာ အချစ်မြေပုံ ပုံဖော်ရေးဆွဲထားပြီးသား ဖြစ်ပြီး အသက် ၈ နှစ်အရွယ်မှာတော့ မိမိဘဝအတွက် အသင်တေ့ာ်ဆုံး ဖူးစာဖက်ကို အလိုလို ပုံပေါ် သတ်မှတ်ပြီးဖြစ်နေပါပြီ။ မိမိရဲ့ချစ်သူ၊ မိမိရဲ့ အိမ်ထောင်ဖက်ကို ဘာကြောင့်ချစ်တာလဲလို့ မေးခွန်းမေးလိုက်မယ်ဆိုရင် သူ့ အသံကို ကြိုက်တာ၊ သူ့ရဲ့ ကြင်နာသနားတတ်တဲ့ စိတ်ကိုချစ်တာ၊ သူ ဟာသပြောတတ်တာလေးတွေကို ချစ်တာ စသည်ဖြင့် အမျိုးမျိုးဖြေကြပါလိမ့်မယ်။ ဒါ တကယ် ဟုတ်ပါတယ်။ တကယ်လို့များ အဲဒီ လူတွေကို သူတို့ရဲ့ မိခင်တွေအကြောင်း ပုံဖော်ခိုင်းကြည့်မယ်ဆိုရင် မိခင်နဲ့ ချစ်သူဟာ ရုပ်ဆင်းအသွင်အပြင်၊ အမူအကျင့် ၊ စိတ်နေသဘောထား၊ လုပ်ငန်းသဘာဝမှာ တစ်ခုခုမှာတော့ အတော်များများတူနေတတ်တာကို တွေ့ရပါလိမ့်မယ်။

ကျွန်မတို့ရဲ့ဘဝမှာ ပထမဦးဆုံး အချစ်စစ်ဖြစ်တဲ့ မိခင်ကို ချစ်တဲ့အချစ်ဟာ ငယ်စဉ်ကလေးဘဝမှာကတည်းက ဦးနှောက်မှာ အလိုလို အချစ်မြေပုံရေးဆွဲပုံဖော်ပြီး ဖြစ်လို့ပါပဲ။ ကလေးဘဝမှာ မိခင်သာ ပဓာန၊ မိခင်သည်သာ မိမိရဲ့ လုံခြုံနွေးထွေးရာဖြစ်တဲ့ စိတ်ခံစားမှုကြောင့် မိခင်ကို မိမိရဲ့ မသိစိတ်ကနေ အထင်ကြီး ခင်တွယ် ချစ်ခင်နေပြီး အရွယ်ရောက်လာတဲ့ခါမှာာ မိခင်နဲ့ ရုပ်ဆင်းသွင်ပြင်သော်လည်းကောင်း၊ အမူအကျင့်သော်လည်းကောင်း၊ လုပ်ငန်းသော်လည်းကောင်း အတော်လေးကို ဆင်တူတဲ့ မိန်းကလေးမျိုးကို ချစ်နှစ်သက်တတ်ကြပါတယ်။ မိခင်ဖြစ်သူက ဟာသဉာဏ်ရှိသူ၊ ရယ်မောပျော်ရွှင်တတ်သူဆိုရင် သားဖြစ်သူကိုလည်း ဟာသဉာဏ်ရှိတဲ့မိန်းကလေးကသာ ဆွဲဆောင်နိုင်ပါတယ်။ မိခင်ဖြစ်သူက သနားကြင်နာတတ်တယ်ဆိုရင် သနားကြင်နာတတ်တဲ့ မိန်းကလေးမျိုးကသာ ချစ်စရာကောင်းတယ်လို့ သားဖြစ်သူက ထင်တတ်ပါတယ်။ မိခင်ဖြစ်သူက နွေးထွေးဖော်ရွေပြီး တာဝန်ယူတတ်တဲ့မိခင်မျိုးဆိုရင် သားဖြစ်သူကလည်း အဲဒီလို မိန်းမမျိုးကသာ မိန်းမ ဖြစ်တယ်လို့ သူ့စိတ်ထဲမှာ စွဲထင်ပြီး ထိုသို့သောမိန်းကလေးမျိုးကိုသာ နှစ်သက်တတ်ပါတယ်။ မိခင်ဖြစ်သူက စိတ်တိုတတ်ပြီး အေးစက်စွာပြုမူဆက်ဆံတတ်တယ်ဆို ရင် သားဖြစ်သူကလည်း မိခင်ဖြစ်သူရဲ့ တစ်ခါနဲ့ တစ်ခါ မတူညီတဲ့ ပြုမူဆက်ဆံပုံတွေကို ကလေးဘဝကတည်းက မသိစိတ်မှာ ကြောက်ရွံ့နေတတ်ခဲ့ပြီးနောက် ချစ်သူမိန်းကလေးအပေါ်မှာလည်း ထို့အတူ အေးစက်ပြီး လက်ထပ်ဖို့အတွက် ကြောက်ရွံ့ နှောင့်နှေးနေတတ်ပါတယ်။

မိခင်ကို ချစ်တဲ့သားတွေရဲ့ ချစ်သူမိန်းကလေးကလည်း မိခင်နဲ့ အတော်လေးကို တူညီတတ်တာကိုတွေ့ရပါတယ်။ မိခင်ဟာ မိမိဘဝမှာ ပထမဦးဆုံးချစ်မိတဲ့ အမျိုးသမီးဖြစ်သလို ဖခင်ဖြစ်သူကလည်း ဘဝမှာ ပထမဦးဆုံးချစ်မိ ၊ အထင်ကြီးမိတဲ့ ယောက်ျားဖြစ်ပါတယ်။ သားဖြစ်သူရဲ့ အချစ်မြေပုံမှာ မိခင်ဖြစ်သူက လွှမ်းမိုးပုံဖော်သလို မိန်းကလေးများအတွက်လည်း ဖခင်ဖြစ်သူရဲ့ ပုံရိပ်က အချစ်မြေပုံမှာ လွှမ်းမိုးပါတယ်။ ဖခင်ဖြစ်သူက သား ၊ သမီးများအပေါ်မှာ ချစ်ကြင်နာတယ်ဆိုရင် သမီးဖြစ်သူဟာ အမျိုးသားများနဲ့ ပတ်သက်ရာမှာလည်း သူ့ကိုယ်သူ ယုံကြည်တတ်ပြီး ဖခင်ဖြစ်သူက အေးစက်ကာ သားသမီးအများအပေါ် ဖခင်ဝတ္တရားမကျေသူ၊ မေတ္တာမပြတတ်သူ၊ ဖခင်ကောင်းမပီသသူဆိုရင် သမီးဖြစ်သူကလည်း ဆန့်ကျင်ဘက် ယောက်ျားများရဲ့ မေတ္တာကို ယုံကြည်မှု နည်းပါးတတ်ပါတယ်။

ကျွန်မတို့ရဲ့ နေ့စဉ်ပတ်ဝန်းကျင်မှာ ပညာအရည်အချင်းတန်းတူဖြစ်သူ၊ အတွေးအခေါ်တူညီသူ၊၊ အလုပ်အကိုင် လုပ်ငန်းသဘာဝတူညီသူများနဲ့ ပြောဆိုဆက်ဆံရတာ ပိုမိုအဆင်ပြေပါတယ်။ အဲဒီအခြေအနေမျိုးအတိုင်းပါပဲ။ ကျွန်မတို့ရဲ့ မသိစိတ်မှာက ကိုယ့်မိသားစုနဲ့ တူညီတတ်သူကို နှစ်သက်တတ်တဲ့ စိတ်ပိုင်းဆိုင်ရာ ကွင်းဆက်မှာရှိနေခြင်းကြောင့် မိမိနှစ်သက်တဲ့ မိသားစုဝင်တစ်ဦးဦးနဲ့ ရုပ်ဆင်းသွင်ပြင်သော်လည်းကောင်း၊ စိတ်နေသဘောထားသော်လည်းကောင်း တူညီတဲ့ လူတစ်ဦးတစ်ယောက်ကို ချစ်တယ်ဆိုတာမျိုး ဖြစ်လာတာပါ။

ဖူးစာဖက်ဖြစ်လာမယ့် လူ၂ယောက် ပထမဦးဆုံး ဆုံမိတဲ့အခိုက်၊ ပထမဦးဆုံး တစ်ယောက်နဲ့တစ်ယောက်တွေ့တဲ့ခိုက်မှာပဲ ဒီလူဟာ မိမိရဲ့ ဖူးစာဖက်၊ မိမိရဲ့ အိမ်ထောင်ဖက်ဖြစ်မယ့်လူလို့ အလိုလိုသိနေတတ်တာတွေကလည်း မိမိစိတ်ထဲမှာ ရှိနှင့်နေပြီးသားအချစ်လမ်းညွှန်မြေပုံကြောင့်ပါပဲ။

ကိုးကား။ ။ Dr. Joyce Brothers ၏ Why We Love Who We Love

ဟနစံ

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

“ ကလေးသူငယ်သည် လူ၏ ဖခင်ဖြစ်သည်။ ကလေးသူငယ်သည် မမှန်ကန်သော နည်းလမ်းဖြင့် ကြီးပြင်းရပါမူ အနာဂတ်တွင် လူသားအားလုံးအမှားနှင့် ရင်ဆိုင်ရပေလိမ့်မည်။ ကလေးသူငယ်သည် မျိုးစေ့ဗီဇဖြစ်သည်။ အကယ်၍ မျိုးစေ့ ဗီဇကိုယ်တိုင်က အဆိပ်ဝင်နေလျှင်၊ ပြုစုသူ၏ မသိ မလိမာမှုကြောင့် အဆိပ်ဖြစ်နေလျှင်၊ ပိုးဝင်နေလျှင် လွတ်လပ်သောလူသား ဖြစ်ပေါ်လာဖို့အတွက် မျှော်လင့်ချက် ကင်းဝေးသွားပြီး ယင်းအိမ်မက်မျိုးသည် အိမ်မက်အဖြစ်သာ ဖြစ်နေပြီး အကောင်အထည်ပေါ်လာဖို့ ဖြစ်နိုင်တော့မည် မဟုတ်ပေ” ဟု ဆရာကြီး ပါရဂူက သူ၏ ကလေး ပြဿနာစာအုပ်တွင် ရေသားခဲ့ပါသည်။

ကလေးပြုစု စောင့်ရှောက်ခြင်းသည် တကယ်တော့ အနာဂတ်နိုင်ငံတော် တည်ဆောက်ရေးနှင့် တစ်နည်းတစ်ဖုံ ဆက်စပ်လျှက်ရှိပေသည်။ ကျွန်မတို့ နိုင်ငံတော်၏ အနာဂတ်သည် ကျွန်မတို့ မွေးထုတ်လိုက်သော မျိုးဆက်သစ်များ၏ လက်ထဲတွင်တည်နေပေသည်။ ထို့ကြောင့် နိုင်ငံတော် တည်ဆောက်ရေးတွင် ကလေးသူငယ်များ၏ အခန်းကဏ္ဍသည်လည်း အရေးပါသော နေရာတွင်ရှိနေပါသည်။ အထူးသဖြင့် မိဘနေရာ ယူလာကြရမည့် သူများသည် ထိုဗဟုသုတများရှိရမည် ဖြစ်သည်မှာ အသေအချာပင် ဖြစ်သော်လည်း လူတိုင်း လူတိုင်းလည်း သိထားသင့်ပေသည်။ အဘယ်ကြောင့်ဆိုသော် ကျွန်မတို့ ပတ်ဝန်းကျင်တွင် ကလေးများနှင့် ကင်းနေသည် မဟုတ် တနည်းတဖုံ အမြဲ ဆက်စပ် ဆက်ဆံနေကြသည်ပင် ဖြစ်သောကြောင့် ဖြစ်သည်။ အထူးသဖြင့် ကျွန်မတို့ မြန်မာနိုင်ငံသည် လွတ်လပ်သော ဒီမိုကရေစီစနစ်ကို ကျင့်သုံးနိုင်ရန် အပြောင်းအလဲအတွက် ကြိုးစားနေကြသောအချိန်တွင် ထိုကလေးသူများ၏ အရေးကြီးပုံကို သတိထားမိစေရန် သတိပေးလိုခြင်းပင် ဖြစ်ပါသည်။

အနာဂတ် အပြောင်းအလဲများ နှင့် ကလေးငယ်

တကယ်တော့ အပြောင်းအလဲတစ်ခု ဖြစ်ပေါ်လာစေအောင် တွန်းအားပေးနိုင်သူ၊ စွမ်းဆောင်နိုင်သူများအဖြစ် လူအများစုသည် လူကြီးများ၊ အရွယ်ရောက်ပြီးသော သူများကိုသာ ပြေးမြင်တတ်ကြသည်။ တကယ်တော့ ကလေးသူငယ်များသည် ပြောင်းလဲမှု တစ်စုံတရာ ဖြစ်ပေါ်စေရန် တကယ်တန်း ထိရောက်စွာ စွမ်းဆောင်နိုင်သူများထဲတွင် ပါဝင်ပါသည်။ နိုင်ငံတစ်နိုင်ငံ၏ အသေးဆုံး ယူနစ်သည် မိသားစုပင်ဖြစ်သည်။ ကလေးကြောင့် မိသားစုထဲမှ ဖြစ်ပေါ်လာတတ်သည့် အကြောင်းအရာများကို ပြန်စဉ်းစားကြည့်ကြရမည် ဖြစ်သည်။

ကြော်ငြာနှင့် ဈေးဝယ်လမ်းညွှန် မဂ္ဂဇင်း၏ ဧပြီလပါ ဆောင်းပါးရှင် ခွန်းသု၏ “ သက်ငယ်စကား သက်ကြီးကြား” ဆိုသည့် ဆောင်းပါးတွင် စာရေးဆရာမ မြနှောင်းညို၏ အတွေ့အကြုံ တစ်ခုကို ထည့်သွင်းရေးသား ထားရာတွင် ဆရာမ၏ မောင်ငယ် ဖြစ်သူ ၁၀ နှစ်သားအရွယ်တွက် ဖခင်ဖြစ်သူကို ပြောလိုက်သော “ အရက်မသောက်ပါနဲ့တော့လား ဖေဖေရယ်” ဟူသော စကားသံကြောင့် ဖခင် အရက်ပြတ်သွားပြီး မိသားစု ချောင်လည်လာသည်ဟု ဆရာမက ပြောပြသည်ကို ထည့်သွင်းရေးသားထားပြီး ကလေးစကား၏ ထိရောက်ပုံနှင့် ယခု လက်ရှိ စီးပွားရေး လုပ်ငန်းများနှင့် ပတ်ဝန်းကျင် ထိန်းသိမ်းရေးလုပ်ငန်း လုပ်ဆောင်သူများ ကလေးများကို အဓိကပစ်မှတ်အဖြစ် ထားလာပုံကို ရေးသားထားသည်ကို တွေ့ရသည်။ ထိုတင်ပြချက်သည် မှန်ကန်သလောက် မှန်ကန်သည်ဟု ဆိုနိုင်ပါသည်။ မိမိတို့ ပတ်ဝန်းကျင်ရှိ ကလေးများကို လေ့လာကြည့်လျှင် ကလေးများသည် အလွန်စူးစမ်းလေ့လာမှုက်ို စိတ်အားထက်သန်ကြပြီး သိလိုသမျှကို မေးမြန်းတတ်ကြသည်။ မိမိတို့ တွေ့ရှိသမျှကိုလည်း မိသားစုကို ပြန်ပြောပြလေ့ရှိသည့် အလေ့အထ ရှိသည်ကို အထင်အရှား တွေ့ရှိနိုင်ပါသည်။

ကလေးသည် ပကတိ အမှန်တရားကို သိရှိ မြတ်နိုးကြသူများဖြစ် မမှန်ဘူးထင်လျှင် ပွင့်လင်းစွာ မြင်သည်ကို မြင်သည့်အတိုင်း ပြောတတ်သည့်အပြင် ကလေးနှင့် လည်းကောင်း၏ မိသားစုဝင်များ၏ ဆက်သွယ်ချက်သည် ကြီးမားသော ချစ်ချင်းမေတ္တာအင်အားပင်ဖြစ်သည်။ ထို့ကြောင့်ပင် ကလေးများသည် မိသားစုဝင် လူကြီးများကို ပြောင်းလဲစေသော စွမ်းအားရှင်များ ဖြစ်လာကြခြင်းပင်ဖြစ်ပါသည်။ ထိုနှစ်ခုကို ဆက်စပ် စဉ်းစားကြည့်လျှင် စူးစမ်းလေ့လာသော ကလေးအတွက် မှန်ကန်သော အတွေးအခေါ် အသိဥာဏ်များ ရရှိစေနိုင်အောင် စွမ်းဆောင်ပေးနိုင်ပါက ထိုကလေးသည် အနာဂတ်တွင် လူကောင်းသူကောင်း ဖြစ်နိုင်သည်ဟူသော ယူဆချက်အပြင် ထိုကလေး၏ ပတ်ဝန်းကျင်ရှိ စံလွဲနေသော လူကြီးများကိုလည်း ပြုပြင်ပေးစေနိုင်သည်ကို မှန်းဆကြည့်လို့ ရနိုင်ပါသည်။ ဖြစ်နိုင်ချေ အနည်းအများကို ငြင်းစရာ ရှိသော်လည်း ဖြစ်နိုင်ချေ ရှိသည်ကိုတော့ လက်ခံရမည်ပင်ဖြစ်သည်။ ထို့ကြောင့် ကလေးငယ်များသည် ကျွန်ုပ်တို့ ပတ်ဝန်းကျင်အတွက် အရေးပါသော Change Agents များပင် ဖြစ်သည်။ ထို့ကြောင့် အနာဂတ် ကျွန်မတို့ တိုင်းပြည် ကောင်းမွန်သော အနာဂတ်အတွက် ကလေးများ၏ စွမ်းအားကို မေ့မထားသင့်ပါဟု ဆိုချင်ပါသည်။

အနာဂတ် ပတ်ဝန်းကျင်ကောင်းအတွက် မိဘများနှင့် မိဘလောင်းများဝန်တာ

လူတိုင်း လူတိုင်း၏ ရင်ထဲတွင် မိမိတိုင်းပြည် မိမိလူမျိုးကို ကောင်းစားစေလိုသော စိတ်များ ရှိကြသည်မှာ အမှန်ပင်ဖြစ်သည်။ ထို့သို့ မဟုတ် တစ်ကိုယ်ကောင်းတွေးတတ်သူပင်လျှင် မိမိအတွက် အနာဂတ်ပတ်ဝန်းကျင်ကောင်းကို အလိုရှိကြသူချည်းပင် ဖြစ်သည်။ အချို့သော လူများသည် တိုင်းပြည်အရေး၊ နိုင်ငံ့အရေး လုပ်ရင်း ၊ လူမှုရေးလုပ်ငန်းများလုပ်ရင်း အချိန်ကုန်ပြီး မိသားစုကို လှည့်မကြည့် နိုင်သူများရှိသလို၊ မိသားစုအရေးလုပ်ရင်း အများအကျိုး မလုပ်ဖြစ်ပါဘူးဟု ညည်းညူသူများကိုလည်း ကျွန်မတို့ ပတ်ဝန်းကျင်တွင် တွေ့နေရပါသည်။ ဘာကြောင့်ပါနည်း။ ထိုသူတို့သည် မိမိ မိသားစုတွင်းရှိ ကလေးငယ်၏ တန်ဖိုးကို အပြည့်အဝ နားမလည်သေးဟု ဆိုချင်ပါသည်။ တကယ်တော့ မိမိပတ်ဝန်းကျင် အနာဂတ်တွင် ပိုမိုကောင်းမွန်လာမှုသည် ထိုကလေးများတွင် တည်သည်ကို ကောင်းစွာနားလည်ခဲ့ပါလျှင် အပြင်မှာချည်း အလုပ်လုပ်နေသူသည် မိမိကလေးကိုလည်း အရေးပါသူ တစ်ယောက်အဖြစ် ထည့်သွင်းစဉ်းစားပြီး အချိန်ပေးလာမည်ဖြစ်ပြီး အိမ် ထဲ တွင်သာ ကလေးအတွက် အချိန်ကုန်နေရသော မိခင်သည် မိမိသည် ပတ်ဝန်းကျင်ကောင်းကျိုးအတွက် လုပ်နေသည်ကို သိရှိနားလည်ပြီး ဂုဏ်ယူနေမည်သာ ဖြစ်သည်။ ထိုသို့သော နားလည်မှုသည် ယခုလက်ရှိ မိသားစုဘဝ သာယာရေးကို များစွာ အထောက်အကူ ပြုမည့်အပြင် တိုင်းပြည် အနာဂတ်အတွက်လည်း ကောင်းမွန်စေသောကြောင့် များစွာ အကျိုးရှိမည် ဟု မြင်မိပါသည်။

ထို့ပြင် ကလေးမိဘများနှင့် မိဘလောင်းလျာများသည် ကလေးကို မည်သို့ စနစ်တကျ ပြုစုပျိုးထောင်ရမည် ဆိုသည်များနှင့် ကလေး စိတ်ပညာစသည်များကို သိရှိသင့်သလောက် လေ့လာ သိရှိထားသင့်ပါသည်။ သို့မှသာ ကလေးတို့ အနာဂတ်ကို ကောင်းမွန်အောင် နည်းလမ်းတကျပြုစုပျိုးထောင်နိုင်ပြီး စံလွဲမှုများမှ ကင်းဝေးစေမည်ဖြစ်ပါသည်။ ထို့ကြောင့် မိဘများနှင့် မိဘလောင်းများသည် ကလေးငယ်တို့၏ တန်ဖိုးများကို သိရှိလေ့လာနားလည် အလေးထားကြဖို့ တာဝန်ရှိသည်ဟု ဆိုချင်ပါသည်။

အနာဂတ် ကြယ်ပွင့်များအတွက် ပြင်ဆင်မှုများ

ကလေးတို့၏ တန်ဖိုးနှင့် အရေးပါပုံကြောင့် ကလေးတို့ကို့ ပြုစုပျိုးထောင်မှုသည် အလွန်အရေးကြီးသော အလုပ်တစ်ခု ဖြစ်သည်ကို အထင်ရှားသိရှိနိုင်ပါသည်။ ထိုသို့ သော အနာဂတ်ကြယ်ပွင့်များက်ို ပြုစုပျိုးထောင်နိုင်ရန် ကျွန်မတို့ ပတ်ဝန်းကျင်အတွက် ပြင်ဆင်မှုများပြုလုပ်ရန် လိုအပ်သည်ဟု စာရေးသူ ခံစားမိပါသည်။ ဆရာကြီး ဦးတင်မိုးပြောခဲ့ဖူးသလိုပင် ကလေးများ၏ စိတ်တွင် စွဲထင်စေမည့် ကလေးကဗျာလေးများ ကလေးစာပေများသည် သူတို့၏ ဘဝ တစ်လျှောက်လုံးအတွက် အလွန် အရေးပါသော အရာများပင် ဖြစ်သည်။ သူတို့၏ စိတ်ထားကို များစွာ ပြုပြင်ဖန်တီးနိုင်ပေသည်။ ထို့ကြောင့် ကလေးစာပေ ဖွံ့ဖြိုးတိုးတက်မှုကိုအလေးထားသင့်သည်ဟု ဆိုချင်ပါသည်။ ကျွန်ုပ်တို့ မြန်မာနိုင်ငံတွက် ကလေးများအတွက် စာကြည့်တိုက်သည် မရှိသလောက်ရှားပါသည်။ ထို့ကြောင့် ကလေးစာကြည့်တိုက်များ ပေါ်ပေါက်လာစေရန် ကြိုးပမ်းသင့်သည်ဟု ယူဆပါသည်။ ထို့ပြင် ကိုယ့်ကျင့်တရားဆိုင်ရာ ကျင့်ဝတ်များ၊ နိုင်ငံသားကောင်း၏ တာဝန်များ၊ သဘာဝ ပတ်ဝန်းကျင်ဆိုင်ရာ ဗဟုသုတများ အစရှိသည့် ကလေးငယ်၏ အရွယ်အလိုက် သိသင့်သိထိုက်သည်များကို လက်တွေ့ ဆန်ဆန်၊ ကလေး စိတ်ဝင်စားသည့် နည်းလမ်းများဖြင့် ကလေးငယ်များထံ အရောက်ပို့နိုင်မည့် လုပ်ဆောင်ချက်များ ကိုလည်း စဉ်းစား အကောင်အထည်ဖော်မှုများ ပိုမိုထိရောက်စွာ ပြုလုပ်နိ်ုင်ရန်လည်း လိုအပ်လျှက်ရှိနေပါသေးသည်။

ထို့ပြင် အခြား အဓိကကျသော အကြောင်းအရာမှာ ကလေးစိတ်ပညာနှင့် ကလေးကို စနစ်တကျ ပြုစုပျိုးထောင်ရေးအကြောင်း ပညာပေးရေး လုပ်ငန်းများပင်ဖြစ်သည်။ ထိုသို့ ပညာပေးသော စာပေများ၊ ဟောပြောပွဲများ၊ အလုပ်ရုံဆွေးနွေးပွဲ (Workshop) များ ပြန့်ပွား များပြားလာ အောင်လည်း လုပ်ဆောင်သင့်ပါကြောင်း ဆွေးနွေးတင်ပြ လိုက်ပါသည်။


အလွမ်းပြေ

http://www.lawka-ahla.com/news.php?extend.1020.11

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


ပိဋကသုံးပုံ ဆိုသည်မှာ အများနားလည်အောင်ပြောရလျှင် မြတ်စွာဘုရားဟောကြားခဲ့သော တရားများကို ၃ပိုင်း ပိုင်းထားခြင်း ဖြစ်ပါသည်။ ထိုသို့ (၃)ပိုင်း ပိုင်းခြားရာတွင် သုတ်၊ဝိနည်း၊အဘိဓမ္မာဟု ပိုင်းပါသည် ။ စည်းမျဉ်း စည်းကမ်းများသည် ဝိနည်း၊ ပုံသာဓကများက သုတ်နှင့်အတွေးအခေါ်ပိုင်း ကျန်သည့်အရာများကို အဘိဓမ္မာဟု
ယေဘူယျအားဖြင့် သတ်မှတ်ပါသည်။ နိကယ်ငါးရပ်ဆိုသည်မှာ တရားတော်များကို အတို၊ အရှည်အလိုက် ငါးပိုင်းပိုင်းထားခြင်း ဖြစ်ပါသည်။ သုတ်ကို ဒီဃနိကယ်၊ မဇ္ဈိမနိကယ်၊သံယုတ္တနိကယ်၊အဂုင်္တ္တရနိကယ် နှင့် ခုဒ္ဒကနိကယ် ဟူ၍ ခွဲခြားထားပါသည်။ နိကယ် ငါးရပ်ထဲတွင် ဝိနည်းနှင့် အဘိဓမ္မာကို ခုဒ္ဒကနိကယ်ထဲတွင်ထည့်လိုက်သောကြောင့် သည်တရား( ၅) စုကိုပဲ ပြန်လည်ရရှိပါသည်။ ပါဋ္ဌိဘာသာဖြင့် ရေးထားသော ထိုအစုကို မူလပါဋ္ဌိတော်ဟု ခေါ်တွင်ပြီး ဆဋ္ဌသံဃာယနာတင်မူအရ အုပ်ရေအားဖြင့် (၄၀) ရှိပါသည်။

ပဉ္စမသင်္ဂါယနာ တင် ကျောက်စာတွင် ကုသိုလ်တော်ဘုရားတွင် ရှိသော ကျောက်ချပ် (၇၂၉)ချပ်သည် မူလ ပါဋ္ဌိတော်တွေများပင် ဖြစ်ပါသည်။ စန္ဒာမူနိဘုရားတွင်ရှိသော အရေအတွက်အားဖြင့် ထောင်ကျော်သော ကျောက်စာများကတော့ မူလပါ ဠိတော်ပြီးနောက် နှစ်(၅၀)ကြာမှပြီးသော အဋ္ဌကထာများ၊ ဋီကာများ ဖြစ်ပါသည်။ မူလ တရားများကို ဖွင့်ဆိုတာ ချဲ့ထွင်ထားခြင်းဖြစ်ပြီး ဆဋ္ဌ မူမှာ အဋ္ဌအထာ ၅၃အုပ် ဋီကာ (၃၀) နှင့် ပါစိတျာဒိယောဇနာ ၁အုပ် ပါရှိပါသည်။ ထိုစာအုပ်(၁၂၄)အုပ်၊ (၁၅၉)ကျမ်း ကို ဆဋ္ဌမူပါဋ္ဌိတော်များဟု ခေါ်ပါသည်။ ။ကျမ်းနှင့် အုပ်ရေမတူခြင်းမှာ စာနည်းသည့်ကျမ်းကို စာအုပ်အရွယ်များ တူညီအောင် ပေါင်းပြီးထုတ်ဝေခြင်းကြောင့် ဖြစ်ပါသည်။
ဘုန်းကြီးကျောင်းများတွင် ကျမ်းစာအုပ်များကို လှူလျှင် (၄၀) ဆိုလျှင် မူလဖြစ်ပြီး (၁၂၄)အုပ် မှအစုံဖြစ်ပါသည်။

သာသနာ ၂၅၀၀ပြည့်တွင် မြန်မာနိုင်ငံ၊ ရန်ကုန်မြို့ ၊ ကမ္ဘာအေးကုန်းမြေတွင် ကျင်းပခဲ့သော ၆ကြိမ်မြောက်စုပေါင်းစစ်ဆေးကြခြင်းကို ဆဋ္ဌမူဟု ခေါ်တွင်ခြင်း ဖြစ်ပါသည်။ ဗုဒ္ဓဘာသာတိုင်းနိုင်ငံ ၅ နိုင်ငံ၊ အိန္ဒိယနှင့် PTS ဟုခေါ်သော လန်ဒန်မြို့မှ pali text Association တွင်ရှိသော မူများနှင့် တိုက်ဆိုင်စစ်ဆေးဆုံးဖြတ်ခဲ့ကြခြင်း ဖြစ်ပါသည်။ သာသနာ၂၄၀၀ တွင် မင်းတုန်းမင်းကြီးက မန္တလေးမြို့တွင် ကျောက်ထက်အက္ခရာတင်ခဲ့ပြီး ထိုအရင်က သီဟိုတွင် ပေထက် အက္ခရာတင်ခဲ့ပါသည်။ ထိုအချိန်များ မတိုင်မီကာလများတွင်မူ နှုတ်ဖြင့်သာ စုပြီး သန့်စင်ခဲ့ကြပါသည်။

ပိဋကသုံးပုံမြန်မာပြန်ကို မင်းကွန်းတိပိဋက ဆရာတော်ကြီးပြုစုခဲ့ပြီး မူလ အုပ် ၄၀ ကိုသာ ပြန်ခဲ့ပါသည်။ ကျန်သည့် အဋ္ဌကထာများ၊ ဋီကာများသည် မြန်မာဘာသာသို့ ပြန်ဆိုထားခြင်း အစုံလိုက် ထွက်ရှိခြင်း မရှိသေးပေ။ သာသနာရေးဦးစီးဌာနက မြန်မာပြန် ကို အုပ်ရေ ၃၀ ထုတ်ခဲ့ပြီး ဇာတက နှင့်ဓာတုကထာ စသည်တို့ အပါအဝင် ၃-၄ -၅ ကျမ်းလောက် မထွက်ရှိသေးပါ။

သို့ သော် နိဿယဟု ခေါ်တွင်သော သံဃာသုံး ပါဋ္ဌိ တစ်လုံးအနက် တစ်လုံးနှင့် ပြန်ဆိုထားသော ပြန်ဆိုမှု များကို မိုးထိဆရာတော်ကြီးနှင့် တောင်မြို့ မဟာဂန္ဓာရုံဆရာတော်ကြီးတို့က စုံလင်စွာ ပြုစုခဲ့ကြပါသည်။ ထင်ရှားသော နိဿယမူ များစွာရှိပြီး စာသင်တိုက်ကြီးတွေများ၏ စာသင်သည့်များ၊ စာချသည့်မူများ ဖြစ်ပါသည်။ ဥပမာ မူလဝိနည်းတော်ငါးကျမ်းကို မြန်မာပြန် ငါးကျမ်းရှိပြီး အဋ္ဌအထာ (၄)အုပ်၊ ဋီကာ (၆)အုပ်နှင့် အည (၇)အုပ်သာရှိသော်လည်း နိဿယအနေဖြင့်မူ ထင်ရှားသော ၁၅မူကို အုပ်( ၆၀) ကျော်ရှိနေပါသည်။ ကျောက်စာအဖြစ် ရှိပြီး စာအုပ်မထုတ်ဝေရသေးသည်များ အများအပြားရှိနေပါသေးသည်။ ကျောက်စာများကို စာအုပ်အဖြစ်ထုတ်ထားသော မူများ လွတ်လပ်ရေးမတိုင်မီကာလက ရှိခဲ့သော်လည်း ယခုအချိန်တွင်မူ အတော်ပင် ရှားပါးနေပြီဖြစ်ပါသည်။

မြန်မာဘာသာဖြင့် ပြန်ဆို ရှိပြီးသည့် မဟာဗုဒ္ဓဝင် ၁၀အုပ်တွဲ၊ ဇာတ်တော်ကြီး(၁၀)ဘွဲ့၊ ဇာတ်တော် (၅၅၀) စသည်တို့သည် ခုဒ္ဒကနိကယ်ထဲမှဖြစ်ပါသည်။ တကယ်တမ်း စုပေါင်းလိုက်လျှင် ဇာတ်တော် ၃၀၀၀ ကျော်ရှိပြီး အဋ္ဌကထာနှင့် ဋီကာ တို့ များသည်ကို တွေ့ရှိရပါသည်။

ခုဒ္ဒကနိကယ်တွင် အရေအတွက်အားဖြင့်
(၁)ဧကနိပတ်တွင်ဇာတ်ပေါင်း ၁၅၀
(၂)ဒုကနိပတ်တွင် ဇာတ်ပေါင်း ၁၀၀
(၃) တိကနိပတ်တွင် ဇာတ်ပေါင်း ၅၀
(၄) စတုက္ကနိပတ်တွင် ဇာတ်ပေါင်း ၅၀
(၅)ပဉ္စကနိပတ်တွင် ဇာတ်ပေါင်း ၂၅
(၆)ဆဋ္ဌက္ကနိပတ်တွင် ဇာတ်ပေါင်း ၂၀
(၇)သတ္တကနိပတ်တွင်ဇာတ်ပေါင်း ၂၁
(၈) အဋ္ဌကနိပတ်တွင် ဇာတ်ပေါင်း ၁၀
(၉) နဝကနိပတ်တွင် ဇာတ်ပေါင်း ၁၂
(၁၀)ဒသနိပတ်တွင် ဇာတ်ပေါင်း ၁၆
(၁၁)ဧကဒသနိပတ်တွင် ဇာတ်ပေါင်း ၉
(၁၂)ဒွါဒသနိပတ်တွင် ဇာတ်ပေါင်း ၁၀
(၁၃)တေရသနိပတ်တွင် ဇာတ်ပေါင်း ၁၀
(၁၄)ပကိဏ္ဏကနိပတ်တွင် ဇာတ်ပေါင်း၁၃
(၁၅)ဝီသတိနိပတ်တွင် ဇာတ်ပေါင်း၁၄
(၁၆)တိံသနိပတ်တွင် ဇာတ်ပေါင်း ၁၀
(၁၇)စတ္တလီသတွင် ဇာတ်ပေါင်း ၅
(၁၈)ပညာသတွင် ဇာတ်ပေါင်း ၃
(၁၉)သဋ္ဌိ တွင် ဇာတ်ပေါင်း၂
(၂၀)သတ္တတိ တွင် ဇာတ်ပေါင်း၂
(၂၁)အသီတိ တွင် ဇာတ်ပေါင်း ၅
(၂၂)မဟာနိပတ်တွင် တေ၊ဇ၊သု၊နေ၊မ စသည့် ဇာတ်တော်ကြီး ၁၀ ဘွဲ့
စုစုပေါင်း ၅၄၇ ရှိပါသည်။

အချို့က ဒီ ၅၄၇ ကိုပဲ ၅၅၀ ခေါ်သည်ဟု ဆိုပြီး အချို့ကတွင်မူ နောက်ပိုင်းမှ ယိုဒယားမှ ဇာတ်ကို လိုတာဖြည့်ပြီး ၅၅၀ ဇာတ် လုပ်သည်လည်း ရှိပါသည်။ ယခုဆိုလျှင် ပါဠိရေတွက်မှုများကို ဇာတ်ရည်လည်လောက်မည်ဟု မျှော်လင့်ပါသည်။
ပိဋက သုံးပုံတွင် သုတ်ခေါင်းစဉ်ပေါင်း ၇၀၀၀ကျော်ရှိပါသည်။ မတူညီသော စာလုံးပေါင်းမှာ တစ်သန်းခန့်ရှိပြီး စာမျက်နှာ စုစုပေါင်း (၅၁၃၂၆) ရှိပါသည်။ ပါဋိတော်သည် အသံဖြင့် ဆင့်ကဲဆောင်လာခြင်း ဖြစ်၍ မြန်မာ ၊ယိုးဒယား၊သီဟို၊အင်္ဂလိပ်၊ စသည့် ကိုယ်ပိုင်အက္ခရာများဖြင့်သာ သုံးကြပြီး တစ်ခုမှ တစ်ခုကို ပြောင်းသော တိကျသည့် စံနစ်ရှိကာ မူလပါဋ္ဌိတော်အားလုံးကို စာလုံး(၄၁)လုံးဖြင့်သာ သိမ်းထားခဲ့ခြင်း ဖြစ်ပါသည်။
၂၀၀၆ ခုနှစ်က alpha နှင့် မဟာဂန္ဒာရုံ သီတဂူတို့နှင့် ပူးပေါင်းထုတ်ခဲ့သော ကျောက်စာ DVD မှာ မူလပါဋ္ဌိတော်များအားလုံး ၊ ဆဋ္ဌမူ ၄ဘာသာနှင့် မြန်မာပြန်အားလုံး ၊ ပဉ္စမမူကျောက်စာများ အားလုံးပါရှိပြီး search engine ပါ ပါရှိပါသည်။

ဦးဂိုအင်ကာသည် အဋ္ဌကထာဋီကာများအားလုံးပါရှိသော်လည်း ကျောက်စာမူနှင့် မြန်မာပြန်မပါရှိပေ။အိတ်ဆောင်ပိဋကစက်မှာတော့ ကျမ်းအားလုံးပါရှိပြီး စာလုံးအားလုံး အဘိဓာန်ပါ ပါရှိထားသောကြောင့် ရှာဖွေနိုင်ပြီး မြန်မာပြန် ကို ရိုရိုဖတ်တဲ့အဆင့်ထိသာ ပါနေပါသေးသည်။ လိုသလိုရှာဖွေနိုင်တာတွေလည်း ပါရှိပါသည်။ roman ပါရှိသည် ဆိုသည်မှာ အင်္ဂလိပ်အက္ခရာနဲ့မူရင်းပါဋ္ဌိပါရှိခြင်းကို ဆိုလိုခြင်းဖြစ်ပြီး အင်္ဂလိပ်ဘာသာသို့ ပြန်ဆိုခြင်း ပါရှိခြင်း မဟုတ်ပေ။ အဓိပ္ပါယ်ပါသည် ဆိုသည်မှာ စာလုံးတိုင်းကို မြန်မာဘာသာ၊ ပါဋ္ဌိဘာသာ၊ အင်္ဂလိပ်ဘာသာတို့ ဖြင့် ပါရှိခြင်းဖြစ်ပြီး ဘာသာပြန်ပြီးသားပါရှိခြင်း မဟုတ်ပေ။ နိဿယပါသည် ဆိုသည်မှာ စာကြောင်းတိုင်းမှာ တစ်စုစီကို ပြန်ဆို ထားခြင်းဖြစ်ပြီး အဘိဓာန်လည်းမက၊ မြန်မာပြန်သီးသန့်လည်း မကျကိုဆိုလိုပါသည်။

ရဲမြတ်သူ


http://www.lawka-ahla.com/news.php?extend.1022.11

ဆက်ဖတ်ရန်
ပို့စ်တင်သူ ။.............။ လခြမ်းမြီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

There was an error in this gadget

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု