MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊


ဒါကတော့ သိပ်ကို အံအားသင့်စရာတော့ မဟုတ်ပါဘူး။ သိပ္ပံပညာရှင် သုတေသီတွေက ထုတ်ဖေါ်ပြောဆိုလိုက်ပါပြီ။ ဆိုရှယ်မီဒီယာတွေကို အလွန်အကျွံ အသုံးပြုတာ၊ ချက်တင်းထိုင်တာနဲ့ ဖုန်းနဲ့ မတ်ဆေ့ခ်ျတွေ အလွန်အမင်းပို့တာတွေဟာ ပညာရေးမှာ အားနည်းစေနိုင်တယ် ဆိုတာပါ။
အခြေခံပညာ ကျောင်းသားများနဲ့ ကောလိပ်ကျောင်းသားတွေဟာ ဆိုရှယ်မီဒီယာတွေကို အလွန်အကျွံ အသုံးပြုလာကြတယ်။ မတ်ဆေ့ခ်ျတွေ တရစပ်ပို့နေကြတယ်။ ဖေ့စ်ဘုတ်ပေါ်မှာ တချိန်လုံး တင်နေကြတယ်။ ဒါတွေဟာ သူတို့ရဲ့ ပညာရေးကို ထိခိုက်နိုင်ပါတယ်လို့ Mirian Hospital’s Centre of Behavioral and Preventive Medicine ဌာနက ပြောလိုက်ပါတယ်။ ရမှတ်တွေ အလွန်နည်းနေတာကို တွေ့နေရပြီလို့ ဆိုတယ်။
ဒါပေမယ့် ခြွင်းချက် ၂ ခုတော့ ရှိနေပါသတဲ့။ သတင်းစာဖတ်ခြင်းနဲ့ ဂီတတေးသွားတွေကို နားဆင်ခြင်းတွေဟာ ပညာရည် တိုးတက်မှုကို အထောက်အကူ ဖြစ်စေတာပါ။
ဆိုရှယ်မီဒီယာတွေ တချိန်လုံးသုံးနေတဲ့အတွက် အိမ်စာတွေ မလုပ်နိုင်၊ အတန်း ပုံမှန် ပျက်၊ မိမိကိုယ်ကို ယုံကြည်မှု လျော့နည်းလာတယ်။ အိပ်ချိန်နည်းလာတယ်။ အရက်သေစာနဲ့ မူးယစ်ဆေးဝါးတွေလည်း သုံးစွဲလာနိုင်တယ်။ Mirian ဆေးရုံကြီး ပညာရှင်တစ်ဦးဖြစ်တဲ့ သုတေသီ Jennifer L. Walsh က ရှင်းပြခဲ့ပါတယ်။
ကလေးငယ်တွေ၊ ကျောင်းသားတွေရဲ့ ဆိုရှယ်မီဒီယာ အသုံးပြုမှုကို လူကြီးများနဲ့ ဆရာဆရာမများက လမ်းညွှန်ကူညီပေးသင့်တယ်လို့ အကြံပြုချင်ပါတယ်။
မောက္ခပညာရေးမဂ္ဂဇင်း

ဆက်ဖတ်ရန်
ပို့စ်တင်သူ ။.............။ မောင်သိရီ on Friday, 19 April 2013
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |



မြန်မာနိုင်ငံတွင် မသန်စွမ်းကလေးများအတွက် ပညာသင်ယူရန် အခွင့်အလမ်းများ နည်းပါးနေပြီး ဘွဲ့ရသည်အထိ သင်ယူနိုင်သော မသန်စွမ်းသူရာခိုင်နှုန်းမှာ အလွန်နိမ့်ကျနေကြောင်း မြန်မာနိုင်ငံ ဘက်စုံလွှမ်းခြုံနိုင်သော ပညာရေးကဏ္ဍ လေ့လာသုံးသပ်ရေး စာတမ်းအရသိရသည်။
၂၀၀၅ ခုနှစ် ပညာရေးဝန်ကြီးဌာန၏ မသန်စွမ်းကလေးများဆိုင်ရာ ပညာရေးစစ်တမ်းအရ မြန်မာနိုင်ငံ တွင် အသက် ၅ နှစ်မှ ၁၅ နှစ်ကျောင်းနေအရွယ်ကလေးများအနက် ၅၁,၁၁၄ ဦးမှာ မသန်စွမ်းကလေး များဖြစ်ပြီး လက်ရှိတွင် စစ်တမ်းပြန်လည်ကောက်ယူပါက အဆိုပါပမာဏထက် ပိုမိုများပြားနိုင်ကြောင်း သိရသည်။
အဆိုပါစစ်တမ်းအရ မသန်စွမ်းကလေး ငါးသောင်းကျော်အနက် ၃၉ ဒသမ ၅ ရာခိုင်နှုန်းသာ ကျောင်း တက်ရောက်ခဲ့ကြပြီး မူလတန်းပညာပြီးဆုံးအောင် သင်ကြားနိုင်ခဲ့သော ဦးရေကို ဖော်ပြထားခြင်းမရှိ ကြောင်း၊ ၂၀၁၀-၁၁ ပညာသင်နှစ်၊ ပညာရေးဝန်ကြီးဌာန၏ စာရင်းအရ မသန်စွမ်းကျောင်းနေသူ ကလေး ၈၀ ဦးသာရှိသဖြင့် ၂၀၀၅ စာရင်းထက်များစွာ လျော့နည်းနေကြောင်း အထက်ပါစာတမ်းတွင် ဖော်ပြထားသည်။
၂၀၁၀ အမျိုးသားမသန်စွမ်း စစ်တမ်းအရ ပုံမှန်ကျောင်းနေသူ မသန်စွမ်းကလေးဦးရေအနက် ၆၆ ဒသမ ၅ ရာခိုင်နှုန်းသည် မူလတန်း၊ ၂၂ ဒသမ ၂ ရာခိုင်နှုန်းသည် အလယ်တန်းနှင့် ၈ ဒသမ ၇ ရာခိုင် နှုန်းသည် အထက်တန်းပညာ အသီးသီးပြီးဆုံးကြောင်းနှင့် ၂ ဒသမ ၂ ရာခိုင်နှုန်းသာ ဘွဲ့ရသည်အထိ သင်ယူနိုင်ကြောင်း သိရသည်။
လက်ရှိအချိန်တွင် ပုံမှန်ကျောင်းများ၌ တက်ရောက်ပညာမသင်ယူနိုင်သော ကလေးများအတွက် လူမှု ဝန်ထမ်းဦးစီးဌာနသည် မျက်မမြင်ကျောင်း ခုနှစ်ကျောင်း၊ နားမကြားကျောင်း နှစ်ကျောင်း၊ မသန်စွမ်း သက်ငယ်ကျောင်းနှင့် သက်ကြီးကျောင်း နှစ်ကျောင်းနှင့် လူငယ်လေ့ကျင့်ရေးကျောင်း ရှစ်ကျောင်း အင်န်ဂျီအိုများနှင့် ပူးပေါင်းဖွင့်လှစ်ထားသည်။
သို့သော် ပုံမှန်ကျောင်းများတွင် ပညာမသင်နိုင်သော ကလေးဦးရေနှင့် နှိုင်းယှဉ်လျှင် အချိုးအစား အလွန်နည်းပါးနေပြီး အထူးသဖြင့် ဝေးကွာသော ပြည်နယ်နှင့် တိုင်းဒေသကြီးများမှ ဆင်းရဲနွမ်းပါး သော ကလေးများကို လာရောက်ပို့ဆောင်ရန် အခက်အခဲရှိနေကြောင်း အထက်ပါစာတမ်းတွင် သုံးသပ်ထားသည်။
ထို့အပြင် လက်ရှိစာရင်းအင်း ကောက်ယူမှုအခြေအနေအရ ထိုသို့စာရင်းများကို စုစည်းရာတွင် နှောင့်နှေးကြန့်ကြာမှု၊ စာရင်းအင်းမပြုစုနိုင်မှုများရှိသဖြင့် လက်ရှိအခြေအနေကို ဖော်ပြရန်ခက်ခဲနေ ကြောင်း စာတမ်းတွင်ဖော်ပြသည်။

ဆက်ဖတ်ရန်
ပို့စ်တင်သူ ။.............။ မောင်သိရီ on Friday, 12 April 2013
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |


ယခုရက်ပိုင်းအတွင်း အင်တာနေရှင်နယ် ကျောင်းတွေမှာကျောင်းလခ ၂၀ ရာခိုင်နှုန်းတက်မယ်ဆိုတဲ့ သတင်းကြောင့် ကျောင်းသားမိဘတချို့ စိုးရိမ်ပူပန်မှုတွေနဲ့ ကြုံတွေ့နေရတယ်လို့ သိရပါတယ်။
'သူတို့ဘက်ကတော့ ၂၀ ရာခိုင်နှုန်းတက်မယ်လို့တော့ ပြောတာပေါ့၊ ကျောင်းလခတက်တာဆိုတော့ မိဘတွေဘက်ကလဲ စိတ်ဆင်းရဲရတာ ဆိုတော့လေ၊ ကျောင်းလခနဲ့ ပတ်သက်ပြီး သတ်မှတ်ချက်လေး တစ်ခုတော့ ထားသင့်တယ်လို့ထင်ပါတယ်၊ တစ်နှစ်ကို ဘယ်နှရာခိုင်နှုန်း တက်မယ်ဆိုတာ သေချာချ မှတ်ထားသင့်တယ်' လို့ ပြည်တွင်း အင်တာနေရှင်နယ် ကျောင်းတစ်ကျောင်းမှ ကျောင်းသားမိဘ တစ်ဦးက ဆိုပါတယ်။
သည်လိုမျှော်လင့်ကြတယ်
ကျောင်းသားမိဘ တော်တော်များများက ကျောင်းလခတက်မယ့်သတင်းနဲ့ ပတ်သက်ပြီး အပြစ်တင် ပြောဆိုချင်တာမျိုး မဟုတ်ကြဘဲ သတ်မှတ်ချက်တစ်ခုကို သတ်သတ်မှတ်မှတ် ထားရှိစေချင်ကြတာ ဖြစ်ပါတယ်။
'ကျောင်းလခတက်မယ်ဆိုတာကို အပြစ်တင်တာမျိုး မဟုတ်ပေမဲ့ ကျောင်းလခကလဲ များနေတယ်၊ international school မို့လို့ ကျူရှင်မယူဘဲ နေလို့မရတာ မဟုတ်တော့ မိဘတွေဘက်က ပိုပြီးစိတ်ပင် ပန်းရတာပေါ့' လို့ ပြည်တွင်းအင်တာနေရှင်နယ် ကျောင်းတစ်ကျောင်းမှ ကျောင်းသားမိဘတစ်ဦးက ပြောပါတယ်။
အင်တာနေရှင်နယ်ကျောင်းတက်နေပေမဲ့လည်း အပြင်မှာ ကျူရှင်ယူကြရတာတွေလည်း ရှိပါတယ်။ ကျူရှင်ယူစရာမလိုရင် မိဘတွေအတွက် အဆင်ပြေနိုင်ပေမဲ့ ကျောင်းလခကလည်းများ၊ ကျူရှင်တွေပါ တက်ရတဲ့အတွက် ကျောင်းသားနဲ့မိဘနှစ်ဦးနှစ်ဖက်အတွက် စိတ်ပင်ပန်း၊ လူပင်ပန်း ဖြစ်ကြရပါတယ်။
'အခုကျောင်းလခ ဈေးတက်မယ်ဆိုတာက အသေအချာကြီးတော့ မကြားသေးဘူးပေါ့၊ တက်မယ်ဆို တာကတော့များတော့ များတာပေါ့၊ အံတီ့သမီးဆို ခြောက်တန်းကို သိန်း ၇၀ ကျော်လောက်ကုန်သွား ပြီ တစ်နှစ်အတွင်းကို၊ ပြီးတော့ ဒီသတင်းကြားပြီးတော့မှ အစိုးရကျောင်းတွေဘက်ကို ပြောင်းသွားတဲ့ ကျောင်းသားတွေလဲ ရှိတယ်လို့ ကြားတယ်' လို့ပြည်တွင်းအင်တာနေရှင်နယ် ကျောင်းတစ်ကျောင်းမှ ကျောင်းသားမိဘတစ်ဦးက ပြောပါတယ်။
ကျောင်းပြောင်းကုန်ကြပြီ
အခုလို အင်တာနေရှင်နယ် ကျောင်းလခနှုန်းထားတွေ တက်မယ်ဆိုတဲ့ အသံတွေကြောင့် တချို့ ကျောင်းသားတွေ ကျောင်းပြောင်းသွားတာမျိုး ပြုလုပ်လာတာတွေလည်း ရှိလာပါတယ်။ ကျောင်း ပြောင်းကြတဲ့ ကျောင်းသားမိဘတချို့က ကျောင်းဆက်ထားဖို့ ငွေကြေး မတတ်နိုင်တာကြောင့် မဟုတ်ဘဲ ဝန်ထုပ်ဝန်ပိုးတစ်ခုလို ဖြစ်နေတယ်လို့ ထင်ကြတဲ့အတွက်လို့ ဆိုကြပါတယ်။
ဒီလိုလေးတော့ ဖြစ်စေချင်တယ်
'သူတို့ဈေးပေါ်မှာ သူတို့တင်ထားတဲ့ ကျောင်းသားတွေရဲ့ အရည်အချင်း ဘယ်လောက်မြင့်တက်မှု ရှိလာသလဲ ဆိုတာကိုပါ စဉ်းစားရမယ်၊ ပြီးတော့ quality အရမ်းမြင့်လာတယ်ဆိုရင်တောင်မှ ဈေး အရမ်းကြီးတယ်ဆိုတာကတော့ မဖြစ်သင့်သေးဘူးလို့ ထင်ပါတယ်' လို့ ပြင်ပအထက်တန်းပြ ကျူရှင် ဆရာမတစ်ဦးဖြစ်သူ ဒေါ်သီတာက ပြောပြပါတယ်။
အခုလို ကျောင်းလခ ကွာဟမှုတွေကြောင့် ကျောင်းသားအချင်းချင်းကြားမှာလည်း စိတ်ခံစားမှုပိုင်းဆိုင် ရာ ထိခိုက်မှုတွေ ရှိလာနိုင်တယ်လို့ ဆရာ ဆရာမတချို့က သုံးသပ်ကြပါတယ်။
တကယ်သာ ကျောင်းလခနှုန်းထား တက်မယ်ဆိုရင် ပြည်တွင်း အင်တာနေရှင်နယ်ကျောင်းတွေရဲ့ ဈေးနှုန်းမြင့်တက်မှုတွေက နိုင်ငံတကာ ကျောင်းတွေရဲ့ ကျောင်းလခနှုန်းထားတွေနဲ့ သိပ်မကွာတဲ့နှုန်း ထား ဖြစ်လာနိုင်ပါတယ်။ ဒါကြောင့် ကျောင်းလခနဲ့ ပတ်သက်ပြီး သေချာခိုင်မာတဲ့ ဥပဒေတွေ ပြဋ္ဌာန်း မှုပြုလုပ်ထားသင့်တယ်လို့ ပညာရှင်တချို့က သုံးသပ်ကြပါတယ်။
'ပညာရေးမှာ ကျောင်းသားတွေရော ကျောင်းသားမိဘတွေပါ ဝန်ပိတာမျိုး မဖြစ်သင့်ဘူး။ ဒီဥပဒေမျိုး က ပြဋ္ဌာန်းသင့်ပါတယ်၊ ခိုင်ခိုင်မာမာလေး ပြဋ္ဌာန်းထားတော့ ကျောင်းသားမိဘနဲ့ ကျောင်းသားရော ပိုအဆင်ပြေစေတာပေါ့' လို့ အင်န်အယ်လ်ဒီ ပညာရေးကွန်ရက်မှ ဒေါက်တာသိန်းလွင်က သူ့အမြင်ကို ပြောပြပါတယ်။
ကုမုဒြာသတင်းဂျာနယ်
အတွဲ ၃၊ အမှတ် ၃၊ ၂၀၁၃ ခုနှစ်

ဆက်ဖတ်ရန်
ပို့စ်တင်သူ ။.............။ မောင်သိရီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |



ရန်ကုန်တက္ကသိုလ်နှင့် ထိုင်းနိုင်ငံ Thepsatri Rajahbat တက္ကသိုလ်တို့ကြား သုတေသန ပူးပေါင်း ဆောင်ရွက်ရန်အတွက် နားလည်မှုစာချွန်လွှာကို ဧပြီလ ၉ ရက်နေ့တွင် ရေးထိုးခဲ့ကြောင်း ရန်ကုန် တက္ကသိုလ် ပါမောက္ခချုပ် ဒေါက်တာတင်ထွန်းက ပြောကြားသည်။
အဆိုပါပူးပေါင်းမှုအရ မြန်မာနိုင်ငံရှိ ကျေးလက်ဒေသ ဖွံ့ဖြိုးတိုးတက်ရေးနှင့် အသေးစား၊ အလတ်စား၊ စီးပွားရေးလုပ်ငန်းများကို တိုးတက်ရေးတို့အတွက် ပူးတွဲသုတေသနများ လုပ်ဆောင်သွားမည်ဖြစ် ကြောင်း ၎င်းကထပ်လောင်းပြောကြားသည်။
"အခုလက်မှတ်ထိုးပြီးတာနဲ့ ထိုင်းတက္ကသိုလ်ဘက်က ရန်ပုံငွေစုပြီးရင် လုပ်ငန်းကိုစမယ်။ နှစ်ဖက်စလုံး ကသုတေသနအတွက် ရန်ပုံငွေ စိုက်ထုတ်သွားမှာပါ" ဟု ဒေါက်တာတင်ထွန်းက ပြောဆိုသည်။
သုတေသနလုပ်ငန်းများအပြင် ဆရာ၊ ဆရာမများနှင့် ကျောင်းသား ကျောင်းသူများ ဖလှယ်ရေး အစီအစဉ် (Exchange Program) လည်းရှိပြီး ပူးပေါင်းဆောင်ရွက်ခြင်း၏ အဓိကရည်ရွယ်ချက်သည် ကျောင်းသား ကျောင်းသူများအတွက်ဖြစ်ကြောင်း ပါမောက္ခချုပ်က ဆိုသည်။
အကြီးစားပြုပြင်မှုများဖြင့် ပို၍အသက်ဝင်လာသော ရန်ကုန်တက္ကသိုလ်သည် ဂျာမနီ ကိုလုံး တက္ကသိုလ်၊ ဂျပန်နာဂိုရာ တက္ကသိုလ်နှင့် ထိုင်းတက္ကသိုလ်တို့ အပါအဝင် ပြည်ပတက္ကသိုလ်ခြောက်ခု နှင့် ပူးပေါင်းဆောင်ရွက်လျက်ရှိပြီး သုတေသနများစွာ လုပ်ဆောင်လျက်ရှိသည်။

ဆက်ဖတ်ရန်
ပို့စ်တင်သူ ။.............။ မောင်သိရီ on
0 ( မှတ်ချက်ရေးချင်ရင် )
ခေါင်းစဉ်အလိုက်ပို့စ်များ |

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

There was an error in this gadget

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု