မောင်အေး
-------------
စစ်တွေ တက္ကသိုလ်မှ တတိယနှစ် ကျောင်းသား ၂၄ ဦး ကျောင်းထုတ်ခံရကြောင်း သတင်း ရရှိသည်။
ယခုကဲ့သို့ ကျောင်းထုတ်ခံရခြင်းကို စစ်တွေ တက္ကသိုလ်ကျောင်းသားတစ်ဦးက ယခုကဲ့သို့ အတည်ပြု ပြောကြားသည်။
"Semester one နှစ်ဝက် စာမေးပွဲ စစ်တဲ့ နေရာမှာ စာကူးချတဲ့ အတွက် ဖြစ်ပါတယ်။ ရူပဗေဒ ၉ ဦး၊ သတ္တဗေဒ က ၁၀ ဦးနဲ့ တခြား ဘာသာရပ်တွေက ၅ ဦး ဖြစ်ပါတယ်" ဟု သူက ပြောသည်။
ကျောင်းထုတ်ခံရသော ကျောင်းသားများမှာ တတိယနှစ် ကျောင်းသားများ ဖြစ်ကြပြီး ယခုအပတ်အတွင်းက ကျောင်းထုတ်ခံရခြင်း ဖြစ်ကြောင်း သိရသည်။
စစ်တွေမြို့နယ် ပြည်နယ် လွှတ်တော်အမတ် ဦးအောင်မြကျော်မှလည်း ကျောင်းထုတ်ခံရခြင်းကို အတည်ပြု ပြောကြားပြီး သူက " သာမန် ကျောင်းနဲ့ ဆိုင်တဲ့ ကိစ္စရပ်တွေကြောင့် ကျောင်းထုတ်ခံရတာ ဖြစ်တယ်လို့ သိရပါတယ်။ တခြား ကိစ္စရပ်တွေကြောင့်တော့ မဟုတ်ဘူးလို့ သိရပါတယ်။ အသေးစိတ် အချက်အလက်တွေကိုတော့ ကျနော်တို့ စုံစမ်းနေဆဲ ဖြစ်ပါတယ်" ဟု ပြောသည်။
ကျောင်းသားများ ကျောင်းထုတ်ခံရခြင်းနှင့် ပတ်သက်ပြီး အသေးစိတ် အချက်အလက်များ ထွက်ပေါ်လာခြင်း မရှိသေးကြောင်း သိရသည်။
http://www.narinjara.com/detailsbur.asp?id=3252
0 ( မှတ်ချက်ရေးချင်ရင် )