MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊

အရှင်ပညာနန္ဒ
ဧပြီ ၈၊ ၂၀၁၂illustration by – Maung yit

ခုတလောသတင်းတွေဖတ်ရ နားထောင်ရတာကတော့၂၀၁၂ ခုနှစ် ကြားဖြတ်ရွေးကောက်ပွဲနဲ့ပတ်သက်တဲ့သတင်းကို အများဆုံးမြင်တွေ့ နေရပါတယ်။ ရွေးကောက်ပွဲကာလ ဒေါ်အောင်ဆန်းစုကြည် အနယ်နယ်အရပ်ရပ်ကိုသွားရောက်ပြီး မဲဆွယ်တဲ့သတင်းတွေ၊ NLD အမတ် လောင်း လေးဂွနဲ့အပစ်ခံရတဲ့သတင်းတွေ၊ ရွေးကောက်ပွဲကာလ ကြံ့ဖွတ်ပါတီဝင်တွေရဲ့ မတော်မလျော် လုပ်ကိုင်ပြောဆိုမှုတွေ၊ NLD မဲပြားကိုဖယောင်းသုတ်တဲ့သတင်း၊ နောက် မဲပေးခွင့်မရလို့ ငိုချင်းချသူစတဲ့ စိတ်ပျက်ငြီးညူနေသံတွေကို နေရာအနှံ့ကနေ ကြားနေ တွေ့နေ ရသလို NLD ရွေးကောက်ပွဲနိုင်လို့ အပျော်ကြီးပျော်နေကြတဲ့သတင်းတွေကို သတင်းဌာနတိုင်းမှာတွေ့ မြင်နေရပါတယ်။

ပိုပြီးထူးဆန်းတာက ရွေးကောက်ပွဲကာလမှာမဲဆွယ်တဲ့ ကြံ့ဖွံ့ပါတီက မဲဆွယ်စည်းရုံးရေးခရီးစဉ်တွေမှာ ရေတွင်းတူးပေးမယ်။ စာသင် ကျောင်း ဆောက်ပေးမယ်။ လယ်သမားတွေကို ဘယ်လိုကူညီမယ် စတဲ့မက်လုံးတွေပေးပြီး မဲဆွယ်စည်းရုံးခဲ့ပေမဲ့ ရွေးကောက်ပွဲအပြီး မဲလည်းရှုံးရော ပေးထားတဲ့ကတိတွေကိုဖျက်ပြီး စာသင်ကျောင်းဆောက်ဖို့ပေးထားတဲ့ ဘိလပ်မြေတွေပြန်သိမ်းတာ၊ သူတို့တူးပေးထားတဲ့ ရေ တွင်းကိုပိတ်ပစ်တာ၊ NLD ထောက်ခံသူရဲ့အိမ်ကို ရေမီးဖြတ်တာ၊ ကြံ့ဖွံ့ကို မဲမပေးသူတွေကို စီးပွားရေးလုပ်စားမရအောင် ပိတ်ပင် တား ဆီးတာ စတဲ့သတင်းတွေဖတ်ရလို့ပြုံးမိပါတယ်။

ဒီနေ့ဧရာဝတီမှာဖတ်ရတဲ့သတင်းတပုဒ်ကတော့ … နေပြည်တော်၊ ဒက္ခိဏသီရိမြို့နယ်က အိမ်ခြေ ၂၀၀၀ လောက်ရှိတဲ့ ချိုင်းဆိုတဲ့ရွာလေးမှာ ကြံ့ခိုင်ရေးပါတီက ကြားဖြတ်ရွေးကောက်ပွဲမတိုင်ခင်က ရေတွင်း (၃) တွင်း တူးပေးထားကြောင်း၊ ရွေးကောက်ပွဲရက်မှာ တရွာလုံးက NLD လွှတ်တော်ကိုယ်စားလှယ် ကိုနိုင်ငံလင်းကိုပဲ မဲပေးလိုက်လို့ ကြံ့ခိုင်ရေးပါတီက ရေတွင်းတွေကို ပိတ်သိမ်းလိုက်ကြောင်း၊ ရေအခက်အခဲ ဖြစ်နေတဲ့ အဲဒီချိုင်းရွာကို နာရေးကူညီမှုအသင်းကရေရဖို့ ငွေလေးသိန်းလှူလိုက်ကြောင်း သတင်းဖတ်ရသလို တနင်္သာရီတိုင်း၊ ကျွန်းစုမြို့ နယ်ထဲက အညှင်းရွာမှာ NLD က မဲနိုင်သွားလို့ ကျေးရွာကိုပေးထားတဲ့ ဘိလပ်မြေအိတ်တွေကို ရွာသူကြီးက ထော်လာဂျီနဲ့ ပြန်သယ်သွား ကြောင်း၊ အရင်က ရွာကိုပေးမယ်ဆိုတဲ့ ပိုက်ဆံ ၁၅ သိန်းအကြောင်းမေးတော့ အောင်ဆန်းစုကြည်ဆီမှာသွားတောင်းလို့ သူကြီးကပြောလိုက် ပါသတဲ့။ ဘာဘဲဖြစ်ဖြစ်ပေါ့လေ သင်္ချိုင်းကုန်းမှာသွားတောင်းလို့ မပြောလိုက်တာတော်သေးတာပေါ့လို့ အောက်မေ့ရမှာပေါ့။ ဟုတ်ဘူးလား။

အဲဒီလိုသတင်းတွေဖတ်ရလို့ ကြံ့ဖွတ်ပါတီရဲ့စေတနာတွေကို ပြည်သူအတော်များများက နားလည်းသဘောပေါက်ကုန်ကြပါတယ်။(အရင်ကတည်းက သဘောပေါက်ပြီးသားပါလေ) ဒီထက်ထူးဆန်းတဲ့သတင်းကတော့ ရွေးကောက်ပွဲမဲဆွယ်စဉ်ကာလ နေပြည်တော် ဒက္ခိဏသီရိ မြို့နယ်၊ ကျောက်ခဲအင်းရွာက ကျောင်းထိုင်ဘုန်းကြီးတပါးအကြောင်းပါ။ ကြံ့ခိုင်ဖွံ့ဖြိုးရေးပါတီက ကျောင်းထိုင်ဘုန်းကြီးကို ငွေ (၁၅) သိန်း နဲ့ မီးစက်တလုံးလှူပြီး ကြံ့ခိုင်ဖွံ့ ဖြိုးရေးပါတီကိုမဲထည့်ဖို့ ရွာသူရွာသားတွေကို တပတ်လောက် လော်စပီကာနဲ့အော်ပြီးစည်းရုံးခိုင်းတဲ့ သ တင်းပါ။

အတိုက်အခံပါတီက အာဏာပိုင်တွေနဲ့ သံဃမဟာနာယကကိုတိုင်ပေမဲ့လည်း လော်နဲ့စည်းရုံးတဲ့ဘုန်းကြီး အရေးယူမခံရတဲ့အပြင် ကြံ့ဖွံ့ တွေနဲ့ ဘုန်းကြီးကျောင်းမှာ မဲဆွယ်စည်းရုံးမြဲဆိုတဲ့သတင်းပါ။ သံဃမဟာနာယကဆရာတော်တွေဆိုတာကလည်း သိက္ခာသမာဓိ ပညာကြီး လေတော့ ဒီလိုကိစ္စမျိုးတွေမှာဝင်မပါကြဘူး။ နိုင်ငံရေးနဲ့ ပတ်သက်နေတာကိုး။ ရာထူးပြုတ်မှာ ကြောက်တော်မူကြတာပေါ့။ လူထုအကျိုးပြု မှန်မှန်ကန်တရားဟောတဲ့ဓမ္မကထိကနဲ့ အစိုးရဆန့်ကျင်တဲ့ ရဟန်းသံဃာတော်တွေကို အရေးယူနှိပ်ကွပ်တဲ့ကိစ္စတွေမှာတော့ လက်နှေး တော် မမူကြ၊ ဓမ္မ အဓမ္မ မခွဲခြား၊ အာဏာရှင်တွေခိုင်းသမျှ လုပ်ပေးတော်မူကြပါတယ်။ လော်န့အော်ပြီး ကြံ့ဖွံ့ပါတီအတွက်မဲဆွယ်တဲ့ ဘုန်း ကြီးကိုတော့ နိုင်ငံရေးလုပ်တယ် ဘာတယ် ညာတယ် မပြောရဲ အရေးမယူရဲ- ဒကာတော်ရေမြေ့ရှင်တွေ အငြိုငြင်မခံနိုင်တာကြောင့် မသိ ချင်ယောင် မမြင်ခြင်ယောင်ဆောင်တော်မူကြပြီး ခပ်မဆိတ်နေတော်မူကြပါတယ်။ ဆရာ ဒကာလက်တွဲညီလှပါပေတယ်။

နောက်သတင်းတပုဒ်ကတော့ ၂၀၁၀ ရွေးကောက်ပွဲကာလတုန်းက ရေလုပ်ငန်းဝန်ကြီးကို ပါဏာတိပါတကံဟောမိလို့ လူထွက်ရတဲ့ ဦးပုည ဆိုတဲ့ဦးဇင်းလေးသတင်းပါ။ ဦးဇင်းလေးကဘဲ အလိုက်ကန်းဆိုးမသိ တရားဟောမိလိုက်လေသလား။ ဒါမှမဟုတ် စက်တင်ဘာအရေးအခင်း တုန်းကဘုန်ကြီးတွေကိုဖမ်းဆီးသတ်ဖြတ်တာတွေကိုရည်ညွှန်းပြီး ဟောပြောလေသလားတော့မသိ။ ပြေးပေါက်မှားပြီး လူထွက်လိုက်ရပါ တယ်။ သတင်းကတော့ အောက်ပါအတိုင်းပါ။

ဝန်ကြီးကို ပါဏာတိပါတကံဟောမိလို့ သံဃာတပါးလူဝတ်လဲခံရ
RFA 2010-08-15

တနင်္သာရီတိုင်း ထားဝယ်မြို့နယ် သဗျာကျေးရွာမှာ မွေးမြူရေးနဲ့ရေလုပ်ငန်းဝန်ကြီး ဝါဆိုသင်္ဃန်းကပ်လှူတဲ့ပွဲမှာ ပါဏာတိပါတာကံ (သူ တပါး အသက်ကိုသတ်ခြင်း) ကျူးလွန်တာနဲ့ပတ်သက်တဲ့တရား ဟောကြားခဲ့တဲ့ဆရာတော်တပါးကို သြဂုတ်လ (၉) ရက်နေ့က ခရိုင်အဆင့် အာဏာပိုင်တွေက သိက္ခာချလူဝတ်လဲခိုင်းခဲ့တယ်လို့ စုံစမ်းသိရှိရပါတယ်။

ဆရာတော်ဦးပုညဟာ သက်တော် (၂၇) နှစ်၊ ဝါတော် (၇) ဝါ ရှိတဲ့ မဲချောင်းကျေးရွာ ဘုန်းကြီးကျောင်းက ကျောင်းထိုင်ဆရာတော် ဖြစ်ပါ တယ်။ ပြီးခဲ့တဲ့ သြဂုတ်လ (၈) ရက်နေ့က ထားဝယ်မြို့ ကဗျာကျေးရွာမှာ မွေးမြူရေးနဲ့ ရေလုပ်ငန်းဝန်ကြီး ဦးမောင်မောင်သိန်းရဲ့ ဝါဆိုသင်္ဃန်း ကပ်လှူတဲ့ပွဲမှာ တရားဟောမိရာက သိက္ခချ လူဝတ်လဲခံရတာဖြစ်တယ်လို့ ဒေသခံသံဃာတပါးက မိန့်ပါတယ်။

“ဒီဦးဇင်းက တရားဟောလိုက်တာ မြတ်စွာဘုရားဟောခဲ့တဲ့ တရားထဲကပါပဲ။ ပါဏတိပါတာကံအကြောင်းကို ဟောရင်းကနေ၊ သူကလည်း လုပ်တာက မွေးမြူရေးနဲ့ ရေလုပ်ငန်းလေ၊ သူ့ကို သွားထိခိုက်တယ်လို့ ယူဆရတာပေါ့နော်။ ဦးဇင်းတို့ကတော့ အနာပေါ် တုတ်ကျသွားတာပေါ့။ အကုသိုလ်လုပ်တဲ့သူကို ပါဏတိပါတာကံတရားဟောမိတော့ ဘုန်းကြီးကို အဓမ္မသင်္ဃန်းချွတ်ခိုင်းလိုက်တယ်လေ။ (၉) ရက်နေ့က ဒကာ ကြီးရေ။ ဘုရားကြီးကျောင်းတိုက်က ဆရာတော်ပေါ့။ ဆရာတော်ကို အဓမ္မအတင်း သူတို့ဌာနဆိုင်ရာ အာဏာပိုင်အဖွဲ့အစည်းတွေကနေ သိက္ခချခိုင်းတယ်။ ခရိုင်အဆင့် အာဏာပိုင်တွေက မဲချောင်းရွာ ဘုန်းကြီးကျောင်းက ဆရာတော်ဦးပုည သိက္ခာချ လူထွက်ခိုင်းခဲ့တဲ့အခြေ အနေကို ဖုံးကွယ်ဖို့အတွက် မဲချောင်းကျေးရွာနေ ပြည်သူတွေနဲ့ ဘုန်းကြီးကျောင်းထဲက ကျန် သံဃာတော်တွေကို ဆရာတော်ဦးပုညကိစ္စ လာရောက် မေးမြန်းစုံစမ်းတဲ့သူကို မှတ်ထားဖို့ မှာကြားခဲ့တယ်လို့ အခု သိက္ခာချခံရတဲ့ ဆရာတော်ဦးပုညရဲ့ ဒကာတဦးကပြောပြပါတယ်။

“(၉) ရက်နေ့၊ အဲဒီမနက် (၆) နာရီမှာ သူ့ကျောင်းကိုလာပြီးတော့ ခရိုင်အဆင့်ရှိတဲ့ ရဲမှူးတယောက်ပါတယ်။ ပြီးတော့ စရဖတို့၊ အကုန်လုံး အရပ်ဝတ်နဲ့လာတယ်။ အဲဒါမျိုးခေါ်ပြီးတော့ သိက္ခာ အတင်းချခိုင်းတာပေါ့နော်။ အဲဒီကိစ္စနဲ့လာပြီးတော့ သတင်းလာမေးတာတို့၊ ပြောတာဆို တာ မေးတာတို့ကိုလာလို့ရှိရင် အဲဒါမှတ်ထား၊ တရွာလုံးကိုလည်း အစည်းအဝေးခေါ်ပြီးတော့ ဒီကိစ္စကို သတင်းမပေါက်ကြားအောင် ဆရာ တော် ခုထွက်တာလည်း သူ့ဆန္ဒနဲ့သူထွက်တာ။ သူတို့နဲ့မပတ်သက်တဲ့ပုံစံမျိုး ရှင်းလင်းတာပေါ့နော်”

လူဝတ်အလဲခံခဲ့ရတဲ့ ဆရာတော်ဦးပုညဟာ အခုချိန်မှာ ထားဝယ်မြို့နဲ့ မိုင် (၄ဝ) လောက်ဝေးတဲ့ ဇာတိရွာဖြစ်တဲ့ ရဘဲကျေးရွာကို ပြန်ရောက် နေပြီလို့ သိရပါတယ်။ အခုလို ကျောင်းထိုင်ဆရာတော်တပါး တရားဟောရုံနဲ့ သိက္ခာချလူထွက်ရတဲ့ကိစ္စကို ထားဝယ်မြို့က စာသင်သား သံဃာတော်တွေက သာသနာရေးဝန်ကြီးဌာနကို စာရေးသားအသိပေးဖို့စီစဉ်နေတယ်လို့ စောစောက ဒေသခံသံဃာတော်ကပဲ ဆက်မိန့်ပါ တယ်။

မွေးမြူရေးနဲ့ရေလုပ်ငန်းဝန်ကြီး ဗိုလ်မှူးချုပ်မောင်မောင်သိန်းဟာ စစ်ဘက်တာဝန်ကနေအနားယူထားတဲ့ အရပ်သားတဖြစ်လဲ ဝန်ကြီး ဦး မောင်မောင်သိန်း ဖြစ်ပါတယ်။ တနင်္သာရီတိုင်း ထားဝယ်ခရိုင်အတွင်းမှာ ကြံ့ခိုင်ဖွံ့ဖြိုးရေးပါတီအနေနဲ့ ဝင်ရောက်ယှဉ်ပြိုင်မယ်လို့ သတင်းတွေ ထွက်နေသလို အဲဒီဒေသတွင်းမှာ ကြံ့ခိုင်ဖွံ့ဖြိုးရေးပါတီအတွက် မဲဆွယ်စည်းရုံးတာတွေလုပ်ဆောင်နေတယ်လို့လည်း သိရပါတယ်။

“ဗုဒ္ဓဒေသနာတော်တွေနဲ့ဆက်နွယ်ပြီးတော့ ဟောကြားတဲ့အချိန်မှာပဲ မထိခိုက်အောင်လို့ အတတ်နိုင်ဆုံးဆင်ခြင်နေရတယ်။ ရှောင်ကြဉ်နေ ရတယ်။ ဆရာတော်ကြီးတွေဆို ဘာမှကို မပြောနိုင်၊ မဟောနိုင်ကြဘူး။ မပြောနိုင်၊ မဟောနိုင်ဘူးဆိုတာ သူတို့နဲ့သွားပြီးငြိစွန်းမှာ ကြောက်ကြ တာပေါ့လေ” တဲ့။

တချိန်တုန်းက ကြံ့ဖွံ့ဆိုတာလူမှုရေးအသင်းပါလို့ပြောရင်း လူမိုက်တွေမွေးပြီး ကြံ့ဖွံ့ပါတီဖြစ်လာတာဆိုတော့ သာသနာတော်သန့်ရှင်းတည် တန့်ရေးအတွက် ဖွဲ့ထားတဲ့သံဃမဟာနာယကဖွဲ့လည်း ကြံ့ဖွံ့မဟာမိတ် မဟနပါတီဖြစ်မလာဘူးလို့ ဘယ်သူပြောနိုင်မလဲနော့။ လူမိုက် တွေလက်ထက်မှာ ဖြစ်ချင်ဖြစ်နိုင်တာပေါ့။ ။

(ရွေးကောက်ပွဲဥပဒေ)
ရွေးကောက်ပွဲ ဥပဒေ အခန်း ၁၃၊ ပုဒ်မ ၅၈ (ဂ) တွင် လူမျိုးရေးကိုဖြစ်စေ၊ ဘာသာရေးကိုဖြစ်စေ အကြောင်းပြ၍ ဆန္ဒမဲ ပေးရန်သော်လည်း ကောင်း၊ ဆန္ဒမဲ မပေးရန်သော်လည်းကောင်း၊ ပြောဆိုခြင်း၊ ဟောပြောခြင်း၊ ကြေညာချက် ထုတ်ပြန်ခြင်း (သို့မဟုတ်) ယင်းသို့ပြုလုပ်ရန် အားပေးလှုံ့ဆော်ခြင်းပြုလုပ်လျှင် မည်သူမဆို ထိုသူအား တနှစ်ထက်မပိုသောထောင်ဒဏ်ကိုဖြစ်စေ၊ ကျပ်တသိန်းထက်မပိုသော ငွေဒဏ် ကိုဖြစ်စေ၊ ဒဏ်နှစ်ရပ်စလုံးကိုဖြစ်စေ ချမှတ်နိုင်ကြောင်း ဖော်ပြထားသည်။

နိုင်ငံရေးပါတီများ မှတ်ပုံတင်ခြင်းဥပဒေ အခန်း ၂၊ ပုဒ်မ ၆ (င)တွင် ဘာသာရေးကို နိုင်ငံရေးအတွက် အလွဲသုံးစားခြင်းမပြုရန် တားမြစ်ထားပြီး ပြုလုပ်လျှင် အဆိုပါဥပဒေ၏ အခန်း ၃၊ ပုဒ်မ ၁၂ (က၊ ၄) အရ နိုင်ငံရေးပါတီအဖြစ်မှ ဖျက်သိမ်းခံရမည်ဖြစ်ကြောင်း ပြဋ္ဌာန်းထားသည်။

http://moemaka.com


ပို့စ်တင်သူ ။.............။ younger on Sunday, 8 April 2012
ခေါင်းစဉ်အလိုက်ပို့စ်များ

0 ( မှတ်ချက်ရေးချင်ရင် )

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

There was an error in this gadget

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု