ရခိုင်ပြည်နယ် တောင်ကုတ်မြို့တွင် လူငယ်များ စုပေါင်းဖွင့်လှစ်ထားသော DAWN စာကြည့်တိုက်မှ ဦး ဆောင်ပြီး အခမဲ့ ပညာဒါန သင်တန်းများ ဖွင့်လှစ် ပို့ချနေကြောင်း သတင်း ရရှိသည်။
သင်တန်းများကို မတ်လ ၂၈ ရက်နေ့မှ စတင်ခဲ့ပြီး ယခုအခါ ကျောင်းသား ကျောင်းသူများဖြင့် စည်ကားနေပြီ ဖြစ်ကြောင်း သိရသည်။ သင်တန်းကျောင်းကို တောင်ကုတ်မြို့ ကံပိုင် ရပ်ကွက် မဟာဝိဟာရ ကျောင်းတွင် ပြသနေခြင်း ဖြစ်သည်။
ယခုကဲ့သို့ သင်တန်းများ လုပ်ဆောင်ပေးရသည့် ရည်ရွယ်ချက်နှင့် ပတ်သက်ပြီး DAWN စာကြည့်တိုက် အ တွင်းရေးမှူး ကိုသိန်းဇော်က ယခုလို ဆက်ရှင်းပြ ပြောဆိုသည်။
" ခုလို သင်တန်းတွေ လုပ်ရင် လူငယ်တွေ ပညာ အခြေခံရလာမယ်။ ကွန်ပျူတာနဲ့ လူငယ်တွေ ပိုမို ရင်းနှီးလာမယ်။ မြို့ပေါ်မှာ ကွန်ပျူ တာနဲ့ ဆက်စပ်မှု မရှိတဲ့ လူငယ်တွေကို ဆက်စပ်နိုင်မယ်။ ကျွန်တော်တို့မြို့မှာ အင်္ဂလိပ်စာ ညံ့တဲ့လူငယ် တွေ အင်္ဂလိပ်စာ ပိုမိုတိုးတက်လာမယ်။ ဒီလို အသီးအပွင့်တွေကို ခုလို သတင်းတွေကြောင့် ရရှိလာမှာ ဖြစ်ပါတယ်" ဟု ပြောသည်။
သင်တန်းတွင် ကွန်ပျူတာ ကျောင်းသား ၆၀ နှင့် အင်္ဂလိပ်စာ ကျောင်းသား ၆၈ တို့ တက်ရောက် သင်ကြားနေသည်။ ဆရာ ၅ယောက်မှ အလှည့်ကျ အခမဲ့ ပြသပေးနေကြောင်း သိရသည်။ ယခု ပြုလုပ်သော အင်္ဂလိပ်စာသင်တန်းမှာ ပထမဆုံး အကြိမ်ဖြစ်ပြီး ကွန်ပျူတာ သင်တန်းမှာ တတိယ အကြိမ် မြောက်ဖြစ်သည်။
ယခုကဲ့သို့ သင်တန်း ပြသနိုင်ရန် အတွက် လိုအပ်သော ငွေများကို အဖွဲ့ဝင်များနှင့် အလှူရှင်များမှ ပါဝင်ကူညီ ကြောင်း သူက ပြောသည်။
" ကျွန်တော်တို့ ရံပုံငွေကတော့ ကော်မီတီနဲ့ အဖွဲ့ဝင်တွေက တတ်နိုင်သလောက် ထည့်ဝင်ကြသလို တခြား အလှူရှင်တွေ ကလည်း ထည့်ဝင်ကြပါတယ်။ အဲဒီက ရတဲ့ငွေတွေနဲ့ ခုလို သင်တန်းတွေ ပြသနိုင်တာ ဖြစ်ပါ တယ်။"
DAWN စာကြည့်တိုက်ကို ၂၀၀၆ ခုနှစ် ဇွန်လ ၅ ရက်နေ့တွင် စတင်ဖွင့်လှစ်ခဲ့ပြီး ယခုအခါ စာကြည့်တိုက်တွင် အဖွဲ့ ၀င်ပေါင်း ၄၄၀ ကျော်ရှိသည်ဟု သိရသည်။
-------------------------------------------------------------------------------------------------------------------------------
.: နိရဉ္စရာမှ သတင်း
0 ( မှတ်ချက်ရေးချင်ရင် )