MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊

၁၊ ဖဿ
ရုပ်ဓါတ်သဖွယ်၊ ကပ်ငြိတွယ်လျက်၊ ဘယ်ဝယ်ထိပုံ၊ မရှိတုံလည်း၊
အာရုံထိမိ၊ ဓါတ်ခိုက်ဘိ၊ တွေ့ထိ ဖဿ သဘောတည်း။

၂၊ ဝေဒနာ
ဘုရင်မင်းနှယ်၊ ပွဲတော်တယ်သို့၊ သွယ်သွယ်အာရုံ၊ ရသာစုံကို၊
ကုန်အောင်မှန်ငြား၊ ချန်မထား၊ ခံစား ဝေဒနာ သဘောတည်း။

၃၊ သညာ
သူငယ်လက်သမား၊ မှတ်သည့်လားသို့၊ အမှားလည်းရှိ၊ အမှန်ရှိ၍၊
မှတ်မိရုံသာ၊ သိသည်မှာ၊ သညာ သဘောတည်း။

၎၊စေတနာ
လယ်ပိုင်ရှင်ကြီး၊ တပည့်ကြီးတို့၊ ထုံးနည်းပုံကပ်၊ အာရုံရပ်၌၊
စေ့စပ်စေမှု၊ ဆော်သြပြု၊ မှတ်ရှု စေတနာ သဘောတည်း။

၅၊ ဧကဂ္ဂတာ
လေငြိမ်သည့်ဌာန်၊ မီးအလျှံသို့၊ မပျံ့မလွင့်၊ ဆင့်ကာဆင့်ကာ၊ ယူမိရာတွင်၊
စိတ်စဉ်တည်မှု၊ အကြောင်းပြု၊ မှတ်ရှု ဧကဂ္ဂတာတည်း။

၆၊ ဇီဝိတိနြေ္ဒ
ကြာစောင့်ရေနှယ်၊ အထိန်းသယ်နှင့်၊ လှေငယ်လှော်သူ၊ ပုံယူယှဉ်စပ်၊
သဟဇာတ်တို့၊ မပြတ်အောင်တည်၊ အသက်ရှည်ကြောင်း၊ တရားကောင်း၊
မှတ်ငြောင်း ဇိဝိတိနြေ္ဒတည်း။

၇၊ မနသိကာရ
ဇာနည်မြင်းများ၊ ဖြောင့်ဖြောင့်သွားဖို့၊ ရထားထိန်းပုံ၊ များအာရုံကို၊
ထိုထိုစိတ်၌၊ မဆိတ်စေလျှင်း၊ ပြုပေးခြင်း၊ မယွင်း မနသိကာရတည်း။

၈၊ ဝိတက်
မင်းကျွမ်းဝင်သူ၊ ပမာယူလော့၊ အတူယှဉ်ဖက်၊ အာရုံထက်သို့၊
တက်ရောက်စေလျှင်း၊ ကြံစည်ခြင်း၊ မယွင်း ဝိတက် သဘောတည်း။

၉၊ ဝိစာရ
ကြေးညီးသံနဲ၊ ငှက်ပျံဝဲသို့၊ ဖန်လဲအာရုံ၊ သုံးသပ်ပုံ၊
မှတ်တုံ ဝိစာရသဘောတည်း။

၁ဝ၊ အဓိမောက္ခ
တံခါးတိုင်ကြီး၊ ယိုင်မလဲသို့၊ ခိုင်ဖြည်းတည့်မတ်၊ ဆုံးဖြတ်တတ်၊
မှတ်လေ အဓိမောက္ခတည်း။

၁၁၊ ဝီရိယ
မယိမ်းမယိုင်၊ ခိုင်စေသောအား၊ ထောက်တိုင်ကျားသို့၊
တရားယှဉ်ဖက်၊ ကြွကြွ တက်ရန်၊ အားအံခဲသဖြင့်၊ ရဲရင့်သသူ၊ ဖြစ်ကြောင်းဟူ၊
မှတ်ယူ ဝီရိယ သဘောတည်း။

၁၂၊ ပီတိ
ခရီးမောပန်း၊ တောစခန်း၌၊ အေးချမ်းကြည်လင်၊ ရေကိုမြင်၍၊
ကြည်ရွှင်သောလား၊ ကိုယ်စိတ်များကို၊ တိုးပွားစေလျက်၊ လွန်နှစ်သက်၊
မှတ်ချက် ပီတိ သဘောတည်း။

၁၃၊ ဆန္ဒ
မြင်လိုကြားလို၊ နမ်းရှူလို၊ ရသာခံစား၊ ထိသိလိုငြား၊ မှတ်သား ဆန္ဒ လက္ခဏာ၊
တဏှာမပါ၊ လိုချင်တာ၊ ဆန္ဒ သဘောသာ။

၁၄၊ မောဟ
သဘောမှန်ရာ၊ ဖုံးကွယ်ကာ၍၊ ပညာစက္ခု၊ ကန်းအောင်ပြုလျှင်း၊ မိုက်မဲခြင်း၊
မယွင်း မောဟ သဘောတည်း။

၁၅၊ အဟိရိက
ရွာသူတို့ဝက်၊ မစင်ဗွက်ကို၊ မစက်ဆုပ်အား၊ မရှက်အားသို့၊ များဒုစရက်၊
ပြုဖို့ချက်မှ၊ မရှက်သသူ၊ ဖြစ်ကြောင်းဟူ၊ မှတ်ယူ အဟိရိကတည်း။

၁၆၊ အနောတ္တပ္ပ
ပိုးပရန်မျိုး၊ မီးလျှံတိုးသို့၊ အကျိုးကိုထောက်၊ ရွံ့ကြောက်စဖွယ်၊
သွယ်သွယ် ဒုစရက်၊ ပြုဖို့ချက်မှ၊ သက်သက်မရွံ့၊ အရဲစွန့်၊ ပြုဝံ့ နောတ္တပ်တည်း။

၁၇၊ ဥဒ္ဓစ္စ
လေဟုန်အရှိန်၊ ရေမငြိမ်သို့၊ မငြိမ်မသက်၊ အထက်ထက်၌၊
လွင့်တက်တတ်ရှောင်း၊ စိတ်ဖြစ်ကြောင်း၊ မကောင်း ဥဒ္ဓစ္စ သဘောတည်း။

၁၈၊ လောဘ
မျောက်နှဲစေးပုံ၊ မခွာတုံသို့၊ အာရုံငြိကပ်၊ မခွာလတ်ဘဲ၊ တပ်မက်ခင်မင်၊
လိုချင်တတ်သော၊ ဤသဘော၊ မှတ်လော လောဘတည်း။

၁၉၊ ဒိဋ္ဌိ
အမှန်တရား၊ ဉာဏ်အလားသို့၊ အမှားကိုပင်၊ အမှန်ထင်၍၊
သိမြင်ယူမှား၊ သဘောထား၊ မှတ်သား ဒိဋ္ဌိတည်း။

၂ဝ၊ မာန
အများထက်ချွန်၊ စိတ်နေလွန်၍၊ တံခွန်အလား၊ ငါတကားဟု၊ ထောင်လွှား
ပြုလျက်၊ ကြွကြွတက်လျှင်း၊ မှတ်ထင်ခြင်း၊ မယွင်းမာန သဘောတည်း။

၂၁၊ ဒေါသ
မြွေဟောက်တမျှ၊ ထောင်းထောင်းထလျက်၊ ယှဉ်ဖက် စိတ်ဓာတ်၊ ကိန်းဝပ်မိရာ၊
သတ္တဝါကို၊ ပူဆာစေလျှင်း၊ ဖျက်ဆီးခြင်း၊ မယွင်း ဒေါသ သဘောတည်း။

၂၂၊ ဣဿာ
ပရမ္ပရ၊ ကံကောင်း မသဖြင့်၊ ပြည့်ဝဂုဏ်သိရ်၊ သူ့စည်းစိမ်ကို၊ မမြိန်နိုင်တောင်း၊
စောင်းမြောင်း မဲ့ရွဲ့၊ ကဲ့ရဲ့ ငြူစူ၊ ရှုတ်ချမူ၊ မှတ်ယူ ဣဿာ သဘောတည်း။

၂၃၊ မစ္ဆရိယ
ရလတ္တံ့ ရပြီး၊ ငါ့ပစ္စည်းနှယ်၊ အံ့ချီးဖွယ်ကား၊ များကြွယ် သူတစ်ပါး၊ မဖြစ်စေ
သားဟု၊ ဖြစ်ပွားတတ်လျှင်း၊ ဝန်တိုခြင်း၊ မယွင်း မစ္ဆရိယ သဘောတည်း။

၂၄၊ ကုက္ကုစ္စ
ပြုပြီးဒုစရိုက်၊ မပြုလိုက်မိ၊ သုစရိအတွက်၊ စက်ဆုပ်အပ်စွာ၊ ကိရိယာဟု၊
နောင်ခါတစ်ဖန်၊ ပူပန်တည်သော၊ ထိုသဘော၊ မှတ်လော ကုက္ကုစ္စ။

၂၅၊ ထိန
စိတ်စက်မခန့်၊ အနေညံ့အောင်၊ ဖိဟန့်တတ်သော၊ ထိုသဘော၊
မှတ်လော ထိနသဘောတည်း။

၂၆၊ မိဒ္ဓ
စေတသိက်တရား၊ မခံ့ညားအောင်၊ ဟန့်တားတတ်သော၊ ထိုသဘော၊
မှတ်လော မိဒ္ဓသဘောတည်း။

၂၇၊ ဝိစိကိစ္ဆာ
သဘောအမှန်၊ စူးစမ်းပြန်လျှင်၊ ဉာဏ်မနိုင်ဘဲ၊ ဆင်းရဲကြောင်းဟု၊ ယုံမှားမှု၊
မှတ်ရှု ဝိစိကိစ္ဆာသဘောတည်း။

၂၈၊ သဒ္ဓါ၊
ရတနာသုံးတန်၊ ပစ္စုပ္ပန်နှင့်၊ သံသရာမျိုး၊ ကံအကျိုးတို့၊ ရှိရိုးဟုမြင်၊
သက်ဝင်ကျေနပ်၊ ယုံကြည်တတ်၊ မှတ်လေ သဒ္ဓါ သဘောတည်း။

၂၉၊ သတိ၊
ဘုရားစသား၊ အာရုံများ၌၊ မှတ်သားလေ့များ၊ အောက်မေ့ငြား၊
တရား သတိ သဘောတည်း။

၃ဝ၊ ဟိရီ၊
၃၁၊ သြတ္တပ္ပ၊
ဒုစရိုက်ဆိုး၊ အမိုက်မျိုးမှ၊ ရှက်စနိုးမူ၊ ဟိရီဟူ၊ ကြောက်မူ သြတ္တပ်သဘောတည်း။

၃၂၊ အလောဘ၊
လောကီအာရုံ၊ ကာမဂုဏ်ကို၊ စုံစုံမက်မက်၊ နှစ်သက်မရှိ၊ မကပ်ငြိပေ၊ မလိုပေ၊
ဆိုလေ အလောဘ သဘောတည်း။

၃၃၊ အဒေါသ၊ (မေတ္တာ)
ယှဉ်ဘက်စိတ်ဓာတ်၊ ကိန်းဝပ်မိရာ၊ သတ္တဝါကို၊ ကြည်သာရွှင်ပြ၊
အေးမြစေသော၊ ထိုသဘော အဒေါသ သဘောတည်း။

၃၄၊ တတြမဇ္ဈတ္တတာ
ကိုယ်စီကိစ္စ၊ ရွက်ဆောင်ကြသဖြင့်၊ သမ္ပယုတ်ဆို၊ များထိုထိုဝယ်၊
အလယ်အလတ်၊ တည့်မတ်အောင်ûပ၊ လစ်လျူရှု၊ ခေါ်မှု မဇ္ဈတ္တတာတည်း။

၃၅၊ ကာယပဿဒ္ဓိ
၃၆၊ စိတ္တပဿဒ္ဓိ
ဥဒ္ဓစ္စစေ၊ ပြဌာန်းပေသည့်၊ ကိလေသာဟူ၊ အပူဆိတ်သဖြင့်၊ စေတသိက်အပေါင်း၊
ငြိမ်းအေးကြောင်းကို၊ ကာယဆိုဘိ၊ စိတ်၏အေးမြ၊ ဖြစ်ကြောင်းပြ စိတ္တပဿဒ္ဓိ။

၃၇၊ ကာယလဟုတာ
၃၈၊ စိတ္တလဟုတာ
ထိနမိဒ္ဓ၊ ပဋ္ဌာနပေ၊ များကိလေရိပ်၊ မယှဉ်ဆိတ်သဖြင့်၊ စေတသိက်ပေါင်း၊
လျင်မြန်ကြောင်းကို၊ ကာယဆိုဘိ၊ စိတ်၏လျင်စွ၊ ဖြစ်ကြောင်းပြ၊
စိတ္တလဟုတာတည်း။

၃၉၊ ကာယမုဒုတာ
၎ဝ၊ စိတ္တမုဒုတာ
ဒိဋ္ဌိမာန၊ ပဋ္ဌာနပေ၊ ကိလေသာစု၊ မယှဉ်မှုကြောင့်၊ နူးညံ့ပျောင့်ပျောင်း၊
စေတသိက်ပေါင်းကို၊ ကာယဆိုဘိ၊ စိတ်၏နုစွ၊ ဖြစ်ကြောင်းပြ၊ စိတ္တမုဒုတည်း။

၄၁၊ ကာယကမ္မညတာ
၄၂၊ စိတ္တကမ္မညတာ
ကာမစ္ဆန္ဒ၊ ပဋ္ဌာနပေ၊ ကိလေသာဓာတ်၊ ကင်းစင်လတ်သဖြင့်၊ များမြတ်စုစု၊
ကုသိုလ်မှုဝယ်၊ ခံ့ထယ်ဘိတောင်း၊ စေတသိက်ပေါင်းကို၊ ကာယဆိုဘိ၊
စိတ်၏ ခံ့စွ၊ ဖြစ်ကြောင်းပြ၊ စိတ္တကမ္မဉ်တည်း။

၄၃၊ ကာယပါဂုညတာ
၄၄၊ စိတ္တပါဂုညတာ
အသဒ္ဓိယ၊ ပဋ္ဌာနပေ၊ ကိလေသာဓာတ်၊ ကင်းစင်ပြတ်သဖြင့်၊ များလတ်သီးသီး၊
ကုသိုလ်ပြီးဖို့၊ ပွန်းတီးလေ့လာ၊ မကျင်နာတောင်း၊ စေတသိက်ပေါင်းကို၊
ကာယ ဆိုဘိ၊ စိတ်၏လေ့လာ၊ မကျင်နာစွ၊ ဖြစ်ကြောင်းပြ၊ စိတ္တပါဂုဉ်တည်း။

၄၅၊ ကာယုဇုကတာ
၄၆၊ စိတ္တုဇုကတာ
မာယာ-သာဌေယ၊ ပဋ္ဌာနပေ၊ ကိလေသာဓာတ်၊ ကင်းစင်လတ်သဖြင့်၊
ဖြောင့်မတ်ဘိတောင်း၊ စေတသိက်ပေါင်းကို၊ ကာယဆိုဘိ၊
စိတ်၏ဖြောင့်စွ၊ ဖြစ်ကြောင်းပြ၊ စိတ္တဥဇုတည်း။

၄၇၊သမ္မာဝါစာ၊
အသက်မွေးဖွယ်၊ မဆက်သွယ်ဘဲ၊ နှုတ်ဝယ်ဖြစ်ထိုက်၊
ဒုစရိုက်လျှင်၊ စွန့်ပယ်ကြဉ်၊ ခေါ်တွင် သမ္မာဝါစာတည်း။

၄၈၊ သမ္မာကမ္မန္တ၊
အသက်မွေးဖွယ်၊ မဆက်သွယ်ဘဲ၊ ကိုယ်ဝယ်ဖြစ်ထိုက်၊
ဒုစရိုက်လျှင်၊ စွန့်ပယ်ကြဉ်၊ ခေါ်တွင် သမ္မာကမ္မန္တတည်း။

၄၉၊ သမ္မာအာဇီဝ၊
အသက်မွေးမှု၊ ကိုယ်နှုတ်ပြုဖို့၊ ရှေးရှုတိုက်ရိုက်၊
ဒုစရိုက်လျှင်၊ ပယ်ရှောင်ကြဉ်၊ ခေါ်တွင် သမ္မာအာဇီတည်း။

၅ဝ၊ ကရုဏာ၊
ဒုက္ခိတလျှင်၊ သတ္တဝါမြင်သော်၊ သူတော်စင်များ၊ စိတ်ခြောက်ခြား၍၊
သနားသမှု၊ လှုပ်အောင်ပြု၊ မှတ်ရှု ကရုဏာတည်း။

၅၁၊ မုဒိတာ၊
သုခိတလျှင်၊ သတ္တဝါမြင်သော်၊ သူတော်စင်များ၊ ဝမ်းမြောက်ငြား၊
မှတ်သား မုဒိ သဘောတည်း။

၅၂၊ ပညာ၊ (အမောဟ)
သူငယ် အသပြာ၊ မြင်သောအခါ၌၊ ညိုဝါအရွှေ၊ သိလေမှန်စွာ၊ အသပြာဟု၊ သေချာမသိ၊ ဂါမိကဟူ၊ ရွာသူမူကား၊ ဖြူဝါတစ်ထွေ၊ ညိုရွှေ၎င်း၊ တစ်ကြောင်း အသပြာ၊ သိရုံသာတည်း၊ တန်ရာအဂ္ဃ၊ မည်မျှအဖိုး၊ သိရိုးမရှိ၊ ဟေရညိက၊ နာမအမည်၊ ပန်းတိမ်သည်ကား၊ တပါးမကြွင်း၊ ခပင်းဥဿုံ၊ အလုံးစုံကို၊ အကုန်မှန်စွာ၊ သိလေရာ၏၊ သညာ ဝိညာဏ်၊ ပညာယှဉ်လျက်၊ ဤသုံးချက်နှင့်၊ ယထာက္ကမ၊ တူလေစွဟု၊ မိန့်ဟ ဋီကာဆိုသတည်း။

ဆရာတော် အရှင်ဇနကာဘိဝံသ၊ မဟာဂန္ဓာရုံ။

ပို့စ်တင်သူ ။.............။ မောင်သိရီ on Sunday, 7 October 2012
ခေါင်းစဉ်အလိုက်ပို့စ်များ

0 ( မှတ်ချက်ရေးချင်ရင် )

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

There was an error in this gadget

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု