Myanmar Monk Student Association

၃ - ၁ဝ - ၂ဝဝ၇ ( ဗုဒ္ဓဟူး) နေ့ကပေါ့။ ကေအေတီလေ ၂ဝဝ၇ ခုနှစ်။ စက်တင်ဘာလ (၂၈) ရက်နေ့ထုတ် လျှပ်တစ်ပြက် ဂျာနယ်ကို မမျှော်လင့်ဘဲ ဖတ်လိုက်ရတယ်။ အဲဒီထဲက ကေအေတီသတိထားမိတာ တစ်ခုရှိတယ်။ ဘာလဲဆိုတော့ ဆောင်းပါး ရှင် စိုးမြင့်သိန်း ရေးတဲ့ ဆောင်းပါးထဲက “ F ” ငါးလုံးအကြောင်းပဲ။ ဒါပေမယ့် အဲဒီဆောင်းပါးထဲမှာ “ F ” ငါးလုံးနဲ့ပတ်သက်ပြီး ရှင်းရှင်းလင်းလင်းလေး ဖော်ပြမထားဘူးသိလား။ ဒါ့ကြောင့် ကေအေတီကတစ်ဆင့် ဟောဒီကသူငယ်ချင်းတွေကို “ F ” ငါးလုံး အကြောင်း များများစားစား ပြည့်ပြည့်စုံစုံမဟုတ်ပေမယ့် နည်းနည်းပါးပါး ပြောပြချင်တာနဲ့ အခုလို လျှာရှည်လိုက်ရတာ။
“ F ” ငါးလုံးဆိုတာက ဒီလိုလေ။

၁။ Faith - ယုံကြည်ပါ။
၂။ Family - မိသားစုနဲ့ စည်းလုံးပါ။
၃။ Friends - မိတ်ဆွေသူငယ်ချင်းများနှင့် ပူးပေါင်းပါ။ လက်တွဲပါ။
၎။ Focus - မိမိဘဝကို စူးစိုက်ပါ။
၅။ Food - စားဖို့ရှိပါစေ ( နေဖို့အတွက် စားပါ ) တဲ့လေ။

ဒီ “ F ” ငါးလုံးဟာ မိမိကိုယ်ကို ဆန်းစစ်ဝေဖန်တတ်အောင် ဆောင်းပါးရှင်က ရည်ညွှန်းထားဟန်တူတယ်။ အထူးသဖြင့် ကေအေတီတို့လို မျိုးဆက်သစ် လူငယ်လေးတွေကိုပေါ့။ ကိုင်း.....ဒီ “ F ” ငါးလုံးအကြောင်းကို ကေအေတီနဲ့ ဆွေးနွေးကြည့်ကြ ရအောင်။

၁။ Faith - ယုံကြည်ပါ။
မှန်တာပေါ့။ ယုံကြည်မှုဆိုတာက လူသားတိုင်းမှာ ရှိသင့်တဲ့အရာလေ။ မဟုတ်ဘူးလား။ ငယ့်ငယ်လေးကနေ ခုချိန်ထိ ကိုယ့်ကိုကိုယ် ဘယ်လောက်အတိုင်းအတာထိ ယုံကြည်ထားပြီးနေပြီလဲ။ ကိုယ့်ကိုကိုယ် ယုံကြည်မှုမရှိလို့ မဖြစ်ဘူးနော်။ ကိုယ်ကမှ ကိုယ့်ကို မယုံကြည်ရင် ဘယ်သူကလာပြီး ယုံကြည်တော့မလဲ။ စဉ်းစားကြည့်ကြလေကွာ။ ကေအေတီတို့တစ်တွေဟာ ခုနေလူငယ် နောင်ဝယ်လူကြီးဖြစ်ကြရမယ့် မျိုးဆက်သစ်တွေနော်။ ကိုယ့်ကိုကိုယ် ယုံကြည့်မှုမရှိဘဲ တိုင်းပြည်ကို တည်ဆောက်ချင်ပါရဲ့။ လူမျိုးကို စောင့်ရှောက်ချင်ပါရဲ့။ ယဉ်ကျေးမှုကို ထိန်းသိမ်းချင်ပါရဲ့ ဆိုပြီး ဟစ်အော်နေလည်း မောတာပဲ အဖတ်တင်မယ်။ အဲလို ကိုယ်ကျိုးမဖက် အများအကျိုးအတွက် ဆောင်ရွက်ချင်တယ်ဆိုရင်ဖြင့် ယုံကြည်မှုကို လက်ကိုင်ထားပြီး “ငါ ဖြစ်ကိုဖြစ်ရမယ်။ ငါ့ကိုငါ လုံးဝဥဿုံ ယုံကြည်တယ်ဟေ့” ဆိုတဲ့ ခိုင်မာတဲ့ ယုံကြည်ချက်နဲ့ ကြိုးစားရမှာပေါ့။ အလုပ်တစ်ခုကို စလုပ်မယ် ပြင်ကတည်းက ဒါတော့ ငါလုပ်လို့ ဖြစ်နိုင်ပါ့မလား။ ဒါကတော့ ဟိုဟာဖြစ်လို့ စသဖြင့် ကိုယ့်ကိုကိုယ် ယုံကြည်မှုမရှိဘဲ ညည်းညူနေရင် ဘာမှ ဖြစ်လာမှာမဟုတ်ဘူး။ “ငါလုပ်နိုင်တာပဲ” ဆိုတဲ့ ခိုင်မာတဲ့ ယုံကြည်ချက်နဲ့ ကြိုးစားပါလား။ ရလာဒ်ကောင်းတစ်ခုခုတော့ ရလာမှာပေါ့။ ဘာလဲ။ မယုံလို့လား။ စမ်းကြည့်လိုက်လေ။

၂။ Family - မိသားစုနဲ့ စည်းလုံးပါ။
ဟုတ်တယ်။ မိသားစုဆိုတာက မိမိဘဝရဲ့ အစကနေ အဆုံးထိ ဆိုးတူကောင်းဖက် ရှိသွားရမယ့်ဟာလေ။ မိမိရဲ့အကြိုက်၊ ရွေးချယ်မှု၊ အဆိုးအကောင်း၊ ဘဝဦးတည်ချက် စသဖြင့်ပေါ့။ အဲဒါတွေကို မိသားစုနဲ့ နွေးထွေးစွာ ဆွေးနွေးတိုင်ပင်ပြီး ဒီဟာက ဒီလိုရှိတယ်။ ဒီဟာကိုလုပ်ရင် ဘာဖြစ်လာမယ်။ ဒါက သင့်တော်၊ မသင့်တော် စတာတွေကိုလည်း သေချာစီစစ် ဆုံးဖြတ်ပြီး မိသားစုနဲ့ စည်းလုံးစွာ တိုင်ပင်သင့်တယ်လေ။ ဥပမာ - ဂျပန်နိုင်ငံကြီးကိုပဲကြည့်။ ဂျပန်နိုင်ငံသူ၊ နိုင်ငံသားတွေဟာ မိုးလင်းကနေ မိုးချုပ်အထိ အလုပ်တွေ လုပ်ကြရတယ်။ သားသမီးတွေကလည်း ကျောင်းတက်။ ကျောင်းသွားနဲ့ပေါ့။ သူတို့ဟာ မိဘတွေနဲ့ နွေးထွေးမှု၊ စည်းလုံးမှု၊ နှစ်သိမ့်ပေးမှု စတာတွေကို ထင်သလောက် မရကြဘူး။ ဟော....ညကျရင်လည်း မိဘတွေက အလုပ်ကနေပြန်လာ။ ဖတ်ဖတ်ကိုမောလို့။ ဒါနဲ့ စောစောအိပ်ရာဝင်။ မနက်ဆိုလည်း စောစောထ။ အလုပ်သွား။ ဒီလိုနဲ့ သူတို့မိသားစုရဲ့ daily life ကပြီးဆုံးသွားရော။ မိသားစု ဆွေးနွေးတိုင်ပင် ညှိုနှိုင်းဖို့ဆိုတာ ထင်သလောက်မလွယ်ကြဘူး။ ကေအေတီတို့ မြန်မာနိုင်ငံမှာလည်း ရှိတာပဲလေ။ မိဘတွေက လက်မလည်အောင် အလုပ်လုပ်။ သားသမီးတွေအပေါ် အရေးပေးဖို့အချိန် သိပ်မရကြဘူး။ တစ်ဘက်မှာလည်း သားသမီးတွေက အထိန်းအကွပ်မဲ့နေတာကို အခွင့်ကောင်းယူပြီး လုပ်ချင်ရာလုပ်။ နောက်တော့ ပညာရည်တစ်ပိုင်းတစ်စနဲ့ ဘဝပျက်စီးကြရတာပေါ့။ အဖြေရှာကြည့်တော့ မိသားစု စည်းလုံးမှုမရှိတာလေ။

၃။ Friends - မိတ်ဆွေသူငယ်ချင်းများနှင့် ပူးပေါင်းပါ။ လက်တွဲပါ။
ဒါကလည်း ငြင်းစရာမရှိဘူး။ လူရယ်လို့ဖြစ်လာပြီဆိုရင် မိတ်ဆွေသူငယ်ချင်းဆိုတာလည်း ရှိလာရတယ်လေ။ ဘယ်အရာမဆို ဆန့်ကျင်ဘက်ဆောင်တဲ့ ကွာဟမှုတွေ ရှိတတ်သလို မိမိဆက်ဆံနေကြရတဲ့ သူငယ်ချင်းတွေထဲမှာလည်း အဆိုးနဲ့အကောင်းဆိုတာ ရှိမှာမလွဲ။ ကိုယ်က အသိဥာဏ်ကလေးနဲ့ယှဉ်ပြီး သူငယ်ချင်းကောင်းကို ရွေးပေါင်းမိဖို့တော့ လိုတယ်နော်။ ကိုယ့်ဘဝကို ပြုပြင်ဖန်တီးတဲ့နေရာမှာ သူငယ်ချင်းကိုလည်း သတိထားဖို့လိုတယ် ဆိုတာကို သတိထားကြဦး။ အဲ.....ဟုတ်ပြီ။ သူငယ်ချင်းကောင်းတွေနဲ့ ပေါင်းမိပြီပဲထား။ လောကမှာ တစ်ယောက်တည်းနေလို့ ရရိုးလား။ လူအများနဲ့ နေသွားရမှာဆိုတော့ အများအကျိုးသယ်ပိုးရမှာပေါ့။ မဟုတ်ဘူးလား။ ကိုယ်က ကူညီဖြေရှင်းဖို့ ဆန္ဒရှိပေမယ့် ကိုယ်တစ် ယောက်တည်းနဲ့ ဘယ်လိုမှ မတတ်နိုင်ဘူးဆိုရင်လည်း ရတယ်။ ကိစ္စမရှိဘူး။ သူငယ်ချင်းတွေ ရှိတာပဲ။ သူတို့တွေနဲ့ စုစုရုံးရုံး၊ တက်ညီလက်ညီပူးပေါင်းလက်တွဲပြီး ဖြေရှင်းလိုက်ရင် ပြီးနေတာပဲ။ ရိုးသားပြီး သစ္စာရှိဖို့နဲ့ အနစ်နာခံလိုစိတ်ရှိဖို့ကလည်း အရေးကြီးတာပေါ့လေ။ မြန်မာနိုင်ငံအနှံ့မှာလည်း ကေအေတီတို့လို လူငယ်တွေက သူငယ်ချင်းတွေ၊ အသိမိတ်ဆွေတွေနဲ့ စည်းလုံး၊ စုရုံးပြီး အခက်အခဲရှိသူတွေကို ကူညီဖြေရှင်းပေးနေကြတဲ့ အသင်းအဖွဲ့တွေ တော်တော်များများ ရှိနေကြပြီကွ။ ကေအေတီတို့ မြန်မာ့လူငယ်ထုတစ်ရပ်လုံးအတွက် အားကျစရာ၊ ဂုဏ်ယူစရာပေါ့ကွာ။ နော.....။

၎။ Focus - မိမိဘဝကို စူးစိုက်ပါ။
လက်မခံနိုင်စရာမှ မရှိတာ။ ဒီစကားက ဘဝကိုဦးတည်ချက်မဲ့၊ ရည်ရွယ်ချက်မဲ့၊ ပေါ့ပေါ့နေ၊ ပေါ့ပေါ့စားစား နေနေကြတဲ့သူတွေအတွက် သိပ်အကျုံးဝင်တာပေါ့။ အတိတ်က ငါ ဘယ်လောက်ကောင်းခဲ့သလဲ။ ခုကော ဘယ်လောက် အတိုင်းအတာအထိ ကောင်းနေပြီလဲ။ နောင်ကော ကောင်းလာဦးလာမှာလား။ အရာအားလုံးအတွက် အကောင်းဆုံးဖြစ် အောင် ငါ ဘာလုပ်သင့်သလဲ။ ကိုယ့်ကိုကိုယ် မေးခွန်းထုတ်ပြီး မေးကြည့်ပေါ့။ ပြီးတော့ ကိုယ့်ဘဝကိုလည်း ဦးတည်ချက်မြင့်မြင့်ထားပြီး အဘက်ဘက်က စူးစိုက်လေ့လာ။ ကိုယ့်ဘဝ ကိုယ်သာပိုင်တာလေ။ ကိုယ်ကပြုပြင်ဖန်တီးယူရမှာ။ ကိုယ့်ဘဝ ရဲ့ အတိတ်ကအခြေအနေ၊ ခုလက်ရှိအခြေအနေ၊ နောင်ဖြစ်လာမယ့် အခြေအနေတွေကို ညအိပ်ရာဝင်တိုင်း ကိုယ့်ကိုကိုယ် သုံးသပ် ဝေဖန်။ မှားတယ်ထင်ရင် ချက်ချင်းပြင်။ မှန်တယ်ထင်ရင် ဆက်လုပ်။ ကိုယ့်ကိုကိုယ် အမြဲစောင့်ကြည့်နေရမှာပေါ့။ သူများရဲ့မကောင်းပြောခံရအောင် မနေနဲ့။ အကောင်းပြောခံရအောင်နေ။ ဒါ....ပညာရှိလူလိမ္မာတွေရဲ့ အလုပ်။ ဟောဒီက သူငယ်ချင်းတွေကိုတော့ ကေအေတီယုံကြည်ပြီးသားဖြစ်လို့ သိပ်မမှာချင်တော့ဘူး။ ပညာရှိ သတိမြဲခဲ ဖြစ်မှာစိုးလို့ ခုလို လက်တို့ပြီး လှမ်းသတိပေးတာ။

၅။ Food - စားဖို့ရှိပါစေ ( နေဖို့အတွက် စားပါ ) တဲ့လေ။
ဘာတဲ့။ စားဖို့ရှိပါစေဆိုပဲ။ လူဆိုတာက အစားအစာကို မှီဝဲနေကြရတဲ့ သတ္တဝါတွေပဲမဟုတ်လား။ ဒီအစားအစာတွေ ကြောင့်ပဲ လူတွေဟာ တစ်နေ့တစ်နေ့ မိုးလင်းကနေ မိုးချုပ်အထိ တကုပ်ကုပ်နဲ့ အလုပ်တွေ လုပ်ကြရတယ်လေ။ အိတ်ပေါက်နဲ့ ဖားကောက် ဆိုသလိုမျိုး တစ်ဘက်ကရှာ၊ တစ်ဘက်မှာလည်း ရစရာမရှိအောင် သုံးဖြုန်း ဆိုရင် ဘယ်ဖြစ်မလဲ။ ပညာကို ထူးထူးချွန်ချွန်တတ်မြောက်ရင်တော့ သမ္မာအာဇီဝကျပြီး ငွေရမယ့်နည်းလမ်းတွေ အများကြီးပါကွာ။ နောက်တစ်ချက်က ဝိုက်ကွင်းလေးထဲမှာဖော်ပြထားတဲ့ “ နေဖို့အတွက် စားပါ ” ကိုလည်း လှည့်ကြည့်လိုက်ဦး။ လောကမှာ တစ်ချို့လူတွေဟာ အယူအဆမှားတွေကို လက်ခံပြီး ဖြစ်သလိုနေနေကြတယ်။ လူဆိုတာ စားဖို့အတွက် အသက်ရှင်သန်နေရတာလို့ အဲလို လွယ်လွယ်နဲ့ လျှာမှာ အရိုးမရှိတိုင်း လျှောက်ပြောနေကြတယ်။ ဟုတ် မဟုတ်ကိုတော့ မင်းတို့ပဲ စဉ်းစားကြည့်ကြ။ ကေအေတီ ကတော့ လူဆိုတာ ကိုယ်ကျိုးကို မငဲ့ဘဲ အများအကျိုးကို လိုလိုလားလားဆောင်ရွက်သင့်တယ်။ ဒီလိုဆောင်ရွက်နိုင်အောင် အတွက် စားရမယ်။ ဒါမှ အသိရှိတဲ့ လူမည်မှာလို့ထင်တာပဲ။ မင်းတို့ကတော့ ဘယ်လိုထင်လဲ မပြောတတ်ဘူး။ အဓိကကတော့ အကျိုးရှိတဲ့ လူ့ဘဝကြီးကို အလဟဿ ဖြုန်းတီးနေပြီး ဘာမှလဲခရီးမရောက်ကြတဲ့ လူ့ပေါက်ပန်းတွေ မဖြစ်ကြစေဖို့ မင်းတို့ ကို ကေအေတီ့အနေနဲ့ မှာချင်တာပါ။
ကဲ.....ဒီလောက်ဆို “ F ” ငါးလုံးအကြောင်းကို သိကြမယ်ထင်ရဲ့။ ဒီလောကနဲ့တော့ အဓိပ္ပါယ်ပြည့်စုံသွားပြီလို့ ကေအေ တီမဆိုလိုဘူးနော်။ အများကြီးကျန်နေသေးမှာ။ ဒီဟာတွေက ကေအေတီ့ရဲ့ မပြောပလောက်တဲ့ ပုစွန်ဆိတ်စိတ်ကူးလေးရယ် ပါ။
မင်းတုိ့ရဲ့ -

မာန်ယုကျော် (ရွှေဝမြေ)