Myanmar Monk Student Association

လူဟုဖြစ်လာလျှင် လူမှုပတ်ဝန်းကျင် အသိုင်းအဝိုင်းဆိုသည်မှာ မလွဲမသွေရှိလာရသည်။ ထိုအခါ...လူမှုရေး၊ ကျမ်းမာရေး၊ ပညာရေး၊ အစရှိသည့် အရေးကိစ္စများအ တွက် တစ်ယောက်နှင့်တစ်ယောက် စကားတွေပြောလာကြရသည်။ သူကမေး၊ ကိုယ်ကဖြေ၊ ကိုယ်ကမေး၊ သူကဖြေနှင့် အပြန်အလှန် ပြောဆို ဆက်ဆံလာကြရသည်။ ထိုသို့ ပြောဆိုဆက်ဆံကြရာတွင် အရေးကြီးသော သော့ချက်တစ်ခုရှိသည်။ “ပီယဝါစာ” ဟု ခေါ်သော “နှုတ်ချိုခြင်း” ပင်ဖြစ်သည်။
အင်းဝခေတ်စာဆို ရှင်မဟာရဋ္ဌသာရကလည်း “တစ်ယောက်စကား၊ တစ်ယောက်နားမှာ၊ မခါးရအောင်၊ သတိဆောင်၍၊ မောင်တို့ဆိုလေ၊ ပျားသကားသို့၊ ချိုလှစေ” ဟူ၍ ဆိုဆုံးမထားသည်။ မိမိပြောလိုက်သောစကားကြောင့် တစ်ဘက်သား အနေရခက်၊ အခံရခက်သွားလျှင် မိမိလည်းမကောင်း၊ တစ်ဘက်သားလည်း ကောင်း ဖြစ်ရသည်။ ထိုသို့မဟုတ်ပါဘဲ ချိုသာနူးညံ့သော၊ သိမ်မွေ့သော စကားလုံးများဖြင့် အပြန်အလှန်ပြောဆိုဆက်ဆံပါလျှင် တစ်ယောက်နှင့်တစ်ယောက် ယုံကြည်လေးစားမှုပိုမိုဖြစ်ထွန်း၍ လာနိုင်သည်။ နှစ်ဦးနှစ်ဘက် အကျိုးရှိစေသည်။
ထို့ကြောင့် နှုတ်ချိုကြပါ။ နှုတ်ချိုခြင်းသည် လူမျိုးတစ်မျိုး၏ “ယဉ်ကျေးမှု” (တစ်နည်း) “ကျင့်ဝတ်”ဟု ဆိုလျှင်လည်း မှားအံ့မထင်။ နှုတ်ချိုခြင်းကို မပျောက်ပျက်အောင် ထိန်းသိမ်းသင့်သည်။ သားစဉ်မြေးဆက် စောင့်ရှောက်ရမည်။ ထိုသို့ နှုတ်ချိုခြင်းကို မထိန်းသိမ်း၊ မစောင့်ရှောက်လျှင် ကျွန်ုပ်တို့၏ ယဉ်ကျေးမှုမှာလည်း မလွဲမသွေ တိမ်ကောသွားရပေလိမ့်မည်။ မျက်မှောက်ကာလသည် အစစအရာရာ တိုးတက်ထွန်းကားလာသော ကာလဖြစ်သည်။ ထို့အတူ ယနေ့ခေတ် ပြောဆိုသုံးနှုန်းလာသော စကားလုံးများသည်လည်း ခေတ်နှင့်လျော်ညီစွာ ပြောင်းလဲလာကြသည်။ တစ်ချို့နေရာများတွင် နားမခံသာသော စကားလုံးများဖြင့် ပြောဆိုနေကြသည်။ များသောအားဖြင့် လူငယ်၊ လူရွယ်များပင်ဖြစ်ကြသည်။ လွန်စွာမှ ပြုပြင်သင့်သည်။ လူငယ်ဟူသည် အနာဂတ်ကို ဖန်တီးထူထောင်ကြရမည့် Future Stars လေးများပင်ဖြစ်ကြသည်။ ထို့ကြောင့် လူငယ်များ နှုတ်ချိုအောင် ပြုပြင်သုံးနှုန်းတတ်ဖို့လိုသည်။ အကယ်၍ ဤနှုတ်ချိုခြင်းကို လူငယ်တိုို့ ဂရုတစိုက် မကျင့်ကြံကြပါ လျှင် နောင်လာမည့်အနာဂတ်မှာ ရိုင်းပျသောစကားလုံးများ၊ လူရာမသွင်းသည့် ကမောက်ကမနိုင်လွန်းလှသော စကားလုံးများ ဖြင့် ပြည့်ဖုံးနေပေလိမ့်မည်။ စဉ်းစားကြည့်ကြပါကုန်။
လူငယ်တို့သည် တစ်နေ့နေ့ တစ်ချိန်ချိန်တွင် လုပ်ငန်းခွင်သို့ ဝင်လာကြရမည်။ နိုင်ငံရပ်ခြား၊ တိုင်းတစ်ပါးသို့ထွက်ပြီး အလုပ်လုပ်သွားလုပ်မည့် လူငယ်များ၊ ကျောင်းသွားတက်မည့် လူငယ်များလည်း ရှိမည်။ ပြည်တွင်းရှိ ကုမ်ပဏီ၊ စတိုးဆိုင်၊ ဘဏ်၊ Super market ၊ ကားဒရိုင်ဘာ စသည့်ဖြင့် ကျွမ်းကျင်ရာ အလုပ်အကိုင်များဆီသို့ ခြေချလာကြမည်။ ထိုအခါ နှုတ်ချို ခြင်းသည် အလွန်အရေးပါလာသည်။ လုပ်ငန်းရှင်ကြီးများကလည်း အကြင်လူငယ်များ၏ အနေအထိုင်၊ စည်းကမ်းသေ ဝပ်မှု၊ အထူးသဖြင့် ပြောဆိုဆက်ဆံရတွင် ချိုသာသော စကားများဖြင့် ပြောဆိုတတ်မှု စသည်တို့ကို အကဲခတ်ကြပေမည်။ ဤသို့ဆိုလျှင် မိမိဘက်က အရာရာ ပြုပြင်ထားပါက အစစအရာရာ အဆင်ပြေမည်။ လုပ်ငန်းရှင်ကြီးများ သဘောကျစေမည့် နှုတ်ချိုခြင်းအတတ်ပညာကိုလည်း Self-study လုပ်ထားသင့်သည်။ မြန်မာစကားပုံများတောင် ရှိသည်မဟုတ်လော။ “နှုတ်ချို သျှိုတစ်ပါး”၊ “နှုတ်ချိုပြည်စိုး တန်ဖိုးမဖြတ်နိုင်” စသည်ဖြင့်။ နှုတ်ချိုခြင်းကြောင့် ကမ္ဘာကျော် သူဌေးကြီးများ၊ ကမ္ဘာကျော် လုပ်ငန်းရှင်ကြီးများနှင့် စတိုးဆိုင်ပိုင်ရှင်များအထိ ဘဝအောင်မြင်ကြသူများရှိ၏။ ထိုသူများသည် လက်အောက်ငယ်သား အလုပ်သမားဘဝမှ ကြီးပွားလာကြသူများပင် ဖြစ်ကြသည်။ အတုယူသင့်သည်။ လူငယ်တို့ အားကျသင့်သည်။
လူကြီးတို့ကိုလည်း ပြောချင်သေးသည်။ လူကြီးတို့တွင်လည်း စကားပြောချိုသာသူများရှိသလို စကားပြောကြမ်းတမ်းသူများ လည်း ရှိနေပြန်သည်။ လူကြီးတို့သည်လည်း လူငယ်၊ လူရွယ်၊ လက်အောက်ငယ်သားများ၊ တပည့်များနှင့် ဆက်ဆံနေ ကြရသည်။ ထိုသို့ဆက်ဆံရာတွင် လူကြီးတို့က လူငယ်များကို ဦးစားပေးသင့်သည်။ ညှာတာသင့်သည်။ ချိုသာသော စကား များဖြင့် ဆက်ဆံသင့်ကြသည်။ ဤနေရာတွင် လူကြီးသည် အားကြီး၍ လူငယ်သည် အားနည်းသည်။ မိမိသည် လူကြီးဟူသော တစ်ကိုယ်ကောင်းဆန်ဆန်ဖြင့် လူငယ်များအပေါ် အထက်စီးက ကြမ်းကြမ်းတမ်းတမ်း ပြောဆို ဆက်ဆံပါလျှင် လူငယ်များ မည်သို့ရှိမည်နည်း။ လူငယ်များ မည်သို့ခံစားကြရမည်နည်း။ မိမိပြောလိုက်သော ခက်ထန်မောက်မာသည့် စကားကြောင့် လူငယ်များ သူတို့၏ ရင်ထဲ၊ နှလုံးသားထဲတွင် တမြေ့မြေ့ခံစားသွားရချေမည်။ သူတို့၏ ဘဝတစ်လျှောက်လုံး အတွက် နာကျည်းစရာတွေအဖြစ် စိတ်ထဲတွင် တေးမှတ်ထားသူများလည်း ရှိချေမည်။ မည်သူမဆို မိမိအပေါ် တလေးတစား နှင့် ချိုချိုသာသာ ပြောဆိုဆက်ဆံသည်ကိုသာ လက်ခံလိုသူချည်းဖြစ်သည်။
ဟစ်တလာကို ကြည့်ပါ။ ကမ္ဘာပေါ်ရှိ ရက်စက်သူများ စာရင်းတွင် ပါဝင်သည့် နာဇီပါတီ၏ ခေါင်းဆောင် ဟစ်တလာ။ သူငယ်ငယ်က အလွန်စာတော်ပြီး လိမ်လိမ်မာမာ၊ ယဉ်ယဉ်ကျေးကျေး၊ သိမ်သိမ်မွေ့မွေ့နေတတ်သည်။ ဖြူစင်ရိုးသားသည်။ သူ့ကို ယခုကဲ့သို့ပင် ကြမ်းကြုတ်သူတစ်ယောက် ဖြစ်လာလိမ့်မည်ဟု မည်သူမျှ ထင်မှတ်မထားခဲ့။ သို့သော် သူသည် အမှန်တကယ် ရက်စက်သူဘွဲ့ကို တက္ကသိုလ်များမှ မချီးမြှင့်ဘဲ လက်ဝယ်ပိုင်ဆိုင်ခဲ့ရသည်။ ဤသည်မှာ အဘယ်ကြောင့်ဟု ထင်သနည်း။ သူငယ်ငယ်က ဆရာတစ်ယောက်၏ မောက်မောက်မာမာ ပြောဆိုခြင်းကို ခံခဲ့ရသည်။ ဤသည်ကို သူမကျေနပ်ခဲ့။ သူ့ရင်ထဲတွင် တေးမှတ်ထားသည်။ ယင်းမှစ၍ သူသည် လူတကာကို မုန်းတီးသွားခဲ့သည်။ ချိုသာစွာ သုံးနှုန်း၍မပြောဆိုတတ်သော ဆရာတစ်ယောက်၏ စကားကြောင့် လူငယ်ကျောင်းသားလေး ဟစ်တလာ၏ဘဝ ကပြောင်းကပြန် ဖြစ်သွားခဲရသည်။ လူကြီးတို့သတိသံဝေဂ ယူစေချင်သည်။ လူကြီးတို့၏ စိတ်ထဲတွင်လည်း “ငါ ပြောလိုက်တဲ့ စကားဟာ လူငယ်တွေရဲ့ နုနယ်ပျိုမျစ်တဲ့ ဘဝလေးတွေကို ပြောင်းလဲပစ်နိုင်ပါလား”ဟူ၍ စွဲမှတ်ထားသင့်သည်။ ထိုသို့ ပြောင်းလဲရာတွင် အကောင်းဘက်ကို ဖြစ်စေရန် လူကြီးတုိ့ ရှေးရှုဆောင်ရွက်ပြုပြင်သင့်သည်။ နှုတ်ကို ချိုချိုသာသာ ပြောတတ်ရမည်။
မိမိသည် ဘဝအောင်မြင်၍ တစ်ဘက်သားကို စည်းရုံးနိုင်လိုလျှင် နှုတ်ချိုခြင်းကို လက်ကိုင်ထားရမည်။ နောက်ပြီး ကိုယ်ချင်းစာတရား ရှိဖို့လည်းလိုသည်။ “စကားသည် ဓါးသွားထက်ပင် ထက်၏”ဟု ကြားဖူးသည်။ မိမိပြောလိုက်သော စကားတစ်ခွန်းကြောင့် တစ်ဘက်လူတွင် အနေရ၊ အထိုင်ရ ခက်သွားစေ၏လော၊ အကျိုးဖြစ်ထွန်းစေ၏လော ဟူ၍ မိမိကိုယ်ကို ဝေဖန်သုံးသပ်တတ်ရန်လိုသည်။ မိမိပြောလိုက်သော စကားတစ်ခွန်းကြောင့် တစ်ဘက်သား အခံရခက်သွားစေပါလျှင် မည်သို့ ခံစားသွားရမည်နည်း။ ထို့အတူ မိမိကို တစ်ခြားတစ်ယောက်က အခံရခက်စေမည့် စကားလုံးများဖြင့် ကိုင်ပေါက်ပြောဆိုလာလျှင် မိမိကော အဘယ်သို့ ခံစားသွားရမည်နည်း။ သေသေချာချာ ဝေခွဲတတ်ရန်လိုသည်။
နိဂုံးချုပ်တော့မည်။ မိမိသည် ဘဝတွင် အောင်မြင်ချင်သည်။ လူချစ်လူခင် ပေါလိုသည်ဆိုလျှင် ဝစီကံတည်း ဟူသော နှုတ်ကို ခါးတမာလို မဟုတ်ဘဲ တစ်ဘက်သားနားဝင်ချိုအောင် ပျားသကာလို ပြုပြင်သင့်ပေသည်။ သင့်တွင် ပြုပြင်လိုက အချိန်ရှိသေးသည်။ နောက်မကျသေး။ ။

...............
မာန်ယုကျော်(ရွှေဝမြေ)
၂ဝဝ၇ ၊ ဇန်နဝါရီ