Myanmar Monk Student Association

ကမ္ဘာကြီးစတင်ရာကာလ၌ မေတ္တာဖြင့်ပင်စတင်ခဲ့၏။ ကြားကာလ၌လည်း မေတ္တာဖြင့်ပင်ထိမ်းချုပ်ခဲ့၏။ ကမ္ဘာနှင့်မေတ္တာသည် ခွဲခွါ၍မရကောင်းပေ။ မေတ္တာမရှိသောနေ့သည် ကမ္ဘာမရှိသောနေ့ပင်ဖြစ်သည်။ ကမ္ဘာ့ပေါ်ရှိ လူသားတို့၏ အသက်တစ်ရာတမ်းတွင် လောက၌ ဗုဒ္ဓရှင်တော်မြတ်ပွင့်ထွန်းတော်မူလာ၏။ မေတ္တာဝါဒသည် ဗုဒ္ဓ၏သဗ္ဗညုတဥာဏ်တော်ကိုမှီခိုခွင့်ရသဖြင့် ပို၍တောက်ပြောင် ကျယ်ပြန့်လာ၏။ လူသားတို့၏ကမ္ဘာကြီးသည် ပို၍စိုပြည်လမ်းဆန်းလာတော့၏။
ဗုဒ္ဓမပွင့်မီက မေတ္တာဝါဒသည် မတောက်ပြောင် မကျယ်ပြန့်ယုံသာမက မေတ္တာဝါဒကျင့်သုံးသော လူနည်းစုအား ဗြဟ္မာပြည်အထိသာ ပို့ဆောင်နိုင်ခဲ့၏။ မြတ်ဗုဒ္ဓပွင့်ပေါ်တော်မူလာသောအခါ နိဗ္ဗာန်အထိတွန်းပို့နိုင်သော ပင်မအင်အားကြီးအဖြစ် တွေ့မြင်လာကြရပေသည်။ လူသားတို့အတွက် အခြေခံပဓာနဖြစ်၍ ငြိမ်းချမ်းစွာအတူတကွ နေထိုင်ရေး ဥပဒေသအဖြစ်လည်း ပို၍တွေ့မြင်လာကြရ၏။
ကမ္ဘာ့အလှတန်းဆာ၊ ကမ္ဘာ့ပီယဆေး၊ အရာအားလုံးစည်းရုံးရေး၊ ညီညွတ်ရေးလက်နက်၊ စွမ်းအားအကြီးဆုံး အောင်မြင်ရေးလက်နက်၊ သေခြင်းတရားကိုပင် ရဲရဲရင်ဆိုင်ရဲသော ရဲဆေးကြီး၊ ကမ္မဋ္ဌာန်းလေးဆယ်တွင် စွမ်းရည်အများဆုံးပါဝင်၍ အမြန်ဆုံးသမာဓိရလွယ်သောစိတ်ထိန်းနည်း၊ စကြာဝတေးမင်းလုပ်ရသည်ထက်မြတ်သော ကုသိုလ်အစုအပုံကြီး၊ ခြောက်ဆယ့်လေးကမ္ဘာတိုင်တိုင် စွမ်းရည်အာနိသင်မကုန်ဆုံးဘဲ လူ နတ် ဗြဟ္မာ သတ္တ၀ါတုိ့ထက် မြင့်မြတ်အောင်ပို့ဆောင်နိုင်သော ဘ၀မြင့်မားရေး နည်းပညာ စသည်အားဖြင့် မေတ္တာ၏အားကိုးဖွယ် စွမ်းရည်သတ္တိဂုဏ်ထူးဝိသေသ တို့သည် များပြားလှကုန်၏။ ထို့ကြောင့် ဗုဒ္ဓရှင်တော်မြတ်သည် မေတ္တာကို လောကီလောကုတ္တရာ သံသရာနှင့် လက်ရှိဘ၀အတွက် ပထမဦးဆုံးလိုက်နာရမည့် အခြေခံပဓာန ပင်မအင်အားကြီးအဖြစ် ညွှ့န်ပြတော်မူခဲ့ခြင်းဖြစ်လေသည်။
ဘုရားရှင်နှင့်အတူ တပည့်သာဝကအဆက်ဆက်တို့သည် လူသားတို့ချမ်းသာမှုအတွက် သာသနာပြုရာ၌ မေတ္တာတရားကို ထိပ်တန်းလက်နက်ကြီးအဖြစ် ကိုင်ဆောင်သုံးစွဲ၍ အောင်မြင်မှုကို ပြတော်မူခဲ့ကြလေသည်။ ဘ၀လွတ်မြောက်ရေးအတွက်လည်း အသုံးချပြတော်မူခဲ့ ပြန်လေသည်။ အထူးသဖြင့် ဘုရားရှင်သည် လောကနယ်ပယ်အတွင်း လောကီနှင့်မကင်းသေးသူတိုင်း အန္တရာယ်ကင်း ရန်စွယ်ရှင်း၍ အရာအားလုံးပြည့်စုံပြီး အကောင်းဆုံး၊ အမြင့်ဆုံး၊ အချမ်းမြေ့ဆုံး၊ အသာယာဆုံးသောဘ၀ကို ရရှိစေရန် မေတ္တာဝါဒကို ချမှတ်ညွှန်ပြတော်မူခဲ့၏။ လောကလူသားတို့နှင့် ဆက်သွယ်ရာ၌ မြတ်ဗုဒ္ဓကိုယ်တော်တိုင်လည်း မေတ္တာဝါဒကို ရှေ့တမ်းတင်တော်မူခဲ့၏။ လောကရှိဝါဒအမျိုးမျိုးတို့တွင် အနတ္တ၀ါဒစသော အခြားသောဝါဒများအပေါ်၌ အချို့သောမကြိုက်မနှစ်သက်သောသူများရှိခဲ့သော်လည်း မေတ္တာဝါဒကို လက်မခံနိုင်သောသူမကြိုက်မနှစ်သက်သောသူ တစ်ဦးတစ်ရောက်မျှမရှိခြေ။ ကမ္ဘာပေါ်ရှိ ဘာသာအမျိုးမျိုး၊ လူမျိုးအသီးသီးတုိ့သည်လည်း မေတ္တာဝါဒဘက်သို့ မျက်နှာမူလာခဲ့ကြသည်။ ဘုရားရှင်ပွင့်တော်မမူခင် မဇ္ဈိမဒေသ၌ ဗြဟ္မာကိုဦးတိုက်၍ ဗြဟ္မဏ၀ါဒ ဗြဟ္မ၀ိဟာရ၀ါဒကို လက်ခံကြသည်ဆိုသော်လည်း ဗြဟ္မဏလူမျိုးတို့သည် ဆိက်၊ ၀က်၊ သိုး၊ နွားများကို ရာနှင့်ချီ၍သက်ဖြတ်ကာ ယာဇ်ပူဇော်ပွဲများကို ဘုရားပွင့်တော်မူစဉ်အချိန်အထိ ပြုလုပ်ခဲ့ကြလေသည်။
ဘုရားရှင်ပွင့်တော်မူလာ၍ မြတ်ဗုဒ္ဓ၏မေတ္တာဝါဒ အရှိန်အ၀ါများ အားကောင်းလာချိန်မှစ၍ ယခုအချိန်အထိ ဗြဟ္မဏတို့သည် နိဂဏ္ဍဂိုဏ်းဝါဒနှင့် ပူးတွဲလျှက် အဟိံသာဝါဒ၊ မေတ္တာဝါဒကို လက်ကိုင်ပြုခဲ့ကြ၏။ အနောက်နိုင်ငံများတွင်ကား မေတ္တာတရား မေတ္တာဝါဒကို အသက်နှင့်လဲ၍ပင် ထူထောင်ခဲ့ကြလေသည်။
အထူးသဖြင့် မြတ်ဗုဒ္ဓပွင့်တော်မူလာခြင်းသည် ဗုဒ္ဓဘာသာဝင်တို့အတွက်သာမက စဉ်းစားဉာဏ်အသိဉာဏ်ရှိသော မည်သည့်လူမျိုး မည်သည့်ဘာသာဝင်တို့အတွက်မဆို အကျိုးသက်ရောက်မူရှိခဲ့သည်မှာ ငြင်းပယ်၍မရနိုင်ပေ။ မြတ်ဗုဒ္ဓပွင့်တော်မူလာ၍ ကမ္ဘာသူကမ္ဘာသား ကမ္ဘာ့ဘာသာ လူမျိုးအသီးသီးတို့ထံသို့ မြတ်ဗုဒ္ဓ၏မေတ္တာဝါဒ စိမ့်ဝင်စီးဆင်းကာ လွှမ်းမိုးသွားသဖြင့် ကိုယ်ချင်းစာတရား မေတ္တာတရားထားကာ ချမ်းသာမှုကိုယ်စီရရှိနေကြကြောင်းကိုလည်း ပညာရှင်များဆိုကြသည်။
ဗုဒ္ဓမပွင့်ပေါ်မီ သာသနာတော်အပြင်ဘက်၌ မေတ္တာဝါဒသည် မည်မျှပင် ထွန်းကား၍ ကျင့်သုံးလာခဲ့ကြသည်ဟု ဆိုစေကာမူ စင်စစ်အားဖြင့် မေတ္တာဝါဒသည် သာသနာတော်အပြင်ဘက်၌ ပြည့်စုံစွာမရှိနိုင်ကြောင်း မြတ်ဗုဒ္ဓကိုယ်တော်တိုင် မေတ္တာသဟဂတ သုတ္တာန်၌ အထင်အရှား ဟောတော်မူခဲ့သည်။ သို့ဖြစ်၍ မေတ္တာတရားကို စိတ်ဝင်တစား စေတနာသဒ္ဓါတရားထက်သန်စွာဖြင့် လေးလေးစားစား ကျင့်သုံးပွားများနေခဲ့လျှင် မေတ္တာတရာ၏ ကြည်လင်အေးမြသော အရသာကို ဧကံမုချခံစားရမည်ဖြစ်ပေသည်။ (မေတ္တာဝါဒ၊ ၁၆)..


......................
laminthar