MMSA ဘလော့စည်းမျဉ်းများ

* ဘာသာ သာသနာနှင့်လူမျိုးတို့၏ ဂုဏ်ကို ထိခိုက်ပျက်စီးစေတတ်သော အရေးအသားမျိုးကို ရှောင်ရှားရန်၊
* အချင်းချင်း ညီညွတ်မှု့ကို ပျက်စီးစေတတ်သော အကြောင်းများကို ရေးသားခြင်းမှ ရှောင်ရှားရန်၊
* သာသနာနှင့် မအပ်စပ်သော အဖွဲ့ဂုဏ်သိက္ခာကို ငြိုးနွမ်းစေတတ်သော ပုံများကိုတင်ခြင်းမှ ရှောင်ရှားရန်၊
* ပုဂ္ဂိုလ်ရေးဆိုင်ရာများထက် အများနှင့်သက်ဆိုင်သော အကျိုးများစေနိုင်သော ပုံများ စာများကိုသာ ရေးသားရန်၊
* MMSAသည် ပညာရေးအဖွဲ့စည်း ဖြစ်သည့် အတွက်နိုင်ငံရေးနှင့်သက်ဆိုင်သော အရေးအသားများကို ရေးခြင်းမှ ရှောင်ရှားရန်၊
* ဗုဒ္ဓဘာသာနှင့် မိမိတို့လေ့လာနေသော ပညာရပ်ဆိုင်ရာ အကြောင်းအရာများကို ဗဟုသုတအလို့ငှါ ရေးသား မျှဝေကြရန်၊

ထိုင်းနိုင်ငံ ချင်းမိုင်မြို့ ( ဒုတိယမြို့တော်)၌ ပညာနို့ရည်သောက်စို့နေသော မြန်မာရဟန်းသံဃာတော် အများ အပြားရှိသည့်အနက် စာသင်နှစ်၂၀၁၁- ၂၀၁၂ အတွင်း စာသင်သားသံဃာတော် (၄) ပါး B.A (Eng) ဘွဲ့ ရရှိကြောင်း အရှင်ဘုရားတုိ့ (www.mmsacm.blogspot.com) မှတဆင့် ကြားသိရ၍ အလွန်ပင် အားရဝမ်းသာ မိပါသည်ဘုရား။ “ ကုသိုလ်ပညာ ဥစ္စာရဖို့ သင့်ရာဒေသ အမြဲနေ” ဆိုသလို မိမိနိုင်ငံမှ တိုင်းတစ်ပါးံသို့ ထွက်ခွါ၍ ငွေကုန်ကြေးကျခံ၊ ကြုံရာ ဒုက္ခကိုသည်းခံ၊ ဒေသ ရိုးရာမတူညီသော အခက်အခဲ၊ တခြားသော အခက်ခဲများ ကိုလည်း ကျော်ဖြတ်ပြီး တစိုက်မတ်မတ် သင့်ရာ ဒေသဖြစ်တဲ့ ထို်င်းနိုင်ငံ ချင်းမိုင်မြို့မှာ ပညာရေးမို့ ရှေ့ဆက် အားခဲနေသည်ကို မြင်တွေ့ရ ဖူးတွေ့ရပါ သည်ဘုရား။

၂၀၁၀-၂၀၁၁ စာသင်နှစ်အတွင်း ဘွဲ့ရသံဃာ(၁)ပါးတည်းဖြစ်သော်လည်း ယခုနှစ်မှာ(၄)ပါး ဖြစ်လာသည့် အတွက် ယခင်နှစ်ထက် ပိုမိုတိုးတက်အောင်မြင်မှုတစ်ရပ်ဖြစ်လာခြင်းကိုလည်း ဂုဏ်ယူဝမ်းမြောက် မဆုံးပါ ဘုရား။ ချင်းမိုင်မြို့ မဟာချုလာလင်ကွန်တက္ကသိုလ်တွင် မြန်မာနိုင်ငံလုံးဆိုင်ရာ ပထမဆုံးကျောင်းသား တစ်ဦးလည်းဖြစ၊် မြန်မာကျောင်းသားရဟန်းတော်များအဖွဲ့ ချင်းမိုင်(mmsa)ကို စတင်ထူထောင်အဖွဲ့ဝင် တစ်ဦးလည်းဖြစ်သူ၊ ဦးဝရသာမိ(B.A Eng) မှာ ၂၀၀၇ ခုနှစ် ထိုင်းနိုင်ငံ ချင်းမိုင်မြို့သို့ စတင်ရောက်ရှိပြီး ဂျုနီယာကျောင်းသားများအတွက် လမ်းကြောင်းပြပေးခဲ့သော သူလည်းဖြစ်သည် ။ သူသည် ချင်းမိုင်မြို့ မဟာချူလာလောင်ကွန်း ဘုရင့် တက္ကသိုလ်သို့ ပညာနို့ရည်သောက်စို့ရန် ခက်ခက်ခဲခဲ စွန့်စွန့်စားစား ကျော်ဖြတ်ရင်း ကြိုးစားနေချိန်မှာ သြစတေလျား နိုင်ငံသား Mr. Lorry mous အကူအညီဖြင့် တက္ကသိုလ် တက်ရောက်နိုင်ခဲံ့ကြောင့် သိရသဖြင့် ဦးဝရသာမိအား အထူးပင်ကြည်ညိုဦးခိုက်မိပါသည်ဘုရား။

စီနီယများသည် ဂျူနီယာများအတွက် ဦးဆောင်လမ်းပြဖြစ်သလို ယခုနှစ်ဘွဲ့ရသံဃာတော်များမှာလည်း နောင်လာမည့် ဂျူနီယာများအတွက် ပညာရေးတံတားပေါ်မှာ အောင်မြင်မှုကိုယ်စီဖြင့် လျှောက်လှမ်းနိုင်ရန် လမ်းကြောင်းများကို ကွက်ကွက်ကွင်းကွင်း ထင်သာမြင်သာ အလင်းရောင်ပေး ခဲ့ပြီ မဟုတ်ပါလား ဘုရား။ ဤပညာရေးတံတားပေါ်တွင် အထိုက်အလျောက် အောင်မြင်မှုကို မြင်နေရပြီးဖြစ်သော အရှင်ဘုရား များ နည်းတူ ဘန်ကောက်၊ ချင်းမိုင်း၊ ဟတ်ယိုင်အစရှိသော အထင်ကရ တက္ကသိုလ်များတွင်လည်း ပညာသင်ယူ နေသော မြန်မာစာသင်သား ရဟန်းပျိုအများအပြားရှိနေကြောင်းလည်း သိရပြန်ပါသည်။ ၄င်း ရဟန်းတော် များမှာ ဆိုင်ရာဆိုင်ရာ ဘွဲ့များအသီးသီး ရရှိလာ ကြပြီး များမကြာခင် ပြည်မြန်မာအရေး အမျိုးဘာသာ သာသနာအရေးကို ကာကွယ်စောင့်ရှောက်လျက် ပြည်သူ့အကျိုးကိုလည်း တဖက်တစ်လမ်းကနေ ကူညီသယ်ပိုး နိုင်သော သာသနာ့ အာဇာနည်များ မုချဧကန် ဖြစ်လာမည်ဟုလည်း စာရေးသူ ယုံကြည်ထားကြောင့် လျှောက်ထားလိုပါသည်ဘုရား။ အရှင်ဘုရားတို့အား ဆက်လက်လျှောက်ထားလိုသည်မှာ ယခုဆိုလျှင် ပြည်မြန်မာ၏ သာသနာတော်မှာ ဘာသာရေးနှင့် နိုင်ငံရေး ရောထွေးရှုပ်ပွေနေပါလား လို့တောင် ထင်မိပါ သည်ဘုရား။ မဟန နှင့် စာသင်သား ရဟန်းပျိုများ၊ သာသနာပြုရဟန်းတော်များ၊ ဓမ္မကထိက ရဟန်းတော်များ၊ ပရဟိတ ပြုလုပ် နေကြသော ဆရာတော်ကြီးများအကြားမှာ ပြည်သူ့ဘက် ရပ်တည်ရဟန်း နှင့် အစိုးရ ဘက်လိုက်ရဟန်း ဟူ၍ နစ်မျိုး နစ်စားဖြစ်နေပြီလား ထင်ရလောက်အောင် အခြေအနေတစ်ရပ်ကို မြင်တွေ့ရ ပါသည်ဘုရား။ လက်ရှိ မဟနမှာ အစိုးရဘက်လိုက်လို့ပဲ ဆိုရမလား၊ အစိုးရအလိုတော်ကျ သံဃာတော်များကို ထိမ်းချုပ်ရန် စည်းကမ်းဘောင် ဥပဒေများကန့်သတ်ပြီး ဘုရားစည်းကမ်းနှင့် မလုံလောက်လို့ များလားတော့ မသိပါဘုရား။ မဟန နှင့် ပူးပေါင်းလျက် အစိုးရက ရဟန်းပျိုများ၊ ပရဟိတဆရာတော်များကို "နိုင်ငံရေးလုပ်သည်၊ သာသနာ့နှင့် မသက်ဆိုင်သော အလုပ်များ လုပ်သည်၊ ပိဋကတ်တော်နှင့် မကိုက်ညီသော နိုင်ငံရေးဆန်သော စကား အသုံးအနှုန်းများကို သုံးနှုန်းပြောဆိုသည်” ဆိုပြီး ပုဒ်မအမျိုးမျိုးတပ် ဖမ်းဆီးထောင်ချ ၊ ထောင်မှ လွတ်လာပြန် သော်လည်း မဟနခွင့်ပြုချက်မပါဘဲ ရဟန်းမဖြစ် သိမ်တက် သိက္ခာထပ်ခွင့်မရသော ဖြစ်ရပ်မျိုးကိုလည်း တွေ့မြင်ရပါသည်ဘုရား။ ၄င်း ရဟန်းတော်များမှာ တကယ်တမ်း ဘုရားဥပဒေနှင့် မညီသလား၊ ဘုရားဥပဒေက မပြည့်စုံလို့လား၊ မဟနက ဘုရားထက် ဝါတော်ကြီး၊ စာလည်းတတ်သလား။ မဟနကပဲ မှန်ကန်ပြီး အမျိုးဘာသာ သာသနာအရေး ယုံကြည်ချက်ဖြင့် စိတ်ပါဝင်စားသော ရဟန်းတော်များ သာ ဘုရားတရားတော် နှင့် လွဲမှားနေသလား။ ပြည်သူများမှာ မည်သို့ မည်ပုံခွဲခြား၊ အမှန်ကို ရွေးချည်၊ ကြည်ညိုလေးစား ထောက်ခံ အားပေးရမလဲ၊ ဆိုသော ပြည်သူ့စကားများကိုလည်း ကြားနေရပါသည်ဘုရား။

မြန်မာနိုင်ငံ ဘာသာရေးကို စာရေးသူ ဥာဏ်မှီသလောက် ရှာဖွယ်လေ့လာကြည့်ရာ အတိုချုပ်ပြောရလျင် တပြည်လုံးအဂ်လိပ်၊ ဂျပန် လက်အောက်ခံ ကိုလိုနီကျွန်ဘဝမှ လွတ်မြောက်ရန်၊မြန်မာနိုင်ငံအတွင်း တည်ငြိမ် အေးချမ်းပြီး တရားမျှတသော ဥပဒေတစ်ရပ် စိုးမိုးနိုင်ရန် အမျိုးဘာသာ သာသနာကို ချစ်မြတ်နိုးသော စိတ်ဖြင့် ဝံသာနု ရက္ခိတ တရားတော်များကို ဆရာတော် ဦး ဥတ္တမ ၊ ဆရာတော် ဦး စိန္တာ အစရှိသော ရဟန်းတော်များ ရှေ့ကနေမားမားမတ်မတ်ရပ်တည်ပြီ်း ပြည်သူများနှင့် တထပ်တည်း လက်တွဲခဲ့ဖူးကြောင့် တွေ့ရသည်။ ၂၀၀၇ နစ် နောက်ပိုင်းမှာလည်း အမျိုးဘာသာ သာသနာ ညိုးငယ်မှာ စိုးကြောက်သည်အတွက် ရခိုင်ဆရာတော် ဦး ပညာစာရ၊ ရွှေညဝါဆရာတော် ဦး ပညာသီဟ၊ ရဟန်းပျိုသမဂ္ဂ ဦး ဂမ္ဘီရ၊ ဦး ဝီရသူ အစရှိသော ရဟန်းတော်များက ပြည်သူများနှင့် တထပ်တည်း ပြည်သူ့ဆန္ဒကို ယုံကြည်ချက်ဖြင့် အကောင်အထည်ဖော် ဆောက်ရွက်နေ သည်ကို စာရေးသူ တွေ့မြင်သိရှိရပါသည်ဘုရား။ ရှေ့ နောက် ယှဉ်ကြည့်မည်ဆိုလျင် ရဟန်းတော်များနှင့် ပြည်သူ့အကြား အချင်းချင်း ရိုင်းပင်းကူည်ီ ပြီး ရေနှင့်ကြာလို ဆရာတကာညီညီညွတ်ညွတ် အပြန်အလှန် အကျိုးသယ်ပိုးရာတွင် ရဟန်းတော်များအနေဖြင့် ရှေ့ဆုံးက လမ်းပြသူ၊ အမှောင်ကိုခွင်း အလင်းကိုပေးသူ၊ အကြောင်း အကျိုး အဆိုး အကောင်းကို သင်ပြဆုံးမသူ၊ ဆရာကောင်းပီပီ ကိုယ်ကျိုးစွန့် အနစ်နာခံသူများ မဟုတ်ပါလား ဘုရား ။ သို့ဖြစ်ပါ၍ အင်ဒိယ၊ သီရိလင်္ကာ၊ ထိုင်း အစရှိသော နိုင်ငံခြားတက္ကသိုလ် အသီးသီးများမှ ဘွဲ့တော်များ ရရှိလာသောအရှင်ဘုရားများနှင့် အရှင်တို့လိုို ရဟန်းပျိုသံဃာများက မြန်မာပြည်၏ အမျိ်ုးဘာသာ သာသနာအရေးကို ဆထက် တပိုးတိုးတက် အောင်မြင်အောင် လုပ်ဆောင်နိုင်မည် ဖြစ်ပါသည်ဘုရား။ စာရေးသူအနေဖြင့် အလှူခံလျှောက် ထားလိုသည်မှာ ကိုယ့်ဘာသာ ကိုယ့်သာသနာ ကိုယ့်လူမျိုးများ မသိမ်ငယ်ရအောင် အတွင်း အပြင် အဓမ္မဝါဒီများကို ဓမ္မစက်ဖြင့် ဖယ်ရှားသုပ်သင်ပြီ ပြည့်သူ့အကျိုးကိုလည်း တစ်ဘက်တစ်လမ်းက ပူးပေါင်းပါဝင်ဆောင်ရွက်တော်မူပါရန် အမျှော်ကြီး မျှော်လင်းလျက် ချင်းမိုင်ဘွဲ့ ရသံဃာများနှင့် ရဟန်းပျိုစာသင်သား သံဃာတော်အပေါင်းတို့အား ရိုသေလေးစားစွာဖြင့် ဦးခိုက် လျှောက်ထား အပ်ပါသည်ဘုရား။


အာရ်လင်းထွဏ်း

မေးလ်သို့ရောက်လာသော ဤပေးစာအား ပြန်ကြားရေးဌာမှတဆင့် အများသိစေရန် တင်ပေးလိုက်သည်။

ပို့စ်တင်သူ ။.............။ younger on Saturday 3 March 2012
ခေါင်းစဉ်အလိုက်ပို့စ်များ

0 ( မှတ်ချက်ရေးချင်ရင် )

အနန္တအတုမရှိ ဗုဒ္ဓမြတ်စွာဘုရား

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

အလှူရှင်များအား MMSA အဖွဲ့မှ မှတ်တမ်းတင်ဂုဏ်ပြုလွှာပေးအပ်

Mahidol University

International Buddhist Collage

မြန်မာ E Books

ထိုင်းနိုင်ငံ ရောက် ရွှေ့ပြောင်း မြန်မာအလုပ်သားမားများအတွက် ပညာရေး အခွင့်အလမ်းများ

MMSA ပရိတ်သတ်များ

ယခင်ပို့စ်အဟောင်းများ

အားပေးနေသော အပေါင်းသင်းများ

International News

တိုင်းရင်းသားသတင်းဌာနများစုစည်းမှု

သတင်းဌာနများစုစည်းမှု

ဘလော့ဂ်များစုစည်းမှု