- Category: မောက္ခနိုင်ငံတကာသတင်း
- Published on Thursday, 12 April 2012 14:37
- Written by ၀င့်ထန်း
- Hits: 325
စင်္ကာပူ အမျိုးသားတက္ကသိုလ် (NUS) က အမေရိကန် ယေးလ် တက္ကသိုလ်နဲ့ တွဲဖက်ပြီး မကြာခင်က (Yale-NUS College) ကို ဖွင့်လှစ်လိုက်ပါတယ်။ ဒါဟာ စင်္ကာပူမှာ လွတ်လပ်မှုရှိတဲ့ ပထမဆုံး liberal arts ကောလိပ် ဖြစ်လာပါတယ်။
အမှန်အားဖြင့် ပညာရေးလုပ်ငန်းတွေဆိုတာ လွတ်လပ်မှု အပြည့်အ၀ ရှိရပါမယ်။ သုတေသန လွတ်လွတ်လပ်လပ် လုပ်ခွင့်ပေးရမှာဖြစ်ပြီး ထွက်လာတဲ့ စာတမ်းတွေက အစိုးရမူဝါဒတွေကို လိုအပ်ရင် ပွင့်ပွင့်လင်း ဝေဖန်ထောက်ပြရပါမယ်။ ဒါပေမဲ့ စင်္ကာပူဟာ အာဏာရှင်တစ်ပိုင်း နိုင်ငံဖြစ်တာမို့ ပညာရေးမှာ အကန့်အသတ်တွေ ရှိပါတယ်။
အခု စင်္ကာပူမှာ ဖွင့်တဲ့ ယေးလ်တက္ကသိုလ်ဟာ ပညာရေးလွတ်လပ်မှု အပြည့်အ၀ ရနိုင်ပါ့မလားဆိုတာ အနောက်နိုင်ငံ ပညာရှင်တွေအကြားမှာ အငြင်းပွားနေပါတယ်။ အဲဒီအပေါ် CNN နဲ့ တိုင်းမဂ္ဂဇင်း အယ်ဒီတာ ဖားရဒ် ဇာကာရီးယား ကတော့ သူ့အမြင်ကို အောက်ပါအတိုင်း ပြောပါတယ်။
______________
စင်္ကာပူဟာ လစ်ဘရယ်ဒီမိုကရေစီနိုင်ငံ မဟုတ်ပါဘူး။ ဒါပေမဲ့ အနောက် ဒီမိုကရေစီနိုင်ငံကြီးတွေ ဖြတ်သန်းခဲ့ရတဲ့ ဖွံ့ဖြိုးမှုလမ်းကြောင်း အစဦးပုံစံနဲ့ သိပ်မကွာခြားပါဘူး။ အနောက်နိုင်ငံတွေလည်း ယခုအနေအထားကို ရောက်ရှိဖို့ ဖွံ့ဖြိုးမှုအဆင့်ဆင့်နဲ့ ဖြတ်သန်းခဲ့ရပါတယ်။ 
အခု စင်္ကာပူဟာ ကမ္ဘာကြီးအတွက် တံခါးဖွင့်ထားတယ်၊ လွတ်လပ်တဲ့ ဈေးကွက်ကို ထွေးဖက်ထားတယ်။ ကမ္ဘာမှာ အဂတိလိုက်စားမှု အနည်းဆုံးနိုင်ငံအဖြစ် အမြဲသတ်မှတ်ခံရပါတယ်။ ပြီးခဲ့တဲ့ ဆယ်နှစ်ကိုကြည့်ရင် တံခါးပိုဖွင့်လာတာ တွေ့ရတယ်။
အဲဒီတံခါးဖွင့်ဖြစ်စဉ်ကို ပိုမိုတိုးမြှင့်နိုင်ရေးအတွက် စင်္ကာပူက liberal arts ကောလိပ်ကို ဖန်တီးဖို့ ယေးလ်တက္ကသိုလ်ကို ဖိတ်ခေါ်လိုက်တာ ဖြစ်တယ်။ တက္ကသိုလ်နှစ်ခု ပူးတွဲမှုနောက်မှာ အသွင်သဏ္ဍန်မတူတဲ့ ကျောင်းသားတွေ၊ ပညာရပ်ဌာနတွေ၊ ပြင်ပဆရာတွေနဲ့ ဒေသခံဆရာတွေကြား အမြင်ကွဲပြားခြားနားမှုတွေ ရှိလာနိုင်ပါတယ်။
ဒါပေမဲ့ အဲဒီအခြေအနေတွေကပဲ စင်္ကာပူဟာ ဒီမိုကရေစီနဲ့ လစ်ဘရယ်လစ်ဇင် အကြောင်းအရာတွေကို တပွန်းတနှီး ထိတွေ့ ဆက်ဆံလာမယ့် အာရှရဲ့ စံပြနေရာ ဖြစ်လာနိုင်ပါတယ်။ နောက် ဒီမိုကရေစီနဲ့ ပတ်သက်တဲ့ ဆွေးနွေးပွဲတွေက ယေးလ်မှာထက် စင်္ကာပူမှာ ပိုမြိုင်ဆိုင်လာမယ်လို့ ကျနော် ထင်ပါတယ်။ ဘာကြောင့်လဲဆိုတော့ စင်္ကာပူမှာ ထိပ်ပိုင်းရာထူးကြီးကြီး ယူမယ့်သူတွေဟာ အနောက်တက္ကသိုလ်တွေကနေ ပညာဆည်းပူးထားသူတွေ ဖြစ်လာမှာကြောင့်ပါပဲ။
စင်္ကာပူဟာ အမေရိကန်ပြည်ထောင်စုကနေ သင်ယူစရာ အများကြီးရှိပါတယ်။ NUS တက္ကသိုလ်ကလည်း ယေးလ်တက္ကသိုလ် ဆီကနေ သင်ယူစရာ အများကြီးရှိပါတယ်။ ဒါကြောင့် သူတို့ဟာ ကျနော်တို့အမေရိကန်တွေနဲ့ ပူးပေါင်းဆောင်ရွက်ဖို့ လိုပါတယ်။ လစ်ဘရယ်နဲ့ စိတ်တံခါးဖွင့် ပညာရေးဖြစ်တဲ့အတွက် အမေရိကန်တွေလည်း စင်္ကာပူဆီက တစ်စုံတစ်ရာ သင်ယူစရာရှိမှာပါပဲ။
နောက်ဆုံး ယေလ်းတက္ကသိုလ်နဲ့ စင်္ကာပူအမျိုးသားတက္ကသိုလ်တို့ ပူးပေါင်းပြီး ဂလိုဘယ်လွှမ်းခြုံနေတဲ့ ကမ္ဘာကြီးရဲ့ ပညာရေးအတွက် စဉ်းစားတွေးတောနိုင်မယ့် နည်းလမ်းအသစ်တွေ သင်ကြားပေးနိုင်မှာ ဖြစ်ပါတယ်။
Source: CNN; A global education for a global age
0 ( မှတ်ချက်ရေးချင်ရင် )