Myanmar Monk Student Association

ခန့်စည်သူက ‘ကိုယ်ပျောက်ချစ်သူ’ဆို တဲ့ ဒီဗီဒီဇာတ်ကားကို ရိုက်ကူးနေပါတယ်။ အန်နီမေးရှင်းနဲ့ ကိုယ်ပျောက်အဖြစ် ဖန်တီးရိုက်ကူးတာဖြစ်ပြီး အရင်တုန်းကလည်း “ဆက်ရန်ရှိသေးသည်”နဲ့ “နတ်မျက်စိ”ဆိုတဲ့ ဇာတ်ကားတွေလည်း ရိုက်ဖူးတယ်လို့ ပြောပါတယ်။ ပရိသတ်အတွက် အထူးအဆန်းလည်း ဖြစ်စေပြီး အန်နီမေးရှင်း၊ 3D တွေကို တအားစိတ်ဝင်စားလို့ ရိုက်ဖြစ်တာလို့ ခန့်စည်သူက ပြောပြပါတယ်။ ဒီလိုဇာတ်ကားမျိုးက သာမန်ဇာတ်ကားတွေထက် ရိုက်ကူးမှု၊ကားဆက်မှုတွေ ပိုကြာ တတ်ပြီး ပရိုဂျူဆာရဲ့ စိတ်ရှည်မှု၊ သဘောထားကြီးမှု၊ အကုန်အကျခံနိုင်မှုပေါ်လည်း မူတည်တယ်လို့ ဆိုပါတယ်။ သာမန် ချစ်၊ကွဲ၊ညား၊ဒရာမာ၊ ဟာသတို့ထက် နည်းနည်း လိုင်းကွဲသွားနိုင်တယ်လို့လည်း ပြောပါတယ်။
ခန့်စည်သူကပြည်ထောင်စုသမ္မတမြန်မာ နိုင်ငံတော်၊ နိုင်ငံတော် သမ္မတရုံး၊အမိန့် ကြော်ငြာစာအမှတ် ၁/၂ဝ၁၂ အရ သီဟသုဓမ္မ မဏိဇောတဓရ ဘွဲ့တံဆိပ်ကို ချီးမြှင့်ခံရ တယ် လို့ သိရပါတယ်။ ခန့်စည်သူက သုဓမ္မမဏိဇောတဓရဘွဲ့တံဆိပ်ကို ၂ဝဝ၈ ခုနှစ်က ရရှိခဲ့တာဖြစ်ပြီး အခု ၂ဝ၁၂ခုနှစ်မှာ သီဟသုဓမ္မမဏိဇောတဓရဘွဲ့ကို ထပ်မံရ ရှိတာဖြစ်ပါတယ်။
”ဘာသာ၊သာသနာကို တစ်ဖက်တစ်လမ်းက ထောက်ပံ့လို့ရတဲ့ဘွဲ့ပါ။ အခုက ဘာသာရေးအပြင် လူမှုရေးအပိုင်းကို ပိုလုပ်ဖြစ်တယ်။ ဘာသာရေးအပိုင်းကလည်း အမြဲ တမ်း လုပ်သင့်လုပ်ထိုက်လို့ လုပ်တာပါ။ လူမှုရေးကလည်း မဖြစ်မနေလုပ်ရမယ့် အပိုင်းဖြစ်လို့ လုပ်နေပါတယ်။ အခု လူမှုရေးအပိုင်းမှာ “မတ္တာင်္သင်္ဂဟ”အဖွဲ့နဲ့ စုစုစည်း စည်း၊ သွားကြ၊လှူကြတာ ပီတိလည်းဖြစ်တယ်။ ကိုယ့်ရှေ့မှာရှိနေတဲ့ မကျန်းမာသူတွေ၊ ဒုက္ခရောက်နေတဲ့သူတွေက ကိုယ်တွေရောက်သွားတဲ့အချိန်မှာ ခဏတာ စိတ် ချမ်းသာတာကို တွေ့ရတယ်”လို့ ခန့်စည်သူက ပြောပြပါတယ်။
မေမွန်မောင်