ရွှေရည်စောမြင့်
အတွဲ ၃၀ ၊ အမှတ် ၅၈၉ ( ၅ - ၁၁ ၊ ၁၀ ၊ ၂၀၁၂)
အတွဲ ၃၀ ၊ အမှတ် ၅၈၉ ( ၅ - ၁၁ ၊ ၁၀ ၊ ၂၀၁၂)
"ရန်ကုန် စိတ်ကျန်းမာရေးအထူးကု ဆေးရုံကြီးမှာ ဆေးရုံရောက်လာတဲ့ လူနာတစ်ဝက်ကျော်ဟာ အရက်ကြောင့် စိတ်ရောဂါဝေဒနာ ဖြစ်တဲ့သူတွေပါ" ဟု ၎င်းက ပြောသည်။
ရန်ကုန် စိတ်ကျန်းမာရေးအထူးကု ဆေးရုံကြီးတွင် လာရောက်ကုသသည့် လူနာအရေအတွက်မှာ ယခုနှစ်တွင် ၁,၀၀၀ ကျော်ခန့်ရှိပြီး ယခင်နှစ်က ၉၀၀ ခန့်ရှိသည်ဟု ရန်ကုန်စိတ်ကျန်းမာရေး အထူးကုဆေးရုံကြီးမှ ဆေးရုံအုပ်ကြီး ဒေါက်တာကျော်စိုးက ပြောသည်။
အရက်စွဲနေသူများ၏ ၃၇ ရာခိုင်နှုန်း သည် စိတ်ရောဂါတစ်မျိုးမျိုးကို ခံစားနေ ရသည်ကို တွေ့ရှိရပြီး အရက်စွဲရောဂါ ဖြစ်ပွားနေသူ သုံးဦးတွင် တစ်ဦးမှာ စိတ် ရောဂါ ပူးတွဲလျက်ရှိကြောင်း ဒေါက်တာ ဂျော်ထက်ဒိုးက ပြောသည်။
"အရက်ကိုမသုံးစွဲဘဲ မနေနိုင်အောင် အရက်စွဲရောဂါကို ဆိုးဆိုးဝါးဝါးခံစား နေရသောသူများသည် ထပ်ဆင့် စိတ် ရောဂါကို ခံစား လာနိုင်ပြီး ဥပမာအား ဖြင့် စိတ်ဓာတ်အလွန်အမင်းကျဆင်းပြီး မိမိကိုယ်မိမိ အဆုံးစီရင်လိုစိတ် ဖြစ်ပေါ် လာခြင်း၊ ဒေါသပေါက်ကွဲ တတ်လာခြင်း၊ နားထဲတွင် ဆိုးဝါးသော အသံများ စသည့် စိတ်ရောဂါများ ခံစားရတတ်ကြောင်း ၎င်းက ပြောသည်။
လူငယ်များအနေဖြင့် အကြောင်းအမျိုးမျိုးကြောင့် အရက်ကို စမ်းသပ် သောက်သုံးခြင်း ပြုလုပ်တတ်ရာမှ အချိန်ကာလကြာမြင့်လာပြီး လူကြီးဘ၀သို့ ၀င်ရောက်ချိန်တွင် ဆေး၊ အရက် သုံးစွဲခြင်းဒဏ်ကြောင့် စိတ်ရောဂါများ စသည်တို့သည် နောက်ဆက်တွဲရောဂါအဖြစ် ဖြစ်လာနိုင်သည်ဟု ၎င်းကဆိုသည်။
အရက်သောက်ခြင်းကြောင့် ဒုက္ခ ရောက်သူဦးရေမှာ ဖွံ့ဖြိုးဆဲနိုင်ငံများတွင် တိုးပွားလျက်ရှိနေကြောင်း ကမ္ဘာ့ကျန်း မာရေးအဖွဲ့ ၏ ၂၀၁၁ တွေ့ရှိချက်တွင် ဖော်ပြထားသည်။ ၎င်း၏တွေ့ရှိချက် အရက်စွဲနေသူများသည် အရက်မစွဲသူ များထက် ပုံမှန် ၁၀ နှစ်စောပြီး သေကြ သည်ဟု ဖော်ပြထားသည်။
မြန်မာနိုင်ငံတွင်လည်း လူမှုရေး၊ စီးပွား ရေး အခြေအနေကြောင့် မိမိကိုယ်မိမိ အဆုံးစီရင်မှုများလာပြီး မိမိကိုယ်မိမိ အဆုံးစီရင်မှုများ ထဲတွင် အရက်နှင့် မူးယစ်ဆေးဝါးသုံးစွဲမှုကြောင့် စိတ်ကျ ရောဂါနှင့် စိတ်ကစဥ့်ကလျားဖြစ်ခြင်း ကြောင့်လည်း ပါဝင်ကြောင်း ရန်ကုန် တိုင်းဒေသကြီး ရဲတပ်ဖွဲ့မှုခင်း မှတ်တမ်း ဌာနတာဝန်ရှိသူတစ်ဦးက ပြောသည်။
"မိမိကိုယ်မိမိ အဆုံးစီရင်မှုတွေက မနှစ်က အမှု ၄၀ ကနေ အခုနှစ်မှာ အမှု ပေါင်း ၆၀ ကျော်ရှိပါတယ်။ သေဆုံးသူ အများစုဟာ အသက် ၃၀ မှ ၅၀ ကြား ဖြစ်ပြီး အမျိုးသား ၆၀ ရာခိုင်နှုန်းနဲ့ အမျိုး သမီး ၄၀ ရာခိုင်နှုန်း ရှိပါတယ်"ဟု ၎င်းက ပြောသည်။
ထို့ပြင် အရက်အလွန်အကျွံသောက် သုံးမှုနှင့်ပတ်သက်သည့် ပြဿနာများ ကြောင့် ကမ္ဘာပေါ်တွင် နှစ်စဉ် လူပေါင်း ၂ ဒသမ ၅ သန်း သေဆုံးနေရပြီး အရက်ကြောင့် သေဆုံးသည့် အသက် ၁၅ နှစ်မှ ၁၉ နှစ်ကြား လူငယ်အရေအတွက်မှာ သုံးသိန်းနှစ်သောင်းရှိသည်ဟု သိရသည်။
0 ( မှတ်ချက်ရေးချင်ရင် )